الطبخ فن ونفس وتوفير كمان

**sondos2010** · 02-03-2009, 07:32 PM

اهلا اهلا سحورة
وانتى محتاجة عزومة ياحبيبتى
داانتى صاحبة بيت
وربنا مايجيب زعل بين الحبايب ابدا
اهلا بيكى تنورى مجموعتنا المتواضعة
اهلا بيكى ياالاء تنورى
لاشكر على واجب يااميرة احناهنا اخوات ومهمتنا نفيد ونستفيد من بعض
فرح ماشاء الله عليكى وكل كلامك مظبوط
وان بعمل زيك بالظبط ابدا بتنضيف الشقة تنضيفة جامدة وتمام علشان يوم العزومة يبقى عمل عالخفيف بس
وبحضر كل حاجة عالتسوية قبلها بيوم وزيك بفضل بلاش البانيهات علشان حوسة التحمير على اخر لحظة لانها متنفعش تتاكل غير سخنة
وحتى السلطة بقطعها واحفظها بدون تتبيل يومها فى التلاجة
طريقتى دى خلت جوزى فى مرة اول مااتجوزنا كنت عازمة ناس شاف كل حاجة جاهزة كدة قاللى (ده ناقص تبعتى لهم الاكل اسكندرية هههههههههه لانهم كانوا ضيوف جايين من اسكندرية) وبعد كدة عرف واتعود ان هى دى طريقتى فى الاستعداد لاى عزومة
والله انتوا كلكم ستات بيوت من الطراز الاول ربنا يديكم الصحة جميعا

**أم شادى** · 02-03-2009, 07:40 PM

السلام عليكم جميعا يا حلوين
اولا بشكر الجميع على تفاعلهم معى
اتمنى تكونوا عرفتوا الفرق بين الفول و الفوله هههه
بالنسبه حبيباتى للرقاق بشتريه من عند صبحى فى سوق الابراهيميه
رقاقه رقيق و مش بيحتاج سمنه كتير ولا الجلاش كمان رووووووووووووووعه
لكن نصيحه لا تشتروا ايام المواسم والاعياد قبلها علشان تعرفوا تشتروا من كتر الزحام
طبعا حبيباتى محدش يزعل من توجيهات حد كلنا بتناقش و نتعرف على طرق بعض و نستفيد
غاليتى سندس انا بضيف اللبن فى بل الرقاق فقط و خاصه لما المرقه متكونش دسمه
بيعطيه لون جميل و اللبن دسم و انا لا اضع سمنه بينه و بين بعضه
اتمنى اكون وضحت لك غاليتى كمان لو معنديش مرقه كفايه اعمل ماجى مع لبن فى البل
و استغل المرقه للوجهه
حبيباتى سوف انزل الطريقه بالصور مثل مسابقه رمضان لكن انتظرونى
لانى مشغوله و عندى ضيوف اول ما افضى حنزلها لعيونكم الحلوه
ربنا يخليكم كلكم و مرحبا بضيوفنا و اشوفكم لما افضى
السلام عليكم

**sondos2010** · 02-03-2009, 09:43 PM

لا لا لا لا ياام شادى مفيش زعل ابدا من حد طبعا كلنا بنتناقش ونعرض تجاربنا ونستفيد وكل واحدة بتاخد ال يناسبها ويناسب ظروفها
وطول مااحنا عايشين لازم بنتعلم انا كلامى عن الزعل كان رد على سحر لانها كانت كاتبة
سحر66
كده يا ام نور
تعملى مجموعة و لا تعزمينى
زعلانة منك خاااااااااااااالص
وده كلامها وانا كنت برد عليها
انتى فين ياام نور النهاردة يارب الصحة تكون اتحسنت
دمتم بخير جميعا
دمتم بخير

**lolo habeby** · 03-03-2009, 12:26 AM

السلام عليكم يا بنات
عاملين اية يا رب تكونوا بخيير سلمتك يا نور تقية الف سلامة يا قمر
ام نور سلمت حبيبتى
ام شادى شكرا على الفولللللل

**alexess** · 03-03-2009, 12:30 AM

ام شادى
انا كمان من اسكندريه وباحجيب الرقاق والجلاسش من عند صبحى وباجيبه معايا قطر

**alexess** · 03-03-2009, 01:07 AM

صبحى قاللى ان افضل طريقه لحفظ الجلاش فى الفريزر انك يلفيه بكيس نايلون وبعدها فى فوطه فى الفريزر بيخليه يفضل طرى مش بينشف

**lolo habeby** · 03-03-2009, 01:24 AM

اليكسز متشكرين بجد على نصيحك الجميلة

**فرح1983** · 03-03-2009, 03:03 AM

ام نور
انت فين ياقمر والله قلقنا عليكي قوي، ربنا يطمنا عليكي دايما ياااااااااارب

مدام سحر66
والله ما نقدر على زعلك يا غالية يااااااااارب، انت صاحبة بيت ربنا يكرمك

ام شادي
مامتي حبيبتي، عرفت الفرق بين الفول والفولة وقلت لكل الحبايب ههههههههههه
ربنا يخليكي لينا يارب دايما ومانتحرمش من نصايحك الغالية دايما

سندس
ربنا يكرمك ويباركلك يارب ، هو الواحد ييجي ايه جنبكم بس ، ربنا يخليكم لنا ويبارك فيكم ياااااااارب

**ربى الله** · 03-03-2009, 05:23 AM

ازيكم يا بنات عاملين ايه والله انا مبسوطة بصحبتكم جدا
ونفسى تساعدونى فى حاجة انا دايما لما اعمل عزومة اعمل مكرونة بالباشميل وفراخ محمرة وصينية بطاطس وبفتيك ورز بالخلطة ومحشى ورق عنب ده غير السلطات بس انا زهقت ونفسى فى افكار جديدة فياريت تساعدونى

**noorelhoda** · 03-03-2009, 08:21 AM

صباح الخير عالجمع المتجمع الهائل ده
كلكن بلا استثناء
ربى اهلا بيكى معانا نورتى
سحر انتى مش محتاجه دعوه انتى بتدخلى وتشتركى على طول
فى اى مجموعه من المجموعات
ثم انت مشغول بالسياحه يا جميل
لى عوده لكن يا جميلات
وشكرا طنط ام شادى على المعلومات القيمه

**wbaby** · 03-03-2009, 11:51 AM

صباح الخير ياقمرات
ماشاء الله عليكم

بمااني متغيبه عنكم شويه
افتكرت فكرة توفر وقت فتنضيف التلاجه

بعد متنضفي التلاجه وتنشفيها كويس
بفرش على الرفوف مفارش السفرة البلاستيك بقصها على مقاسها وافرشها فالتلاجه والفريزر
وكده لما اجي انضف المرة الجايه يادوب اشيل وامسح مسحه خفيفه واحط واحد تاني
لادعك ولااحتمال حاجه لازقه ولاحاجه

**wbaby** · 03-03-2009, 11:58 AM

ربى حبيبتي
انا بالنسبالي مبعملش اي حاجه مقليه لاني مبحبش اقعد اقلي والضيوف موجودين ولو قليت قبل هيبرد
ممكن تعملي صنف خضار مع رز فراخ مشويه مع شويه خضار مشويه جنبها وصنيه جلاش تسويها وساعه ميوصل الضيوف تحمري الوش بس ولو عايزة ممكن تعملي نوع معجنات محشي لحمه مفرومه او سبانخ
ممكن جنبها نوع محشي كمقبلات وكبيبه والسلطات
واكيد البنات هيدوك افكار تانيه
ممكن تبدلي المكرونه بالباشميل
باللازانيا او كانيلوني مثلا بالصلصه الحمرة علشان ميبقاش شبه بعض
يعني اتمنى اكون افدتك

**wbaby** · 03-03-2009, 12:00 PM

ام نور الف سلامه عليك يارب ويتم شفاك على خير

**te te faro** · 03-03-2009, 12:22 PM

صباح الخير على احلى بنات.........
ربى الله
ممكن تعملى فراح محشية وتقدميها مع رز بالخلطة بيبقى شكلها حلو وممكن تعملى بدل المكرونه بشاميل صنية رقاق باللحمه المفرومه اوجلاش باى حشوة تحبيها او زى مقالت بيبى لازانيا او كانيلونى وممكن بدل البفتيك تعملى كفتة او تعملى البفتيك محشى باى حشوة تحبيها ممكن تحشيه لحم مفروم مع خضار او خضار فقط وتافيه اصابع وطبعا تعملى صنف خضار وانا دايما باحب اعمل ملوخيه بتبقى سهله وسريعة والكل بيحبهاوممكن تعملى طبعا اى محشى اخر غير ورق العنب والكرنب ماشاء الله جميل اليومين دول والحلو ممكن تعملى كيكة الكريم كراميل تعمليها قبل بيوم وتشليها فى التلاجةبتبقى حلوة وبتعجب الكل
حاولت احطلك بدائل لاطباقك وانت اختارى واى سؤال عن اى وصفة انا موجوده حبيبتى

**te te faro** · 03-03-2009, 12:27 PM

بيبى صباح الخير
طريقتك حلوة فى تنضيف التلاجة فعلا بتوفر الوقت كتير
على فكرة انا عملت امبارح الصفيحة بطريقتك وكانت ماشاء الله الحشوة راااااائعة تسلم ايييييييييييديك عليها

الطبخ فن ونفس وتوفير كمان

تعليق

تعليق

تعليق

تعليق

تعليق

تعليق

تعليق

تعليق

تعليق

تعليق

تعليق

تعليق

تعليق

تعليق

تعليق

حول هذه المجموعة

المالك

الأعضاء (135)

تصنيفات المجموعات الاجتماعية

Latest Group Topics