الطبخ فن ونفس وتوفير كمان

**wbaby** · 21-02-2009, 11:13 PM

لاياقمر مفتريه ايه
وهيه المشكله زي مقلت الاستمرار
بس طالما المنتدى ورانا كل يوم تشوفي وصفات تجنن تقلبلك المخطط كله
هههههههههه

**صاحبة الـ@ـسك** · 22-02-2009, 01:41 AM

السلام عليكم حبيباتى
مبارك علينا التجمع الجميل والفكرة الرائعة ومشكورين على دعوتى وأكيد بأشارك معاكم
مؤخرا بدأت أحاول أعمل كل شئ بالبيت من ناحية إنه أوفر وكمان من ناحية النضافة ومعرفة المكونات ... لأنه فى البلاد الغير مسلمة الواحد بيخاف وبيلاقى حاجات غريبة كتير ومكونات عجيبة ... أسأل الله لنا السلامة
طبعا العيش بأحاول أعمله فى البيت الشامى وشبيه البلدى والفينو ( أبو 15 قرش برضه) هههه
وأخيرا الفرنساوى
وطبعا لا أنسى فضل حبيبتى أم هيا على فى عمل الزبادى البيتى رووووعة أنصحكم تجربوه
واليومين دول أنا بصدد تجارب عديدة لعمل الأجبان .... أتمنى إنى أفلح فيها وأنزل لكم وصفات منها
بالنسبة للخضار هنا بأجيبه من المحل العربى لكن للأسف بيكون غالى موش بتمن المجمد... هنا المجمد أرخص بكتير
بالنسبة للأولاد فعلا بأحاول أحط لكلواحد كمية قليلة على قده مش كتير ومع هذا ممكن قوى يتبقى منهم فى الأطباق وأكره الرمى وعلشان كده أنا بألم وراهم فى البلاعة ( اللى هى بطنى أنا طبعا) وده بيتسبب بقى فى زيادةالوزن ...لكن بأقول إن شاء الله ربنا موش هيتخننى لأنى بألم ورا ولادى علشان ما أرميش حاجة
أمى حبيبتى زمان كانت تقول لى اللى يرمى لقمة تجرى وراه يوم القيامة هههههه

**te te faro** · 22-02-2009, 02:21 AM

ازيكم يا قمراااااات
انا كمان عاملة شبة جدول بينى وبين نفسى .اولا باعمل اغلب الاكل ليومين( لحمة وخضار ليومين 0اعمل صنيتين فراخ اسويهم على يومين0اعمل كفتة يوم وتانى يوم كفتة داود ويوم فى الاسبوع بيتزا ومعجنات وفى الشتا يوم كشرى مصرىلان مش بناكلة فى الصيف وطبعا لازم يوم سمك فى الاسبوع)واكررعلى هذ المنوال (حلوة المنوال دى)على فكرة ياام نور انا كمان ليسانس حقوق بس مش شاطرة زيك يعنى مش محامية خالص

يعنى اهم حاجة يكون عندى اصناف اللحوم دى فى الفريزروانا بانوع جنبها الاكلات وده بيريحنى. والحمد لله مش بيكون عندى مشكلة فى اختيار الاكلات وده بيخلينى لا اسال زوجى ولا حاجة لان زى ماانتو عافين مش بيريحوا خاااااااالص ربنا يهديهم هههههه

**alexess** · 22-02-2009, 03:30 AM

السلام عليكم حبيباتى
بعد ان اصبح الغلاء كالمارد يتضخم يوما وراء يوم .اصبح لابد من وقفه مع النفس وتغيير اسلوب الحياة تماما . من هنا لازم نتفق الاول :يعنى ايه توفير من وجهه نظركم ؟...التوفير عندى دة ...طريقه تفكير واسلوب فى حياتى ...التوفير لا يعنى ابدا البخل ولا الحرمان بالعكس ...هو حفاظ على نعمه ربنا من التلف و اموال ازواجنا وطبعا عارفين قد ايه بيتعبوا فى اعمالهم .
كل شىء فى حياتنا لابد ان يندرج تحت بند التوفير

**alexess** · 22-02-2009, 03:36 AM

بنود التوفير
الماكولات - الحلويات - الخضراوات - اللحوم - الملابس - التجميل - المواصلات - التنظيف- المخبوزات - اماكن الشراء باسعار معقوله - اعادة تدوير الاشياء المهمله فى البيت والاستفادة منها فى عمل شىء مفيد -الخروجات والنزهات - المجاملات الاجتماعيه -
ايه رايكم نبدا نتكلم فى كل بند منهم بالترتيب ونحاول نضع كل افكارنا وخبراتنا اللى تخص البند دة ؟؟؟ بحيث نقدر نحقق اكبر قدر من الاستفادة فيما يخص كل بند على حدة

**alexess** · 22-02-2009, 03:43 AM

ومن بنود التوفير ايضا
الوقت - الكهرباء والماء - الاكلات الموفرة - الاستفادة من الاوراق والادوات الزائدة فى البيت - البقوليات -صيانه الاجهزة الكهربائيه.

**أم العلاء 2** · 22-02-2009, 07:21 AM

يا صباح الفل و الورد و الياسمين على كل البنات الحلوات
و ماانحرمش منك يا حبيبة قلبي roza على دعوتك الجميلة لي
و دايما مجتمعين على و في الخير .. إن شاء الله
و بإذن الله ربنا يقدرني و أفيد كما إني دايما أستفيد و الحمد لله

**أم العلاء 2** · 22-02-2009, 08:36 AM

آسفة يا بنات .. بعد أن إشتركت في هذه المجموعة .. وجدت إنه لم تصلني دعوة للأشتراك فيها .. لذلك خجلت من نفسي وإنسحبت .. جزاكم الله خير

**noorelhoda** · 22-02-2009, 09:02 AM

اهلا بيكى اخت اليكسس
على فكره يا بنات الاخت alexess
هى الاخت اللى عملت الموضوع الكبير عن التوفير فى احد المنتديات وكان موضوع كبير وهناك فرق عمل ومشاركات ونجح جدا جدا جدا
وهى اللى اوحت لى بفكره موضوعى
ياريت تسمعوا كلامها وطريقتها لانها راجعه بعد تشاور وخبره وتجربه

**wbaby** · 22-02-2009, 09:32 AM

صباح الخير يابنات
ام العلاء خليك معانا الدعوة عامه
ولا ايه يام نور
وياريت نعرف فين الموقع التاني ده
ولو مينفعش تدينا ملخص لموضوعها ربنا يباركلك

**noorelhoda** · 22-02-2009, 09:56 AM

ام العلاء مرحبا بيكى معانا بامكانك الاشتراك فى مجموعه الاخت روزا ومجموعتنا ايضا
نريدك تفيدينا بخبرتك وتستفادى بخبراتنا ايضا
فاهلا بك معنا ياغاليه

**noorelhoda** · 22-02-2009, 10:05 AM

كوسه وبط اهلا بيكى ياقمر
افكارك جميله
ومنتظرين تفيدينا بموضوع عن الجبنه
ان شاء الله
ربنا يهون علينا الغربه يارب

**noorelhoda** · 22-02-2009, 10:06 AM

بيبى القمر صباح الخير
ايه اخبارك
تى تى الفرعونيه الرقيقه
ايه اخبارك حبيبتى ان شاء الله تنبسطى معانا
تورتايه من زمان ونا نفسى يكون ليا الشرف ونكون مع بعض فى اى مجموعه او مسابقه او اى حاجه وانتى عارفه كده حبيبتى
مرحبا بيكى معانا

**أم مــــالــــك** · 22-02-2009, 11:54 AM

السلام عليكم يا ستات يا حلوات
ازيكم ان شا ء الله بخير ؟؟

**wbaby** · 22-02-2009, 12:24 PM

ازيكم يارب تكونوا بخير
انا بعمل حاجه اني بشيل الشوربه الزايده عندي فالفريزر
واحيانا باخد الشوربه واغليها مع العضم كويس واشيلها فقوالب التلج او اكياس صغيره
بصراحه انا مقصدش منها التوفير قد مبحاول اني مستخدمش الشوربه الجاهزة او المكعبات لاني بخاف منها
لان كمان الفترة الي فاتت بسبب انفلونزا الطيور كان في اوقات مبنكلش الفراخ
وفي حجات متنفعش غير بشوربه الفراخ فكنت بلاقيها

الطبخ فن ونفس وتوفير كمان

تعليق

تعليق

تعليق

تعليق

تعليق

تعليق

تعليق

تعليق

تعليق

تعليق

تعليق

تعليق

تعليق

تعليق

تعليق

حول هذه المجموعة

المالك

الأعضاء (135)

تصنيفات المجموعات الاجتماعية

Latest Group Topics