تعالوا هحكيلكم

[إسكندرانية]

السلام عليكم
انا متبعاكي
خليكي جامدة كدا وكملي

[صبا اخت ربى]

الحمد لله بدات التباشير تهل وراح الاحباط اللي جاني كملي ياحبيبه بارك الله فيك

[نور العيون123]

خلاص اكيد هي دي النهايه العريس طلع طلبك وربنا يسعدك منتظرين

[sana5783]

انتظر من فضلك

[أرجو رحمة ربي]

ياسلام الله يسهل
ها بدينا نشوف الجزء الحلو
ان شاء الله خير

[7abiba]

حبايبى الحلوين

سواد العيون

الشيماء 2009

yehia2007

إسكندرانيه

صبا أخت ربى

عيون 123

sana5783

أرجو رحمة ربى

باقى قراء الموضوع

من حسن حظى عندى أجازه النهارده

إنتظروا آخر جزأ

وأى جديد بعد كده هوفيكم بيه

[أرجو رحمة ربي]

يارب
هدا احنا بنستنى

[اميره الماس]

الحمد لله حبيبتى ربنا يسعدك كمان وكمان يارب وادعيلى لانى مريت بظروف مشابهه شوى ليكى بس بصراحه ظروفك اصعب مررررررره بس انا اللى كان اصعب بالنسبه ليا انى سيبت خطيبى ليله الدخله ادعيلى حبيبتى كتيرررررررررررررر وياااارب يسعدك ويوقفك ويقر بيه عيونك ويقر عيونك بيه

[7abiba]

وقفنا عند إذ فجأتاًََ بعد شهرين من يوم الخطوبه وكل شىء تمام فى يوم وقع على رجله وتعب جامد ودكاتره وأشاعات والمفاجأه عمل عمليه بعد العمليه بشهر ساءت حالته النفسيه جداااااااااا


وبدأ ييجى يزورنا وهو مضايق الزيارات بدأت تقل إلى أن إنعدمت وكمان مكالماته وإن أنا إتصلت بيه يصدنى ويسمعنى كلام يضايق إتجننت مش فاهمه فيه إيه أسأله مايردش إشتكيت لوالدته إنصدمت وبدأت تلاحظ تغير طباعه حتى معاهم فى البيت وإنه طول الوقت مكتئب وقاعد لوحده حاولت معاه كتير مفيش إستجابه وكمان والدته حاولت معه مفيش


إتصلت بيه فى يوم وإنفجرت فيه فى التليفون وطلبت منه حل للى إحنا فيه إما أعرف إيه اللى تعبه ونحله أو نسيب بعض وعدنى إنه هيحل الموضوع إستمر الوضع شهرين شهر نفسيا مضطرب بعد العمليه والشهر التانى قاطع إتصاله وزياراته وأنا بكاء بإستمرار وقطعت الأكل وإنعدم إهتمامى بنفسى خااااااااالص والدته كانت على إتصال بينا وتصبرنى أنا وأهلى

فى الوقت ده حصل معايا اللى كان بيحصل قبل كده ربنا كان بيمسح على قلبى بس المره دى بسورة الضحى

(ولسوف يعطيك ربك فترضى )

فى مره خارجه الصبح بدرى وفاتنى المواصلات اللى بركبها العاديه وركبت مواصله مضطره مابركبهاش كتير وكنت قاعده وسمعات الكاسيت جنبى مباشرة سرحانه وبقول أذكارى فوجئت بإذاعة القرآن الكريم شغاله وشيخ بيتكلم عن سورة الضحى قرأها الأول وشرحها قلت سبحان الله كأنى إتأخرت مخصوص وركبت هنا مخصوص عشان ربنا يذكرنى فى نفس اليوم مروحه آخر النهار وانا مروحه فى المواصلات لاقيت شاب قاعد بيقرأ قرآن بصوت مسموع ما إنتبهتش إلا على سورة الضحى آية ولسوف يعطيك ربك فترضى وإتكررت معايا فى ايام ورا بعض برضه أسمعها فى التلفزيون أفتح موقع بالصدفه على النت ألاقيها فى وشى أسمعها فى الصلاة المسجد اللى جنبنا وبرضه الآيتين اللى من سورة آل عمران اللى قلتلكم عليها ماسبونيش ( بس عايزه أفكركم بحاجه الآيتين اللى من سورة آل عمران فيهم شرط إدعوا أكون انا وانتم على قد الشرط ده شرطها الإيمان إقرأوهم كويس لأن الشرط ده بيخوفنى ماكونش قده ) المهم ربنا كان بيبعتهملى بس سورة الضحى كانت بتتكرر أكتر طول الفتره دى كمان فى يوم كنت سرحانه أوى وبفكر إنه أكيد ربنا رحيم وأكيد مش هيسبنى كده وإنى مش لازم أقنط من رحمة ربنا أقسم بالله قبل ما أنام سمعت الآيه اللى بتقول

{55} قَالَوَ مَن يَقْنَطُ مِن رَّحْمَةِ رَبِّهِ إِلاَّ الضَّآلُّونَ {56}سورة الحِجر

وده كله صدفه أقسم بالله ولو إنى أسمع إن مفيش حاجه فى الدين أو فى حياتنا صدفه كله بترتيب ربنا بس اللى أقصده إنه غير مقصود منى أو من الناس اللى حواليا

شوفته رسايل ربنا المهم نقدر نستوعبها ونفهمها ونصبر ومش كل الناس رسايلها زى بعض يعنى مش شرط تكون رسايل الناس زيى ممكن تكون بشكل تانى وافضل منى كمان

فى نفس الوقت ناس نصحونا بالرقيه الشرعيه وإن الموضوع ممكن يكون فيه حسد أو سحر فى الأول ما إستوعبتش الموضوع وإتصدمت كمان الناس تحسدنى أو تعملى سحر وخصوصا سحر ليه انا عملت إيه وفى مين والله بتمنى الخير لكل الناس وعمرى ماضريت حد عن قصد أو حتى بدون قصد

إستبعدت الموضوع لأنه غريب عليا لكن قلت دى قرآن ورقيه وكنت محتاجه أى حاجه تدينى أمل تطلعنى من اللى أنا فيه بلغنا أهله وهو فى الأول عارض كتيييييييييير ومانع وبالعافيه جابوا شيخ رقاه مره واحده وأهلى جابوا شيخ رقانى والشيخ اللى رقانى أكد لى على أكتر من دليل إن فيه سحر معمول لنا وإن فيه حسد شديد وفعلا دخلت على النت كتير وعملت بحث فى الموضوع ده وأعراضه وإتأكدت وإفتكرت إنى بعد فسخ خطوبتى السابقه مباشرة كنا أكثر من مره نلاقى خط مايه قدام باب البيت وفيه حاجات فى المايه دى كنا بنتوقع إنها ممكن يكون حد عدا بكيس زباله من أمام الباب ووقع منه شىء أو قطه تبولت الشيخ زارنا وقرأ قرآن عليا وفى البيت وقالى على شوية حاجات أنفذها منها أذكار الصباح والمساء أكد عليا بيهم لو محتاجين الحاجات دى ممكن أكتبها لكم بالتفصيل ربنا مايوريكم اللى شوفناه بدأ خطيبى بالتدريج يقرب تانى بعد ماكنا خلاص إنقطع كل شىء بينا

أقولكم على الآيه اللى بتأكد على وجود السحر لأن فيه ناس مابتصدقش

بسم الله الرحمن الرحيم "وَاتَّبَعُوا مَا تَتْلُوا الشَّيَاطِينُ عَلَى مُلْكِ سُلَيْمَانَ وَمَا كَفَرَ سُلَيْمَانُ وَلَكِنَّ الشَّيَاطِينَ كَفَرُوا يُعَلِّمُونَ النَّاسَ السِّحْرَ وَمَا أُنزِلَ عَلَى الْمَلَكَيْنِ بِبَابِلَ هَارُوتَ وَمَارُوتَ وَمَا يُعَلِّمَانِ مِنْ أَحَدٍ حَتَّى يَقُولا إِنَّمَا نَحْنُ فِتْنَةٌ فَلا تَكْفُرْ فَيَتَعَلَّمُونَ مِنْهُمَا مَا يُفَرِّقُونَ بِهِ بَيْنَ الْمَرْءِ وَزَوْجِهِ وَمَا هُمْ بِضَارِّينَ بِهِ مِنْ أَحَدٍ إِلَّا بِإِذْنِ اللَّهِ وَيَتَعَلَّمُونَ مَا يَضُرُّهُمْ وَلا يَنفَعُهُمْ وَلَقَدْ عَلِمُوا لَمَنِ اشْتَرَاهُ مَا لَهُ فِي الآخِرَةِ مِنْ خَلاقٍ وَلَبِئْسَ مَا شَرَوْا بِهِ أَنفُسَهُمْ لَوْ كَانُوا يَعْلَمُونَ" سورة البقره الآيه 102

ربنا جميل أوى يابنات هو مقدر ليا اللى حصل ده ومقدر ليا النجاة منه ورغم ضيقى من اللى حصل بس كنت بحمد ربنا وكنت بثق فيه وإفتكروا إن ربنا عند ظن العبد فيه وكنت بتأكد إن ربنا بيحبنى لأنى أنا اللى مظلومه واللى يعمل حاجه زى اللى حصل ده أكيد عليه غضب من ربنا شديد إنه يروح للطريق ده وفكرت كتير ياترى مين اللى ممكن يكون عمل كده مفيش غير شخص واحد اللى له مصلحه فى كده وشبه متأكده من تخمينى لأن أهلى ناس طوب الأرض بيحبوهم وبيحترموهم وعلاقتنا طول العمر بالناس أكتر من كويسه حتى بعد مافسخت الخطوبه اللى فاتت البنى آدم اللى كنت مخطوبه له لما كان يتقدم لحد ويعرفوا إنى كنت مخطوبه له يرفضوه لمجرد إنهم عارفين إحنا على إيه فيتأكدوا إنه أكيد العيب فيه لأن سمعتنا الحمد لله جيده ومعروفه للجميع تخمينى إنها أم خطيبى السابق وطبعا هتقولولى ( إن بعض الظن إثم ) عارفه وعشان كده بقول حسبى الله ونعم الوكيل فى اللى عمل فيا كده

المشكله واللى مضايقانى إنه صحته إلى الآن تعبانه وأصبح عنيد جدا هو إترقى مره واحده بس لكن أنا الشيخ رقانى أكتر من مره وتعبان فى شغله أوى وفيه حاجه كمان مضيقانى بتعامل بحذر شديد معاه فى مواقف كتيره وبقيت شكاكه فى كل التصرفات يقصد إيه ناوى يعمل فيا زى ماحصل قبل كده بحاول أفرض رأيى خوف من إنه يلغى شخصيتى زى ماكان بيحصل معايا وهو ملاحظ ده كله ومره يهدينى ومره ينبهنى ومره يتضايق مشاعرى له فياضه أوى زى اللى جعانه حب وهو بيحبنى بعقل بسبب المسؤليات اللى عليه ومرضه ( لأنه إلى الآن بيتعالج من العمليه وآثار تانيه جانبيه للعمليه والدكاتره قالوا الموضوع هيطول شويه ) مع ضغط الشغل وساعات بحس بخوفه من المسؤليه ساعات بيكون مستعجل على فرحنا وساعات نفسه يأجله كتير المفروض فرحنا بعد شهور شقتنا صغيره وأنا راضيه دخلنا صغير ووالله راضيه صحته تعبانه ووالله راضيه وبحبه أوى عارفه قيمته بسبب اللى شوفته قبله أقلكم على موقف بسيط عرفنى قيمته

خطيبى السابق إتخانق معايا فى مره لأنى طلبت منه إننا نروح فى شهر العسل عمره وهو كان عايز نتفسح فى دوله أوروبيه خطيبى دلوقتى بتمنى أنا وهو نروح عمره سوا

شفت فى الخطوبتين المستوى الإجتماعى والمادى العالى والشخص الوسيم والمستوى الفكرى المعقد والمستوى المادى العالى شفت السن الأكبر بس ما إرتحتش غير معاه كل صحباتى الوحشه قبل الحلوه طباعا أو أخلاقا أوشكلا إتجوزوا وخلفوا طفل وإتنين وأنا لسه ووالله راضيه عايزه أفرح بس وعايزه أعيش حياه بسيطه أكون فيها قريبه من ربنا هتقولولى إنتى مش راضيه بالكلام ده ل والله راضيه وربنا يرضينى أكتر بس اللى أقصد أقوله لكم إن الحياه مش وردى وإن القصه مش بتنتهى نهايه سعيده زى الأفلام العربى لأ برضه الدنيا فيها تعب بس تعب عن تعب يفرق ومهم جدا رضا ربنا وبعد كده كله يهون

عارفين إيه الى مصبرنى آيه دايما أفكر نفسى بيها "و من يتق الله يجعل له مخرجا و يرزقه من حيث لا يحتسب" وأنا وهو إتقينا ربنا على قد ما قدرنا وربنا اللى عالم ودايما بذكره بالآيه دى

حاجه اخيره ماتفتكروش إن عشان بذكر لكم آيات إنى وصلت لمستوى ملائكى فى العباده مع ربنا إحنا ناس عاديه خالص والله وأكيد لنا أخطاء لأننا بشر

موقف أخير إمبارح يابنات كنت فى مناسبه قابلتنى ست كبيره من النوع اللى هو همازا مشاءا بنميم يكفيكم ويكفينى شرهم المهم هى كمان معرفة أم خطيبى السابق وكانت متابعانا وبتنقل الأخبار لهم بإستمرار هوايتها بقى حسبى الله ونعم الوكيل ومن مده ماشفنهاش إمبارح لما شافتنى لاقيتها بتقولى إنتى إتخطبتى وبتخبطلى على الشبكه الموضوع ماأخدش 60 ثانيه لاقيت السلسله إتقطمت

إدعولنا إدعولنا إدعولنا إن ربنا يوفقنا سوا ويكملنا على خير لو سمحتم وإن شاء الله لما فرحى يقرب هصورلكم كل حاجه بالتفصيل وأحطها فى الأركان المناسبه

يلا كفايه بقى بقالى كزا يوم مصدعاكم هتوحشونى ومنتظره ردودكم وإستفسارتكم

كان معكم مراسلة موقع لكى ركن النافذه الإجتماعيه من أمام شاشة الكمبيوتر من بيتنا العضوه

7biba حبيبه

[wbaby]

والله ياحبيبه انا متابعه قصتك بصمت من الاول
وفعلا فيها احداث كتير ربنا يعينك
لكن اهم شيء تعرفيه انه بكل موقف تعبك واذاك وافتكرت ربنا فيه
ربنا غفرلك قصاده ذنب
ومامن شوكة يشاكها المؤمن فحمد الله غفر الله ذنبه ده مش نص الحديث مامعناه
بعدين عايزة اطلب منك طلب
اي مكان تروحيه وشاكه انه ممكن تلاقي فيه حد من الي شاكه فيهم خلي على لسانك علطول المعوذات وقل هوه الله احد
وقولي علطول اللهم اكفيني شرهم
كمان طلعي صدقه كتير وخلي خطيبك كمان يطلع
وياريت لو الشيخ يرقيه تاني وتالت
وخليه يعمل حجامه مكان وجعه من العمليه ربنا يتم شفاه على خير يارب
ومش عايزة رواسب التجارب الي فاتت تطلع على دماغه حرام

واستحمليه اوي لانه اكيييييييييد هيشيلهالك لانك شلتيه فتعبه ومش هينساها


يعني لو ادايق او اتعصب مترديش بعصبيه او زعل حاولي تستوعبي الموقف
وانشاء الله ربنا هيوفقكم طول مالنيه في رضا الله

ويلا عايزين نسمع اخبار كويسه قريب
ربنا يتمملك على خير
ومتنسيش اذا استحكمت حلقاتها فرجت

بس ياريت بعد الجواز عايزة بنتين علشان اضمن عرايس
للعيلين الي عندي

[منى77*]

الله يجمعكم على خير قريبا عاجلا ويسعدكم امييين

[sana5783]

متابعة من الاول
المهم ربي يوفقكم ويبعد عنكم الشر ويفرحكم امين
لا تنسي اتفرحينا ان شاء الله

[اميره الماس]

ربنا يتمم ليكى على خير ياااااااااااااااااااارب ويبعد عنك اى شر ويرضيكى دائما وابدا وان شاء الله لا تنسى تعزمينا على فرحك وبصى علشان تعرفى تتعاملى مع خطيبك كويس وتتجنبى اللى يضايقه وتحسى انك عايشه ملكه يا ريت تدخلى على الموقع ده وتستفادى منه وتقرئى فيه كتير

http://www.blqees.com/vb/f17/

بصى ده رابط المواضيع اللى تخصك قوى
خدى برده رابط الموقع كله http://www.blqees.com/vb/



ويا ااااارب تستفيدى بس كنت عايزه اطلب منك طلب يا ريت تكتبيلنا الحاجات اللى الشيخ قالك عليها مع الرقيه وياااااارب يسعدك ويهنيكى ياااااااااااااااارب

[ananas]

اختى فى الله
ربنا يكرمك يا رب ويتمم لك على خير
مهم جدا انك تشغلى سورة البقرة فى البيت على طول خصوصا بعد صلاة المغرب
ويا ريا تجيبى مياه وتقرى عليها المعوذتين واية الكرسى والصمديه و البقرة وتشربى منها على طول كمان خليكى على وضوء على طول
وتأكدى يا اختى ان ربنا مش هيسيبك ابدا وان المؤمن مصاب
واتعاملى مع خطيبك بهدوء وحكمة وقدمى دايما حسن الظن فى اى تصرف يعمله لان اكيد العصبية احد اسباب الاذى اللى انتى فيه
وربنا يهدى سرك يا رب

[مونى 33]

حبيبه والله خليتينى اعيط و مش عارفه اكتب اهو


ربنا يوفقك ويجمعك بيه على خير وعن قريب ان شاء الله
كلنا والله بندعيلك ومعاك