بالنسبه للشوي مبدايا لازم يكون عندك في بيتك تهويه جيده انا كنت ساكنه الاول في شقه شباك المطبخ مبيفتحش محاولتش طبعا اجرب
الان في تهويه كويسه فالحمد لله عادي
بصي انت بتجيبي رده وتغسلي السمك زي البوري وتحطيه في الرده وتكوني مسخنه صاجه كبيره عالنار انا بشغل عينتين بوتاجاز
وبستخدم صاجه الفرن لاني مش بستخدمها في الفرن
وتترصي السمك عالصاجه عادي وبتشوفيه استوي من تحت ولا لا وبعدين تقلبيه
مع مراعاة احجام السمك يعني الرفيعه مش بتاخد وقت والتخينه المحمله بتاخد وقت اطول
وخلي بالك مش بتحرقيه وانت مع الوقت هتقدري الوقت اللزم للسوا
وبعدين بطلعه واحطه علي فويل علي صينيه وارش عليه بهارات السمك وممكن كمون وملح وشطه فقط واقفل عليه بالفويل يعرق شويه
وبالهنا

ام نور ازيك يختي وحشتيني
منا عارفاكي يختي ضليعه في السمك انت هتقوليلي ربنا يحميكي
بس المشوي احسن من المقلي في الفايده خلي بالك انا سمعت الدكتورة مني راداميس بتقول علشان تستفيدي من السمك ياما مشوي ياما صينيه انما المقلي ده ابعدو عنه خالص فايدته بتروح
وكمان المقلي بيتخننننننننننننن واحنا مش ناقصين

ام نور ممكن تبعتيلي الرابط عالخاص؟

الرابط بفلوس
اللى عاوزه الرابط تدفع فلوس هاها هاها

شكرا يا نايس على السمك المشوى انا باخاف اعملة فعلا عشان التهويه انا قافة شباك المطبخ ومكتفية بالشفاط رايك كفايه ولا ايه يا اختىىىى

تى تى وصلك الرابط حبيبتى؟؟؟؟؟؟؟؟؟؟؟؟؟؟؟؟؟

وصل يا قمر(علم يا فندم)

يا ام نور عاوزة فلوس عالرابط ده توفير ولا ايه
بصراحه انا ذهلت من الرابط ده يجنن يهبل ده الي كنت محتاجاه من زمان والله بس ده عاوز دراسه مستفيضه لانه الموضوع كبير جدا جدا
الاخت الكسس انتي روعه جزاكي الله خيرا علي مجهودك بجد فنانه انت وباقي البنات الي ساعدوكي

ام نور جزاك الله خيرتا عالرابط بس انت عرفتي منين ان الكسس هيا عمرنا؟

تي تي جربي مرة بس انا برضه كان عندي شفاط وخفت اجرب لان حسيت الشقه هتدخن جامد
لو ناويه اقفلي باب المطبخ واقعدي جوه بقي وربنا يعينك بس حاسبي لحسن تتخنقي

عرفت لان الكسيس صديقتى الشخصيه
وكانت خدت رايي فى الموضوع وهى بتعمله وماشاء الله عليكى مهما قلت مش حقدر اوفيها حقها وهى عضوه مشهوره جدا جدا فى فتكات
ولها شعبيه ضاربه

السلام عليكم
اولا انا اسفة كتير يا جماعة لاني شوية مقلة بالكتابة معاكم
بس اكيد انتو بتعزروني
الف شكر لكم لكل المعلومات الي بتقولوها لنا
وان شاء كلنا نستفيد من خبرات بعضنا حتى لو كانت بسيطة


وبالنسبة لشوي السمك
انا رح اخبركم عن طريقتي باختصااار
اولا بتبل السمك سواء هو سمكة كاملة او شرايح فيليه
وبعدين بحطها بالفرن لحد ما تستوي
وبعدين باشعل قطعة فحم ولحد ما تصير جمرة
واحطها بداخل قطعة من ورق الالمنيوم
وانقط عليها شوية من زيت او السائل الموجود مع السمكة المشوية واخليها تدخن كويس وطبعا في هذه المرحلة لازم اغطيها بقماشة او قطعة المنيوم احسن مشان خطر الاحتراق
المهم اخليها تدخن على بعضها لحد ما احس ان الفحم انطفى
وبعدين دوقي احلى سمك مشوي
وفيه ريحة التدخين الرائعة
حتحبوها اكيد
وشكرا لكن جميعا

نسيت اقول انو الفحمة لازم احطها بالالمنيوم وادخلها بنص صينية السمكة المشوية
ومو ضروري احطها بعدين على النار او اي شي

صحيح خبروني
شو هو الرابط يلي عم تحكوا عنو
؟؟؟؟؟؟؟؟

اهلا بيكى حبيبتى اليمان
نورتينى نتمنى تقضى معنا اوقات مفيده

فالرسول الكريم عليه صلوات الله وسلامه يقول: "رحم الله امرأ اكتسب طيبا وأنفق قصدا وقدم فضلا ليوم فقره وحاجته"
الحديث دة اول مرة اقراه بس قلت اكتبهلكم وعملت عليه بحث ولقيته موجود باذن الله لاني بصراحة احط احاديث موضوعة
wbaby
والله يا حبيبتي ربنا يشفي جوزي يارب بس هو مشكلته مش السكر قد ماهو مش بيميل للاكل دة كله فحيرة ما بعدها حييييييييييرة

نايس
طب انت ليه مش بتشوي السمك في البكونة وللا عشان في الرياض؟ انا عشت فيها فترة كبيرة من حياتي بس طبعا ماما هي اللي كانت مسؤولة والمشكلة ان لا انا ولاجوزي بنحب السمك المشوي خاااااالص


ام نور
والله يا حبيبتي فكرة خالتك دي جميلة انا كتير بعمل كدة يعني باعمل الاكل وبابقي منه بس لتاني يوم اكله انا وحبيبة عشان ما نفطسش طول اليوم من الجوع ونفضل ناكل حاجات مالهاش لازمة
وبالنسبة للسمك للاسف اصلي ساكنة في مدينة الرحاب، المدينة دي للي مايعرفهاش في القاهرة الجديدة، مقطوعة عن العالم الخارجي
فيها كل حاجة بس غاااااااااااااااااااالية جدا واحنا بصراحة وبامانة اتبلينا بالقعدة فيها لانها اعلى من مستوانا بكتير، وهيا اصلا شقق كان واخدها حمايا من مية سنة وكانت الحياة فيها بسيطة، دلوقتي الحاجة نار يا حبيبي نار، فمش بشتري منها حاجة تقريبا غير ضروري الضروري كله من عند ماما وهي في حلوان ، هناك السوق ماشاء الله فيه كل حاجة وكل الاوبشنز واسعاره معقولة جدا، بجيب اللحوم والفراخ وممكن الخضار واوضبه في الفريزر
اما الخضار الطازة من سوق مدينة نصر بكتب لجوزي في ورقة الطلبات بالظبطط، كان الاول يعمل فيها شاطر وكريم ويزود وبقى يلاقي ان الحاجة بتبوظ من نفسه بعدها بقى يجيب اللي في الورقة بالظبطططططططط ههههههههههه
السمك بقى دة اكبر مشكلة مع ان انا بحبه جدا وبنتي ماشاء الله، بس هو مش قوي، وكمان عندنا غالي جدا كيلو البطي مثلا ب18 جنيه ومش فريش خالص، فلما جوزي بيشتاق للسمك بينزل سوق مدينة نصر وبيجيب وبعمل، وغير كدة ممكن اجيب المجمد اللي هو الفليله ماهو نص العما ولا العما كله
وبالنسبة للموقع شكله رائع ماشاء الله بس عاوز مخمخة باذن الله بس اروق واقراه ونتناقش فيه