واعمل قائمه مشتروات قبل ما تروحى السوبر ماركت وركزعلى انتى عاوزه بس
وخدى معاكى فلوس محدوده
اعملى لكل اسبوع مبلغ معين من المال وحاولى انك لاتتعديه
وشويه بشويه هتوفرى منه كمان
لى عوده حبيبتى

مثلما قلت لكم فى البدايه ان التوفير لا يعنى ابدا الحرمان او البخل لا سمح الله .
من اهم بنود التوفير : الوقت ...الوقت كالسيف ان لم تقطعه قطعك ...وقتك من عمرك فهل تقبلين ان يضيع جزء من عمرك هدرا بدون الاستفادة منه ....
تعالوا نتكلم عنطرق التوفير فى الوقت او بمعنى ادق تنظيم الوقت ..تنظيم الوقت سيتيح لنا الفرصه لاتمام كل المهام خلال اليوم على اكمل وجه .
1- عمل جدول اسبوعى للوجبات التى سيتم عملها خلال الاسبوع .
2-التحضير المسبق للبصل (شرائح - مبشور -ماء بصل - قاورما ) حسب اغراض الاستخدام والثوم والخضر المحفوظه فى الفريزر مسبقا يسهل كثيرا العملاليومى فى المطبخ ويوفر الوقت والجهد .
3- تجهيز تتبيلات متنوعه لاصناف اللحوم والدجاج والسمك ليتم استعمالها خلال الاسبوع الواحد .
4-ترتيب الفريزر بشكل جيد ووضع محتوياته فى اطباق فايبر مكتوب عليها نوع الموجود بالطبق يجعل الفريزر منظم جدا ويسهل الوصول الى ماتريدين فى اقل وقت ممكن

5- حددى لنفسك فترات معينه لاداء مهماك داخل البيت ...من ...-... تنظيف ثم المطبخ ثم تحضير الغداء ثم -ثم - ثم
وهكذا بحيث تلتزمى بقضاء كل مهمه منها فى وقتها المحدد لها ولا تتخطيه . هذا الالتزام سيجعلك تلقائيا تستفيدى من وقتك تماما ز

معاك حق ياالكس
انا بعمل كده فالفريزر بكتب على كل حاجه وانواع اللحوم لو كذانوع
وبيبقى سهل اني اطلعه بسرعه

بالنسبه لنايس
هيه فالاول ممكن يكون معاك حق لاني وعن خبرة عارفه طريقه العرض هناك بتكون ازاي
بتخليك تجبيها وانت مش دريانه
بس لازم بعد كده تاخدي بالك وزي شخبوطه مقالت تعملي ليسته بالي محتجاه
هاتي اجنده صغيرة وقلم خليهم فالمطبخ علطول
وكل مينقصك حاجه او تفتكري حاجه عيزاها تكتبيها
وكده اخر الاسبوع هتعرفي انت عايزة ايه

بالنسبه للوقت انا عندي مبحسش بيه
لان الاولاد وخدين الوقت كله ومابلاحقش عليهم
وبحس على اخر اليوم اني مبعملش حاجه غيرهم
وللاسف اهملت نفسي جدا مش عارفه بقول يمكن فترة وتعدي

انا ياجماعة قريت كل كلامكم
وعاجبنى اوى النقاش فى هذا الموضوع
لان كلنا شايفين غلاء الاسعار مهما كانت مستويات المعيشة بتاعتنا
وعاجبنى اوى كلام اليكسس
لانها بتنظر للتوفير من كافة الجوانب
وانا من رائى علشان منتوهش نمسك بند بند وكل واحدة فينا تقول رائيها وتجربتها فيه
وان شاء الله نستفيد كلنا
سعيدة بانضمامى ليكم

ايوة يا حلوين
انا قريت الموضوع من اوله وهو ماشاء الله هايل جدا
انا عن نفسي جوزي ظروف شغله من الضهر ل 12 بالليل
فمش بياكل غير وجبتين في البيت وخلال اليوم هو بيتصرف لانه مش بيحب اعمله اكل واديهوله بيقوللي انا مش رايح مدرسة
ولانه طول اليوم مطحون فببقى عاوزة اعمل اكلة حلوة بالليل لان الفطار سندوتشات
وهو بقى مش بياكل اكل باايت خاااااااااااالص
ومش بياكل القرنبيط ولا الكشري ولا البصارة ولا المعجنات والبيتزا الا نادرا بيقولي بيتزا برة احلى من البيت ، ولا المحاشي، والسمك عندنا مش سهل نجيبه يعني حووووووووسة بعيد عنكم ازاي اصنف كل يوم واشيل من الاكل كل الاوبشنز دي، بالاضافة انه هو مريض سكر
انا مثلا بجيب حاجتي بالشهر بالنسبة للبقالة، واللحوم والفراخ، واقسم الاكياس على قد الوجبة بالظبط بتاعة اللحوم والفراخ، ولو فيه بانيه ولو ان جوزي مش بيحبه برضو هو والبوفتيك بتبلهم واقسمهم برضو على قد وجبة ليوم واحد بس يتبقى منه حتتين صغيرين لبنتي تاني يوم عشان احنا بناكل بالليل فمش معقولة تفطس هي حرام ههههههههه
واللحمة المفرومة اقسمها، نصها اعصجه واحطه في اكياس على قد المرة برضو سواء بشاميل او لزانيا او كدة، اكياس صغيرة يسهل التحكم فيها، يعني لو حاجة صغيرة كيس، حاجة اكبر كيسين وهكذا
والنص التاني اقسمه برضو نصين بس نية، عشان الكفتة والحوواشي مثلا، والكلام دة بيوفر لي وقت وجهد لان بناتي صغيرين ومحتاجين مجهود وانتباه .
الفراخاغسلها كويس بدقيق ومية وخل او ليمون واقسمها في اكياس برضو على اد وجبة واحدة بسسسسسسسسسس
بالنسبة للخضار بجيب الحاجات اللي بتتوضب بكميات معقولة وافرزها في اكياس برضو على قد الوجبة الواحدة ودة لاني بجيب بالشهر فمش بيبقى عندي مساحة في الفريزر اني اشيل كميات،ودة لان عندي السوبرماركتات بعيدة وغالية فبجيب من كارفور مثلا، اما الخضار من سوق الخضار احلى واوفر الف مرة
والبصل والبطاطس والتوم براحتي واشيل
والطماطم والخيار والجزر وحاجة السلطة كلها كيلو او 2 لحد اما يخلصوا واجيب غيرهم برضو من السوق لان سحبي فيهم مش عالي فحرام بتبوظ

بالنسبة للفاكهة بنجيب من السوق برضو على القد يعني صنفين مثلا كل صنف 2 كيلو واما يخلصوا نبدل وما نجيبش غير اما توحشنا لان احنا مش من هواتها قويوتبوظ فحرام
طبعا الحاجات دي بتبقى في حدود الميزانية يعني بجيب الاهك فالاقل اهمية
وحلويات الاطفال بجيبها بالعلبة نوعين مثلا تبدل بينهم وكرتونة مكس اللي هو لبن بالفواكه لان بنتي بتحبه اوفر واحسن
و............... مش حاضرني حاجة دلوقتي
اما افتكر هقولكم

سندس وفرح اهلا بيكم معانا فى مجموعتنا ان شاء الله تجدوا الفايده
ونستفيد كمان منكم
كلامى لفرح 1983 خالتى ظروفها فى البيت زيك كده جوزها بيرجع بالليل
فكانت تعمل ايه تعمل الاكل الساعه 9 بالليل وجوزها ييجى يتعشى منه واللى يفيض تاكله هى وولادها عالغدا تانى يوم وبالليل تطبخ تانى
مش لازم طبيخ ممكن كبده مكرونه كفته جلاش باللحمه وساعات تعمل لجوزها حاجات بسيطه يعنى مثلا ساندوتشات فراخ او شاورما وتانى يوم تعمل حله مكرونه علشان هى وولادها ياكلوا الباقى من الفراخ مع المكرونه وهكذا
بصراحه حته التوفير والتنظيم دى انا وخداها من احدى خالاتى وماما كمان
انا بصراحه بجرى ورا عروض الزيت او السمن اللى لو قعدت سنه ميجرلهاش حاجه
انا بقالى 7 او 8 شهور مشترتش جاجه زيت واحده لسه يادوب شاريه من اسبوعين تقريبا
ده لانى كل ما انزل الاقى عرض زيت كويس والنوع اللى بحبه اقوم اشتريه واخليه عندى
لان الزيت استهلاكه كتير ومش حيبوظ
يعنى انا مش ضد العروض المهم يكون استهلاكك ليها ايه
الرز والدقيق بجيب على قد استهلاك الشهر
بس لو فى عروض للرز او الدقيق انا مش بروح لها متنسوش انهم ممكن يسوسوا
ويبقى كده العرض لم يفيدنى
كمان بنزل سوق الخضار مره كل عشر ايام تقريبا بجيب شنطه طماطم كبيره جدا
فى الكارفور كيلو الطماطم ب 7 درهم فى السوق يتراوح بين 2 ونص الى 3 دراهم فطبعا اوفر بكتير وبعصر الطماطم واسبكها واحط كل كيس على قد الطبخه واشيل فى الفريزر
الخضار هنا نادرا ما يتباع الخضار بالكيلو الا فى الكارفور وطبعا مبيبقاش طازج
فبشتريه من سوق الخضار بالصندوق الصندوق بيكفينى شهر مثلا
مثلا لو فاصوليا خضراء بفرزنها واوزعها فى اكياس واخلى كيس منها كبير وبيتفتح ويتقفل اللى
هى اكياس لوك ليه بقى
الكيس ده ياخد منه تقريبا على قد قبضه ايدى كده شويه فاصوليا لو حعمل شوربه خضار
او حطها مع مجموعه خضار انما الاكياس المقفوله بتبقى على قد الطبخه
وهكذا فى الخضار
طبعا ده بيساعدنى فى الوقت جدا يعنى اصى الصبح اطلع كيس اللحمه مثلا وكيس الصلصه وكيس الخضار وطبعا ده توفير فى الوقت جدا جدا
بدل ما لسه اقطع وانضف واطبخ

بما ان سوق السمك امامى عالبحر الاول كنت بشترى السمك بالمن
المن هنا يعنى اربعه كيلو على بعض بيبقى اوفر
بجيب مثلا من جمبرى
من فيليه
من كابوريا
من كاليمارى
واقسمهم شنط فى الفريزر كل شنطه فيها كام حاجه من كل نوع وعلى قد الاكله بحيث ان اكله السمك تكون فيها كل البحريات
بس بصراحه الطريقه دى فاشله جدا
ليه بقى
انا وفرت فى الفلوس بس الاستفاده اقل لان السمك بيفقد كتير من قيمته الغذائيه
وهو فى الفريزر يبقى انا معملتش حاجه
وبما ان سوق السمك امام بيتى
وبيفتح من المغرب تقريبا يبقى اليوم اللى حعمل فيه سمك
انزل قبلها بيوم المغرب اتمشى واشترى على قد يومين ورا بعض واطلع البيت انضف واتبل
وتانى يوم اقلى واعمل الرز
طبعا هنا عندى مفيش فراخ بلدى كله مجمد فبشترى الفراخ المجمده وبراعى اجيب الوزن الصغير حوالى 900 او 1000 بالكتير
ودائما اشويها او اعملها صينيه او مع الخضار فى الكيس الحرارى
اللحمه المفرومه بجيب كل شهر حوالى 5 كيلو ماشاء الله
ليه بقى
اول ما بجيب اللحمه
باخد جزء منها واحط عليه رز واعشاب واطحنه فى الكبه واعمل كفته رز واعملها كور صغيره او اصابع وارصها فى اطباق واشيل فى الفريزر
وجزء تانى اعمله بالتوابل والبصل وبرده كور صغيره وده عشان داوود باشا او بالصلصه مع المكرونه
واقسم فى اطباق
الباقى بسيبه بصراحه فى كيس كل كيس حوالى 400 جرام على قد صينيه المكرونه او الجلاش

حسيبكم الان عشان اصحى نور للحضانه
ولنا عوده ان شاء الله

صباح الخير يام نور
ربنا يخليلك نور
طريقتك حلوة ماشاء الله
قريبه من طريقه والدتي لانها فالسعوديه
والنظام المعيشي تقريبا واحد ماعدا السمك ماشاء الله

انا الحوسه هنا فالسمك
مبحبش المجمد وجوزي مبيحبوش غير طالع من البحر عالاكل
فبنستنى كل فترة لما حد معرفه ينزل اسكندريه او بورسعيد
او حتى العريش
دي عملالي مشكله لان نفسي الاولاد ياكلوا سمك اكتر من كده

فرح
ربنا يعينك ويشفيلك جوزك يارب بس حرام كده تلات ارباع الاكل مبيكلوش
ربنا معاك طريقه ام نور حلوة
انا كمان جوزي شغله من 7 صباحا ل8او9 بالليل
فالوجبه الرئيسيه بالليل
وبحتار كده لاني ببقى عايزة اعمله حاجه يحبها

صباح الخير عليكم يا قمرات
بناتى انا كمان سمعت عن الملوخيه مثلكم
اصل يا غاليين فى ناس لما بتضعها على المرقه مش بتتركها تغلى
ودا بيخلى اى حشرات فيها متموتش فهمتوا قصدى
يعنى لما نضعها لازم تفور يعنى تطلع فقاقيع
لكن عموما انا بفضل اعمل على القد و افضل الخضرا
انا مش بفضل الملوخيه المجمده
والحمد لله يا بنات دلوقتى الملوخيه متوفره طول السنه
اتمنى حبيباتى تبحثوا فى هذا الموضوع وربنا يوفقكم

ازيكم يابنات ..............عامليين ايه
انا عامله اليوم محشى كرنب وزى مقلتلكم باعمل الاكل ليومين يعنى حشيت حلتين اسوى واحده اليوم وواحده بكرةوكل اللى عايشين بره مصر عارفين ان الكرنب بيكون صغير ومش بيكون فيه ورق زى مصر فطبعا اتصرفت وكملت بورق حس بيكون حلو جدا فى المحشى وده باعتبره استغلا واستفاده من شىء موجود فى البيت حسب كلا العزيزة الكس ونسيت اقلقكم ان عروق الكرنب كمان خللتها