وقفه قبل الدرس الثالث (الجزأ الثانى) من تعليم تصميم المواقع بالفرونت بيج

[Eng.E.M.K]

السلام عليكم ورحمه الله وبركاته

طبعا هتستغربوا ليه نزل درس التصميم قبل درس الباوربوينت

اولا انا بعتذر للجميع على عدم دخولى امبارح
سامحونى بجد انا كنت بمر بظروف صحيه هى اللى منعتنى عنكم
ومفيش اى شئ يمنعنى عنكم غير الشديد القوى

ثانيا بشكركم كلكم على مشاعركم وقلقكم عليا ودا بيخلى اعتز بيكم اكتر
واتعلق بيكم اكتر ما تعلقت بيكم بالفعل ربنا يخليكم ليا ولا يحرمنى منكم ابدا
ولا تنسونى من صالح دعائكم عندى 3 امتحانات الاسبوع الجاى من الثلاثاء وحتى الخميس

ثالثا فى خلال تجولى فى التصميمات واللى كانت مفاجأه ليا بصراحه
شوفت تصميمات رائعه بجد

بس لاحظت مشكله عند الاغلبيه وهى اظهار الصور فى التصميم
علشان كدا قررت انى اوقف الفرونت بيج الاسبوع دا

علشان اعطيكم فرصه تراجعوا دروس الدوره اللى فاتت علشان تعرفوا الاكود
ولما تحصل مشكله تدخلوا على الكود وتعدلوا الخطأ

حضراتكم غير مطالبين بتسليم الحاجات المطلوبه فى الدروس

كل المطلوب منكم هو مذاكره الدروس والسؤال والاستفسار عن اى شئ
وتنزلوا استفساراتكم هنا فى الموضوع دا
انا مش بحب نظام التلقين كان ممكن اقولكم الطريقه للتصميم واحفظكم شويه حاجات وكدا يبقى انتهت الحكايه
بس كدا انا هبقى بضحك عليكم التعليم بشكل صحيح هو الاعتماد على النفس اولا
وهقولكم قصه امبارح وانا فى المنحه جالنا باشمهندس كبير له مكانته ومركزه فى مصر ككل جاء عندنا واجتمع بينا واتكلم معانا عن ازاى الغرب بيشغلوا دماغهم واننا بنركز على اشياء مفيش فيها تفكير واحيانا بنركز على التلقين ونظام ان العلمم يتاخد بالمعلقه وحكلنا تجربه عملها على مجموعه من خريجين المنحه ونجحت فى انه يخليهم يعملوا سيستم كبير مجاله يمكن محدودين فى العالم العربى كله اللى قدروا يبدأو فيه خلاهم عملوه بنفسهم وباعتمادهم على عقلهم والبحث عن المعلومات بنفسهم كلامه حرك فينا حاجات كتيره احنا مش اخدين بالنا منها
علشان كدا هتشوفوا بنفسكم النتيجه لما تذاكروا بنفسكم

وعلشان اعطيكم الوقت الكافى لمراجعه الدروس بدلت بين الفرونت بيج والباوربوينت
يعنى درس الباوربوينت اصبح بكره السبت باذن الله

بس دا فقط لهذا الاسبوع
وان شاء الله هترجع الدورات تنتظم فى مواعيدها فى الجمعه القادمه هينزل الدرس الرابع من الباوربوينت بعون الله تعالى

الدروس اللى هتتعلموها هى :




الدرس الاول من( الجزء الاول ) من دورة تعليم تصميم المواقع


الدرس الثانى من( الجزء الاول ) من دورة تعليم تصميم المواقع


الدرس الثالث من( الجزء الاول ) من دورة تعليم تصميم المواقع



الدرس الرابع من( الجزء الاول ) من دورة تعليم تصميم المواقع



الدرس الخامس من( الجزء الاول ) من دورة تعليم تصميم المواقع



الدرس السادس من( الجزء الاول ) من دورة تعليم تصميم المواقع



امامكم 6 دروس على مدار 8 ايام قبل نزول الدرس القادم من الفرونت بيج يوم السبت باذن الله تعالى يعنى لو مسكتوا كل يوم درس هتخلصوا وتراجعوا

وان شاء الله بعد محموعه دروس معينه
هعملكم شرح مصور بالحركه لتصميم موقع بالفرونت بيج مع ان دا نوع من انواع التلقين بس لما تكونوا ذاكرتوا بالفعل هيكون عباره عن مراجعه عمليه لما ذاكرتوه

اى استفسارات انا فى خدمتكم
واى اخت معترضه تقول احنا هنا اخوات
واى شئ لازم يتم برضانا زى ماتعودنا سوا

[lulya]

كلامك صح 100% يا مس وأنا عن نفسى كنت هاحاول أذاكر الدروس دى الأسبوع ده لأنى حاسة انى محتجالها فى الدروس الحالية

بس انتى بذاكائك المعهود لمستى دا وهتخففى عننا يعنى أنا والأخوات مش هيكون قدامنا غير الدروس الاولى للفرنت بيج هذا الأسبوع قبل البدء فى الدرس الثالث الجديد للفرنت بيج

بجد فرحت بالكلام ده لانى عندى رغبة قوية فى التعلم ولكن اقتراحك ده يا مس هيدينا فرصة اننا نرتاح بعد كده فى الدروس القادمة
ويسعدنى انى أكون أول رد وأول موافقة

فى بس سؤال يا مس حضرتك كنتى بتقولى للاخوات اللتى عندهم مشكلة فى الصور انهم ما اتبعوش اكواد الاخطاء ليصححوها

وأنا اريد تعلم هذا

هل هذا الشرح موجود فى دروس الجزء الاول من الفرنت بيج

أم هذا موضو اخر

[** الشيماء **]

صباح الخير

ألف سلامة عليكي يامهندسة ربنا يشفيكي ويحميكي يارب

خلي بالك من نفسك وحتي لو متقدريش تنزلي دروس

مش مشلكة المهم إمتحانك وربنا ينجحك يارب

أنا مش معترضة علي كلامك بي العكس

دي فكرة حلوة جدا وإحنا راح نستفيد منها ونتعلم أكثر.


بارك الله فيكي وجعله الله في ميزان حسناتك .

[آحب آل سعود]

الله يعطيك العافيه ويشافيك ويخليك يارب ويوفقك ويسر لك زي منتي بتيسر لينا

حبيبتي عندي سوال ..

هل دوره الويندز شرحتي فيها برنامج الورد والاكسل والاكسس .؟ لان امي مره محتاجتها

وياليت اذا فيه تحطيين لي روابطها .

[إبريل حواء]

أولا سلامة قلبك وعمرك يا غالية من كل شر ......عين وصابتك
ثانيا بعد إذن المهندسة أختي آحب آل سعود
بالنسبة لدورة الرخصة بعد لم تشرح فيها مهندستنا برنامج الوورد والأكسل والأكسس , فلا تقلقي إن شاء الله بتكوني معنا
ثالثا أي إقتراح بتقدميه مهندستنا الحبيبة أنا موافقة عليه وأنا مغمضة عيوني , لأنه بعرف هو لمصلحتنا .
والتوفيق للجميع

[votvot]

موافقون .....موافقون ....موافقون


جزاكي الله خير بجد كنا محتاجين المراجعة دي
وانا فعلا عرفت أظبط مسار الصورة من الكود زي مااتعلمنا في الأول


وربنا يوفقك في الامتحانات

وهو فعلا احنا للأسف تعليمنا في الوطن العربي كله معتمد على التلقين والصم والحفظ مفيش فيه ابتكار وتفكير بس معاكي انشاء الله حأحاول على أد ماأقدر لأني بالإضافة إلى مشكلة أسلوب التعليم انا بأحس إن قدراتي العقلية حسابية من الدرجة الأولى بس التصميم والحاجات دي بجد ماليش فيها أوي ومعلش هي قدرات

[لينا الجميلة]

شكرا ليكي بهذا حيكون معي وقت لمراجعة الدروس

خاصة بعدأن إستقرت حالة أبي الصحية

[دنيا* الغريبة]

السلام عليكم
سلامتك الف سلامةعليكي
فكرة جيدة و ان شاء الله نذاكر و نكون عند حسن ظنك

[المحبة للرسول]

ألف سلامة عليكة أختى الغالية والحبيبة

وربنا يوفقك فى امتحاناتك

وإن شاء الله نراجع الدروس السابقة

بارك الله فيكى وجزاكى عنا كل الخير

[اسالك الجنه]

اوكيه

ماشى كلامك يا باشمهندسه
واذا تكرمتى لى طلب
القوائم فى الفرونت بيج
فيها بعض الاوامر مش واضحه لى

ممكن توضيحه بشىء من التفصيل اكثر
بارك الله فيكى
واذا مش عندك وقت
ممكن تعطينى مثلا روابط لدروس او مواقع تشرحها
وشكرا