انتقلت منتديات لكِ النسائية إلى هذا الرابط:
منتديات لكِ النسائية
هذا المنتدى للقراءة فقط.


للبحث في شبكة لكِ النسائية:
الصفحة 1 من 7 12345 ... الأخيرالأخير
عرض النتائج 1 الى 10 من 61

الموضوع: **موضوع متميز**فطيرة الجلاش بالمكرونة .... شكل تحفة وطعم خيال ... يم يم

  1. #1
    تاريخ التسجيل
    Jun 2003
    الموقع
    ولا شاف النيل .. فى أحضان الشجر
    الردود
    2,636
    الجنس
    امرأة

    المواضيع المتميزة **موضوع متميز**فطيرة الجلاش بالمكرونة .... شكل تحفة وطعم خيال ... يم يم



    يامساء الفللللللل
    النهارده يابنوتات جبتلكن فطيرة الجلاش بالمكرونة .... وااااو
    شوفوا بأه بتتعمل إزاى
    المقادير والطريقة مع بعض كالعادة
    الأول قطعت جزر صغنن فى حجم حبة البسلة حوالى جزرايه متوسطة

    وبعدين سلقت الجزر مع شوية بسلة قدهم

    وبعدين بصلاية وسط وقلبتها فى شوية زيت أو سمن حسب الرغبة

    وآدى احمرت البصلاية

    ضفت ملعقتين كبار دقيق وقلبت بسرعة

    وآدى بعد ماقلبت كويس والدقيق داب

    رحت ضايفة كباية لبن وكباية شوربة

    وكده يبقى الباشاميل بالبصل جاهز

    سلقت مكرونة سباجتى حوالى نص كيس


    قلبت كله مع بعضه ( المكرونة والبسلة والجزر والباشاميل ) وظبطت الملح والفلفل


    دهنت الصينية اللى حافرد فيها الجلاش بالسمن


    فردت ورق الجلاش بحيث يغطى قاع الصينية وتتدلى الزوائد بره علشان حانغطى بيها بعد كده ودهنت سمن


    صبيت خلطة المكرونة ورشيت جبنة رومى


    وقفلت الجلاش على الخلطة ورشيت سمن


    وبعدين قلبت بيضايه فى كباية لبن وملح وفلفل وصبيتها على الجلاش


    وتدخل الفرن وتستوى براحتها لغاية ماتحمر ... ولحد هنا عندك اختيار من اتنين : ياتقطعيها فى الصينية زى انا ماعملت


    ياإما لو كنتى عملتيها فى صينية تيفال يبقى ممكن تقلبيها فى سرفيس وتبقى عامله زى الفطيرة وزينى حواليها بشرائح أى حاجه ....

    ودوقى الطعم وادعيلى .....
    آخر مرة عدل بواسطة RAWAD : 02-10-2008 في 03:05 AM السبب: اضافة الشعار

  2. #2
    تاريخ التسجيل
    Aug 2007
    الموقع
    U S A
    الردود
    276
    الجنس
    أنثى
    كارمن حبيبتى اخيرا هشيل الصنب\يه كلها واجرى دى مميزات فرق التوقيت بين مصر ونيويورك يعنى البنات بتاكل الكنافه وانا هاخد الصنيه وطيران تسلم ايدك يا كارمن شكلها يفتح النفس ماشاء الله عليكى شطوره كل سنه وانتى طيبه

  3. #3
    تاريخ التسجيل
    Jun 2003
    الموقع
    ولا شاف النيل .. فى أحضان الشجر
    الردود
    2,636
    الجنس
    امرأة
    oum islam ..... طب ماتيجى تشيلينى انا شخصيا واعمل لك كل الحاجات اللى انتى عاوزاها ... وتنجدينى من العالم اللى هنا اللى مابيبطلوش أكل ...... ... وياحبيبة قلبى ماتغلاش عليكى الصينية واللى عملت الصينية واللى أكلوا الصينية كمان .... وكل سنة وانتى بألف صحة وهنا يارب ....

  4. #4
    تاريخ التسجيل
    Sep 2008
    الردود
    55
    الجنس
    أنثى
    شكلها جنان

  5. #5
    تاريخ التسجيل
    Jun 2003
    الموقع
    ولا شاف النيل .. فى أحضان الشجر
    الردود
    2,636
    الجنس
    امرأة
    طماطمه حمراء ....تسلمى ياجميله ....

  6. #6
    تاريخ التسجيل
    Feb 2008
    الموقع
    منتدى لك , بعيده عن وطني العراق
    الردود
    656
    الجنس
    أنثى
    فطيره حلوة كثير
    ما شاء الله و شكلها يجنن

  7. #7
    تاريخ التسجيل
    Jun 2003
    الموقع
    ولا شاف النيل .. فى أحضان الشجر
    الردود
    2,636
    الجنس
    امرأة
    أم أحمد .... هيالما بتتقلب كمان بيبقى شكلها تحفه بس للأسف ماعنديش صينية تيفال مقاس مناسب لحجم صغير ... وتسلمى ياقمر على ردك

  8. #8
    تاريخ التسجيل
    Aug 2007
    الموقع
    U S A
    الردود
    276
    الجنس
    أنثى
    تسلمليلى يا كارمن الف صحه وعافيه عليكم يارب وربنا يخليكى ليا على كلامك الجميل وتعالى اتفضلى الف اهلا وسهلا بيكى امريكا هتنور بيكى

  9. #9
    تاريخ التسجيل
    Aug 2007
    الموقع
    مصريه مغتربه
    الردود
    467
    الجنس
    أنثى
    تحفففففففففه يا كارمن تعرفي انا نفسي اجربها بس مستنيه الجزر يظهر

    ههههه مش لاقيين ولا جزر ولا خس تفتكري ايه السبب ههههه

    ربنا يحفظك يا كارمن وتسلم ايديكي

  10. #10
    تاريخ التسجيل
    Jun 2003
    الموقع
    ولا شاف النيل .. فى أحضان الشجر
    الردود
    2,636
    الجنس
    امرأة
    oum islam ..... ياغاليه انتى مرورك غالى عليا ... وامريكا منوره بيكى هناك ياقمرايه .... وتسلميلى حبيبة قلبى على كلامك وذوقك .... مانحرمش من طلتك عليا يارب .....

    sama_sehab ..... اسكتى ماتفكرنيش بموضوع الجزر .... انتى عارفه الجزر بكام ؟ .... ب 8 جنيه الكيلو حضرتك .... واكيد مش انا السبب .... لسه مابقتش ارنب .... ... لكن الخس مالى الدنيا ... بلاش اشاعات مغرضه ... ومافيش خس فيه كابوتشى .... والدنيا جميله ولا غاليه ولا حاجه .... ... وتسلمى ياجميله ومانحرمش منك ....

مواضيع مشابهه

  1. صيفنا إبداع: فطيرة الجلاش بالدجاج والفطر ...مشاركتي للغالية سما في ملف الجلاش
    بواسطة ناني2007 في المعجنات والسندويشات والفطائر والخبز
    الردود: 28
    اخر موضوع: 27-08-2010, 06:19 AM
  2. ** تطبيق متميز ** تطبيقى للكرص المغربى طازة وسخنة وطعم تحفة
    بواسطة A-N=an في المعجنات والسندويشات والفطائر والخبز
    الردود: 7
    اخر موضوع: 19-10-2009, 01:01 AM
  3. **موضوع متميز** فطيرة البطاطس احلى فطيرة ......... من مطبخ سمسماية&&&
    بواسطة سمسماية في المعجنات والسندويشات والفطائر والخبز
    الردود: 37
    اخر موضوع: 15-03-2009, 07:33 PM
  4. الردود: 15
    اخر موضوع: 15-04-2008, 05:01 PM
  5. فطيرة بالجبنه والزيتون وبالصور**موضوع متميز**موضوع متميز **
    بواسطة الحبوبة 28 في المعجنات والسندويشات والفطائر والخبز
    الردود: 20
    اخر موضوع: 23-10-2006, 09:37 PM

أعضاء قرؤوا هذا الموضوع: 0

There are no members to list at the moment.

الكلمات الاستدلالية لهذا الموضوع

الروابط المفضلة

الروابط المفضلة
لكِ | مطبخ لكِ