تجمع فريق العزيمه لنزول 30 كيلو خلال 3 شهور الجزء السابع

[ام ملك وادهم]

ما شاء الله تبارك الله

بتعاونكم والتزامكم بنفتتح الجزءالسادس بحمد الله واتمنى من الله ان يكون هذا الجزء اكثر نشاطا ويشهد التزاما اكثر منا جميعا

ومرحبا باي اخت تنضم للفريق فقد فتحت هذا الفريق لنلتقي فيه اخوات في الله لديناهدف واحد وهو دخول العام الجديد باذن الله وقد تخلصنا من سمنتنا واستعدنا رشاقتنا وثقتنا بانفسنا

ولولا تشجيعكن وانضمامكن والتزامكن ما استمر الموضوع حتى الان

ولمن تريد الاستفاده
رابط الجزء الاول http://www.lakii.com/vb/showthread.php?t=597568
رابط الجزء الثاني http://www.lakii.com/vb/showthread.php?t=600914
رابط الجزء الثالث http://www.lakii.com/vb/showthread.php?t=602314
رابط الجزء الرابع http://www.lakii.com/vb/showthread.php?t=603459
رابط الجزء الخامس http://www.lakii.com/vb/showthread.php?t=604666
رابط الجزء السادس http://www.lakii.com/vb/showthread.php?t=607123

ولمن تريد الانضمام للفريق عليها الالتزام بالتالي

اول مره كتابه الوزن والطول والوزن المطلوب

الدخول يوميا لكتابه اليوميات

الميزان يوم الاثنين من كل اسبوع باذن الله

يارب الجزء ده يكون انشط ويتقفل خلال اسبوع على الاقل


ربنا يقوينا ويقويكم جميعا

[ام ملك وادهم]

احم احم
صباح النور
اخباركم اي انا بحاول اتاخر برد لانو بصراحه ما بعرف
ازا كنت حغش ولا لا
لانو بنام الصبح
خ خ خ خ خ
فعشان ما اغش وما اكتب الي غشيت في
اليوم كان كا الاتي
الفطورفنجان فهوه بسكر دايت
الغدا شرحو
العشا شرحو زائد 5 ملاع طعام عاديه شوربت كويكر
وحبا بيض مسلوقه وشابوره حب حبا وحدا واحم احم اي تاني اي تاني
م م م م كاست لبن
وبسهرا شربت كاست شاي بحليب المراعي قليل الدسم
وبس
دا كل يومي
بشرب خميرت البيره مع اليمون عشان تديني شعور بشبع
الرياضه 0 لانو ولد تعبان وصعب اي نوع من الرياضه غير حملو طول اليوم
خ خ خ خ خ

الف الف سلامه على ابنك ربنا يطمنك عليه
وربنا يقويكي وتلتزمي ياقمر

[ام ملك وادهم]

السلام عليكم ورحمة الله وبركاته

يسعدنى ان اكون اول واحدة تكتب وزنها اليوم

الأثنين اللى فات لم اشارك معكم بوزنى لأن النت كان مقطوع وكنت زدت من 83.4 الى 84.6 للأسف ... يعنى كنت زايدة كيلو و200 جرام

والحمد لله والفضل لله وزنت نفسى اليوم وجدت نفسى 81.7

ربنا اكرمنى وخسيت 2 كيلو و 900 جرام يعنى قولوا 3 كيلو

الحمد لله انى خسيت لأن بصراحة طلعت عنيا فى الدايت بتاع الأسبوع اللى فات

بس الحمد لله كله يهون من اجل عيون الرشاقة ومن اجل فرحة زوجى بى ومن اجل الذرية الصالحة اللى بتمناها من ربنا قولوا اميييييييييييييييييييييين

انا كنت بستنى اليوم ده بفارغ الصبر علشان اشوف نتيجة الدايت العجيب اللى كنت بعمله مكنش فيه غير لحوم وفراخ ومكنش فيه ولا فاكهة ولا لبن وهو احدى الدايتات بتاعة دكتورة منى راداميس ....

مستنياكم تباركولى ويارب بقى اطلع رشيقة الأسبوع المرة دى هههههههه

ان شاء الله حبدأ من اليوم دايت 12*12 لأن فاضل بالظبط 12 يوم واخويا يرجع من السفر بالسلامة ونفسى يجى وانا شكلى كويس

انا فرحانة قوى يا بنات ... ويارب كلكوا تطلعوا خسيتوا ان شاء الله ....

ما شاء الله لا قوه الا بالله

الف الف مبروك ال2 كيلو و900 جرام ربنا يكرمك وتوصلي للوزن المثالي ان شاء الله

ونسبتك ياقمر هي 3,4 ما شاء الله الله اكر

ربنا يقويكي ويرجعلك اخوكي بالف الف سلامه

[ام ملك وادهم]

وانا وزنت وطلع وزني اليوم 77,6 يعني نزلت 3 كيلو بالضبط

بس قررت لانو الريجيم تعبني جدا ( مع الرياضه الشديده والايروبكس ) اني احول على ريجيم ثاني

وعلى فكره امبارح كان كلو فاكهه وبدون لخبطه والحمد لله

اليوم الافطار

2 بيضه مسلوقه + حبة خيار

والف مبروك ربى كريم على النزول وربنا يرزقك الذريه الصالحه

ما شاء الله
الف مبروك ال3 كيلو ياقمر

نسبتك هي 3,7 الف الف مبروك
وعقبال الباقي يارب

[ام ملك وادهم]

حبيبتى ملوكة انا اسفة مش حقدر ابدأ معاكى من يوم الثلاثاء لأن اخويا جى من السفر ان شاء الله يوم 20 فهما بالظبط ال12 يوم قبل ما يجى اكون خسيت فيهم وخلصت الرجيم

لأن العيد حيبقى داخل علينا وحضطر امشى على دايت سعرات مش كيميكال علشان مبقاش ملتزمة بأكل معين ... برضه رجيم السعرات بيدى فرصة ومجال للأختيارات غير الكميكال بيبقى لازم الألتزام فيه

وعندى احساس رهيب ان الأسبوع بتاع العيد والأسبوع اللى قبلة انى حزيد فيهم لأن اخويا جى من السفر وماما بقى حتهريه اكل وحاجت من ما لذ وطاب ... بس انا ححاول اكون قوية وافتكر دايما ان لذة الأكل لحظات انما لذة الرشاقة سنوات كما قالت مؤسسة الجروب الزعيمة ام ادهم هههههه

وبرده حفتكر العذاب وطلوع الروح بتوع الجيم علشان الم نفسى

حبيبتى ليه مبعتيش رقمك على الخاص ...مافيش حاجة وصلتنى

ابعتيهولى النهاردة وان شاء الله نتقابل بكرة ان شاء الله ونعمل حفلة بمناسبة يوم الميزان ههههه

وياريت تجيبى ادهم معاك علشان نفسى اشوفه



انا لله وانا اليه راجعون .... حبيبتى انا اسفة بجد مكناش نعرف وربنا يجعلها شفيعة لك يوم القيامة وتأخد بأديكى انت وباباها للجنة ان شاء الله

وربنا يخليلك ادهومة و يباركلك فيه ان شاء الله



انا معاكى .... انا معاكى .... انا معاكى .... انا معاكى

انا اشارك معاك عينى ونقدى لأن عندى هدوم بنت اخويا صغرت عليها بس حالتها جديدة وزى الفل واشارك معاك نقدى واروح معاكى وننزل نشترى لهم احلى حاجات

انا اول المشاركين يا سلومة ... حددى انت المكان والزمان وانا جاهزة .....



حمد الله على السلامة .... وحشتينا والجروب نور

وانا شاء الله اول ما تنزلى القاهرة نتقابل

مقولتيلناش اخبار الدايت معاكى ايه ؟؟؟



يا جماعة طيب انتوا ليه مش بتسخنوا اللبن وتشربوه .... هو لازم يتشرب ساقع ؟؟
ربنا يقويكى يا اثينا ويقوينى النهاردة عندى اول يوم زبادى



برافو عليكى يا هلول ... ادى الهمة والنشاط ولا بلاش

حبيبتي راجعي بريدك الخاص

[ام ملك وادهم]

صباح الخير عليكم جميعا .... وشي منك في التراب يا آمنه قصدي يا سلمي .. الاسبوع ده انا ما خسيتش حاجه خالص ... و الحمد لله و ده طبيعي من العك اللي عكيته الاسبوع اللي فات و دي حاجه مضايقاني خالص و مخلياني عصبية جدا ومخنوقه و فكرت الصبح آكل حتة سويسروال بالفاكهه بس قلت لأ و بدأت من النهارده اهوه تاني ريجيم كنت خسيت عليه قبل كده و هوه كيميائي و انشاء الله انزل عليه الاسبوع اللي جاي ... بصوا الريجيم بتاعي :
اليوم الأول : ألبان و جبنه قريش و زبادي
اليوم التاني خضراوات
اليوم الثالث : لحوم مشوية أو مسلوقه
اليوم الرابع : فاكهه ماعدا الممنوع طبعاً
اليوم الخامس : افطار 2 بيضه و باقي اليوم سمك او جمبري مشوي او تونه
اليوم السادس : خضار و فاكهه
اليوم السابع : فراخ مشوية

و اللله المستعان...
سلمي اقتراحك هايل بالنسبة لدار رساله .. انا كل فصل بابعت لهم هدوم جديد و مستعمل و هاسال جوزي لو ينفع يوديني مدينه نصر هاقول لك و آجي معاكي بس قولي لي ها تروحي امتي ان شاء الله...

يا اهلا يا اهلا بيكي ياقمر
لعلمك ده نفس ريجيم اللي الدكتور اداهولي الاسبوع ده
يلا علشان نشجع بعض
ومستنيه ردك بالنسبه لموضوع الدار
انا باذن الله ناويه على الخميس

[ام ملك وادهم]

مبروك لنزول الوزن ياقمر
متشكرة بجد لتشجيعكم
انا وزنت النهاردة كنت 104 اصبح وزنى 100 يعنى وزنى نزل 4 كيلو
يارب مارجعش الوزن تانى ذى الاسبوع اللى فات نفسى اكسر ال100 بقى علشان انا بجد زهقت اوى
مضطرة ماخدش فرى داى الا يوم الاربع علشان معادى مع دكتور الرجيم الاربع
ادعولى يا احلى بنات بقيادة احسن مشرفة ام ملك و ادهم

الف الف مبروك
ما شاء الله لاقوه الا بالله

مبروك ال4 كيلو
ونسبتك ياقمر هي 3,8 الف مبروك

[ام ملك وادهم]

بالنسبة ليا يا حلوين ان شاء الله مش حاوزن الا بعد ال 12 يوم
عارفة انة دة مخالف لنضام الجروب بس يا ريت تعذروني
لاني بصراحة في نهاية الاسبوع وزنت لقيت في زيادة فوزني

بس انا حاسة انة في غلط فالميزان بس مش حاقول كام وحخليها مع الميزان
ادعولي ربنا يقويني لاني فعلا محبطة وخايفة ارادتي تضعف
لاني بصراحة خلااااااااص مليت من وزني
وربنا يستر ان شاء الله\\

وبالنسبة للنهاردة مش حاخد فري لاني مش حاقطع الريجيم ان شاء الله لانة لازم يكونوا 12 يوم متواصلين
وفطرت كوب جريب فروت +1 زبادي لايت
اشوفكم على خير يا حلوين

ماشي يا قمر عذرك مقبول منتظرين الوزن يوم ما تخلصي
ربنا معاكي

[ام ملك وادهم]

ما شاء الله تجمع رائع وفيه نشاط ربنا يكرمنا ويكرمكم يارب انا كنت حابة أشترك معاكم يا ام ملك وأدهم ممكن تقبلوني وانا لحسن الحظ متابعة مع دكتور رجيم وبرضو وزني الانثين بس لظروف هاجله للثلاثاء ان شاء الله

اهلا وسهلا بيكي يا ام هاجر
نورتي الموضوع
ياريت تكتبي طولك ووزنك والوزن المطلوب
منتظرين يومياتك كل يوم والميزان يوم الاثنين وهو يوم الفري
وممكن كمان تنزلي الريجيم اللي الدكتور بيديهولك كل اسبوع علشان الاخوات يستفيدو
نورتينا

[ام ملك وادهم]

السلام عليكم اخواتى
ما شاء الله عليكم ربنا يقويكم ان شاء الله
كنت قرأت فى احد الاجزاء الاخت ام ملك و ادهم بتقول عن ادوية بتاخدها مع الرجيم
كنت عايزة اسال اذا الادوية دى اثرت عليكى فى اى شئ
لانى قرات انها بتعصب و بتجيب اكتئاب
و ياريت لو تقوليلى اسعارها بعد اذنك
و اسفة على الاطالة

اهلا وسهلا بيكي
وشكرا لمتابعتك لينا
بالنسبه للدواء هو واء قاطع للشهيه اسمه سيبوتريم 15 والحمد لله ليس له اي اثار جانبيه واستعمله يوميا منذ شهر ونصف تقريبا
وهو متوفر في الصيدليات بسعر 19 جنيه للشريط
نورتي الموضوع بمداخلتك الحلوه

[ام ملك وادهم]

السلام عليكم


أنا حابة اشترك معكم لو بتقبلوني معكم بما إنه أكتركن عاملين ريجيم12\12

أنا اليوم ثالث يوم زبادي و امبارح كتييييييييير اشتهيت آكل بس صبرت حالي

و امبارح كنت عند دكتورتي و نزلت 1 كيلو و نص و لليوم طاير عقلي

أحبكم في الله

اهلا وسهلا بيكي
نورتي الجروب
والف مبروك نزولك وعقبال ما توصلي لهدفك
ياريت تكتبي طولك ووزنك والوزن المطلوب
منتظرين يومياتك كل يوم والميزان يوم الاثنين

[ام ملك وادهم]

السلام عليكم..انا وزنى انهرده 96,500 يعنى خسيت حوالى 2كيلو و500جرام

ما شاء الله لاقوه الا بالله

الف مبروك ال2 كيلو ونص

ونسبتك هي 2.5 الف مبروك

[ام ملك وادهم]

السلام عليكم
كيف حالكم يا بنات ان شاء الله تكونو كلكم بخير
انا ام تولين لسا والده وطبعا عارفين الوزن بعد الولاده انا زايده تقريبا 15 كيلو وحابه انضم معاكم .
على فكره انا ليا اسبوعين بتابعكم وقرات كل الاجزاءوعجبني حماسكم وتشجيعكم لبعض و كان نفسي اشترك بس ما كان عندي ميزان ودلوقتي خلاص وصل الميزان .
انا وزني 75 ك
وطولي 157
ياااااااااااارب انحف 10 كيلو خلال شهر قولو امين
انا بدات من امبارح وهنزل يومياتي امبارح واليوم .
يارب تقبلوني معاكم ونشجع بعض.

اهلا وسهلا بيكي
نورتي الموضوع
منتظرينك كل يوم
والف حمد الله على سلامتك انتي والحلوه تولين

[ام ملك وادهم]

السلام عليكم ورحمة اللة وبركاتة
الف مبروك لكل ايلى وزنة نزل
وانا كمان باركولى لانى وزنت النهاردة
98 حمدت ربنا انى بعد الخبطة والاكتئاب ما تخنتش وطبعا مع جريمة انى موقغة الانسولين بس اقول لكم ربنا ما بيتعندش انا قولت هوقف الانسولين يمكن اخس بالعكس انا كنت ممكن اخلص على نفسى وانا مش حاسة شوفتوا بقى انا شاطرة وبعترف اذاى

ما شا الله لاقوه الا بالله
بجد انا فرحانه بيكي جدا
بس قوليلي انتي كده نزلتي قد ايه علشان احسبلك نسبتك

[ام ملك وادهم]

الحمد لله خلصت ايام الزبادي لووووووويييشششش

هاي احلى زلغوته

وبكرة الفواكهة وحاسة بفرح كبير لاني اخيرا حاكل شي حلو

يعني تفاح ونجاص برتقال مش حليب ولبن

كمان انا حاسة اني نحفت في الثلاث ايام هاي مشان هيك
قررت اتوزن بعد ما يخلصو 12 يوم مشان ما يجيني احباط
لاني الي فترة كل اسبوع بنزل كيلو
وخايفة اكون نزلت كيلو بس اتحطم وتضعف ارادتي



وان شاء الله مستمرة لباقي 12

الف الف مبروك اصعب 3 ايام
وعقبال ما تخلصي الباقي وتيجي تبشرينا
ربنا يقويكي ويقوينا