السلام عليكم عليكم يا احلى عضوات
ما شاء الله عليكى يا اليكس
طريقة جميلة جدا لتنظيم الوقت وعمل كل الاحتياجات وفى وقت قياسى

انا كمان لما اجى انظف البيت لازم اعمل جدول وممكن اكتبه بالورقة والقلم لو الموضوع كبير
وبالتالى بكون عارفة انا حعمل ايه بالظبط
وبعدين لو ملحقتش اخلص كل اللى ورايا
بكمل تانى يوم
لكن اليوم اللى بكون مش منظماه من قبلها
ممكن يضيع وقت كبير منى من غير ما اعمل حاجة

في خضار موجودة بالصيف لكن بالشتا ماموجودة
طبعا في الوقت الحاضر كلشي بتلاقيه في غير موسمه
لكن طعمه مش لذيذ
يعني الباذنجان امي الله يخليها
كانت بتجيب كمية كبيرة بالصيف
وتقشر جزء من كل حبة لان بنحب يكون جزء من الاسود فيه
وتقطعه الى شرائح ومن ثم تقليه نص قليه
ومن بعدها بتقسم الباتنجان في اكياس حسب مابتحتاج وبتحطها في المجمدة وطبعاً بالشتا راح يكون عدها كمية منه وبيدخل في كثير من الطبخات
ولما تجي تعمله بطلع الكيس وبتتركه يفك ومن بعدها بتستخدمه
اما الباميه احنة بنحبها كثير
اول شي بنظفها ومن بعدها تسلق كمية كبيرة في ماء مغلي ومملح
تسلقها لفترة صغيرة ومن بعدها بتصفيها من الماء
وبتحطها في اكياس وبتجمدها
ومتى ماحبت تعمل بطلعها الى ان تفك وتطبخها
طبعاً مافي احسن من هيك
ولي عودة مع افكار امي الي توارثتها عنها

صباح الخير ياستات ياقمرات
ماشاء الله عليكم
خطط رائعه فعلا عندي بعضها واكيد راح استفيد من الباقي
ربنا يكرمكم الموضوع رائع فعلا

جمة مباركة عليكم كلكم يا حلوين يارب
ماشاء الله اليكسز نظامك جميل وعجبني قوي فكرة الترويق بوقت معين وكمان فكرة تقسيم العمل في السوبر ماركت لان فعلا لما بنكون في كارفور بناخد وقت طوييييييييل جدا في شرا الحاجات وبكون تعبت وارهقت من اللف
جزاك الله خيرا وجعله في ميزان حسناتك يارب

ازيكو يا قمرات
جمعه مباركه
الكسس كلامك درر الله يباركلك اد ايه منظمه استفدت منك بجد

مرحبا يااحلى عضوات جميلة جدا افكاركم وان شاء الله نتشارك في معلوماتنا

صباح الخير اخواتى
اعذرونى على عدم المتابعه بانتظام اليوم
لظروفى
شكرا لتفهمكن

جمعة مباركة عالجميع
نكمل باقى بنود التوفير فى الوقت والحفاظ على نعمة ربنا من التبذير
طبعا كلنا عارفين ازمة الخبز او العيش البلدى فى مصر والوقوف طوابير للحصول على رغيف العيش
(وبرغم ان انا سلفتى موظفة فى التموين وعلشان كدة هى وزمايلها مشتركين فى فرن للعيش وطبعا بيتعمل لهم احلى عيش فهى بتجيبلنا العيش كل يوم بدون عناء الطوابير)
وبرغم هذا انا اتبع نظام جيد مع العيش يعنى مش علشان بييجى بالساهل محسش ان فى غيرى بيعانى للحصول عليه فاول ماييجى العيش وهو طازة عالفريزر عدل
بتطلعيه يفك قبل الاستعمال بشوية اوتسخنيه بيبقى طازة وكانه جاى من الفرن وبحتفظ بيه لان فيه ايام الجمع والاجازات مش بيكون فيه العيش موجود فبيتوفر عندى للايام ال زى كدة
ولما بلاقى ان الفريزر فيه زيادة باخده وانا مولعة الفرن اعمل اى حاجة واحمصه
وده بطحن منه كمية واحفظها بقسماط لزوم البوفتيك
وممكن يستخدم هذا الخبز المحمص فى فتة اللحم او فتة العدس مثلا وبتلاقيه جاهز وقتها وده بيوفر عليكى الوقت ده بالاضافة ان فيه بعض اكلات بحب اكلها بالخبز الناشف
اختى ام نور بالنسبة للبقدونس والشبت والكسبرة لما بيخرجوا من الفريزر بستعملهم بس مع المحشىيعنى طبعا مينفعوش مع السلطة لانهم لو فكوا هيبقوا مية
وبالنسبة انك بتحطى الرز اكياس متقسمة على اد الطبخة
اسمحيلى ده مش عملى
هو كفاية انه يتنقى ويفضل على بعضه فى الشيكارة ومعاه كوب او اناء المعيار
لان ممكن مش كل يوم تستخدمى نفس الكمية
يعنى لو بنعمل محشى الكمية بتكون اكبر لو جالك ضيوف ممكن تزودى حسب العدد
لو هتعملى رز بشعرية هتقللى الكمية غير لو رز ابيض
ممكن فيه اكلة بنحبها ان وولادى بالعيش لكن جوزى بس هو بيحبها بالرز فبعمل رز ليه هو بس (زى البامية والسبانخ مثلا)
علشان كدة انا مش معاكى فى انك بتقسمى الرز اكياس على قد الطبخة لانها مش هتفرق كتير لوعايرتيه ساعة الاستخدام حسب الحاجة
وده رائى وطبعا الخلاف فى الرد لايفسد للود قضية
واحنا كل واحدة فينا بتعرض طريقتها وتجربتها وممكن نفيد بعض بتبادل الاراء
اليكسس ماشاء الله عليكى انا كمان لازم احدد هدفى واعمالى اليومية وارتبها فى دماغى واذاكرها واعدهم يعنى ورايا مثلا سبع او 8 اعمال
وابدا بتنفيذ الاهم فالمهم مع مراعاة الوقت ال هاخده فى كل حاجة برضه
يعنى كمثال ممكن ابدا الطبيخ وفى اثناء وجوده عالنار اعمل اعمال مختلفة واروح واجى عليه
وارجو انكم تكونوا بتستفيدوا من طريقتى فى بعض ال بقوله زى انا كمان ما بستفيد من خبراتكم

اهلاياسندس
ربنا يباركلك
الكسس ماشاء الله عليك
اناغالبا ببقى مرتبه هعمل ايه فدماغي بس غالبا تقديري للوقت مبيبقاش صح اوي
لان عندي ولد صغير والتاني رضيع مضمنش هما هيبقوا ساكتين
مش هيبقى ليهم متطلبات ساعتها
خصوصا انهم ماشاء الله مبيسدقوا يشوفوني مشغوله علشان تبدا الطلبات والزن والعياط مهما حاولت اني اخليهم مش جعانين ومغيرين هدومهم وكل حاجه وحطالهم كل الي ممكن يتلهوا فيه بس العيال كده
لكن طريقتك فعلا حلوة وربنا يسهل والعيال تكبر ويفهموا قيمة الوقت

السلام عليكم اختى الكسس ماشاء الله عليكى شغل مرتب فعلا تنظيم الوقت حلو بفيد جدا

السلام عليكم
وحشتونى جدا جدا
بالنسبة يا فرح للجلاش بحطهم نايين اه وبيطلع جميل بجد اوى

ربنا يباركلك يا الكسس
جميل اوى اوى تنظيمك للوقت وتقسيم العمل على افراد الاسرة وجميل منهم تفهمهم لكدا والتزامهم بيه وانهم يبقوا مبسوطين وهما بيعملوا كده

صحيح ىا ام نور ايه موضوع رابط التوفير ده

اهلا يامختفيه
الرابط ده الموضوع بتاع الكسس للتوفير لكن في منتدى تاني
وهيه اسمها هناك عمرنا