السلام عليكم
ماشاء الله الموضوع احلو اوي
مجهود رائع ماشاء الله
كنت عاوزة اسال عن مربي الجزر بتعملوها ازاي؟
لان الفراوله والمشمش اسعارهم هنا غريبه بصراحه

ماشاء الله عليكم يابنات
كلكم شاطرين وموفرين ومدبرين
ازيكم الاول جميعا
بما اننا دخلنا بند التوفير فى الفاكهة
اقولكم انا بعمل ايه
اولا لما تيجى الفاكهة لازم ننقيها (نفرزها)يعنى ناخد المستوى وهو ده ال نبدا ناكله
ثانيا لو جه نوع فاكهة على نوع (يعنى لو بابا جاب موز ولسه فيه موز من قبل كدة)اقدم لهم القديم الاول
لان انتوا عارفين ان الرجالة ملهومش فى موضوع التوفير ده يعنى عندى عمال على بطال داخل شايل (ربنا مايحرمنا منه طبعا) بس المفروض مايجيبش الفاكهة غير لما الموجود فى البيت يخلص وهنا بتبقى مهمتى انا
لان انتوا عارفين كل المزروعات الان بتترش بالمواد الكيماوية ومش بتستحمل يعنى مش بتعيش يوم والتانى وتلاقيها ضربت وباظت
علشان كدة بترك كمية برة واخلى الباقى بالتلاجة علشان احافظ عليها ومتخسرش واطلع حسب الحاجة شوية صغيرين بشوية صغيرين(كل انواع الفاكهة باستثناء الموز طبعا لانه بيسود لو اتحط فى التلاجة)
وبماان اولادى مش اكيلين اوى بضطر اعمل كدة علشان الحاجة مش تبوظ
وكمان هما فافى اوى يعنى لو اى فاكهة فيها حتة مستوية او موزة قشرتها اسودت ماياكلوهاش
اعمل انا ايه اقشر الموز وفى اكياس عالفريزر واطلع اعمل منه عصير باللبن وهما بيفضلوه كدة
وعندى نصيحة علمتهالى ماما ربنا يديها الصحة
لو عاوزة تحفظى اى فاكهة للعصير بالفريزر احفظيها وهى طازة يعنى مش نستنى لما تقرب تبوز ونشيلها لانها بكدة بتكون فرش اكتر فى العصير ولونها مش بيكون متغير
وبالنسبة لى انا بحفظ المانجو والجوافة بس من غير ليمون ولونهم بيكون عادى بس هجرب طريقتكم واضع ليمون عليهم جايز ده يكون مفيد اكتر ويحافظ عاللون اكتر
بالنسبة لمربى التين ال نور قالت عليها فعلا هى مبتستحملش وبتحمض بسرعة حتى لو فى التلاجة ولو تلاحظوا التين نفسه وهو فاكهة مبيستحملش وبيحمض بسرعة لذلك لما تشتروه للاكل مش لعمل مربى اشتروا كمية قليلة يعنى تكفى يوم او يومين لان اكتر من كدة بيحمض
وممكن تحفظوا مربى التين فى اوانى زجاجية صغيرة الحجم بالفريزر وتطلعيها تفك بتبقى زى الطازة وتعيش اكتر عندك
ارجو اكون افدتكم ولى عودة لتكملة باقى بنود الفاكهة

اهلا سندس
مشكوره عالمعلومات دى
بخصوص الموز بقى
مبيسودش يا سندس وهو فى الفريزر؟؟؟؟؟؟؟؟؟؟؟
لما بتطلعيه عالعصير لونه بيفضل فاتح كده ولا غامق
؟؟؟؟؟؟؟؟؟؟؟؟؟؟؟؟؟؟؟؟ظظ

صباح الخير عالحلوااااااااات
لما بيكون عندى موز كتير طبعا لوسبته بره التلاجه كله هيستوى ويسمر بخلى شويه بره والباقى احطة فى كيس واربط الكيس كووووووويس واحطه فى التلاجة مش بيجرالوا اى حاجة يا سندس لكن ولا مرة حطيته فى الفريزر هجربه ان شاء الله
الليمون كمان بعصرة واحطة فة مكعبات التلج واحفظه فى الفريزر
هنا فى الصيف بيكون فيه برتقال بلدى بيبقى مليان ميه (عصير)بس بيكون مزز طبعا عشان كده بعصره واحطه فى اكياس بالكميه اللى عايزاها واطلعة اعمله عصير
وطبعا المانجو لازم افرز منها كميه برده بس بدون اى اضافات وبتفضل دى ما هيا بس هجرب الليمون برده يا ام نور اصلى اموت لو مجربتش
وايضا الكانتلوب و الشمام باقشرة واقطعة صغير وعالفريزر واطلعه واعمله عصير او اضيف عليه ايس كريم ويبقى احلى ميلك شيك
دا اللى فاكراه الان همخمخ شويه وارجع لكم

ازيكم يا حلوات
تسلمي يا حبي لله عالوصفه بس دي اسمها ايه
وطعمها بيبقى شبه المهلبيه مثلا ولا كريم شانتيه

اخواتى ماشاء الله عليكن
عاوزه اقول حاجه
اللى جربت وصفه مثلا
ومعتمداها بمقادير معينه
واخرى جربتها بمقادير اخرى ومعتمداها ايضا
مفيش مشكله كلنا هنا بنفيد ونستفيد
بصراحه انا شخصيا لا ليا فى المربات ولا المخللات ونفسى اتعلم وبشوف كل الطرق
واحاول اجمعها وانفذها
علشان نستفيد
صح يا بنات

ازيكم يا احلى اخوات
ام نور
ربنا يشفيكي ويعافيكي ويحفظك من كل سوء
اديني انت بس عنوانك وانا ابعتلك (فراروة)حبيبةعندي بتقول كدة الكمية اللي انت عاوزاها يا جميل

نور تقية
الف سلامة عليكي وعلى بنتك يارب
يللة شدي حيلك كدة ووري جوزك العين البرتقاني هههههههههه

معلش بقى يا بنات يا حلوين في موضوع المربى والمخلل ماليش فيه ولا بناكلها ولا بنعملها، برطمان المربى الجاهز الصغير ممكن يعقد شهرين وممكن اكتر
والمخلل بحبه بس مش بعمله عشان احتباس السوايل في الجسم والضغط ولان الملح بينفخني

ربنا يكرمكم ويبارك فيكم

السلام عليكم يا بنات وحشتونى مش بعرف ادخل للاسف لان النت عندى فى مشكلة ان اداخلة من عند ماما
شكرا على المجهود الرائع
بنات عندى ان شاء الله عزومة تقترحوا علية اية اعملة انا ان شاء الله محضرة انى اعمل فضلة خيركم ماشاء الله لاقوة الا بالله فراخ مشوية وفراخ مع صنية بطاطس
وان شاء الله رقاق و رز بالشعرية علشان صنية البطاطس
وان شاء الله كريم كرميل او جيلى بالفاكهة
مش عارفة اقترحوا كدة علية يا بنات اعمل اية
وشكرااااااااااااااا مستعجلة جدا ارجوكم بسرعةةةةةةةةةةة
بس بالرابط لو سمحتوا

ازيكم يا حلوات
بالنسبة لمربى المشمش
طبعا البنات قالو على طريقتها لكن عندى اضافة بسيطة وهى نضع عليها ملعقة صغيرة قرفة بتخلى طعمهت جميل جدا
وطبعا كل الفاكهة اللى موجودة فى السوق بنشلها فى الفريزر علشان العصير وكمان بشيل جزر مسلوق علشان اعمل عصير البرتقال بالجزر
وبسلق قشر اليوسفى واشيله فى الفريزر وده بستخدمه فى الكيكة بدل الفانيليا اطلعه وابشر منه شوية على البيض بيعطى للكيكة نكهة جميلة جدا
وان شاء الله لو افتكرت حاجة حقول علطول

يا جماعة فى حاجة عيزة اقولكم عليها
هى انا بشيل القشطة اللى هى وش اللبن
ولما اعوزها بطلعها واسيبها تطرى ثم اضربها
واضعها على وجه المكرونة بالبشمل ووجه الكنافة والبسبوسه
وكمان بحوش كمية واسيحا على نار هادئة لغاية ما تفصل وتعمل سمن بلدى تمام
والبلدى يوكل
معلش انا بعدت عن موضوع الفاكهة بس نا افتكرتها علشان بعمل مكرونة فقلت يمكن حد يستفيد منها

ام نور شكرا على رابط الكبسة وانشاء الله هطبقه فى اقرب وقت واقولك على النتيجة اما بالنسبة لموضوعى فا صدقينى لو قلتلك انى تعبت جدا لانى مش عارفة اعمل ايه انا حاسة انى بمر بأزمة نفسية فظيعة عارفة نفسى اقعد اتكلم مع حد واحكى احكى احكى لحد ما اخرج الشحنة اللى جوايا اسوأ حاجة انك تحسى بالندم عموما ده مش مكانه انا بتابعكم بس للأسف ماليش فى المربات بس هتعلم منك انشاء الله اعذرونى على مشاركات القليلة فى اخت لى بتقول انى ممكن احوش الرز وبعد كده احطه على الشعرية ممكن الطريقة بالظبط

تسلم افكاركم يا بنات
لولو
المنيو العزومه حلو اعملي سلاطات وشوربه لسان العصفور وكوب الماء مهم والملح والفلفل
واطباق خفيفه للاطفال
انا بعمل مربى التين فقط هي اللي بحبها وبحبه كبير زي ما هو وسكر حسب الطهم واقعد ادوق لحد ما اخلصها هههههههههه

جنى اسامة شكرا يا قمر

ما شاء الله مجموعه رائعه

واخيرا يا نور انضميت لمجموعه الرائعه

بس ضروري اخذه فكره على المجموعه
انتوا ما شاء اللله ماشين شوط حلو

خلني خذ لفه على المحموعه وارجعلكم

والله يابنات شجعتوني على المربات
ذكرتوني لما اول مره تعلمت اعمل مربته البرتقال وكانت هو النوع الوحيد الي تعلمته
كانت رائعه

ان شاء الله استفيد منكم في عمل المربات بذات هلا وقت الفروله وانا احب مربتة الفروله