مجموعة (املي بالله كبير ) مجموعة حماسية وتشجيعية الجزء الرابع

[وعود الخير]

مساء الخيرات

ما فيني اقول اني ملتزمة 100%
بس بأحاول قدر الامكان
طبعا ما في مشي نهائي الجو ما بيساعد
وكمان هاليومين مشغولين في واجب العزاء
وغير هيك ..النفسية بتعاني والله المستعان

فكروا بشي مناسب لشهر رمضان
يعني نشوف مين راح ينزل وزنها اكتر
نكمل الجروب ونكتب الشغلات اللي ما كان لازم ناكلها
نصائح ..اي شي المهم نشجع بعض

[الشفاعة]

السلام عليكم

انا جيييييت

لساتني محافظة مازدت غير 200 او 300 جرام يمكن

بس لسا بدون رياضة

ان شاء الله من بكرا بدي ارجع للسباحة يوميا ساعتين بكون منيح

بس انا رمضان عندي نزول او ثبات بالوزن بفضل الله مابقدر اكل اي شي غير فطور خفيف

حتى فاكهة بالسهرة مابقدر لاني بضل بشرب مي وبطني بتنفخ صعب اكل بعدها هههههههه

و السحور خفيف دايما ان شاء الله شوف نزول جميل متل كل سنة

شو وين البنات ؟ اكيد الكل غرقان بتجهيزات رمضان الا انا رمضان عندي متل اي يوم عادي

مابضيف شي جديد للسفرة الا اللبن و التمر الهندي و مرات شوربة كمان مو يوميا وبس و الاكل بضل عندي 3 ايام ليخلص

مامناكل كتير مع الصيام سبحان الله

ام انس حاولي تستغلي رمضان عنجد فرصة كبيرة لخسارة الوزن ضلوا شربوا سوائل بفترة السهرة اكيد باذن الله مارح ضلي تاكلي مارح يكون في مجال ويارب الكل ينزول وزنو بصحة و عافية

وعودتي الله يرحم وزير الصحة ويتقبله عنده وينور قبره باذن الله

انا لله و انا اليه راجعون

[وعود الخير]

شكر الله لكم شفوعة

عيوني
عادة الاكل عندي في شهر الخير بيفرق شي واحد ع السفرة
عرق السوس وطبق الشوربة والا الباقي عادي
يعني السلطة وطبق الشوربة وطبق رئيسي واحيانا بيكون في سمبوسة او معجنات
وطبعا طبق الحلو بعد التراويح بس مو بشكل يومي
يوم حلويات ويوم فواكه
وشكلها هالسنة راح تكون بطيخ وعنب

وزني بينزل بس مو كتير
لان اغلب الايام باعمل صيام عكسي بعد المغرب باقفل وارمي المفتاح وهالشي صعب في رمضان
وربنا يسترها معنا من تخبيصات العيد وكعك العيد اللي ما فيه دسم نهائي ..ابدا خفيف كتير.... سمن وزبدة وسكر وسميد ...ومكسرات وعجوة وبس

شدوا الهمة صبايا
تعالوا شاركونا النقاش

[وعود الخير]

[{ أم أنـــس }]

السلام عليكم

صباح الورد

منورات ام عدي وشفوعة

الله يبلغنا رمضان واحنا بخير ويعينا على الصيام والقيام والطاعات

كلامك جميل سارة الله يوفقك وما يزيد الوزن والسباحة رووعة ماشاء الله


ان شاء الله هالعام ناوية انه اغير شوي بالنسبة لنظامي انا


صار لنا كم سنة بنشرب العصير والشوربة ونقوم نصلي المغرب ونرجع نكمل الاكل

بس لاحظت حالي بكون مالي نفس دوما بالاكل

بس باكل عشان الفطور وبس

بس لاحظت لما اروح اصلي التراويح بكون ممتلئة ماء وعصير ووووو

لهيك بدي اجرب بعد الشوربة ما اكل غير بعد ما ارجع من التراويح واكل خفيف قدر الامكان وبعدين الحمد لله الحلويات الوحيدة اللي بعملها برمضان القطايف وتتوقعوا كم مرة بالشهر الفضيل يادوب مرتين او تلاتة بس

مش الكل عندي مغرمين بها وما بقلي لا شوي بالفرن

كمان الله مشجعني اني هالعام هلعب رياضة

وخطتي انه ما ازيد قدر الامكان ويا سلام لو نزلت غير وبركة

ناوية اوزن اول يوم برمضان واوزن بعد مرور 3 ساابيع قبل تشريف الهانم

واشوف شو الفرق ولعله خييييييييير




ام عدي الغالية

الله يقويكم وان شاء الله بتنفرج الاحوال هاليومين

والخطة التبديلية جميلة بس بدها مين يطبقها
لعله خير

[وعود الخير]

ام انس
ربنا يسعدك
وفرج ربنا قريب

بتعرفي انا بحب نظام أهل الخليج في رمضان
افطار خفيف والتقيل لبعد التراويح
بس صعب نطبقه عندنا

لهيك ان شاء الله
الافطار تمر وماء وشوربة
صلاة المغرب وبعدها سلطة وما اظن بعدها في مكان لشي تاني
سوى النقنقة كم ملعقة رز مع قطعة دجاج او كفتة
والمعجنات قررت انها مرة كل اسبوعين
والسمبوسة مرة واحدة في الاسبوع وطبعا شوي مو قلي
والمكرونة مرة واحد في الاسبوع

اما الحلويات لأن القطايف مرتين او ثلاث طول الشهر
بس هالسنة الحلويات الباردة تكسب
مهلبية رز وحليب جيلو
والهريسة مرتين في الشهر
طبعا الفاكهة بتفرض حالها وقت السهرة
والبطيخ الملك المتوج

السحور هالسنة راح يكون اجباري للكل
اغلبه فول ولبن زبادي مع الفواكه والخضار
ولنشوف الوزن شو راح يقول بعدها

حاليا عم باكتب واشتغل والبلع شغال
عم بانقرش بقسماط مالح
تفضلي

[اشجان الحياة]

مرحباااااا
كل سنة وانتم بخير
ورمضان مبارك عالجميع
كيف اخباركم بنات الحاضرات والغايبات ان شاء الله تكونو بخير
احنا يومنا طويييييييييييييييييل والليل قصير والحمد لله زوجى واولادى
غير متطلبين فى رمضان بس زيادة الشوربة والبوريك لو شربت كوبين ماء
ماعاد اقدر اكل شئ تانى لان الفترة بين المغرب والفجر قصييييرة

[{ أم أنـــس }]

ام عدي

ترتيب يومك برمضان جميل ما شاء الله والله يقوينا على العبادات

اشجانووو

منورة يا غالية اشتقنالك وربي يكون بعون كل المغتربين على الصيام وكل العبادات

[muslema]

السلام عليكم ، كل عام وانتم بخير . اللهم بلغنا رمضان وقوينا على الصيام والقيام والطاعات ، وتقبله منا واجعلنا من عتقاءك من النار ... ربنا يبارك هذا الجمع الكريم ويرزقه الصحة والعافية .. احبائى فى الله وحشتونى جدا ،، رمضان كريم والله اكرم

[وعود الخير]

هلا والله
هلا بالحبايب اللي طلوا من بعد غياب

منورة مسلمة اخبارك يا حلوة

ام أنس.... قولي ان شاء الله أقدر امشي ع هالنظام وسي السيد يوافق عليه
والا الاولاد يقبلوا يتسحروا

رمضان مبارك للجميع

[د.منى]

السلام عليكم

كل عام وانتو بالف خير

ام انس اشكرك بشده لدعمك لي وان شاء الله راح اشتغل بصمت تااااااااااااااااام
الي يومين اموري ملخبطه وكذلك نظامي الغذائي استلمت شغل جديد كتير مرتاحه فيه باركولي

برمضان هالسنه راح اقلل من الحلويات مع اني بحبها كتير بالصيام عندي استعداد ما اكل الا حلو
باذن الله راح ركز عالخضار ةالحلو كل يومين مرة

[وعود الخير]

مبارك يا دكتورة الوظيفة الجديدة ربنا يرزقك خيرها ويكفيكِ شرها

وربنا يقدرك ع الصيام والابتعاد عن الحلويات
حاولي تخففي بس ما تحرمي حالك نهائي

[muslema]

اهلا بيك ام عدي . ده نورك .انا بخير والحمد لله ولكن الالتزام مافيش للاسف وربنا يؤتر من اللي جاى . ان شاء الله خير

الف مبروك الوظيفة الجديدة د. منى الله يكتب لك كل خير ويبارك لك فيها


Sent from my GT-I9500 using منتديات لكي mobile app

[د.منى]

الله بارك فيكن وعود و مسلمة ...... الله يسعدكن يااااااااااااااارب
الله يقدرنا على الصيام و تحقيق ما نتمنى

[اشجان الحياة]

مرحبااااااااا بنات كيف حالكم
ام انس تسلمى كيفك وكيف اخبار الالتزام معاك
د منى مبروك الوظيفة الجديدة ان شاء الله تكون خير عليك
مسلمة نورتى وين تختفى فى الثلاجة وتطلعى فجأة هههه
ام عدى تسلمى انت عندك افكار وبرامج حلوة لو تمشى عليها شهر
متأكدة وزنك راح ينزل على الاقل 3او4 ك فى الشهربس الظروف احيانا بتحكم
ربنا يوفقك ويوفق الجميع