تجمع فريق العزيمه لنزول 30 كيلوفي 3 شهور الجزء التاسع عشر

[ام ملك وادهم]

ما شاء الله تبارك الله

بتعاونكم والتزامكم بنفتتح الجزءالتاسع عشر بحمد الله واتمنى من الله ان يكون هذا الجزء اكثر نشاطا ويشهد التزاما اكثر منا جميعا

ومرحبا باي اخت تنضم للفريق فقد فتحت هذا الفريق لنلتقي فيه اخوات في الله لديناهدف واحد وهو دخول العام الجديد باذن الله وقد تخلصنا من سمنتنا واستعدنا رشاقتنا وثقتنا بانفسنا

ولولا تشجيعكن وانضمامكن والتزامكن ما استمر الموضوع حتى الان

ولمن تريد الاستفاده

رابط الجزء الاول,رابط الجزء الثاني,رابط الجزء الثالث,رابط الجزء الرابع ,رابط الجزء الخامس ,رابط الجزء السادس ,رابط الجزء السابع ,رابط الجزء الثامن,رابط الجزء التاسع ,رابط الجزء العاشر ,رابط الجزء الحادي عشر ,رابط الجزء الثاني عشر ,رابط الجزء الثالث عشر ,رابط الجزء الرابع عشر ,رابط الجزء الخامس عشر ,رابط الجزء السادس عشر ,رابط الجزء السابع عشر , رابط الجزء الثامن عشر

ولمن تريد الانضمام للفريق عليها الالتزام بالتالي

اول مره كتابه الوزن والطول والوزن المطلوب

الدخول يوميا لكتابه اليوميات

الميزان يوم الجمعه من كل اسبوع باذن الله

القوانين الجديده للفريق

1- الالتزام التام بكتابه اليوميات وكل عضوه تتخلف عن كتابه اليوميات لمده 3 ايام تخرج من المنافسه على لقب رشيقه الاسبوع الا باعذار مقبوله (( انقطاع الانترنت - المرض لا قدر الله )) وفي حاله السفر يرجى الابلاغ قبلها

2- تلتزم كل عضوه بوضع شعار الفريق في توقيعها



3- اكثر عضوه تفقد اكبر نسبه من وزنها تحصل على لقب رشيقه الاسبوع وتضعه في توقيعها لمده اسبوع كامل



4- اكثر عضوه تفقد اكبر نسبه من وزنها في نهايه الشهر تحصل على لقب رشيقه الشهر وتضعه في توقيعها لمده شهر كامل



5- اكثر عضوه تقف بجانب اخواتها وتشجعهن وتكون خير اخت لهن تحصل على شعار دره الفريق ومن تحصل عليه مرتين خلال شهر واحد تتولى اداره الفريق نيابه عني في الشهر اللذي يليه



6- العضوه التي لا تلتزم بالريجيم وتلخبط خلال الاسبوع تحصل على شعار ضعيفه الاسبوع ومن تحصل عليه مرتين خلال شهر واحد تحرم من التنافس على لقب رشيقه الاسبوع الشهر الذي يليه (وتذكري ان الله يراقبنا فلا داعي للكذب )



7- العضوه التي تتولى اداره الفريق تخرج من المنافسه على القاب (رشيقه الاسبوع - رشيقه الشهر - دره الفريق)

8- يجب التاكد من ان هذه القوانين وضعت للالتزام وان هدفنا جميعا هو الوصول لحلم الرشاقه وان يكون فريقنا هو احسن فريق في المنتدى

9- يبدا العمل بهذه القوانين بدايه من تاريخ 30-11-2009

ويجب ان يكون شعارنا جميعا هو

لذه الاكل لحظات ولذه الرشاقه سنوات

مع تمنياتي بالرشاقه والصحه للجميع

[ام ملك وادهم]

شكر خاص للاخت ام ياسين لانها هي اللي علمتني طريقه اختصار اللينكات

جزاها الله كل خير

والله انا مش عارفه اشكرها على ايه ولا ايه

ربنا يجعله في ميزان حسناتها

[ام ملك وادهم]

اما عن يومياتي

الافطار المعتاد نسكافيه بالحليب من غر سكر

الغداء كوسه في الفرن بدون سمن او زيت فقط بالطماطم والماء

العشاء يوسفي وتفاح وعصير برتقال بيور بدون سكر

الماء لتر

الرياضه نصف ساعه على الاوربت تراك

[صيف بلا شمس]

صباح النور يا حلوين
مبروك الجزء الجديد
وسوري علا الغياب
بس الرجيم معدوم من فترا وبنقل لبين جديد وحايسا بنقله بزمه
انتو اخباركم اي
ام ملك وادهمالله يديكي العافيه وقمر وشمس ونجمين
وهالا وكل البنات
اخباركم اي
وحشتوني كلكم
بس حوستي غريبه مع النقلا
انشالله حخلص وارجع معاكم من تاني
وزني زاد كيلو مع الخبطا مني فاضيه اسوي ااكل حميه ومعتمدا علا الفاست فود وهو الي عاملي ازمه
انشالله بس اخلص من الدوشا والترترتييب ارجع معاكم تاني
مبسوطه لاني اول وحا ترد بي الجزء الجديد

[صيف بلا شمس]

ام ملك واهم يومك ماشاءلله ممتاز استمري

وبصراحه قد ما شكرناكي علا مجهودك ما حنديكي حقك اتمنا توصلي للوزن المثالي بصحه وعافييه
تحياتي
ويسعد صباحك
انا يومياتي اليوم ازمه
امس الفطور 2 بيض مسلوق وبرتقاله وكوب شي بحليب بسكر دايت
الغدا زبديت قمح
العشا لا يوجد
اليوم الفطور
ربع عيش اسمر مع زيتونتيين
وقهوا
والله يستر من الي جي
بحاول التزم بس الله يقويينا

[azmiralda000]

شكر خاص للاخت ام ياسين لانها هي اللي علمتني طريقه اختصار اللينكات

جزاها الله كل خير

والله انا مش عارفه اشكرها على ايه ولا ايه

ربنا يجعله في ميزان حسناتها

ايه يا ساسو الكلام ده بس
تشكرينى على ايه
و الله انتى بتحرجينى جدااااااااااا
ربنا يديم المحبة يارب


انتى عارفة ايه اللى خلانى اعك امبارح
بصى يا ستى المفروض ان انا بدأت الرجيم من يوم التلات
لما وزنت الجمعة الصبح لقيت وزنى نزل 2 كيلو
يعنى تلات و اربع و خميس نزلت 2 كيلو
جيت بقى وزنت امبارح لقيت الوزن زايد 400 جرام
يعنى جمعة و سبت و حد زاد حوالى نص كيلو
ف اتغاظت جدااااااااااا و عكيت
مع انى و الله قبلها ما عكتش
ما اعرفش ايه اللى زودنى
عموما انا قررت تلات و اربع و خميس ان شاء الله الغى النشويات خاااااااالص
يعنى و لا 4 معالق رز و 3 معالق مكرونة و لا حتى تمن رغيف
ربنا يسهل

[azmiralda000]

اولا مبرووووووك الجزء الجديد و عقبال ال 100
بس ساعتها هنكتب فريق العزيمة للمحافظة على الرشاقة ياااااااااااااااارب

ام ادهم برافو عليكى يومياتك ممتازة ما شاء الله
ربنا يقوى و يثبت عزيمتك و ينزل وزنك

صيف بلا شمس حمدلله ع السلامة
مبروك البيت الجديد
ربنا يجعله فتحة خير عليكم يارب

اثينا كان عندى نفس فضول ام ادهم
كنت عايزة اعرف تقوى بتتغدى لوحدها ليه
بس فهمت خلاص
بس حرام و الله 4ونص متاخر اوى
كل دى مدرسة ليه؟ هى عندها اد ايه؟
شكرا لاجابتك على سؤال البقوليات
و بسرعة فين الكيكة بدون بيض عشان لوسى

لوسى بتضحكى علينا و تقولى بنعمل فتة و صوانى
اومال فين الديك الرومى
و لا خايفة ناكل منه حتة
عموما وراكى وراكى لغاية ما ناكله كله
وبعدين يا جميل حوالى تعملى شوية خضار مع معلقتين رز

aboora1983 اهلا بيكى معانا

ام مهند فينك يا جميل مش باينة ليه
شكلك عكيتى و بوظتى الدايت و مكسوفة تورى وشك لسلمى

سردينة يارب تكون رحلة سعيدة ياااااااااااارب

غدغودة اى خدمة يا جميل شوفى انتى بتحبى ايه تانى بس و قوليلى و انا اعملك ليه وصفة دايت
حتى لو كان ديك رومى هخليهولك دايت برضو (ايوه الديك الرومى بتاع لوسى بتاع العيد هسرقه و اكله انا و انتى بس اوعى تقولى لحد )


روبى اززيك ربنا معاكى يا جميل و ان شاء الله الدكتور يفرحك
ابقى طمنينا

قمر و شمس وحشتينا ربنا معاكى

dstrawberry ربنا معاكى و يخليلك بنتك ياااااااارب
انا شخصيا ماشية على النظام السعرات


هالة

الغدا / ستيك و سلطة خضرا +1 عصير برتقال فرش

ده بس طول اليوم ده انتحار
طب كلى على الاقل الفطار تفاحة و العشا برتقالة او زبادى
انتى لسا صغننة ما تضعفيش جسمك بدرى

ام هاجر ايه اخبار الدراسة
ربنا معاكى و الله الاهل هما اللى بيدرسوا اكترمن الولاد
و بعدين مش عجباكى الكيكة ده الدكتور فاروق شاهين بيدى نظام الفطار فيه جاتوه او مولتو او كرواسون او باتيه
شوفتى الهنا

ام حازم و الله يا جميل انا سالت زومى و بباه بس انتى ما اخدتيش بالك
و قللتك تسالى الدكتور بتاع البرنامج على حاجات بس برضو ما اخدتيش بالك
ركزى يا جميل اللى واخد عقلك

نفسى اتغير ربنا معاكى و توصلى لهدفك ان شاء الله

مس رجيم هنكتب اليوميات بالاحمر عشان يبقى سهل تلاقيها

مروة ايه اخبار دايت جوزك طمنينى
اديتلو الصدمة و قولتيله على سعر القلاية
انا قلت لجوزى قالى ممكن اجيبهالك و تكون دى هدية عيدميلادك و عيد جوازنا و عيد الام و راس السنة العيد الصغير و الكبير


كرستالة فينك يا جميل مش بتيجى ليه
سبتينا و لا ايه

yaralemoo حمدلله ع السلامة

مولاتى فينك يا جميل ايه اخبارك

بحبكم كلكم

[azmiralda000]

أكلات لايت و رجيمات

اتفضلوا يا بنات دى بعض الاكلات اللى تنفع مع رجيم السعرات



المسقعة
اللحمة المفرومة
نخلطها مع بصل و توم مفرومين و ملح و فلفل و رشة قرفة و نشوحها و نوطى النار لغاية ما تستوى
نضيف لها صلصة و ميه

البتنجان
ندهنه زيت بالفرشاة و نشوية فى الفرن

نرص البتنجان فى الصينية و نصب عليه اللحمة المفرومة بالصلصة
ياخد غلوة على النار
او نسويها فى الفرن



الفراخ
نتبل الصدور المخلية بملح و فلفل و زبادى و مستردة و خل ليمون
نشويها فى الفرن او على النار من فوق مع بخة زيت

او ممكن نعملها بالبيض و البقسماط و نرشها ببخاخ الزيت و نحطها فى الفرن و تبقى بانيه قليل السعرات
ممكن نعمل نفس الطريقة مع السمك الفيليه
الطريقة دى عرفتها من المشرفة لبنان و حبايبه

اى فراخ ممكن نتبلها ببصلة مبشورة و ملح و فلفل و خل
و نشويها بدون اى دهون

او ممكن نفس التتبيلة و نزود ليمون و سماق
و برضو نشويها فى الفرن



الخضار
نشوح البصلة بمعلقة صغيرة زيت زيتون
نضيف اللحمة و نشوحها
نضيف لها ميه و نسيبها تغلى
نحط الخضار و الصلصة (كوسة,فاصوليا,بامية)

او التورلى نقطع كل الخضار و معاه مشروم طازة و انا بضيف بتنجان و ندعكهم ببصلة مفرومة و ملح و فلفل و ممكن توم و زنجبيل
نضيف الصلصة بعد ما ندوبها فى ميه
تاخد غلوة على النار و نكمل تسويتها فى الفرن



و كمان جبتلكم الوصفة دى عجبتنى برضو للمشرفة لبنان و حبايبه
لفائف الدجاج بالخضار

http://www.lakii.com/vb/showthread.php?t=536029

و هنا لقيت بعض الرجيمات فى موقع حلوة مكتوب فقلت اجيبه يمكن تنفعكم



ريجيم ال 600 سعر حراري
الفطور عبارة عن 150 سعرة حرارية:

-شريحة جبن ابيض خالي الدسم+1 توست اسمر+حلقات طماطم وخيار+شاي او قهوة بدون سكر اوسكر الرجيم
أو- بيضة مسلوقة+1 توست اسمر+شاي او قهوة بدون سكر او سكر الرجيم
أو - 2ملعقة أكل فول بدون زيت ويمكن اضافة الطماطم والتوابل والحامض+1 توست اسمر+ شاي او قهوة
أو - شريحة مرتديلا+1 توست اسمر+حلقات طماطم وخيار+شاي او قهوة
أو - 1 حبة مقانق مشوي او مسلوق+1 توست اسمر+شاي او قهوة


الغداء عبارة عن 250 سعرة حرارية:
- طبق سلطة خضراء بدون زيت+ شريحة لحم+ربع خبز بر
أو- طبق سلطة خضراء بدون زيت +صدر دجاج مشوي بدون جلد+ريع خبز بر
أو- طبق سلطة خضراء بدون زيت +بقدر حجم الكف سمك مشوي+ريع خبز بر


العشاء عبارة عن 200 سعرة حرارية:
- بيضة مع حبة طماطم وبصل تقلى بدون زيت +سلطة طماطم وخيار+نص رغيف خبز بر
- 2 ملعقة أكل جبن ابيض قليل الدسم +سلطة طماطم وخيار+نص رغيف خبز بر
- 1 اصبع مقانق مسلوق او مشوي +سلطة خضراء+نص رغيف خبز بر
- شريحة مرتديلا+2 توست+ حلقات بصل وطماطم
- نص علبة تونة مصفاة من الزيت+ نص خبز بر+ +سلطة طماطم وخيار
كوب زبادي قليل الدسم+2 توست بر+ حلقات خيار
وطبعا ممكن شاي او قهوة بدون سكر او بسكر الرجيم في اي وقت
المفروض ينزل بالاسبوع 2 او 3 كيلو واذا تسويه مع مشي او رياضة بعد احسن طبعا



رجيم عذاري ...انحفي 15 كيلو في 20 يوم
السبت :

الافطار : جبنة قليلة الدسم 100 جم + توست + شاي أقهوة

الغداء : 2/1 دجاجة مشوية + سلطة خضراء + خضار مسلوقة .. ( الخضار تجي مجمدة في أكياس بس أسلقيها )

العشاء : كوب كبير عصير برتقال + علبة زبادي قليل الدسم


الأحد:

الأفطار . 2 بيضة مسلوقة مع شاي (

الغداء : سمكة مشوية كبيرة + صحن سلطة خضراء ..

العشاء : شابورة ( طبعاً بر ) مع قطعة جبنة مع شاي أو قهوة

الاثنين :

الافطار . بيضة مسلوقة + برتقاله + شاي أو قهوة

الغداء : لحم مشوي غير محدود الكمية مع حبة طماطم أو خيار.

العشاء : كوب حليب قليل الدسم ويفضل منزوع + شابورة بر..


الثلاثاء :

الافطار: شريحة جبنة قليله الدسم + توست ( بريد بر ) + شاي أقهوة .

الغداء : نوع واح من الفاكهة ...

العشاء : لبن قليل الدسم مع توست ( بريد بر )

الاربعاء :

الافطار . 7 حبات تمر مع قهوة

الغداء: دجاج مشوي بدون جلد غير محدود الكمية .

العشاء : 3 بيضات مسلوقات مع توست

الخميس:

الافطار : مفتوح

الغداء: مفتوح

العشاء : مفتوح

الجمعة :

الافطار . جبن قليل الدسم + 2/1 خبزة + عصير برتقال ...

الغداء : لحم مشوي غير محدود الكمية ( أستبدلية بدجاج اذا تبين ) + لبن قليل الدسم ويفضل منزوع ....

العشاء : مفتوح.


ملاحظة :
مفتوح تعني اختيار أي وجبة مما سبق في الريجيم
واذا حسيتي بالجوع مررة بين الوجبات كلي تفاحة ..
ممكن استخدام سكر الخاص بالرجيم
يكرر الاسبوع لمد 3 اسابيع هذا النظام يخس الشخص 15 كيلو في 20 يوم ولكن بحسب نوع الجسم يعني اذا كني اول مرة تتبعي رجيم راح تنزلي

[ليدي من مصر]

صباح الخير علي الكل ..
ام يسو القمر .. شكرا لسؤالك و معلش لو كان تاه مني .. و السعرات انا هاتصل بيه يوم الخميس اللي جاي و اساله ان شاء الله .
بيرو 1983 اهلا بيكي معانا و شدي حيلك
سلومه, هاله , اثينا , لوسي , ام هاجر , صيف بلا شمس , غاده , روبي , مروه , ميس ريجيم , مولاتي , كرستاله , نفسي اتغير , يارا , فراوله ,,و باعتذر لو نسيت حد صباح الخير عليكم و ربنا يثبتا علي الريجيم

يومياتي امبارح :
الفطار : نسكافيه باللبن من غير سكر
الساعة 2: تفاحه
الساعة 5: 3 ملاعق كوسه بدون سمن و معاها قطعة لحمه صغير (علشان آخد الدوا بس و الله)
الساعة 8 مش عارفه كان غدا ولا عشا : 1 سمكه بوري 600 جرام مشوية سنجاري و حته صغيره من قلب قطعه فيليه و حوالي 1/3 رغيف بلدي و اخدت برضه حباية كويك سليم (اوليستات).
الساعة 12 اكلت زبادي علشان آخد المسكن برضه اصل عندي التهاب في اللثة بآخد له ديوروسيف مضاد حيوي و كتافلام مسكن و الاتنين جامدين قوي علي المعده

النهارده:
الفطار 1 تفاحه و كمان شوية هاشرب نسكافيه ان شاء الله بس لما اللثه تهدي شوية
الغدا ها يكون اما كبده مشويه او نص رغيف حواوشي من غير زيت ان شاء الله
العشا مش عارفه بس غالبا زبادي

معلش يا جماعه انا باعتذر عن المتابعه معاكم النهارده علشان المدير المباشر بتاعي والدته توفاها الله .. و انا نفسيتي تعبانه و كمان كل زمايلي رايحين الجنازة فا القسم ها يبقي فاضي الا مني انا وواحده زميلتي يعني 2 ها يقوموا بشغل 15 واحد الله المستعان...

[healthy]

أستغفر اللهالذي لا إله إلا هو
الحيالقيوم وأتوبإليه

السلام عليكم ورحمته وبركاته ازاى جميع البنات
سلمى(ام ادهم)
شكر خاص لام ادهوم هامسحها فيكى مع انى مستخسرا الهدوم الحلوا دى

azmiralda000
عامل سيسو ايه هند انا بحبك جدا والله وكان نفسى بس ابقى ع بالك شويه منمنمه زى مانت ع بالى قوى ادى الحكايه طلب الصداقه لسه شايفاه وماعرفش اطلبها ازاى اعذرو جهلى الشديد ف هذه الامور طول عمر الواحد كافى وشه ع الكتاب ومالوش ف حاجه ابدا اكل<احش>وذاكر ولو عايزه احصل اكتر اكل اكتر يا سيدى ياسيدى ماما هاتتخنى يابنتى مش مهم
اختى رحمها الله مش هتعرفى تلبسى يا شيماء مالكمش دعوه هوا جسمى ولا جسمك يا قمر وهكذا الواحد ياريتو قفل بقو من زمان
قدر الله وماشاء فعل
ام حازم اليدى اللى اكيد هى ليدى جميله
<أسال الله العظيم رب العرش العظيم >ان يشفيه ماتقلقيش بعد ما الدور يمشى الكحه بتقعد عند الطفل حوالى اسبوع او اكتر بعدها
دينا سردينا
عامله ايه يا عسل تيجى باسلامه
أتينا بنوتاتك عاملين ايه
هاله شدى الهمه
ام هاجر تسلمى باحبيبتىيا دره
لوسى
شكرا لزوقك ياقمر ودمك الشربات اوعى تيجى من العيد تخنانه
قمر و شمس و قمرين
انت رايحه فين لاء ماتسيبيناش ارجوكى ماطوليش
باصاحبه الكلام الرائع
مولاتى عرشك فى خطر
S.Amro انت فين يا دكتوره
الفطار لمون كمون جنزبيل قرفه بدايت سويت
وهكملكو الباقى باليل احسن مابقتش ضامنه نفسى

[ghada00]

صباح الانوار على البنات الكتوكوتات

ميرسى اوى يا هند على الاكلات الجميلة دى و فعلا انا باطبخ كل الاكل بالطريقة دى وبيبقى ظريف اوى ومن غير دهون ...... بالنسبة بقى للديك الرومى بتاع لوسى معنديش اىىىىى مانع بس ممكن نروح نتعزم عندها من غير ما نسرقه حرام بردو دول صايمين

باسلم على كللللللللل البنات و سامحونى علشان مش عايزة اكتب اسامى وانسى حد بس كلكم في القلب والله

تابعونى في اليوميات مساءا بامر الله

ليدى : الف سلامة عليكى يا حبيبتى ......... وجع اللثة ده مقرف اوى ربنا يعفو عنك و يقويكى على الشغل ان شاء الله

[مروة شاهين]

ام ياسين

اه قلتله انصدم طبعا قالى انسى الموضوع ده ضحكتينى والله بموضوع تبقا هدية كل الاعياد دى
انا بقا جوزى قالى انسى اصله ليه جايبلى موبايل جديد وطقم دهم عقد وحلق فهخلى عندى دم وانسى فعلا دلوقتى
بالنسبة للرجيم ابتديت فعلا معاه واستخدمت حيلة السلطة الكتير على الرز اللى قلتى عليها وبجد جميلة جدا
وكمان بطلت اعمله اى مقليات النهاردة هاعمل شاورما فراخ وكنت ناوية بكرة اعمل مسقعة وانتى الحمد لله نزلتى المسقعة الدايت ربنا يسهل ويكمل ويخس شوية

يومياتى
الفطار كوب نسكافيه باللبن
الغدا شاورما فراخ وسلطة
العشا لسه

[dstrawberry]

السلام عليكم يا احلى رشيقات ان شاء الله شكرا على ردك يا سلمى وميرسى يا ام ياسين على الدايت و الاكلات الدايت الجميلة بس عندى سؤال هل الفراخ البانية لما نحطها بالبيض و البقسماط فى الفرن بيكون شكلها و طعمها زى المقلية فى الزيت و شكرا
اما عن يومياتى
الافطار كوب شاى بلبن +1/2 رغيف بلدى فول اصل كنت جعانة
الغدا ان شاء الله 1/4 فرخة + سلطة
العشاء لسة مش عارفه[IMG]file:///C:/DOCUME%7E1/ahmed/LOCALS%7E1/Temp/moz-screenshot-4.jpg[/IMG]

[kan_9191]

بنات اخباركم هاا بشروو

كم نزلتو للحين وكم بقالكم متابعين مع بعض؟؟

[dstrawberry]

معلش انا كل لما اعمل copy and paste لشعار الفريق بيطلع كلام ياترى اقدر احطه ازاى فى التوقيع؟؟