اهلا وسهلا بخالتو ام موسى الراااااااااائعه يارب تفضلي منورانا علطول

اهلا اهلا سوسنتنا الجميلة
نورتينا ياغالية

يا بنات
هناك تنبيه ساضعه باكرا ان شاء الله
اتمنى تشوفوه
لانه سيكون اساس موضوعنا
تصبحوا على خير

طيب ليه بكرة كده تشغلينا

السلام عليكن جميعا
يابنااااااااااات انا بقالى ساعة اقرا كل كلامكم ال فاتنى
لانى للاسف مش بعرف اتواصل معاكم بالنهار
لان اغلب دخولى بيكون متاخر فى الليل واكيد اغلبكم او كلكم بتكونوا خخخخخخخخخخخ
فى سابع نومة وكمان بتاكلوا رز مع الملايكة(هههههههههه)(انا عارفة انها مقولة غلط لان الملايكة اساسا مش بتاكل لارز ولاغيره)
ماعلينا طولت عليكم بالمقدمة
فى كذا نقطة استوقفونى فى كلامكم
اولا اتكلمتوا كتير النهاردة فى موضوع السمك
ولل ميعرفش انا عايشة فى رشيد ودى مدينة بتقع على النيل وعلى البحر
يعنى احنا بتوع السمك
لذلك احنا ممكن ناكل مرتين او تلاتة او اربع مرات سمك فى الاسبوع
لانه متوفر (اى نعم بقى غالى نار) وثانيا ان جوزى بيموت فيه ولو يطول ياكلنا كل يوم سمك
بس المشكلة فين بقااااااااااااا
ان ولادى بيزهقوا منه ويقولولى هو كل يوم سمك
يعنى سبحان الله ناس بتشتهى تاكل سمك وتتنشق على سمكة طازة وولادى مجننى بسبب السمك وبسبب اننا بناكل سمك كتير لذلك بنوع فيه يعنى يوم مشوى يوم مقلى يوم مسلوق صيادية (بس اقلى سمك ولادى بجانب الرز الاحمر لانهم مش بيحبوا المسلوق) وممكن اعمل صينية وطبعا حسب نوع السمك يعنى البلطى مثلا مينفعش يتعمل صينية لازم يكون قاروس او مياس او ممكن البورى الكبير وفى انواع كتيرة تانية فى سمك اسمه سيوف هوطويل كدة وبيلمع شبه السيف وده بيتقلى بس وغيره وغيره
وفيه البربون والسبيط بعمله طاجن واقلى منه والجمبرى بسلقه بس بعد التنضيف لما ظهرى يتقطم واقلى منه لابنى لانه مبيحبش المسلوق ولو صغير بعمله كفتة ودى حفلة لوحدهاوبالنسبة للشوى فى البيت ال اتكلمتوا عليه انا مش بشوى غير السردين فقط لانه ممكن يتحرق فى الفرن ومبياخدش وقت خالص عالنار
بس المشكلة بتكون فى الدخان وخاصة لو كان سمين وكمان الريحة
انا بقفل عليا فعلا زى ماقلتوا باب المطبخ وافتح الشباك واشغل الشفاط واعيييييييششششششش جوة الهيصة دى وبعدين ييجى حفلة غسيل البوتجاز(لانى مش بحب اغطى البوتجاز بالفويل احب اغسله كل يوم واخليه يلمع كدة ههههههههه تعب قلب)
نيجى لنقطة التوفير بقى وهتكلم عن ناحية السمك دلوقت
انا جوزى من النوع ال بيشترى كل حاجة بالهبل (وهتكلم عن النقطة دى فى وقتها برضه)فيروح يجيب سمك كتير
طيب ليه ماانت عارف الولاد بياكلوه بالعافية
انا اعمل ايه اقدر احنا هنستخدم اد ايه واشيل من السمك بقدر ماالاقيه هيكون زيادة
لو حتى سمكة واحدة(لاننا مش بنحب ناكل السمك البايت)وارفع السمك فى الفريزر
وعلى الرغم انى مش بنحب ناكل اى شىء مجمد لكن كدة افضل من انها تترمى لان طعمها تانى يوم بعد التسخين بيتغيرولو حصل محدش بيقع فيها غيرى وجع بطنى ولارمى الاكل ههههههههههه
ومرة على مرة بيكون اتجمعت عندى وجبة سمك افاجئه بيها واقوله عندنا اكل النهاردة
وابقى وفرت شرا النهاردة
ايه رائيكم مش انا كدة مدبرةمنزل ههههههههههه
كفاية كدة النهاردة وبكرة ان شاء الله بعد مانشوف تنبيه ام نور اعرف هكمل ولا لا
بالنسبة للرابط هشوفه وعلى فكرة انا عضوة هناك بس لسه جديدة شوية فمعرفتش العضوات كويس
السلام عليكم ورحمة الله وبركاته

وعليكم السلام
اهلا اختي سندس
بصي بقى يا ستي سبحان الله جوزك بيموت في السمك ولو طايل يأكلكم كل يوم سمك هيعملها
وانا بقى جوزي ما بيحبش السمك وما بيعرفش يشترية أصلا
والمشكلة اني مش عارفة اتأقلم مع كده خالص لأن اهلي كلهم صيادين وتجار سمك وكنا في بيتنا كل يوم سمك
بس الحمد لله عيالي بيحبوه وكل يوم خميس بناكل سمك عند ماما
على فكره أنا من السويس ونفسي اروح رشيد**سلامي لك ولكل الموجودين في رشيد

السلام عليكم ورحمه الله وبركاته
اخواتى عضوات المجموعه مسجلات او لا
بما ان مجموعتنا هدفها الرئيسى هو التوفير
فى المطبخ فى البيت فى الحياه
وبما ان الموضوع مهم والبنود كثيره سيتم مناقشه بند بند
وسيتم اعطاء كل بند فتره اسبوع حتى يأخذ حقه فى النقاش والنتيجه تكون مرضيه لنا جميعا ان شاء الله
ويتم تنفيذ الفكره وتطبيقها فى حياتنا
لربما نصل لنتيجه نحقق بها الفائده من موضوع التوفير ونرى معا اذا كانت النقاط التى تم مناقشتها اثمرت ام لا
اتمنى ذلك
لذا رجاء خاااااااااااااااااص
نلتزم اخواتى بمناقشه البند المقرر ان نبدأ به وتكون مناقشتنا فى صلب الموضوع حتى لا يخرج الموضوع عن هدفه ويفقد قيمته
وبما ان الاخت اليكسس عرضت الموضوع فى احد المنتديات كما اخبرتكن وبما ان الفكره لاقت اقبال ونجاح منقطع النظير فى التطبيق لذا ستكون هى القائمه ان شاء الله على فتح باب المناقشه وشرح بند بند وسـأجلس معكن اخواتى فى صفوف المتابعين لها
واريد ان الفت نظركن ما سنفعله ليس بمحاضره سنلقيها بل اسلوب ومنهج سوف نتبعه ان شاء الله
وكلنا سنتناقش كلا حسب المناسب لنا ولظروفنا فما يناسبك اختى من الممكن الا يناسب اخرى
لذا اتمنى ان يكون النقاش فى محور الموضوع
وسوف نبدأ غدا ان شاء الله
حوارنا مفتوح الان فى اى موضوع الى ان نبدأ غدا بعرض بنود التوفير ومناقشه اول بند لمده اسبوع
اتمنى سماع رايكن اخواتى

السلام عليكم و رحمة الله

اعذريني يا ام نور ما قدرت ادخل امس كنت مشغوولة و كمان النت كان يفصل معي

ما شاء الله انا قريت كل الصفحات اللي فاتتني و اكتشفت معلومات لم اكن اعرفها
البامية البايتة هل صحيح بيكون فيها دود؟ و الرز و السمك
انا لم اسمع بهذه المعلومة من قبل و لكني ما اعرفه هو عندما تحتتفظين باكل مطبوخ يجب ان تبرديه باسرع وقت ممكن و تحتفظين به في الثلاجة على ان لا يتعدى خمس ايام . و عند التسخين يجب يغلي الاكل جيدا حتى تموت كل البكتيريا التي من الممكن ان تكون قد تكونت.

انا غالبا لا احتفظ باي اكلة في الثلاجة و اتحرى قدر الامكان ان نطبخ كل يوم بيومه.

كما تحضرني معلومة عن الرسول عليه الصلاة و السلام انه لم ياكل يوما من الاكل البايت.

هناك ملاحظة لو سمحتو يا بنات لازم نضع محور للنقاش علشان نستفيد اكثر كما اشارن الاخت الكسس التي يبدوا انها خبيرة في التوفير

ارجوك يا ام نور ابعثيلي الرابط كي استفيد من خبراتها

صباح الفل على احلى ستات بيوووووووووت
والف مرحب بالغاليه السوسنه السوداء

السلام عليكم
ياالله يا ام نور
انا جاهزة معاكم
وهاتي نشوف البند الاول
ونحن بالخدمة ان شاء الله
بارك الله بكم على هذا الموضوع الممتاز ... المفيد ... والشيق

اختي *موون*
على فكرة اول مرة اعرف ان الرسول صلى الله عليه وسلم
ما كنش بياكل اكل بايت
طبعا الاكل الطازة احسن
لكن اللي عندها اطفال زيي وخصوصا في المدرسة
لازم تخللي فيه اكل في الثلاجة
مش انتي معايا برضه
وللعلم انا ما كنتش بقول عن البامية حاجة
دي حاته البامية لما بتبات بتبقى حلوة
انا قلت الملوخية
وربنا يسترها

صباح الانوار على احلى صحبة.........يارب تكونواا بالف خير
اكيد يا ام نور الموضوع بالطريقة دى هيكون اكتر نظام وباذن الله اكتر فايدة
.....ياله تعالى هو فعلا موضوع مهم وانا كلى حماس وفعلا بدات اطبق حاجات من اللى قريتها هنا او فى موضوع الاخت الكس
ياله هاتى البند الاول..............

صباح الخير حبيباتى ....يا رب تكونوا بخير

الف شكر نايس و فرح على طريقة حفظ الفاصوليا ان شاء الله اجربها

فينكم يا بنات ؟؟؟

ام نور فكرة حلوة موضوعالبنود هترتب افكار الموضوع شويه وهنستفاد اكبر استفاده منه

كده يا نور بتشكرى نايس وفرح ونا لا
اه يا تعب ايدى ونا بكتبلك الوصفه
اه يا ورم صوابعى
خلاص محرومه من اى سلامات تدخلى تقرى البنود ومن سكات ولا تعملى همسه
وقد اعذر من انذر