بانسبه ليه عاوزه سؤال بس قبل السؤال اقول حاجه برضه عشان ما ابقاش غلسه بالنسبه لتوفير الوقت انا بعمل الكفته والفها في البيض والبقسماط واحفغظها كما هي يعني بجيب ال2 كيلو لحم مفروم واعملهم بتكون اسهل وتوفر وقت كتير ونفس الطريقه مع الاسكالوب او البفتيك سؤالي بقه من نفس اجابتي بم اني امراه عامله ياريت تعطوني افكار من نفس النوعيه جزاكم الله خيرمعلشو يا جماعه انا طماعه
علي فكره لو ما حبتش اعمل الكفته بالبيض والبقسماط بعملها في حمام مائي واحمرها عادي بعدها بتبقي تحفه

سؤال كمان البطاطس اللي بتتفرز بتتغلي غلوتين فيه ميه بس ولا ميه وملح وخل

صباح الخير عالجميع
جمعه مباركه ان شاء الله
احب انوه
الاخوات اللى بيسألو عن موضوع تعبى وبيدعوا لى بالشفاء
مش انا المقصوده
المقصوده الاخت نور تقيه لانها وقعت على ضهرها وكانت تعبانه ربنا يتم شفائها على خير
لكن انا اتكسرت قبل كده والحمد لله
بس دلوقتى احسن بكتير
فأرجو لكل من دعت ان توحه دعائها للاخت نور تقيه ربنا يشفيها
الغاليه ام شادى
دائما ينقصنا شئ وانتى تكمليه فمبارك علينا وجودك معنا
وجمعه مباركه لك وال بيتك الكريم
الاخت egyptian sister
اهلا بك معنا ان شاء الله تستفيدى ولى رد على طلبك
بس اليوم اجازه ومشغوله جدا ان شاء الله لى عوده
وبخصوص روابط ام شادى بامكانك الدخول على ملفها الخاص ومشاهده جميع
مواضيعها الرائعه
وشكرا على طريقه الكفته ومنتظرين باقى افكارك
رونا انا بقى وراكى وراكى لحد ماتظبطى الكيكه
انا قررت ان اتبناكى ايه رأيك؟؟؟؟؟؟؟؟؟؟؟؟
بس هاتى فلوس خخخخخخخخ اللى توفريه انا اخده

فرح طمنينا عليكى ربنا يفك كربك
سندس تسلمى عالسردين الف شكر
يا ريت لو تعرفى طرق اخرى للفسيخ او البورى تفيدينا انتى والغاليه ام شادى
بحكم انكم سواحليه اجدع ناس

لولو الف سلامه على اولادك
معلش ده ابتلاء ممن ربنا ربنا يشفيهم وحاولى تكونى هاديه
بييبى القمر فينك افتقدت وجودك معنا
كل ده بتعملى الشقه
شكلك نزلتى على شقق العماره
هو الو فى مصر كان وحش اوى كده؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟

السلام عليكم يا اجمل صبايا
لا داعى للشكر حبيبتى اكس و ام نور و باقى الصبايا الحلوين
احنا كلنا بنفيد بعض ممكن فكره متناسبش واحده لكن تناسب الاخرى

كمان من الاشياء الجميله الموفره كفته داود باشا بتعطى كميه كبيره و بنشيلها محمره و مفرزه
يعنى نصف كيلو مفروم بيعطينا اكتر من طبخه ممكن كل اسبوع نطلع واحده (طبعا حسب حجم الاسره )
كمان حبيباتى لما يزيد مننا سلطه منرميهاش بجمع الطماطم و الجزر و الفلفل و احفظه بالفريزر و اطبخ بيه اللحمه البارده الرستو يعنى او اضعه مع العدس او الفول المدمس على النار

و كمان لما بعمل كيلو العدس و اشيله فى اكياس بيوفر وقت و بيكون جاهز لعمل طبق شوربه او عدس غموس و بنوفر توسيخ اوانى و غسيل مواعين ( هههههه )

كمان مش كل يوم لحمه و فراخ لازم نأكل الاولاد سمك و يوم لازم بقوليات علشان البروتين النباتى مثل طبق الكشرى الاسكندرانى بالبيض او طبق العدس بالعيش مع السلطه و يا سلام لو سردينه مملحه او رنجه جنبه او حتى ممكن يوم الغدا طبق فول بالتحابيش على كيفكم

الارز اللى بيزيد مننا ممكن بنعمله حاجه ظريفه تغير من شكله كانه طبق جديد
بصفر بصله و عليها جزر مربعات رفيعه و نقلب ثم فلفل اخضر مربعات صغيره بردوا او لو تحبوا بسله مسلوقه و يقلبوا بملح و فلفل حتى يذبلوا بضع الارز البايت و نقلبه يسخن معاهم بيكون طبق جميل و كأنه جديد و فى طرق جميله للحبيبه كوسه و بط كانت مقدماها بعملها ايضا

كمان الاهم حبيبى لما يفيض اكل نقدمه تانى يوم او فى يوم اخر فى شكل مختلف ( نخمهم يعنى نكون اوعى منهم )
لو خضار ممكن نضعه فى البرام الصغير و يدخل و يخرج كانك لسه عملاه
لو رز ضعيه فى قالب جميل و اقلبيه حيحسوا انه معمول طازج و هكذا افكاركم الحلوه

و طبعا بالنسبه للحلويات لما يفيض مننا كيك ناشف او شرائح من الكيك الاسفنجى لا نرميها
ممكن نقطعها صوابع و نحمصها فى الفرن تبقا بسكوت لذيذ
و كمان يوجد بالمنتدى افكار كتيره ببواقى الكيك انا عملت منها جبل التلج و موس الفراوله و ممكن تشيز كيك و ممكن فى اطباق نقدمها مع شويه فاكهه و كريمه او كستر الافكار كتير و الحمد لله

و كمان العيش الفينو الزائد عندنا بنعمله بقسماط للبانيه و ممكن نقطعه بالورب بشكل جميل و نحمصه يبقا توست او نعمله صنف حلو بيكون جميل جدا و سهل

انا صدعتكم و تعبت لما افتكر حاجه تانيه حكتبها
و شكرا لكم جميعا و بردوا لو محتاجين سؤال عن حاجه معينه تحت امركم
السلام عليكم

صباح الخير ياقمرات
بالنسبه للبطاطس علشان قبل منسى

تغليها غلوتين بميه وشويه خل مش كتير
متحطيش ملح لان مع التفريز لونها بيتغير شويه


وفعلا هيه حلوة اوي وخفيفه المرة الجايه جربيها فالفرن شويه زيت وملح وحطيها فالفرن هتطلع زي المتحمرة وخفيفه وجميله

ان نووور
ياغاليه مرسي لسؤالك ياقمر

عدى علينا كام يوم الجو كان وحش اوي
انا كمان في القاهرة الجديده وحواليه مباني جديده فالتراب بقى من كل ناحيه
غير ان ابني لسه تعبان شويه
علشان كده مقله اوي فدخولي

ماشاء الله ياخالتو ام شادي

ربنا يجعله فميزان حسناتك

صباح الخير عليكم كلكم ويجعلها يلرب جمعه سعيدة علينا كلنا اول شكر لحبيبتي ام شادي دعوه حلوة من ام غالية ربنا ما يحرمنا منك وتانى حاجة بشكر فرح على دعوتها ليا وربنا يارب يسترها معاكى انتى واهل بيتك والنهاردة الجمعه ربنا يتقبل لولو الف سلامة على اولادك ماتشوفوا شر ابدا وشكرا على جميع الوصفات الجميلة دى ان شاء الله اجيبلكم الفسيخ دلوقتى

الفسييييييييييييييييييييييييييييييييييييييييييييخ
بتجيبي السمك البوري وبتغسلية وتطلعى الخياشيم بتاعتة وبعدين تحطية فى مصفاة وتحطية فى فرن البوتاجاز وهو مطفى مش شغال يعنى القصد حاجة مقفولة وتسبية فىالصيف من حوالى 3أو 4 ساعات اما في الشتاء بيبقا اطول شويةممكن نص يوم وبعدين تجيبي علبة بلاستيك وتدخلى فيها اكياس بلاستيك كتيرة وتجيبي ملح خشن وعلية معلقة كركم وشوية زيت وتحشي بية الخياشيم بتاعت البورى وبعدين ترصي فى العلبة وترشى طبقة ملح هكذا على حسب الكمية راق سمك وراق ملح وبعدين تقفلى الاكياس كويس قوى وتحطى تقل علية على حسب كمية الفسيخ يعنى لو الفسيخ كتير تحطى تقل كبير لو قليل تحطى تقل خفيف شوية انا عن نفسي بحط بلاطة عندى وبعدين تغطى العلبة وتحطى عليها بردة بلاطة تانية وتحطية فى مكان بعداسبوع تفتحية وتقلبية اللي فوق تحت واللي تحت فوق وبعدها بتلات ايام تفتحي علية وتنشيلية من المياة اللي نزلت منه وبيبقا جاهز للأكل بس الفضل تحطية شوية فى الفريزر وبعدين تاكلية بطريقتك اللي بتحبيها وعلى فكرة فى الصيف اللى هو الحر الجامد مش بياخد غير اسبوع بس في تخليلة انا موجودة لو فية استفسار عن اي حاجة

الف شكر يا wbaby ما انحرمش يا قمر

السلام عليكم جمعه مبارك عليكم ازيكم ياجماعة وحشتنونى جدا ماشء الله عليكى طنط ام شادى معلومات مفيدة جدا وكيف حالك اختى ام نور اختى ايمى اسال الله العظيم ان يرزوقك بذرية الصالحة عجلا غير اجلا اللهم امين

السلام عليكم
ما شاء الله عليكي **ام شادي**جزاك الله خيرا على معلوماتك المفيدة دايما
وشكرا لك يا ايمي** يا سلام على الفسييييييييييييييييييييخ

وحياتك يا ام شادي تقوليلي العدس اطبخه عادي كده كانه للاكل واشيله في الفريزر وطعمه مش بيتغير شكرا يا حبيبتي