صباح الفل
انا قلت افصل موضوع العزومات لوحده للى مش متابع سفرة كارمن للإفاده برضه
وده رابط عزومتى الأولى
http://www.lakii.com/vb/showthread.php?t=476875
وده رابط عزومتى التانيه
http://www.lakii.com/vb/showthread.php?t=484243
اما بأه عزوتى التالته حاوريكم صورها
شوربة بروكلى وبطاطس
وسهله اوى ونتيجتها حلوه
انا سلقت البطاطس عادى لكن سلقت البروكلى على البخار
وبعدين ضربتهم فى الخلاط مع شوية ميه صغننين
وبعدين صبيتهم فى الحله وزودت مرقه وظبطت الملح والفلفل وبس
وعملت طبق سلاطة مكون من :
طماطم مكعبات ، شرائح خيار ، شرائح فلفل ، جزر مبشور ( هيا جزرايه علشان الكيلو ب 8 جنيه .. ) ، فاصوليا حمرا ، كابوتشى مخرط ، ذره مسلوقه ، وفلفل رومى صغنووون محشو بجبنة بيضاء مخلوطة بثوم مفروم وشوية حليب صغننين ورشة سماق على الوجه وطعمها تحفه .... ورشيت الكل بالصلصه الفرنسيه قبل التقديم ( زيت وخل وليمون وملح وفلفل وكمون )
وعملت بطاطس كروكيت وكفتة بانيه وورق عنب
والبطاطس الكروكيت والكفتة البانية طريقتهم هنا
http://www.lakii.com/vb/showthread.php?t=481650
أما ورق العنب على طريقتى بالليه فطريقته هنا
http://www.lakii.com/vb/showthread.php?t=477772
وادى صورة الطبق
وعملت سمبوسك حشيته لحمه مفرومه معصجه وزبيب ولوز محمر وبيض مسلوق وطلعت حكايه
وكمان عملت قراقيش الكوسه على طريقة د. سوسن
وطرقتها فى الرابط ده
http://www.lakii.com/vb/showthread.php?t=460920
وادى صورتهم
وعملت فطيرة جلاش بالمكرونة تحفه وطريقتها هنا
http://www.lakii.com/vb/showthread.php?t=487806
ودى صورة الفطيرة النهائية للتحفيز بس ...
بعدين عملت قطايف حلوة وحشيتها بالمكسرات المفرية وحمرتها وسقيتها بالشراب السكرى
وعملت كنافتى المخصوصة المحشيه بلح وصدقونى طعمها تحفه
وطريقتها هنا
http://www.lakii.com/vb/showthread.php?t=487810
ودى صورتها النهائيه .... يم يم
وعملت تمر هندى وسوبيا وقمر الدين
وكل عزومه وانتن طيبات.....
الروابط المفضلة