جورى الجميله اهلا بيكى
الحمد لله ان المشكله اتحلت
يشرفنى انضمامك لنا
فانتى مبدعه ماشاء الله نتمنى نستفيد منها
مره اخرى اهلا بيكى معنا

سلام عليكم ورحمة الله وبركاته
اهلا بيكي يا ام نور واهلا بجميع الاخوات .... اكيد انا كدا هبقى متطفلة لاني مجتليش اضافة بس الصراحة عجبتني اويماشاء الله لاقوة الا بالله ونفسي بجد اني انضم معاكم عشان استفيد من خبراتكم وابداعاتكم .... انا قريت كتير من الموضوع بس لسا مخلصتوش ... بس انا لازلت اقرا فيه ... بس حبيت اني اشترك معاكم واقولكم على اللي كنت بعمله ....
يارب مكنش تقيلة عليكم ...
انا الاول اسمي مريم وام لطفل عنده 7 شهور .... ام حمزة يعني ....
اقولكم بقى اللي كنت بعمله ...اولا انا بجيب حاجة السوبر ماركت بالشهر ... انا كنت بعمل الاتي ... آجي اول الشهر واكتب انا هاعمل ايه طووووووووول الشهر مش بس اسبوع ... كنت بكتبهم في دفتر او كراسة عندي ... اكتبهم بعشوائية ... يعني اللي نفسي اعمله طووول الشهر او جوزي نفسه فيه اكتبه ... واعد الاكلات بتبقى 30 تقريبا على ايام الشهر كلهم ...
وفي الصفحة اللي قدامها ...ابدأ ارتبهم بقى ... بالتاريخ وبايام الاسبوع ... يعني مثلا بقسم الخضار على يومين بس مش بقدمهم ورا بعض عشان لا انا ولا جوزي نزهق ... فكان يوم خضار واشيل نصه في التلاجة او الفريزر ويوم بانيه ويوم مسقعة ويوم مثلا كشري ويوم صينية بطاطس ويوم معجنات وبعدين باقي الخضار اللي كنت عاملاه من كام يوم ... وهكذا ... وبكدا مبتعبش نفسي في التفكير الا اول الشهر ... وبعد ما بكتب اللسته دي ... بكتب بقى الحاجات اللي محتاجاها من السوبر ماركت بناءا على الاكل اللي هاعمله خلال الشهر ... وطبعا الجدول قابل للتعديل وللتناقش وللتغير بس بيبقى تغيير طفيف ... بس ببقى نايمة بالليل وانا عارفة باذن الله هاعمل ايه تاني يوم ... والشوق بجيبه بالاسبوع .... وبرضو بناءا على اللي انا محدداه في الدفتر الاسبوع دا ... وبرضو الحلو نفس الكلام يعني مثلا اقول هاعمل كيك تقعد كذا يوم ومثلا رز بلبن ...مثلا يعني ... وبناءا على كدا اجيب اللي هاحتاجه ... انا بعمل كدا لان مفيش جنبي سوبر ماركت قريب خااااااااااااااااااااالص ... والسوق مش بيفتح الا مرة في الاسبوع ... دا غير اني عشان مقعدش افكر هاعمل ايه بكرة ... فبفكر مرة واحدة اول الشهر وشكرا .... واذا اتزنقت في اكلة بفتح الدفتر من اوله واجيب اكله كنت عملاها قبل كدا ... كنت ناسياها ... واعملها الشهر دا ... وهكذا ... انتوا عارفين انا في مرة معملتش الجدول دا في شهر من الشهور ... والله تعبت جدا ..من التفكير ولخبطة ايييييييييه ... وبجد وجع دمااااغ ...
انتوا عارفين حتى بيريحني في حاجة الفريزر...سواء فراخ ولحمة وبوفتيك وكدا ... دي تجربتي ...بجد ياريت تجربوها ... ان شاء الله تفيدكم يااااااااارب اللهم امين...
معلش طولت عليكم .... يارب اكون افدتكم ... ولو افتكرت حاجة تانية هاقولكم ان شاء الله ...

السلام عليكم ورحمه الله وبركاته
جزاك الله كل خير اختي ام نور على دعوتك للاشتراك في المجموعه
وانا لي عوده بعد قراءه الصفحات السابقه باذن الله

دة يا بنات رابط تفريز الطعام

سلام عليكم
انا تقريبا دلوقتي قعدت خلصت قراية الموضوع كله بجد تحفة بسم الله ما شاء الله ... انا شخصيا استفدت جدا وناوية باذن الله تعالى اطبق حاجات كتير من اللي اتقالت الشهر دا باذن الله
ربنا يباركلكم ويكرمكم جميعا يااارب اللهم امين

اختى النفس المطمئنه
اهلا بيكى معانا ومفيش تطفل ابدا بالعكس
انا بدات ارسل دعوات للاخوات
وعلشان منساش حد لان وارد فى الزحمه حد يقع منى فكتبت المجموعه
فى توقيعى حتى تكون الدعوه عامه
فاهلا بيكى وتجربتك جميله ان شاء الله البنات ييييييييييييييستفدوا
منها

لولو موضوعك رائع انا قريته
شطوره
بس موضوع الشبت مع السبانخ غرييب شويه بس ان شاء الله
اجربه

ملك حبيبتى منورانا
اخبار الحمل معاكى ايه
يارب تقومى بالف سلامه

ماشاء الله عليكم
ربنا يباركلكم
افكاركم حلوة
ازيكم ياقمرات وحشتوني
امنور عامله ايه دلوقتي بالنسبالي انا كمان مليش فالمربات
بس برده لازم ناخد فكرة
لانها افكار لاااتعوض

جمعة مباركة على الجميع ان شاء الله

هلو بنات اتمنى اشارك معكم لكن للاسف لااعرف كيفية المشاركة

واتمنى انكم تساعدوني على الاشتراك

بيبى شكرا لسؤالك حبييبتى المد لله بخير
اخبار الكتاكيت ايه يارب يكونوا احسن
سندس حبيييتى وحشتيييييييييييييييييييييييييييييييييييييييييييينى موت
مبتدخليش الياهو ليه
الاء خير الله اهلا بيكى معانا
خلاص ما دمتى دخلتى المجموعه تبقى انتى مشتركه معانا يا قمر
اهلا بييكى بين اخواتك
نورتييييييييييينا

ازيكم يا حلوين
يا رب تكونو بخير كلكم
ميرو بالنسبة للرز اللى فى الفريزر
بنطلعه يفك وبعدين نحمر شعرية ونضع ماء قليل علشان الشعرية تستوى وبعدين نقلب فيها الرز ونتركه على النار شوية

بما ان الدعوة عامة فاانا دخلت وحبيت اقول شي بسيط عن المربي
وهو
انه من المهم لنجاح المربي ان تكون طازجة وسليمة وناضجة
ان يتم وزنها بعد تجهيزها (اي بعد غسلها وتنظيفها وتقطيعها)
لان بناء علي وزنها يتم تحديد كمية السكر المناسبة لكل نوع
لانه اذا زاد السكر فيوءدي الي تسكير المربي
واذا نقص السكر فيوءدي الي تلف المربي
وعند طهي المربي ايضا تراعي النقط الاتية وهي
توضع المربي اولا علي نار هادئة وذلك لعدم احتراقها
ويجب ملاحظة ان السكر ذاب تمام قبل بدء المربي في الغليان
وعندما تبدا في الغليان نرفع درجة الحرارة مع التقليب المستمر بخفة وازالة الريم كلما ظهر (انقطاع ظهور الريم دليل علي قرب نضج المربي)
وتعبا المربي وهي ساخنة
ارجو ان تفيد الاخوات هذه المعلومة