تجمع فريق العزيمه لنزول 30 كيلوفي 3 شهور الجزء الخامس عشر

[ام ملك وادهم]

بسم الله الرحمن الرحيم

اولا وقبل المقدمه التقليديه للفريق احب اقولكم اني فخوره بيكم جدا

ما شاء الله لاقوه الا بالله اول مره الجزء يخلص خلال يومين

وده ان دل يدل على روح المحبه والترابط اللي بيننا ربنا يديمها علينا ياااااااااااااارب

ويارب تكون حافز لينا كلنا اننا ننزل وزننا

ربنا يجازيكم خير على الشعور اللي انا حاساه

الشعور اني عملت حاجه جمعت اخوات في الله على بعد مئات الكيلو مترات لا جمعهم الا الحب لوجه الله والقتال من اجل هدفهم

بجد فرحتوني ويارب دايما وعقبال الجزء المائه ونكون كلنا ودعنا السمنه

[ام ملك وادهم]

ما شاء الله تبارك الله

بتعاونكم والتزامكم بنفتتح الجزءالخامس عشر بحمد الله واتمنى من الله ان يكون هذا الجزء اكثر نشاطا ويشهد التزاما اكثر منا جميعا

ومرحبا باي اخت تنضم للفريق فقد فتحت هذا الفريق لنلتقي فيه اخوات في الله لديناهدف واحد وهو دخول العام الجديد باذن الله وقد تخلصنا من سمنتنا واستعدنا رشاقتنا وثقتنا بانفسنا

ولولا تشجيعكن وانضمامكن والتزامكن ما استمر الموضوع حتى الان

ولمن تريد الاستفاده
رابط الجزء الاول http://www.lakii.com/vb/showthread.php?t=597568
رابط الجزء الثاني http://www.lakii.com/vb/showthread.php?t=600914
رابط الجزء الثالث http://www.lakii.com/vb/showthread.php?t=602314
رابط الجزء الرابع http://www.lakii.com/vb/showthread.php?t=603459
رابط الجزء الخامس http://www.lakii.com/vb/showthread.php?t=604666
رابط الجزء السادس http://www.lakii.com/vb/showthread.php?t=607123
رابط الجزء السابع http://www.lakii.com/vb/showthread.php?t=608533
رابط الجزء الثامنhttp://www.lakii.com/vb/showthread.php?t=609647
رابط الجزء التاسع http://www.lakii.com/vb/showthread.php?t=610817
ابط الجزء العاشر http://www.lakii.com/vb/showthread.php?t=613215
رابط الجزء الحادي عشر http://www.lakii.com/vb/showthread.php?t=614057
رابط الجزء الثاني عشر http://www.lakii.com/vb/showthread.php?t=615038
رابط الجزء الثالث عشر http://www.lakii.com/vb/showthread.php?t=615638
رابط الجزء الرابع عشر http://www.lakii.com/vb/showthread.php?t=616476

ولمن تريد الانضمام للفريق عليها الالتزام بالتالي

اول مره كتابه الوزن والطول والوزن المطلوب

الدخول يوميا لكتابه اليوميات

الميزان يوم الاثنين من كل اسبوع باذن الله

القوانين الجديده للفريق

1- الالتزام التام بكتابه اليوميات وكل عضوه تتخلف عن كتابه اليوميات لمده 3 ايام تخرج من المنافسه على لقب رشيقه الاسبوع الا باعذار مقبوله (( انقطاع الانترنت - المرض لا قدر الله )) وفي حاله السفر يرجى الابلاغ قبلها

2- تلتزم كل عضوه بوضع شعار الفريق في توقيعها



3- اكثر عضوه تفقد اكبر نسبه من وزنها تحصل على لقب رشيقه الاسبوع وتضعه في توقيعها لمده اسبوع كامل



4- اكثر عضوه تفقد اكبر نسبه من وزنها في نهايه الشهر تحصل على لقب رشيقه الشهر وتضعه في توقيعها لمده شهر كامل




5- اكثر عضوه تقف بجانب اخواتها وتشجعهن وتكون خير اخت لهن تحصل على شعار دره الفريق ومن تحصل عليه مرتين خلال شهر واحد تتولى اداره الفريق نيابه عني في الشهر اللذي يليه



6- العضوه التي لا تلتزم بالريجيم وتلخبط خلال الاسبوع تحصل على شعار ضعيفه الاسبوع ومن تحصل عليه مرتين خلال شهر واحد تحرم من التنافس على لقب رشيقه الاسبوع الشهر الذي يليه (وتذكري ان الله يراقبنا فلا داعي للكذب )



7- العضوه التي تتولى اداره الفريق تخرج من المنافسه على القاب (رشيقه الاسبوع - رشيقه الشهر - دره الفريق)

8- يجب التاكد من ان هذه القوانين وضعت للالتزام وان هدفنا جميعا هو الوصول لحلم الرشاقه وان يكون فريقنا هو احسن فريق في المنتدى

9- يبدا العمل بهذه القوانين بدايه من تاريخ 30-11-2009

ويجب ان يكون شعارنا جميعا هو

لذه الاكل لحظات ولذه الرشاقه سنوات

مع تمنياتي بالرشاقه والصحه للجميع

[ام ملك وادهم]

للمره التانيه على التوالي احتار وانا بختار دره الفريق

بجد كلكم درر وكلكم تستاهلو الشعار

بس المرادي الشعار من نصيب اختنا الجميله

ام هاجر2000

كلنا نقولها الف الف مبروك يا دره الفريق لهذا الاسبوع

اتفضلي حطي الشعار في توقيعك لمده اسبوع كامل



جزاك الله كل خير على تفاعلك مع اخواتك

مع العلم ان في اكتر من اخت يستاهلو الشعار

بس ان شاء الله المرات القادمه اكثر

الف مبروك يا دره الفريق

[ام ملك وادهم]

وللاسف ده اثقل رد بكتبه

شعار ضعيفه الاسبوع

من نصيب

hala510

ياريت تحطي الشعار في توقيعك اسبوع كامل



ويارب يكون حافز ليكي انك الاسبوع اللي جاي تكوني رشيقه الاسبوع

[ام ملك وادهم]

اما عن يومياتي

الافطار نسكافيه بالحليب خالي الدسم من غير سكر

الغداء نصف دجاجه مشويه

العشاء لسه بس غالبا هيكون سلطه وعصير تفاح بدون سكر

ربنا يقوينا جميعا ياااااااااااارب

[hala510]

مبروك علينا الجزء الجديد يارب يكون و شه احسن عليه من الجزء اللى فات
الف مبروك ليكى يا ام هاجر و عقبال الاسبوع اللى جاى
انا ممكن احط الشعار يا ام ملك بس حد يقلى ازاى
ربنا يستر على الاسبوع اللى جاى

[roby1982]

سلمى بجد ربنا يباركلك تسلمي يا قمر علي التجمع حلو جدا
ويارب قريب ان شاء الله قريب نعمل تجمع رشيقات العزيمة يارب باذن الله
الف مبروك لام هاجر علي لقب درة الفريق ويارب ديما تبئي الدرة ان شاء الله
هالة ولا يهمك يا قمر ان شاء الله الاسبوع الجاي تكوني احسن اوعي ده يرجعك للخلف شدي حيلك علشان ان شاء الله تبئي رشيقة الفريق
انا النهادره يومي كان كتالي:
فطرت 2 برتقالة
والغدا علبة تونة وسلطة وعيش سن
وان شاء الله العشا هيكون برتقال بر
انا كنت ناوية اعمل ريجيم الزبادي النهارده بس بصراحة مش عايزة اكتئب من الاول علشان كده قللت امشيه الاسبوع ده كمان تقليل في الاكل وان شاء الله من الاسبوع الجاي ابداء ريجيم حلو وربنا يسهل الاسبوع ده وانزل كمان 3 او 4 كيلو باذن الله
سلمى كنت عايزة اسئل هو الرومان كويس فس الريجيم ولا ممنوع؟

[hala510]

roby1982 بصراحة مش عارفة اقولك غير الف شكر على تشجيعك
الكل زعلان منى و بيكلمنى بطريقة مش حلوة
فى حين اللى كانت بتقع انا كنت بحس بيها و مش بنتقدها ذى ما كتير عملوا معايا
مرسى يا حبيبتى مرة تانية

[العاشقه المعذبه]

مبرووووووووووووووووووووك الجزء الجديد ويارب يكون فاتحة خير علينا

[hala510]

مين يعمل معايا رجيم الشربة الحارقة

[العاشقه المعذبه]

حبيتي الغالية وصديقتي في كفاح المنتظرات الحمل مروة شاهين ازيك يا قمر وحمدالله علي سلامتك من الحج وحج مبرور
والبقاء لله في جدتك ويارب يوسعلها في قبرها ويجعله روضة من رياض الجنة يارب العالمين
ويارب ما تكوني نسيتي الدعوات اللي وصيتك عليها وان شاء الله زي ما كنا اخوات في تجمع المنتظرات هنفضل برده اخوات في تجمع العزيمة ونخس باذن الله
وان شاء الله قريبا في تجمع الحوامل وباذن الله بعده في تجمع الامهات ياااااااااااااارب انا وانتي وكل البنات يا ميرو يارب

عمرررري ربي يجبر بخاطرك ويرزقك الذريه عاجلا غير آجل خلينا نشد حيلنا وننزل اوزاننا ونصير احلى من الحلوين^_^

[hala510]

مين يعمل معايا رجيم الشربة الحارقة ؟؟؟؟؟

[ام ملك وادهم]

مبروك علينا الجزء الجديد يارب يكون و شه احسن عليه من الجزء اللى فات
الف مبروك ليكى يا ام هاجر و عقبال الاسبوع اللى جاى
انا ممكن احط الشعار يا ام ملك بس حد يقلى ازاى
ربنا يستر على الاسبوع اللى جاى

الله يبارك فيكي ياهاله

وان شاء الله الاسبوع الجاي تكوني رشيقه الاسبوع زي ما عودتينا

وبالنسبه للشعار ممكن تحطيه زي ما انتي حاطه شعار الفريق

يعني تفتحي تحكم العضو وبعدين تعديل التوقيع وهتلاقي مربع اصفر فيه زي جبل كده افتحيه وانسخي رابط الصوره واطبعيه في المربع هيظهر عندك وكرري نفس العمليه مع شعار الفريق علشان يبقو الاثنين جنب بعض

[ام ملك وادهم]

سلمى بجد ربنا يباركلك تسلمي يا قمر علي التجمع حلو جدا
ويارب قريب ان شاء الله قريب نعمل تجمع رشيقات العزيمة يارب باذن الله
الف مبروك لام هاجر علي لقب درة الفريق ويارب ديما تبئي الدرة ان شاء الله
هالة ولا يهمك يا قمر ان شاء الله الاسبوع الجاي تكوني احسن اوعي ده يرجعك للخلف شدي حيلك علشان ان شاء الله تبئي رشيقة الفريق
انا النهادره يومي كان كتالي:
فطرت 2 برتقالة
والغدا علبة تونة وسلطة وعيش سن
وان شاء الله العشا هيكون برتقال بر
انا كنت ناوية اعمل ريجيم الزبادي النهارده بس بصراحة مش عايزة اكتئب من الاول علشان كده قللت امشيه الاسبوع ده كمان تقليل في الاكل وان شاء الله من الاسبوع الجاي ابداء ريجيم حلو وربنا يسهل الاسبوع ده وانزل كمان 3 او 4 كيلو باذن الله
سلمى كنت عايزة اسئل هو الرومان كويس فس الريجيم ولا ممنوع؟

ياقمر احنا اخوات وده دورا مع بعض اننا نشجع بعض لحد ما نوصل لهدفنا بامر الله
ربا يقويكي يارب والسنه الجايه يكون البيبي بيتنطط حواليكي ويرجعلك كل اللي هتخسيه شريره انا

[ام ملك وادهم]

roby1982 بصراحة مش عارفة اقولك غير الف شكر على تشجيعك
الكل زعلان منى و بيكلمنى بطريقة مش حلوة
فى حين اللى كانت بتقع انا كنت بحس بيها و مش بنتقدها ذى ما كتير عملوا معايا
مرسى يا حبيبتى مرة تانية

بصراحه انا اللي مش عارفه اقولك ايه
انا بكلمك بطريقه وحشه؟؟؟؟؟؟؟؟؟؟؟؟؟
واضح انك تقصديني بكلامك
وبعدين هي الاخت لما تشوف اختها بتغلط في حق نفسها مش بتشد عليها؟
يا بخت من بكاني وبكى عليا ولا ضحكني وضحك الناس عليا

وانا حاولت اكلمك كتير جدا مش بتردي اخرها دلوقتي موبايلك مقفول

واضح ان اسلوبي بيزعل الناس مني وده انا رافضاه

عموما يا بنات انا بعتذر عن اداره الفريق وياريت تشوفو واحده تانيه تدير الفريق مكاني وتكون طريقتها احسن مني شويه لاني مش هاقبل اني اخسر اي واحده فيكم
وانا عن نفسي هكون عضوه عاديه في الفريق وماليش اي علاقه بادارته

وانا اسفه ياهاله لو كلامي ضايقك او زعلك مني

ان اصبت فمن الله وان اخطات فمني وسامحيني