تجربتي مع الرجيم وخاصة الكيمائي

[رونة]

ألف مبروك omlol حبيبتى على تكمله الرجيم وتحقيق هدفك وانشاءالله دائما تدخلى تطمنينا عليكى وحتى لو هتبدأى برجيم اخر احنا فى انتظار مشاركاتك الفعاله واحنا بينا صداقة جميلة

وكان لازم ادخل بسرعه النت أرد على سؤالك لانى كنت عارفه انك لازم تعرفى فى أسرع وقت هتوقفى الرجيم أو لااااا ههههه

هنا وصلة رجيم الكالورى وانتى أختارى أفضلهم بالنسبة لكى على أساس انتى محتاجه تمشى
على كام كالورى فى اليوم .. فيه نظام 1200 وفيه 1500و1800 وهكذا وطبعا تقدرى تحسبيها بالنسبه لطولك ووزنك عشان تعرفى مفروض انهى جدول تتبعيه لتخفضى من وزنك الحالى ..

اضغطى هنا وصلة رجيم 1200 كالورى

رجيم 1500 كالورى


شكرااااا حبيبتى omlol على مشاركتك الفعالة وتمنياتى لكِ بالتوفيق دائما واحنا يسعدنا مشاركاتك فى كل وقت

تحياتى لكِ

[رونة]

حبيبتى omlol احنا واحد والى موجود فينا يرددددددددد وميرسى مرة تانيه على تجاوبك
اتمنى تقوليلنا عن نتائج رجيم السعرات لنطمأن عليكى


شهلاااااااااء ليه بس زعل والدموع حبوبببببببببه انتى عسلللللللللللل والمفروض متخليش حاجه تزعلك ابدا ولو حابه تنزلى من وزنك شويه ممكن تبدأى رجيم الكالورى لانه سهل ومريح وانتى
اختارى نظام يكون فيه عدد الكالورى الى يناسب طولك ووزنك حبيبتى وانتى يمكن محتاجه شويه تشجيع وتوصلى للوزن الى نفسك فيه


أختى أم سارونا الحلوة حبيبتى بدام قلقانه ممكن تبدأى رجيم الكالورى وأنا وضعت وصلات
له عند ردى للأخت omlol وانتى اختارى منهم الأسهل والمناسب لكِ


تحياتى وتمنياتى بالتوفيق للجميع

[ضوءالقمر]

مرحبا بنات
انا جيت بس حتى اثبت حضور
وجبتلكم شوية تمارين رياضيه
تجد معظم السيدات أعذار لعدم ممارسة الرياضة منها ضيق الوقت والإنشغال أو عدم القدرة على الذهاب لنادي رياضي وعدم توفر أجهزة رياضية في المنزل،ولكن كل هذه الذرائع تبددت اليوم بعد انتشار برامج الرياضة المنزلية التي لاتحتاج إلا لدقائق يومية من وقتك بينما يكون مفعولها ممتاز ونتائجها مرضية...وسوف نقدم لكم اليوم برنامج للرياضة المنزلية لايتعدى 20 دقيقة ويساعد على شد العضلات وحرق الدهون وتحريك الدورة الدموية.
النقطة الأساسية في هذا البرنامج هي إبقاء الجسم في حالة حركة متواصلة طوال مدة التمرين لذا يجب أن لاتكون هناك فترات توقف تام عند الإنتقال من تمرين لآخر.
1)التسخين والإحماء
قبل البدء بالتمرين لابد من القيام بعملية تسخين على سبيل المثال الركض أو المشي في مكانك على الأقل لمدة دقيقتين حتى يصبح الجسم في حالة نشاط واستعداد لأداء التمارين.
2)التمرين الأول لعضلات الصدر والكتف،المدة دقيقة واحدة.
في بداية الأمر سوف تجدين هذا التمرين صعب لكن مع مرور الوقت سوف يصبح من ضمن روتينك اليومي البسيط...ضعي ركبتيك على الأرض وارفعي الساقين للأعلى واحداهما ملتفة على الأخرى لتكون وضعيتك أكثر ثباتاً،أما الكفين فيتم وضعهن على الأرض بمستوى الكتفين،ثم اعتماداً على الذراعين تبدأين بدفع جسدك إلى الأعلى يستقيم ذراعك ثم بإنثنائه تهبطين بجسدك بإتجاه الأرض مع المحافظة على الظهر في حالة استقامة وتركيز الإعتماد في الحركة على عضلات الذراع فقط.كرري العملية لمدة دقيقة واحدة.
3)التمرين الثاني لأسفل الظهر,المدة دقيقة واحدة.
استلقِ على بطنك بشكل مستقيم ويديك وساقيك مفرودتان،ثم ارفعي ذراعك الأيمن وساقك الأيسر في نفس الوقت إلى أعلى قدر المستطاع إلى أن تشعري بضغط خفيف أسفل ظهرك عندها حافظي على هذه الوضعية 5 ثوان ثم عودة إلى وضعية البداية وتكرير العملية على الجانب الآخر وهكذا لمدة دقيقة.
4)للمحافظة على لياقتك مارسي الركض في مكانك لمدة دقيقة ثم عودةمرة أخرى إلى التمارين. 5)التمرين الرابع للفخذين والساقين،مدته دقيقتين.
وضعية البداية تكون بالوقوف بإستقامة وتثبيت اليدين على الوركين،ثم يتم ابعاد الرجل اليسرى إلى الوراء قدر المستطاع مع الحفاظ على استقامتها دون ثني الركبة إلى الوصول لأقصى حد ممكن عندها تبدأين بثني الركبة حتى تقترب من الأرض وتلقائياً ستجدين أن القدم اليمني قد انثنت أمامك بمقدار 90 درجة وحاولي أن لايتعدى مستوى الركبة اليمنى مشط القدم..ثم قفي مرة أخرى وكرري العملية على كل جانب من 10إلى 15 مرة لمدة دقيقتين.
6)التمرين الخامس للساقين،مدته دقيقتين. ضعي مشط القدم اليسرى على حافة الدرج ولتكن الرجل اليمنى ملتفة على اليسرى للتركيز على قدم واحدة فقط وثبتي يديك على الدرابزين أو على الحائط للتوازن ثم ابدأي برفع جسدك إلى أعلى اعتماداً على مشط القدم المثبت على الدرج إلى أقصى حد ثم اهبطي إلى مابعد مستوى ارتفاع الدرج بقليل وكرري هذه العملية من 12 إلى 20 مرة.
7)التمرين السادس لعضلات الذراعين والكتف،مدته دقيقتين.
الوقوف بظهر مستقيم ووضع اليد اليمنى على الورك بينما يدك اليسرى تحمل أثقال خفيفة أو قارورة مياه صغيرة وتبدأين برفع ذراعك بشكل مستقيم إلى جانبك حتى يصبح كف اليد الذي يحمل الأثقال بمستوى الكتف وموازاة الأرض،حافظي على هذه الوضعية لثانيتين ثم أعيدي ذراعك إلى الى الأسفل بجانب جسدك وكرري العملية على الجانبين 20 مرة لمدة دقيقتين.
8)التمرين السابع للكتف،مدته دقيقة واحدة. الوقوف بإستقامة مع فرد اليدين إلى أعلى بجانبك بشكل موازٍ للأرض ثم ابدأي يتحريكهما حركة دائرية بإتجاه دوران عقارب الساعة وكأنك ترسمين دوائر صغيرة في الهواء مع المحافظة على استقامتهما دون ثني الكوع لمدة 30 ثانية،ثم غيري الإتجاه إلى عكس دوران عقارب الساعة للوراء 30 ثانية أخرى.
9)التمرين الثامن لعضلات الفخذ الخلفية ومؤخرة الظهر،مدته 3دقائق.
ضعي الكفين والركبتين على الأرض والظهر مستقيم بزاوية متعامدة مع الذراعين والفخذين ثم اسحبي الركبة اليسرى إلى الأمام بإتجاه الصدر وببطء أعيديها إلى الوراء حتى تستقيم تماماً في الهواء وتصبح بمستوى الظهر وعودة من جديد إلى وضعية البداية بثنيها وتثبيتها على الأرض.يتم تكرير هذه العملية 20 مرة على كل قدم.
10)التمرين التاسع لعضلات البطن،مدته 3 دقائق. تمرين البطن التقليدي،استلقِ على ظهرك مع ثني الركبتين وتثبيط القدم على الأرض ووضع الكفين خلف الرأس والمرفقين إلى جانبها ثم اعتماداً على عضلات البطن ابدأي برفع جسدك إلى الأعلى والعودة إلى الاسفل لمدة دقيقة متواصلة. بعد ذلك للضغط على الحانبين مارسي نفس التمرين مع الإتجاه بالكوع الأيمن إلى الركبة اليسرى عند رفع الجسد والعكس بالعكس مع الكوع الأيسر والتكرار لمدة دقيقة أخرى.
وأخيراً التغيير قليلا في التمرين للتركيز على عضلات البطن السفلى برفع القدمين عن الأرض حتى يصبح الفخذين متعامدين على الظهر والساقين متوازيتين في الهواء مع الأرضوفي كل مرة ترفعين جسدك اسحبي الركبة اليمنى بإتجاه الكوع الأيسر والعكس بالعكس لمدة دقيقة. 11)لإنهاء التمارين لابد من التدرج وعدم التوقف عن الحركة مباشرة
فيمكنك مثلا الركض في مكانك ثم تخفيض السرعة حتى تصبح مشي هاديء إلى أن تهدأ ضربات القلب ويعود تنفسك إلى الوضع الطبيعي.
انشاء الله تستفيدوا

[رونة]

الله الله جزاكى الله كل خير حبيبتى ضوء القمر أكيد المجاهدات هينشجعوا على ممارسة
التمارين حتى وياريت حتى يمارسوها حتى لو غير ملتزمين برجيم معين
أكيد هتفييييييييييد جميعععععععععع البنات المهتمين بالرشاقة وبالصحة أيضاااااا

[رونة]

حياتى ضوء القمر حضورك اتثبت بالثلاثه النهاردهههههههههههه

[omlol]

اختي رونه اشكرك كمان و كمان اانت اخجلتيني بتجاوبك الرائع
و لكن لدي اخبار مش عارفة لو حلوة او لأ المهم
زوجي اعترض البارحة و قال من الافضل ان لا اتوقف الان و الا الوزن حيرجع تاني بسرعة
و بصراحة انا خفت من كلامة و قلت لو رجع لي الوزن تاني يعني لازم اعمل الريجيم من الاول
و فكرة كمان انه الاسبوع الثاني هو اصعب اسبوع بالنسبة لي علشان حكاية البيض
بعد ما انتهيت من الرجيم المرة السابقة اكثر من سنة ما اكلش بيض حتى في الكيك هاهاها
و اعتقد انني حسمت الموضوع اليوم الصبح و قلت راح اكمل لانني حقيقي اخاف يرد الوزن
و انا طمعت و عاوزة اوصل ل 55 كغم يعني كمان 3 او 4 كغم لان وزن 58 طلع مش مظبوط كمان
ساعة يطلع و ساعة ينزل يعني جسمي لم يعتمد الوزن الجديد لسة هههههههه
قوللي رأيك و هل و بسرعة انا دائما مستعجلة و لكن لان اليوم اخر يوم في الاسبوع الثاني و الحمد لله
اخواتي شوفوا كيف انا رجعت علشان اكون معكم كما لاخر الشهر
و السلام عليكم و رحمة الله و بركاته

[omlol]

نسيت اقول ان هذا اثبات حضور ايضا ولا اية

[RASHROOSH]

السلام عليكم يا بنات
وايه اخبار اليوم الجديد من ايام الريجيم والطريق للرشاقة ان شاء الله ؟
انا حبيت اثبت حضوري اليوم واطمن على اخواتي المجاهدات بس ما شاء الله كلكم طلعتوا ابطال ومجاهدات بحق وان شاء الله ربنا يوصلنا للي عايزينه
اختي رونة شكرا على تعقيبك وان شاء الله كل البنات يكونوا مستفيدين وبيطبقوا التعليمات مضبوط بس حبيت استفسر الليموناتة تتشرب من غير سكر ولا ممكن سكر الفواكه ؟معلش يا رونة انا عارفة اننا ازعجناكي باسئلتنا كل شوية بس معلش ده نصيبك ربنا رزقك بينا وان شاء الله كل ده يكون في ميزان حسناتك
اختي المجاهدة النشيطة omlol ما شاء الله عليكي وعقبالنا ان شاء الله لما نوصل للنهاية زيك ونطمع في المزيد كمان واشكرك على ردك على اسئلتي السابقة جزاك الله كل خير
واختي المكافحة النشيطة ايضا ضوء القمر اتعودنا على طلتك الحلوة علينا والمعلومات الحلوة اللي بتفيدينا بيها دايما وانت والله بتشجعيني كتير بهمتك العالية على الريجيم يارب كل البنات يكونوا زيك وعندي سؤال لو تقدري تفيديني بيه هل عندك تمارين لشد عضلات الصدر لوحدها ؟
شكرا ليكي حبيبتي والى اللقاء

[soso]

حبيتي رونه
هذه اخر اخباري مع الرجيييم
شوفي يا آنسه رونه انا امبارح للاسف sid ضعفت ادام الكبده المشويه الرائعه الي ماما عملاها في الفرن مع قوانص الفراخ وخدت نصف قونصه وكبدايه واحده مع الفراخ في الغذاء يا رب اكون ملخبطتش الدنيا
ثانيا النهارده خدت بدل الجبنه القريش 3 بيضات لاني كنت راجعه من الكليه هلكاااانه فخدت بيضه زياده يعني يا ربي مكانش يبقي الغذاء هو الي لحم مشوي والعشاء هو الجبنه انا مستغربه ان اللحم والسمك بيكونو في العشاء مش في الغذاء في معظم الايام ليييه بس ؟؟
المهم ياتري كميه اللحم او الدجاج او السمك ليها حدود ولا زي ما احب مفتوح يعني ؟؟
معلش اسئله كتير دارت في بالي وجمعتها عشان اكتبها اليوم لاني بكرة ناويه ادي نفسي اجازة ومش حرووووح الكليه فقلت اقضي شويه وقت علي النت وبكرة ان شاء الله حكون معاكو طول اليوم مع البرتقال علي الغذاء هههههههههههههههه
هل ممكن ابدل البرتقاله في الفطار باي فاكهه اخري تفاحه مثلا ؟؟

وبالنسبه للمياه الغازيه الي اعتقد انها كده هي السبب اني مخستش خااالص في الريجيم الي فات لاني كل يوم كنت بشرب علبه وانا من ساعه ما بدات الاسبوع الاول مشربتش الا نصف كوب فقط يا رب ميخربليش الريجيم ..........المهم ممكن اشرب عصير جريب فروت بدون سكر بدل المياه الغازيه في اي وقت ولا لازم يكون عندي في الريجيم ؟؟؟؟
والمشكله اني مبعملش رياضه خاااالص مفيش وقت ولا صحه هلكت من الريجيم مع الكليه والمذاكرة شجعوني يا بنااات انا تعبت جدااااا
والسكر الدايت(دايت سويت ) الي بستعمله طعمه مش مريحني لو تعرفي يا رونه نوع كويس غيره قوليلي علي اسمه من فضلك
طولت عليكي وفي انتظار ردك

[soso]

اه يا بناات
نسيت وعزيزتي omlol فكرتني انا طبعا بسجل حضوري اليوم والنهارده بالنسبه ليه اليوم الثالث في الاسبوع الاول
يا رب ساعدنا كلنا يا رب

[omlol]

اشكرك اختي العزيزة سوسو على الكلمات الحلوة و ربنا معاك تكملي للنهاية هاها نهاية الريجيم
و الكيلوات الزائدة و الامور صعبة في البداية دائما و لكن اتخاذ القرار بان نبداْ هو الاصعب
هذا هو رايي في الموضوع
و لكن يا بنات هل تعرفون الفائدة الاخري لهذا الريجيم بالذات ؟
انا اقول لكم من حكم تجربتي السابقة و الحالية
بعد ان ينتهي الريجيم تشعري ان بأمكانك التغلب على اية مشكلة تعترض طريقك
و يكون عندك الدافع للمقاومه اقصد لن تستسلم الواحدة منا بسهولة لاي شيء
اعتذر اذا تحول الموضوع من طرفي الى فلسفة و لكن هكذا اشعر و شعرت
ختاما اخواتي الحبيبات استودعكم الله و اراكم غدا بعد الظهر بتوقيت هولندا
و هو ساعتين قبل توقيت مكة المكرمه يعني لو الساعة 2 في مكة المكرمة تكون الساعة عندي 12

[رونة]

بسم الله الرحمن الرحيم



عزيزتى omlol لو فعلا خايفة وعايزة تنزلى 3 كيلو كمان بسرعة لان رجيم الكالورى طبعا
بطىء وأنا اخاف تلخبطى فيه لانه محتاج مده لحد ما يجيب نتيجة كويسه يعنى عايز صبر..

وكلام زوجك مضبوط أحسن انك تكملى وتخلصى مرة واحده من باقى الكيلوات يعنى كملى
لأخر الشهر قدامك أسبوعين كمان وترتاحى من الرجيم خالص وبعدها أعملى تثبيت لوزنك
عشان ميزدش تانى خالص وترتاحى منه للأبد ..

وانا عن نفسى عملت كده كملت شهر كامل مرة وحده وخلصت من كل الوزن الزياده وأرتحت بعدها وكل مدة لما وزنى يزيد كام كيلو ممكن بعمل رجيم كام يوم بس لحد ما انزل الكليوات الى زادوا بسبب أجازه أو حفلات الخ ..

وفعلا كلماك مضبوط الجسم بعد الرجيم الكيميائى بيكون اتعود وقادر علىالمقاومة لانه اتعلم التحمل ههههه وفيه اراده أقوى غير الأول بيكون ضعيف أمام الأكل كله وخصوصا الدسم منه ..

اتوكلى على الله وكملى الرجيم مع بقية الأخوات وبالتوفيق حبيبتى

[رونة]

أختى RASHROOSH اسألينى علىراحتك والا يهمك يا قمر عصير الليموناته ممكن تشرب من غير سكر خالص أو بسكر الفواكه اختارى الى تحبيه يعنى لو تستحملى تشربى الليموناته من غير سكر اوكى ولو طعمها مر استخدمى ملعقه من سكر الفواكه ..

بالنسبة لتامرين الصدر فى الجيم كنا نستخدم تمرين بالداملز خفيفه و صفيرة كان المدربين
يقولوا انها لشد الصدر لكن انا الصراحة مستمرتش عليها عشان اقولك تنفع أو لا

وفيه بعض البنات بيدهنوا دهانات لشد الصدر وهنا فى المنتدى فيه أخت ردت على soso
وقالتلها أكثر من طريقة لتصفير وشد الصدر بالزيت لكن معرفش اذا كانت مجربه ..

لكن نصيحة من دلوقتى حاولى دائما تلبسى الس.... على طول طوووووووول الوقت حتى فىالبيت
لان عدم لبسه طول لوقت بيؤدى لكبر حجمه وبيكون مش مشدود ..

بالتوفيق حبيبتى وانشاءالله توصلى للوزن المثالى قريبا

اليوم سجلت حضور المجاهدة omlol و RASHROOSH

[رونة]

عزيزتى soso انتى شكلك محتاجه الواحد يقعد جنبك ويراقبك وانتى بتعملى الرجيـــم
لانك بتخربيـــــــه يامفتريه تأكلى كبده وانا كاتبه انها من المحظورااااااااااااات
وكمان يتخربيه من 3 يوم يعنى لســـــه ملحقتيش تجوعى اوى هههههههههههههه
أمال لما تجوعى هتخربيه أكثر من كده ايــــه ( قلبت على أغنيه لأيهاب توفيق )

عموما حصل خير لكن فيه لخبطة كثير فى رجيم الكيميائى انتى عملتيها وكمان انا عرفت
دلوقتى ليه وزنك منزلش كثيررررر فى رجيميك الى فات من البيبســـى الدايــت

والله زى ما قلتلك البيبسى تخرب أجدع رجيم فى الدنيا عارفه حتى لو انتى صايمه طول
اليوم ومش بتأكلى خالصصصصصصص وجيتى فى أخر اليوم وشربتى علبة بيبسى
واحدة هتزيدىىىىى ايه رأيك !!!!!!!!!!


ملاحظات هامة : -

* المهم أول حاجه اتمنى تلتزمى بالرجيم بكل تفاصيله أكثر يعنى أولا مفيش بيبسى دايت خالص
اثناء الرجيم
* ثانيا أكل الكبده ممنوع تماما فى ارجيم الكيميائى ممكن لو بتحبيها اوى تأكل يوم الراحة
* ثالثا عصير الجريب فروت ممكن تشربيه فى الفطار بدل عصير البرتقال (ممنوع أكل تفاحة بدل برتقالة )
* رابعا لا يسمح بشرب عصير جريب فروت أثناء اليوم فى الوقت المخصص له فقط (فطار)
* خامسا سكر البديل الى بستخدمه هو سكر فواكه فركتوز ( معلقة أو معلقة ونص كافيه لليموناته)
* ممكن تكلمه الرجيم لكن بالألتزام التام
* محاولة الالتزام بعدد البيض المسلوق وهم 2 فقط
* لو تعبانه ومش قادره تلعبى رياضة لانك بتعملى مجهود فى الكلية والدراسة لكن
لو لقيتى وقت ممكن تمارسى فيه على الأقل 15 دقيقة تمارين يكون كويس انشاالله
مرتين او ثلاثه فى الأسبوع
* ممنوع تبديل وجبة بوجبة ثانيه ( يعنى ممنوع تبديل العشاء بالغداء وهكذا ) فى بعض الأيام بيكون غداكى لحمه أو فراخ عادى لكن فى بعض الأيام الاخرى بيكون الفراخ أو اللحمه فى العشاء وهو نظام مدروس جداااااا وأكيد مضبط بشكل ان الأكل متتفاعلش مع بعض بشكل يزيد الوزن
* ممكن أكل أى كمية من ( الفراخ أو اللحمه أو خضار مسلوق ) حسب الى مكتوب بالجدول
(طالما الكمية غير محددة فى الجدول) لكن يفضل عدم تناول كمية كبيرة من اللحوم والفراخ
عشان الصحة متتعبش فى محاولة هضمها لانها كلها أكلات صعبه الهضم
( مثلا ممكن أكل فرخه مشويه بدون جلد طبعا ويفضل الصدر منها لكن ممكن أكل الورك ايضا )


حبيبتى soso انتى كملى الرجيم لكن ياريت تلتزمى بيه أكثر وعلى فكره اللخبطه الى انتى
عملتيها هتبان اخر الأسبوع لما توزنى لانك لخبطى يعنى معدل النقص هيكون أقل عن المفروض
للكيميائى لان حصل لخبطه وأنا سجلت حضورك النهارده وبالتوفيق والألتزااااااااام انشاءالله


تحياتى

[omlol]

الغالية رونه السلام عليكم و رحمة الله و بركاته
الان و بعد ما انتهيت من اخر وجبة في أخــــــــــر يوم في الاسبوع الثاني
اشعر انني من الافضل اكمل و لو بالتعب احسن ما احتاس حاكل ايه في الوجبات
و الاسبوع الثالث اسهل علشان الوقت مش محدد و ممكن اكون عند الضيوف وا كل الفاكهة يوم السبت مثلا
اختي العزيزة رونه
اشكرك على التفاعل و ارجو التوفيق للجميع و ربنا معاكم و انا لن اترك الريجيم حتى النهاية كما اكملته في المرة الاولى و لم اكن وقتها بحاجة له مثل الان
الاستمرار يا بنات لا تخلو الجوع يقهرنا