ازيك يا وردة عاملة اية وازاى جوجو
ماشاء الله بجد استفادت منكم

شكرا يالولو لمشاركتك
طريقه التنظيف الشهرى كويسه بس متعبه اوى
انما لو كل اسبوع بيبقى احسن لان مش حتحتاجى تنظيف مضاعف زى اللى بتعمليه فى الشهر فهمانى
وجربى تسبكى الطماطم لانها بتكون صحيه اكتر

صح عندك حق بس عارفة انا اصلا كدة كدة بهد نفسى فى التنظيف كل اسبوع بس كل شهر دية زيادة تاكيد علشان لو فى حاجة معملتهاش زاى غسيل السجاد مش بقدر ابدا زراعى بيموتنى فدة بيخلينا نعمل اللى مش بقدر اعملة كل اسبوع
الطماطم هجربها ان شاء الله
نووودىىىىىى اخبارك اية

السلام عليكم
ماشاء الله انا استفدت منكم جدا
طبعا انا جنبكو ولا حاجه بس عموما انا بخزن اللحوم بعد تقطيعها عل كيس علي كمية يوم فقط والدجاج لو مبرد بنضفه واقطعه واضع في الاكياس مع كتابة محتويات الكيس لان ساعات بلخبط الكبده عاللحمه
برضه الخضار ساعات بجيبه فريش وانضفه واضعه في ماء مغلي واقسمه عالاكياس مع كتابه المحتوي لان بعد التجميد الشكل مش بيبقي باين
وعلي طريقه ام نور بقيت اعمل البفتيك واخزنه وعليه البقسماط
السمك بتبله واحطه واطلعه يفك واقلي علطول الكفته بتبلها واصبعها واشيلها في الفريزر
بالنسبه لتنضيف البيت انا كنت ببحث كتير عالنت ومازلت استفدت حاجات كتير
منها استخدام الخل في التنظيف وللملابس البيضء بدلا من الكلور والصراحه النتيجه حلوة
استخدام نقطه خل ونقطه صابون علي ماء والتلميه بدلا من منظف الزجاج والنتيجه اسرع
في حاجه برضه بتوفر الوقت جدا تنظيف الحمامات
انت بدلا من تصبين وغسيل الحمام كل يوم بتجيبي رشاش وتحطي في ربعه اي منظف ومعقم وشويه خل وتكملي مااء وبفوطه مخصصه للحمام بعد غسله في اليوم السابق تمسحي كل شيء في الحمام ثم تسكبي ماء في الارض وبالمساحه بسرعه
الموضوع بياخد دقيقتين وبيخلي الحمام يبرق

برضه فكرة لف الفوط والملابس الداخليه والباديهات علي شكل رولات بيفرق جدا في النظام وفي السرعه علشان الواحد يلاقي القطعه المطلوبه بدل متقلبي الدولاب كله

ام مريم العراق
عاوزة اسالك عن المحشي الرز جوه المحشي بيبقي اخباره ايه

مساء الخير يا قمرااااات
بالنسبه للملابس رول انا بعمله مع ملابس زوجى الداخليه
بيكون سهل ياخد منها
وكان عندى مكان فى الحمام غير مستغل بين عمود وحيطه
قفلته ضرفه وعملت ارفف زجاج زى المحلات
بحامل بسيط وعملت دولاب للصابون والمسحوق والشامبو
وادوات الحمام والنظافه كلهاا
علشان يكون الحمام شكله مرتب
وسهل التنظيف

انا بقى مش عارفة اقولكم ايه لاني عندي طفلتين الاتنين صغيرين ومحتاجني في كل حاجة
الكبيرة حبيبة 3 سنين
والتنية حلا 5 شهور
يومي كله مورستان واللي مزود المورستان دة ان جوزي مواعيد شغله وش، من 12 ل 12
وكل يوم اكل جديد غير التاني وزي ما قلتلكم قبل كدة تلاتة ارباع الاكل مش بياكله، وبيحب التجديد دايما ما تفهميش ازاي مع ان الاصناف محدودة
بالنسبة لطلبات البيت انا بجيب كل حاجتي اللي تقعدني طول الشهر من عند ماما واوضبها واقسمه وافرزها، لحمة وفراخ، وخضار وكله
بصراحة حوار الطماطم دة ما جربتوش قبل كدة لاني مشكلتي ان الفريزر عندي مش بيكفي الا للضروريات اللي هيا اللحمة والفراخ والخضار ومش بكميات بس شهر بالعافية، عشان كدة ربنا ييسر واجيب ديبفريزر
البفتيك بتبه واشيله في الفريزر لان جوزي لما كنت بحطه في البيض والبقسماط كان بيعرف انه متفرز كدة وما حبهوش
البانيه مش بياكله
والخضار انا غالبا بعمله ني في ني او زي سوتيه كدة مع فراخ في فويل في الفرن
وصواني برضو البطاطس والكوسة كله مع بعض ني في ني وياخد سوا بعضه
بطلع الحاجة من الفريزر اول ما اصحى وعلى العصر كدة لما تفك اتبلها واسيبها لحد على 9 او 10 كدة اسويها
الحمة المفرومة بقسمه جزء اعصجه واشيله كدة
وجزء للكفتة والحوواشي مثلا بس مش بتبله
يعني من الاخر اللي بعمله بس نظرا لظروفي التنظيف والتفريز انما اني اعمل اكياس وكدة في الفريزر مش بقدر لظروف بناتي
وبالنسبة للتوم لقيت انه لما بيتحط في الفريزر برضو بيبقى الطعم متغير
انا مش مؤيدين ان الواحد طول اليوم في المطبخخخخخخ، بتخنق جدااااااا، والحمد لله انا بنجز وبعمل بسرعة
اول ما البنات ينامو كدة ساعتين المغرب
اقوم اعمل الاكل وعلى ما يتشرب او يتسبك وكدة
اكون روقت الشقة وكنستها ولمعت والحمامات
والتنظيف الاسبوعي كل سبت لان جوزي بيبقى قاعد يوم الجمعة وبتبقى الشقة اجاركم الله
دة غير بقى اللملمة كل شوية بتهد حيلي
ربنا يعين
وكل شهر تقريبا او 3 اسابيع ابعت حبيبة لماما يوم او تبقى ماما عندي تمسك الاطفال وامسك الشقة انكتها من كله مسح وكنس وتنفيض وكله
صحيح فترات بعيدة بس انا بنضف كل يوم وكل اسبوع
بس ظروف بناتي دي تعيط ودي ورايا تشيل برجلها كل اللي عملت وتعك في المية وازعق معاها بيخليني بابقى عاوزة حد يعد معاها
والشغالات كنت بجيب واحدة كل شهر، هنا بيدللوا علينا وبياخدوا مباااااااااالغ واذا كانش عاجبنا يعني اقل حاجة بالميت 70 جنيه وتبقى مخنوقة دة لو جت اصلا
وطبعا كل دةو لاااااااااااازم اكل كل يوم
انا على الساعة 2 بالليل كدة او 3 بابقى خلصتتتتتتت ومش بيبقى هاين عليا انام
بحس اني ماعملتش حاجة لنفسي فممكن اعد على النت شوية للفجر وبعد كدة انام، طبعا خلال دة حلا اوقات كتير بتبقى مونساني.
انا عارفة اني ما فدتكوش بحاجة بس ياريت لو فيه اقتراحات لية يبقى ربنا يكرمكم جدااااااااا

طيب شوفى يافرح الطريقه دى يارب تمشى معاكى
انتى طبعا بتصحى مع جوزك وهو نازل الشغل
بعد ما ينزل يافرح فطرى بناتك وادخلى على اوضه النوم اول شئ روقيها ورتبيها كويس واكنسيها وعطريها واقفلى بابها بحيث بنتك الكبيره متعرفش تلعب فيها نهائى
وادخلى عالمطبخ طبعا عندك مواعين عشا بالليل وكمان مواعين الفطار
حطى لعب للبنات فى الصاله والهيهم وادخلى عالمطبخ حاولى تخلصيه وتشطبيه كويس
جدا جدا جدا وطلعى الاكل اللى حتعمليه يفك لمى غسيلك فى الغساله
واحصرى لعب عيالك فى مكان واحد فى الصاله مثلا وحطي لهم اللعب فيها مع تشغيل كرتون مثلا او اى شئ
وانتى اقعدى عالنت او اشغلى نفسك بأى حاجه مع مراعاه انك تواظبى على مواعيد الصلاه
ولما ينامو وضبى المكان اللى قاعدين فيه على قدر المستطاع
ونضفى الحمام وادخلى المطبخ ابدأى تجهزى اكلك وحاولى وانتى واقفه تعمليه تشطبى المواعين اول باول
ولما جوزك يرجع تكون الدنيا مترتبه ومواعينك نضيفه والاكل متحضر واتعشوا وسيبى مواعين العشا لتانى يوم وهكذا فهمانى

بصراحه يا فرح الله يكون في عونك فكرتيني بالذي مضي هههههههه
والله انا عيالي بيوسخو بصوره مش معقوله وكنت بعقد ساعات اعيط من قلبت البيت الي بيعملوها مع انهم مش صغيرين
بس بقالي فتره بعمل اول باول ولو شفت حد بيرمي عالارض ابهدله واخليه يشيل بسرعه وساعات اضربهم بصراحه وسااعت اغريهم بالتوفي والحلويات بجيب منها علب واخبيها وكل ميعملو حاجه صه اديلهم ممكن تعملي كده مع بنتك بصراحه ممكن ابقي قاعده عالنت في امان الله الاقيهم جابو ورق وقطعوه صغير صغير ومنطورينوه في كل مكان حتي لو كلو فاكهه يرمو البواقي عالارض لو قعدت الم وراهم ضهري هيتقطم فبخليهم يلمو ومرة بالضرب ومرة بالاغراء

بالنسبه للحواوشي لسه قارية ان واحده بتبل اللحمه وتفردها في العيش وتفرزها علي الشكل ده ولما تكون يوم زهقانه نص ساعه في الفرن ويكون استوي
بصراحه انا عجبتني الفكره وعموما ان احتفظ دايما في الفريزر بوجبه كامله مجهزة بحيث ان لو يوم تعبا نه او خرجت او جالي ضيف مضطرش اشتري اكل من بره
بس عاوزة اسال حد فرز المكرونه بالباشميل وتكون مستويه ولا نيئه؟

كمان قرات مره ان واحده لما بتفرز اللحم المفروم بتحطه في كيس علي اد الوجبه وتبططه كده ليكون في الكيس بسمك بسيط جدا بحيث انها لما تطلعه من الفريزر مياخدش ربع ساعه ويكون فك وده اختصارا للوقت

انا يا نايس بحط المفروم فى الكيس كده
وكمان اللحمه المكعبات
بفردها

السلام عليكم
بجد انتوا مجموعة جميلة جدا جدا يارب اكون ضيفة غير ثقيلة عليكم
استفدت اوى اوى من معلومات كتيرة موجودة
يارب تقبلونى معاكم صديقة

اهلا اختى مختفيه ان شاء الله تسفيدى اكتر معانا.......