تويت
بسم الله الرحمن الرحيم
وَلاَ تَهِنُوا وَلاَ تَحْزَنُوا وَأَنتُمُ الأَعْلَوْنَ إِن كُنتُم مُّؤْمِنِينَ (139)إِن يَمْسَسْكُمْ قَرْحٌ فَقَدْ مَسَّ القَوْمَ قَرْحٌ مِّثْلُهُ وَتِلْكَ الأَيَّامُ نُدَاوِلُهَا بَيْنَ النَّاسِ وَلِيَعْلَمَ اللَّهُ الَّذِينَ آمَنُوا وَيَتَّخِذَ مِنكُمْ شُهَدَاءَ وَاللَّهُ لاَ يُحِبُّ الظَّالِمِينَ (140) آل عمران
بسم الله الرحمن الرحيم
وَالضُّحَى {1} وَاللَّيْلِ إِذَا سَجَى {2} مَا وَدَّعَكَ رَبُّكَ وَمَا قَلَى {3
}
وَلَلْآخِرَةُ خَيْرٌ لَّكَ مِنَ الْأُولَى {4} وَلَسَوْفَ يُعْطِيكَ رَبُّكَ
فَتَرْضَى {5} أَلَمْ يَجِدْكَ يَتِيمًا فَآوَى {6} وَوَجَدَكَ ضَالًّا
فَهَدَى {7} وَوَجَدَكَ عَائِلًا فَأَغْنَى {8} فَأَمَّا الْيَتِيمَ فَلَا تَقْهَرْ
فَهَدَى {7} وَوَجَدَكَ عَائِلًا فَأَغْنَى {8} فَأَمَّا الْيَتِيمَ فَلَا تَقْهَرْ
{9}
وَأَمَّا السَّائِلَ فَلَا تَنْهَرْ {10} وَأَمَّا بِنِعْمَةِ رَبِّكَ فَحَدِّثْ {11}
سورة الشرح
هحكيلكم وأفضفض معاكم شويه
وهتعرفوا كمان شويه أنا ليه إخترت الآيات دى
وهتعرفوا كمان شويه أنا ليه إخترت الآيات دى
هبدأ معاكم من 10 سنين فاتت كان عمرى تقريبا 15
الحمد لله إحنا عائله الكل بيحترمها ويقدرها والحمد لله الكل يشهد بأخلاقى وأخلاق أهلى وعائلتى الموضوع بدأ وأنا فى السن ده كان إبن عم والدى وهو شاب وسيم أخلاقه الظاهره إنه على خلق أكبر منى ب10 سنين وساكن قريب مننا بدأ يهتم بيا وزياراته لنا كثرت وبدأ التلميح بالكلام على إنه يريد الإرتباط بى وفعلا تقدم لى بعدها بسنتين وبعد رفض من والدى لصغر سنى فقط ومحايله منه لوالدى ومن أمى اللى كانت فرحانه وبناء على رغبتى أيضا لأنى كنت بدأت أعجب بيه من إهتمامه بيا والدى وافق وتمت الخطوبه قبل دخولى الجامعه وأصبحت حديث المدينه حسد على حقد مافهمتش ده كله لأنى كنت على نياتى جدا كنت فاكره كل الناس طيبه وألاقى ناس من الأقارب والمعارف فرحانين جداااااااااا وخدوا بالكم من النقطه دى هرجعلها تانى وناس مستكترنى عليه وناس تانيه ودول أكتر مستكترينه عليا وبالتحديد بنات وستات يا إما كانوا زمايله فى الجامعه أو أقارب أو جيران المهم أنا مش عارفه ليه كانت فرحتى ناقصه بدأ ييجى يزورنا طول ماهو قاعد يحكيلى عن مغامراته مع البنات أيام الجامعه وفى الشغل وطول الوقت عايز يفضل ماسك إيدى أو حاطط إيده عليا كنت برفض وماعرفتش أجاريه فى الجو بتاعه وحسيت إنه سطحى مش كان بيتكلم فى حاجه مفيده وأنا كنت طفله وخجوله جدا كنت متربيه تربيه مقفوله جدا مش عارفه اتكلم فى إيه كان بعد مايمشى كل مره أقعد اعيط مش عارفه أعمل إيه بس مش كنت مبسوطه هو مع الوقت بدأ يمل وزياراته وتليفوناته قلت جدا أدخل الإمتحانات مايتصلش يطمن عليا ده كله وأنا عمرى ماتوقعت غدر كان فى بداية الخطوبه يحكيلى قد إيه إنه بيحبنى وإنى فى دماغه من زمان وعمره ماحب غيرى فجأه اخته تتصل بينا تعتذر إنه مش عايز يكمل الخطوبه
وقد كانت أول صدمه فى حياتى
سمعت الكلام من ماما والسماعه لسه مرفوعه فضلت أصرخ زى اللى إترمت من فوق جبل عالى ليه عملت إيه الجبل ده كان مشاعرى وأحلامى كان عارف إنى مقفوله وخجوله وقال بالحرف لأمى لما إتقدم أنا عايزها ورده مقفوله تفتح على إيديا بس الظاهر ما إستحملش الشوك اللى فى الورده
الموضوع ممكن يبان عادى وإن بيحصل أكتر من كده بس على حسب خبراتى فى الحياه وقتها كان اللى بيحصلى طامه كبرى
فاصل ونواصل
أوعى إيدك من على الريموت كنترول قصدى الماوس
وهو كل اللى أسمع عنه إنه من أفضل إلى أفضل وبعد فسخ الخطوبه بشهور عرفت الكدبه اللى كنت عايشه فيها فى الوقت اللى كان بيلمح لأهلى وكان بيعلقنى بيه بمعاملته الرقيقه 
لو تشوفوا والدته
تعليق