تعالوا هحكيلكم

[حكايات القمر]

متشوقين عرف النهاية ما تتاخري علينا

[7abiba]

إخواتى فى الله

Sorry fals

سواد العيون

ابريكه

قلب خالد

amal 55

yehia 2007

مغربيه بكل فخر

الشيماء 2009

أرجو رحمة ربى

lelas

ananas

sana 5783

رشا ناجى

أشكر تواصلكم معايا جزاكم الله كل خير

والناس اللى سألت إن كنت كملت معاه أو لأ

هتعرفوا فى الجزأ الجديد

[هداية~]

في انتظارك اختي

[قلب خالد]

ياااااااااااااارب ماتكوني كملتي

[7abiba]

فى يوم قالى أنا عمرى ما تخيلت إنى أعمل فرح ومش عايز فرح طيب إتفقت مع والدى على كده ليه قال عشان مايعترضش وفاتح والدى إنه مش عايز نعمل فرح وكمان طلب من والدى ثمن مشاركته فى الفرح نقديا طبعا والدى رفض بشده والأخ زعل شويه بس ما إتنازلش عن الفكره وشايف إن ده من حقه برضه جه بعدها إشترط على والدى أنواع معينه غاليه جداااااااا من المفروشات والأجهزه اللى على والدى إنه يجهزنى بيها ورافض فكرة القايمه وعايز يعملى مؤخر قليل جدااا والدى إتغاظ لأنه كان ناوى يجيبلى الحاجه اللى هو طالبها من قبل ماهو يطلبها


جه يوم خارج مع أخته وأمه واولاد أخته وزوج أخته يوم فسحه عايزنى أخرج معاهم انا رفضت والدى كمان بعد محاولات منه على والدى وهددنى يزعل منى إن رفضت أقنعت والدى وافق ورحت معاهم وكنت متشائمه أوى من قبل ما أروح معاهم اليوم ده صليت إستخاره والحمد لله دى كانت بداية النهايه العربيه ضايقه علينا أمه وأخته قضوا الطريق غيبه ونميمه على ناس ما أعرفهمش وكلام عن الناس واعراضهم وأنا قررت ما أدخلش فى الكلام معاهم وبدات أقول أذكارى وأستغفر وأنا بتفرج من الشباك على الطريق وصلنا نفس الى حصل طول الطريق حصل تانى فالتزمت الصمت وكلامى معاهم عن أى حاجه تانيه بعيده أو ألعب مع أولاد أخته أو أتكلم مع خطيبى كلام بسيط لأنه كان مشغول بأولاد أخته وزوج أخته رجعنا اليوم ده بعدها بيومين بتصل بأخته بهدلتنى فى التليفون إن أنا كنت متجهلاهم يومها ومتعاليه عليهم وما إدتنيش فرصه أدافع عن نفسى خلصت اللى عندها وقفلت التليفون فى وشى إتصل هو بيا بعدها كان عارف إنهم زعلانين منى وسألنى عليهم كلمتى حد منهم حكيتله اللى حصل راح يعتب على أخته كدبتنى وأعتذر لها وطلعت انا اللى وحشه وبدا يخاصمنى يومين وبعدين يتصل يقولى إعتذرى لهم انا رفضت بدأت أفوق أنا وأهلى يخاصمنى تانى مده أطول قلت أمه ست كبيره أتصل أطمن عليها بدون ما أجيب سيرة اليوم ده والمشكله دى أتصل التليفون يرن وهى ماتردش أكتر من مره والدى أتصل بيها من رقم تانى غير رقمنا فى نفس اللحظه ردت بعتله عرفته جه زارنا وقال إن كل حاجه هتتصلح والدى فاض بيه الكيل وكلمه فى كل حاجه حصلت من يوم ماإتخطبنا يعارض مره ويسكت مره وطلب منا نكلمها تانى وإنه هيصلح كل حاجه إتصلنا بعدهابيومين رفعت السماعه وحطتها فى وشنا من غير ماتتكلم قلنا يمكن حد من الأطفال إتصلنا تانى شتمتنى أنا وأمى فى التليفون والدى بعت للولد تانى على أساس يفسخ الخطوبه جه سأل بابا إيه اللى حصل على اساس إنه كان مش موجود والدى حكاله كذب والدى وقاله أناكنت موجود بيوقعنا فى الكلام يعنى وأقسم بالله والدى ماكذب ونهينا اليوم على إنه هيصلح الموضوع تانى ووالدى قاله دى آخر فرصه فى نفس اليوم جه يختبرنى وحكالى إنه مابقاش معاه فلوس لتوضيب الشقه وإنه عايز يبيع سيارته أقسم بالله عرضت عليه الشبكه والذهب اللى أهلى جايبينه ليا عشان يكمل وعشان صعب التنقل عليه بالمواصلات عشان طبيعة شغله سكت ماكنش متوقع كده وقالى زى ماقالولى إنتى كل اللى يهمك العربيه

راح إسبوع إتنين مفيش أى رد فعل فى الوقت ده كنت أنا طول الوقت بصلى قيام ليل كتير وتعبت من التفكير كنت دايما أشغل قرآن فى التلفزيون أو الراديو أقسم بالله كنت أسرح وأفكر فى همى ما انتبهش إلا لآيه فى سورة آل عمران اللى بدأت بيها موضوعى كنت أسمعها فى التلفزيون أو الراديو أوالمواصلات أو فى الصلاه فى الجامع يعنى شغاله بغير قصد منى لدرجة أقسم بالله فى مره خارجه فى الشارع لاقيتها مكتوبه فى مكان ما على لوحه فى الشارع هل دى كلها صدف ام إنه ترتيب ربانى وكان دايما فى بالى سؤال واحد أنا غلطتفيهم فى إيه فى ساعتها أسمع الآيه كأنه رد من ربنا الموضوع ده كان بيتكرر معايا كل يوم أو يومين تقريبا

بسم الله الرحمن الرحيم

وَلاَ تَهِنُوا وَلاَ تَحْزَنُوا وَأَنتُمُ الأَعْلَوْنَ إِن كُنتُم مُّؤْمِنِينَ (139)

إِن يَمْسَسْكُمْ قَرْحٌ فَقَدْ مَسَّ القَوْمَ قَرْحٌ مِّثْلُهُ وَتِلْكَ الأَيَّامُ نُدَاوِلُهَا بَيْنَ النَّاسِ وَلِيَعْلَمَ اللَّهُ الَّذِينَ آمَنُوا وَيَتَّخِذَ مِنكُمْ شُهَدَاءَ وَاللَّهُ لاَ يُحِبُّ الظَّالِمِينَ (140) آلعمران

فى يوم تانى كنت قاعده مع إخواتى وأولاد عمى فى حديقة بيتنا وفيه سياره مرت من أمام البيت وقفت شويه وسمعت آيه فى سورة البقره أقسم بالله حسيت إنها موجهه ليا

بسم الله الرحمن الرحيم

{154}وَلَنَبْلُوَنَّكُمْ بِشَيْءٍ مِّنَ الْخَوفْ وَالْجُوعِ وَنَقْصٍ مِّنَ الأَمَوَالِ وَالأنفُسِ وَالثَّمَرَاتِ وَبَشِّرِالصَّابِرِينَ{155} الَّذِينَ إِذَا أَصَابَتْهُم مُّصِيبَةٌ قَالُواْ إِنَّا لِلّهِ وَإِنَّـا إِلَيْهِ رَاجِعونَ{156} أُولَـئِكَ عَلَيْهِمْ صَلَوَاتٌ مِّن رَّبِّهِمْ وَرَحْمَةٌ وَأُولَـئِكَ هُمُ الْمُهْتَدُونَ {157} سورة البقره

تانى يوم جه زارنا مكنتش موجوده إتناقش مع والدى مناقشه حاده مصر إنى أنا وأهلى غلطنا فيهم وقالوا بنتك عندك مش عايزها لأنها مش محترمه ومش عايز الشبكه اللى جايبها لها والدى رد عليه وإنفعل على والدى والدى طارده جيت لاقيت أمى وأخواتى شكلهم مش طبيعى قالولى اللى حصل صعب عليا نفسى أووووووووووى وإفتكرت حاجه واحده الآيه اللى سمعتها قبلها بيوم وقلت دعاء المصيبه وبكاء بإستمرار صعبت عليا نفسى من البهدله والظلم وأنا طول عمرى معززه مكرمه كنت فاكراه هيقدر إستحمالى ده كله


والدى يومها دعا أعمامى وأحد المشايخ المختص بالإفتاء إلى بيتنا وحكى لهم اللى حصل بالظبط الشيخ قال لنا مش من حقه الشبكه وأعمامى ووالدى كانوا مصريين يرجعوا له الشبكه تانى يوم من بجاحته راح زار أحد اعمامى وحكاله وشكوته الأساسيه إننا متعاليين عليه شوفته الإحساس بالنقص فين التعالى فى كل المواقف السابقه وقاله أنا عايز الشبكه طبعا عمى ماعرفهوش بقرار والدى وهتقولوا إيه اللى غير موقفه أكيييييييد والدته

فى نفس اليوم والدى أرسل لأحد أقارب الولد ده وحكى له ماحدث الرجل إعتذر جامد لوالدى وفهمنا منه إن ده طبعهم طول عمرهم والدى قاله أنا هرجعله حاجته بس قدام رجاله من الطرفين زى ما جه قرا فاتحه وخطب قدام رجاله من الطرفين وفى وجود شيوخ دين يعرفوه إنه مش من حقه الشبكه بس برضه هنرجعها وإنتظرنا رد قريبه فى نفس اليوم إتصلت بيا زوجة صديقه كان عرفنى بيها وغلطتنى أنا وأهلى أتاريه كان حاكى لصديقه وزوجته بالتفصيل كل اللى بيحصل معانا كان بيروح يزورهم أو يكلمهم فى التليفون ويحكى لهم حتى وهو جاى يفسخ كان مكلمهم قبلها وكلمهم بعدها يعرفهم باللى حصل ومش صديقه ده بس لأ فهمت من كلامها إن كل أصدقائه وزوجاتهم عارفين بمشاكلنا كان بيجتمع مع أصدقائه وزوجاتهم ويشتكيلهم وطبعا كل الكلام اللى كان بيتقال كان بينقى اللى يغلطنا ويتغاضى عن أى خطأ له أو لأهله حسبى الله ونعم الوكيل

البنت حكتلى وإستفسرت منى على مواقف كتير وحكيت لها اللى كان بيحصل من أول يوم خطوبه أنصدمت وفضلت تحلفلى إن ربنا بيحبنى لأن أحنا خدنا صوره تانيه خالص كان الكلام اللى بنعرفه غير منطقى بالإضافه إنهم إتعاملوا مع والدته وأخدوا إنطباع عنها قريب من كلامى

فاكرين يوم ماصديته وقلتلكم من غير ما أغلط فيه حكى لزمايله وزوجاتهم على الموقف ده من غير مايحكى قلتله إيه بالظبط ولا قالى إيه بتحلفلى البنت إنهم إفتكروا إنى سبيته أو سبيت أهله بألفاظ بذيئه وأقسم بالله إنى ماغلطتش فيه

فى نفس الوقت والدى إنتظر رد قريب الولد رفض بشده طبعا خايف من المواجهه وطلب حاجته تتبعت له والدى حلف إن لم يأتى بنفسه فى وجود الرجاله -وبرضه لأنها ممكن تتبعت له ويقول ماأخدتش حاجه - إن والدى هيتبرع بالشبكه لأى جامع وفعلا ماجاش ووالدى إتبرع بالشبكه كامله لمشروع خيرى

خلاص لأ لسه بعد كده بقينا نسمع كلام عنه وعن أمه وأخته ومشاكلهم اللى كانت لا تنتهى العمر كله مع الجيران ومع أهل أمه وأهل أبوه طيب كان فين الكلام ده لما أهلى سألوا عليهم نفس الناس اللى حكولنا على المشاكل دى بعد الفسخ هما نفس الناس اللى شكروا فيهم قبل الخطوبه وكان الكلام بيوصلنا من ناس كتيرغير الناس دى كمان وصيغة الكلام واحده أقسم بالله ومن طوب الأرض وعرفنا إنه إتقدم لبنات البلد كلها ودايما مش عاجبه حد ولا عاجب أمه وإن حد رفضه بيرفضوه عشان إسلوب أمه المعروف

أمه وأخته سعوا بكل الطرق لتشويه صورتى وتشويه أهلى أمام الناس والحمدلله ربنا كان دايما يبعت اللى يرد غيبتى وكل ده كنا بنعرفه بالصدفه

الموضوع خلص لأ لسه شويه كفايه نكد هحكيلكم عن الجانب الحلو فى حياتى دلوقتى واللى بعتبره تعويض من ربنا بس برضه أهل خطيبى السابق لم يتركونى فى حالى بس ربنا موجود وأكبر منهم هحكيلكم بيعملوا إيه

إنتظرونى بعد الفاصل

[amal55]

والله يا اختى قصتك محزنه بس احلى شىء فيها صبرك على الهم الكبير والحمد لله انو ربنا فرج همك وفى انتظار القصه الحلوه

[منى77*]

اسال الله ان يعوضك خيرا
ويسعدك دنيا واخرة
ننتظر النهايه

[ام مالك وعمر]

عزيزتي الله يعوضك خير

[** الشيماء **]

ربنا يعوضك بي أحسن منه

كملي مستنيه

[doremi]

وجعتيلي البي
الله يعوضك ب انسان محترم و بيعرف ربنا و يعوضك عن كل هالعزاب انتي تحملتي كتير
وجعتيلي البي ياحبيبه

[shahdel7ya]

الله يعوضك بإنسان محترم يعوضك الخير عن كل اللي شفتي
اللهم أمين

[نور العيون123]

قرات قصتك كلها مرة واحده وربنا يعوضك بس ليه كده زي ما زعلتينا فرحينا

يالا منتظرين الاخبار اللي تفرح ربنا يفرحك ويسعدك واكيد اتعلمتي كتير من اللي حصل لك ده

مهو لازم يحصل كده عشان نفتح ونتعلم امال هنتعلم منين وماشاء الله طريقة حكيك بتدل

على الوعي الكبير اللي اتعلمتيه لا تطولي علينا

[أرجو رحمة ربي]

الحمد لله ربنا فكك منه
سبحان الله ساعات الواحد بيتضايق وبيقول ليش هيك بيحصل معه
(وعسى ان تكرهوا شيئا وهو خير لكم )
سبحان الله
لكن ربنا قال في محكم اياته ( إنما يوفى الصابرون أجرهم بغير حساب)

الله يكفينا ويكفيكي شر عباده

آمين

[اميره الماس]

حكايتك مشوقه مرررررررررررررره يارب اللى جاى يكون احسن يالا لا تتاخرى علينا نحن فى الانتظار

[ـ أميرة نفسي ـ]

والله حبيبتي أنتي صبورة جدا ويارب يعوضك كل خير إن شاء الله
ومستنين الباقي المفرح