الي اخواتي ليبيات

كيف حالكم يابنات جميعا
ما شاء الله مجتمعين كل عام وانتم بخير يارب
سفن سيز اسال الله العظيم ان يسهل لك ولادتك ويتمم حملك بخير امين



ا شاء الله عليك يابنت بلادي حلويات رووعة تاكلي بالهني
السنيورة ماتوقعش هكي شكلها لاني ذقيتة في عرس نقولها السلة المقلوبة الحق منعرفش اسمه مغلف بالشكولاتة واللوز من فوق بس يعني شكل الفورمة واضخ زي القونة

بالنسبة للسنفز سفهتيني فية قريب ناخد نعجن ونسنفز لكن نحن يوم العيد الفطيرة والمسمنة هما اول حاجة
والحلاوات
طريقة السفنز سهلة عجينة خبزةعادية تكون رطبة زي متاع الفركاسي كان تقرصي فيه بيدك
اما بلنسبة للطرح اسهل طريقة كان ماتقدريش تفرديه بين يديك خوذي سفرة ستيل متاع العالة تكون دائرية وتدهنية بالزيت وتطرحي فيها العجينة زي ماتحلي الفطيرة طبعا تكون سمكه تقريبا اقل من سم
يكون زيتك سخون كمية الزيت كثيرة يعني حتي لتر ويكون في طنجرة او طاجين عميق
بعدين تقلبي السفرة تلقي العجينة نزلت بروحة وتقلبية
وكان تبية زي السنفاز لما تفرديه رقيقي من الوسط والحواف يكون اغلظ

كيف حالك ياماما الاء كملتي الحلاوات ولا مازال
بالنسبة للمبطن الطريقة طريقة الاخت جبالية موضوعة مدعم بالصور
تفردي العجينة ثم تقصية بالفورمة الدائرية او الشكال البضاوي البيضاوي احلي
وتطيبية
ثم تاخذي الحشوة وتضعية بين طبقتين ثم من الجوانب تغمسية في العسل شوية وتغمسية في لوز او فستق
كان تبي المقادير حاضر في الموضوع تلقي رابط الاخت جبالية بارك الله فية


زنوبة ما شاء الله امس نتفرج علي حلوياتك شورك زي حالاتي لم نخش المطبخ مانطلع لين قريب نتم الدقيق والسكر والبيكن باودر مانرتاح لانقض عليهم ههههههههههههههه حالة وخلاص من الكساد
ربي يعطيك صححتيك وكل عام وانت بخير

ان شاء الله كل عام وانت بخير وبصحة وسلامة
وان شاء الله ربي يخفف وحلك وتنوضي لاسو ولاسوييا ويكون البيبي من
قسمك

ماشااااااء الله
رووووعة تبارك الله عليكي
نااااااااااااااااازكين وااااجد عجبوني الاهرامات هلبة ماشاء الله
وماعنديش روح مع الحاجة المعسلة
كلهم احلي من بعض يا ستي منورررة ويعطيكي الف عافية
ونحساب روحي الوحيدة اللي تاكل في مقالب الي ما تعطييش الطريقة
واليي تعطيها غلط مش عارفة علااااااش؟؟؟
وان شاء كل عام وانت بخير ونراااجو السفنز باش تحسبينا معاك
هههههههههههههههههههههه

ربي يسلمها الااااااااااااااء يارب
قليبها عالبنات كلهم حتي المكسدات في الحوش اللي زي حالااااتي
بنسالك ياحبيبة
لازم المقروض يقعد في عسله يومين ؟
راهو احني طحنا فيه ماكلة زي المفاجيع من اول يوم
شنو الفكرة في قعاده
ولا علي خاطر العسل ؟

ليك ووووووووووووووحشة
وين هالغيبة الطويلة
وان شاء الله عيدك مبارك وربي يسخر لك الحال يارب
ورمضان الجاي نغيرو لك اسمك ونادوك ام الننوس
امين

• مقروض
• كعك مصري او المعمول بالتمر والحلقوم
• غريبة بالقهوه
• كعك مالح
• وسلة الكورن فلكس

وكل سنة وانتو بالف خير

السلام عليكم ياغزيلات غر كان تقولولي شنوا درتولي موليه زي المسحورة اول مانركب من حوش العيلة نجري علالكمبيوتر ونقول خلينى نشوف شنوا كاتبين
دهبتولي شيرتى وهبلتوني
وخايفة بعد العيد مانتلاقوش وزي ماقلتوا لازم مانديروا جو حتى بالخنبة يعنى نسرقوا الوقت سرقة
وخلى نقوللكم اخر اخباري اليوم درت العمول الحلزونى لام منير وجانى روعة ودرت صويبعات البسكوت المحشية كنافة ولكن تصيرلي فيها عملة نسيت درت من البكنج باودر القوية وجتنى ماتنفعش والله حتى بالدوق مادقتها من منظرها عرفتها ماتصلحش حدنى دكيتها في الكوشة وقلت بعد المغرب توا انشوفها وزي مايقولوا خاتمتها زفت وفي الخير البكنج باودر انتصرت عليا وخسرت المعركة
وكل عام وانت بالف خير

بنت بلادي ماشاء عليك حلاواتك روعة وتسلم ايديك وانشاء الله حتى السفنز يجيك باهي
نانا الدلوعة يعطيك الصحة مستفيدة من وقتك وانشاءالله ربي يوفقك وانشاءالله زي هالتاو يكون عندك امور ولا امورة زيك يارب ارزقها بالذرية الصالحة في اقرب وقت
زوبا معليشي ياحبيبة مع اني كان خاطري فيهم وياريت تنزلينا حلاواتك كلها في ملف واحد زي الحبيبة ماما الاء باش نستفيدوا منك
sama_sehab اهلا باهل مصر الحلوين وشرفنا مرورك وياريت ياعسل تنزلينا كتابك بعد العيد
ام جنى وانت طيبه ياسمحة وينعاد عليك الخير واليمن والبركات
ام السنفور التلميذة النجيبة ربي يعاونك ويفوقم مع انى عارفة مسبقا انك قدها وقدود وكان مفهمتيش حاجة في قرايتك ارجعى للبرفسيور متاعك (الــــــــــــــــسنفــــــــــــــــــــــور )
hendaaa اهلين ياحلوة وكل سنة وانت طيبة
ماما الاء والله منظر فطيرتك يهبل وجى خاطري فيها وتوكلت على ربي وعجنت مقدار ياصابت ياخابت ومبروك عليك فك الحصار
الوردة الذهبية سلم هالحبيبة ويجعلها من العايدين الفايزين
سفن سيز ربي يسهل حملك وولادتك وينوضك بالسلامة
سودلهداب ربي يحفظ هالقلب الكبير ويهنيه وكل سنة وانت طيبة
جوري جوري جوري الفنانة المبدعة ربي يعونك خدمة بره وداخل انشاء ربي يكون في العون
وكان نسيت حد سامحوني

اسيرة السهر وينك مغطسة
جميلة الكون وينك ياغالية
موف وينك ياعسولة

واخيرا كل سنة وانتم طيبين ياحبيبات

حتى انى زيك فرحت هلبه لما عرفت انهم معيدين معانا

تاكلوا بالهنى ياحبيبة واكيد حلوة مدادم هاليديات الحلوات عجنوها كيف عاد الحلو مايدير الا الحلو
وحتى انى زيك اول مرة نعجن مقدار صغير ديمه كبير
والحمد لله اللي محشمناش ربي معاك