-
.. { إِنَّ رَبَّكَ لَبِالْمِرْصَادِ }..
-
[QUOTE=سودلهداب7;6788924]ربي يقوى سعدهم ويطيحهم في بنات الحلال اللى يقدروهم
باهي صار في نص المشوار قاعدة
ياعينى ياعينى صار بداياتك من الاعدادى وللعراس ماشاء الله ربي يحفظك من كل معيان وحاسدلا والله يابنيتي مش هكي شكلها
هذي صعبة هلبة ولفي وحطي سمن وابصر شنو
اني طريقتي اسهل بهلبة
تاخدي تقصي الكنافة طول سانتي واحد وبس
تبتبيها بالسمن او الزبدة
وكل ربع كيلو كنافة يبي طاسة زبدة او سمن
بعدين تاخذي قوالب السلة وتعبيهم لفوق كنافة وترصي عليهم كويس
بعدين تاخذي لوز مهروش على حسب اللي تبيه وتخلطيهم بالسكر المرحي والعطر وتحطيه كديسات كديسات فوق الكنافة وتحمريهم في الكوشة وبسرعة ما اطيب وتنحيهم من القوالب وتعسليهم ... يهبلو والله واسهل من طريقة اللف تصوري مرة درت طريقتك في عرس خاليت لما كنت في الاعدادي لين كتافي تشنجو بس طريقة قوالب السلة درتها في عرس خالي فوق 400 طرف روعة والله ساهلة وسريعة وتعسيلها ولا اسهل
ويا ريت تجريبها
سلام يا حلوين
صح طريقتك شكلها سويهله واسرع يسلمو عليها ونستنو فاهااللهم اغفر لوالدى وارحمه وعافه واعف عنه واكرم نزله ووسع مدخله واغسله بالماء والثلج والبرد ونقه من الذنوب والخطايا كما ينقى الثوب الابيض من الدنس اللهم جازه بالحسنات احساناً وبالسيئات عفوا وغفراً يارب العالمين
تعليق
-
[QUOTE=ماما الاء;6789035]
ويابخت الغرور
خلاص امالا دوريلي لعليوى حتى هو هداك هو بناخدله ههههه كبر وقعد يجيبلى في الصفرة للمطبخ
فاللي نبيها ست بيت وتقدر الحياة الزوجيه
واهم شي يكون بالها واسع لانى نبيها تحوله البامبرز حشاكم
اللهم اغفر لوالدى وارحمه وعافه واعف عنه واكرم نزله ووسع مدخله واغسله بالماء والثلج والبرد ونقه من الذنوب والخطايا كما ينقى الثوب الابيض من الدنس اللهم جازه بالحسنات احساناً وبالسيئات عفوا وغفراً يارب العالمين
تعليق
-
[quote=ام السنفور;6789075]
اي والله من زمان نطيب
الحاكم نحب المطبخ هلبة
وماما الحق تطيبها رهيب وقد ما انطيب بابا يقولي امك مافيش زيها
عندها اخترعات قوية بكل كانت تخدم زمان فلازم اطيب حاجات من الليل ولهذا تخترع وادير في حاجات صقع وكل ما وحدة من العيلة تتكلم على التطيب وتقول نخدم وهكي يقول ليها بابا تعالو شوفو مرتي كيف ما عمره تغدينا برة الحوش ولا خطمنا على حوش اماليها ولا قعدنا جعانين ... الحمد لله
بس اول مرة طيبت ووقفت على طنجرة بروحي كنت في ثالثة عدادي لما ماما جابت اختي الصغيرة ولازم نغدي بابا وخوتي
اما الحلو كانت مع ماما نديرو في حلويات عراس العيلة في الحوش
ماهو قلت ليك ماما خبيرة
وانا شاء الله غدوة نزل موضوع العشيشات وتجربوه
مع العلم انه اول مرة نشوفه في 2003في عرس بنت عمتي ودرناه في نفس السنة في عرس خالي ... اخبار العيلة كلها قلتها وحدة فاضية وتهدرز
وتوة خلااااااااااص الساعة واحد ونص بنخش نرقد
تصبحو على الف خير.. { إِنَّ رَبَّكَ لَبِالْمِرْصَادِ }..
تعليق
-
[quote=ام السنفور;6789091]
نجيلي عليوة يا رب
اهو عروسة ما شاء الله عليا ونقدر الحياة الزوجية وست بيت مية مية...على اساس ونقدر انحيله البامبرز في ثلاثة ايام 
لا ادوري ولا تحتاري ما الك الا ماما الاء.. { إِنَّ رَبَّكَ لَبِالْمِرْصَادِ }..
تعليق
-
هههههههههه ضحكتينى في ما الك الا ماما الاء ربي يعطيك الهنى
تعرفي انى عكسك زمان ماكنت ندير في شي في المطبخ تعرفي حتى في رمضان من القرايه للنوم ومرات انوض قبل المغرب بساعه ندير السلاطة ونستف في الصواني
لاكن ايام العز والدلال تم وتوا نقول يا يوم من هدوكا الايام
بس خواتى الاكبر منى فالحات خير منى خصوصي الكبيرة زيك من لما كانت شورها في ايام الطفوله تحب ادير الكيك والحلويات وتاخد في طرق من هنى وهنى وتجرب لاكن الحق حتى هى عندها في يدياتها وتزيين الكيك والجو اهوا
حتى انى حكيت قصه العيله وعيلة العيله هههههههاللهم اغفر لوالدى وارحمه وعافه واعف عنه واكرم نزله ووسع مدخله واغسله بالماء والثلج والبرد ونقه من الذنوب والخطايا كما ينقى الثوب الابيض من الدنس اللهم جازه بالحسنات احساناً وبالسيئات عفوا وغفراً يارب العالمين
تعليق
-
ولا يهمك يا سمحة والله الواحد مستاحش يهدرز مع الناس الطيبة
اني اختي الاكبر زيك بالزبط هيا دكتورة وديما قراية وديوتي ومش واخذة حصة في المطبخ بكل ولو خشت نلز فيها لاني منحبش حد يخش معاي
تبي الحق عندي اسرار منحبش اي حد يعرفها ومش اي حد يوقف جنبي ... مش قلت ليك مغرورة خصوصا المطبخ
وحي عليك لو خشت اختي المطبخ معاي تسمعي العراك من بعيد حتى ماما تقولي خليها تخش تعاونك شنو تبيها تمشي لحوش الراجل متعرف شئ بس اني شادتها على العناد والعياط منبيش حد واطلعووووووووو هههههههههههه
بس الحق اني نحب المطبخ اكثر ما تتصوري وما انحب الا تطيبي
حتى ماما تقولي الناس في رمضان تضعف وانتي تسمنيواني نقول ليها لان في رمضان اني اللي انطيب واني نحب ماكلتي وناكل منها لين بنتفجر ومنعرفش نقول شبعت لين نتم الصواني ههههههههههه اما الايام العادية فماما اطيب ومهما كانت ماكلتها حلوة الحق اني منستمخش الا بماكلتي وبس ههههههههههه عادة ومشت فيا من زمان
وربي يخلي لينا العويلة وعويلة العويلة ونهدرزووو للصبح
بس الحق خلاص بنرقد تصبحو على خير.. { إِنَّ رَبَّكَ لَبِالْمِرْصَادِ }..
تعليق
-
شنو صار ام عليوة
نخطبله او رجعتي في كلامك
العروسة واتية بحوشها وسيارتها وذهبها وحريرها
وخدمتها.. { إِنَّ رَبَّكَ لَبِالْمِرْصَادِ }..
تعليق
-
هاتيها العروسه حتى زوز كان في
ياعينى ياعينى عمتك الوئة والله مغرورة ويابخت الغرور
تعرفي انى نحب ماكلة غيري لدرجه لما نروح لي ليبيا نسمن حتى انى لين الحاجه تكمل وماما تقعد تقولي كولى كولى تقولي جايتهم من مجاعه افريقيا ههههه
وبنسبه لرمضان بصفه عامه حتى انى نسمن فيه من ايكال المقلي والمعسل والدسم حتى الشربه بسمن باش يفوح علي اساس والا باش يسمن ههههه
بري ارقدى حتى انى قريب نخش نرقداللهم اغفر لوالدى وارحمه وعافه واعف عنه واكرم نزله ووسع مدخله واغسله بالماء والثلج والبرد ونقه من الذنوب والخطايا كما ينقى الثوب الابيض من الدنس اللهم جازه بالحسنات احساناً وبالسيئات عفوا وغفراً يارب العالمين
تعليق
-
اللهم اغفر لوالدى وارحمه وعافه واعف عنه واكرم نزله ووسع مدخله واغسله بالماء والثلج والبرد ونقه من الذنوب والخطايا كما ينقى الثوب الابيض من الدنس اللهم جازه بالحسنات احساناً وبالسيئات عفوا وغفراً يارب العالمين
تعليق
-
يا روحي قلت عروسة بحوشها
حتى اني مستحيل نخلي وليدك يسكن مع النسابات
ربي يهنيك ويفتح طريقه وتفرحي بيه
وتوة بنقول لبنياتي الحلوين حويجة
واضح من لمتنا هذي انكم خبيرات مطبخ ومغتربات ربي يعينكم وديما في المطبخ تجربو وتبدعو وتصنفو مش تفرحو وتريحو رجالتكم
واكيد ناسين روحكم
ليا عندكم نصيحة صغيرونة
المطبخ كل يوم يكبر في العمر قولو ليا كيف
لان الزيوت والبخار يتكدس على البشرة ويكبرها
فضروري كل يوم نظفو بشترنا مش نحافظو على جمالها
اول شئ
بعد ما اتمي غسل اماعين حكي ايديك بقشر ليمة قارصة مش تحافظي على نظافة وشباب اليدين
ثاني شئ خودي كاشيك صغير ياغرت خلطيه مع نقطة عسل وادهني بيه وجهك لعشرة دقايق مش ينظف كل مسام البشرة وتنظيفه عميق جدا
ثالث شئ خلي عندي عادة وقت الدوش ديمااااااااااااااااااااا
خودي شيشة صغيرة جنبك خلطيها بخل التفاح ومية الورد وادهني بيها كل جسمك احسن حاجة تخلي البشرة نظيفة وفايحة وتنحي الارهاق والتعب من الجسم وتشد البشرة
رابع شئ الملح الخشن مادابيك تحكي بيه جسمك مرة في الاسبوع وشوفي النظافة كيف تكون
خامس شئ
الوقوف في المطبخ يرهق الرجلين خلي عندك عادة ليلية قبل النوم ادهني رجليك باي كريم انتي تحبيه مش يحافظ على نعومة رجليك وما يخليهمش يتشققو من كثر الوقوف في المطبخ
وديما اهتمي بشعرك لان كثر البخار عليه والتغطية يساعدوه على التساقد فحاولي انك تغديه ديما
ولا تنسي ان جمال المراة يبدا من الابتسامة المشرقة
والابتسامة المشرقة تنبع من الراحة النفسية
والراحة النفسية تاتي من الرضى على النفس
والرضى على النفس ياتي من رضى الله علينا
ويا رب يهدينا ويجعلنا من الراضين عنا
اجمعيييييييييين
شن رايكم فيا ننفع خبيرة تجميل
معليشي حويجات قلتها على السريع لان العيد على الابواب ومتاكدة انه رمضان والشلق في المطبخ طول النهار ينسي الواحد في نفسه ومعاش يهتم بروحه
وكل سنة وانتو طيبين.. { إِنَّ رَبَّكَ لَبِالْمِرْصَادِ }..
تعليق
-
تى والله الا صح انتى بكل راهو ماشاء الله عليك
خطرتى عليا مزينة يجوها قبل العيد باش يديرو وجوهم عندها اديرلهم في قناع باش تحول زيت الاامبطن من الوجه هههههههههولا تنسي ان جمال المراة يبدا من الابتسامة المشرقة
والابتسامة المشرقة تنبع من الراحة النفسية
والراحة النفسية تاتي من الرضى على النفس
والرضى على النفس ياتي من رضى الله علينا
ويا رب يهدينا ويجعلنا من الراضين عنا
اجمعيييييييييين
دوم عليك صحيحتك يارب ويدخلك الله الجنةاللهم اغفر لوالدى وارحمه وعافه واعف عنه واكرم نزله ووسع مدخله واغسله بالماء والثلج والبرد ونقه من الذنوب والخطايا كما ينقى الثوب الابيض من الدنس اللهم جازه بالحسنات احساناً وبالسيئات عفوا وغفراً يارب العالمين
تعليق
-
[quote=ماما الاء;6789035]
نسقدوا الخاطب وبعدين ندبروا له التاني ان شاء الله
وياريت ربي يطيحه في وحدة زيك ولا حتي تجيب منك شوية
كان هدا ربي ما خلا ما عطاه
وع الي يولو عليك عادي ولايهمك الدنيا ماشية هكي
وزي عزاييز زمان ما يقولو
ما يثمر خير في ام الخير ههههههههههههههههههههههههههههههههههه
تعليق
-
اااااااااااااااااااااكيد ومعقولة تحطي ايدك في حاجة وماتنفعش
تنفع ونص وخمسة يا حبيبة
وان شاء الله كل سنة وانت طيبة وصحة وسعادة
ويارب العيد تجيبنا معاها اغلي دعواتنا ويكون رب العالمين اكرمنا باستجابتها
ويتقبل منا صيامنا واعمالنا يارب العالمين اميين
تعليق
-
الله يبارك فيك يا وخيتي اني يا غالية في كندا وبالنسبة للمنقشه قلت خالي اندور هنايا وحده من النساوين الا ما تطلع عندها غير ما جتش في الدوه
وبالنسبه للحمل ربي اسهل عليك وعليا ان شاء الله وتفرحي بشوفتك البيبي بين ادين واتكونوا بصحه كويسه الزوز
وان شاء الله اكون كامل الخلقه لا زياده ولا نقصانتعليق
تويت
تعليق