تويت
يومياتك وتعليق أخصائية التغذية، مسابقة حققي حلم الرشاقة .. الاسبوع الثاني وبداية قوية
مساء الورد .. كيفهم الرشيقات ؟؟
في البداية أعتذر عن الإنقطاع لكن كان رغماً عني بظروف لم أستطع أن أغير فيها وأعدلها ..
إن شاء الله رح أعوضكم عن إلي فات .. وحابة أشكر المشرفات وخاصة بنت الأحرار لتفهمهم ظرفي ..
في شوية نقاط حابة أنبه العضوات المشتركات لحتى ينبهوا إلها في يوميات بكرا
1- أول شي لا تنس تكتبي اسمك وبأي فريق .
2- ابدئي يومياتك بالتوقيت ، توقيت الوجبات مهم جداً وتوقيت الرياضة مهم جداً
مثلاً :: الساعة 7 الصبح : الفطور :: كذا وكذا
الساعة 10 : رياضة :: أيروبكس لمدة 60 دقيقة متصلة
الساعة 12 : سناك :: كذا وكذا
الساعة 2 : الغذاء :: كذا وكذا
3- اكتبيلي بالتفصيل الممل : مثلاً كوب حليب بودة قليل الدسم
نصف رغيف خبز عربي أبيض
40 دقيقة متصلة مشي أو هرولة
4- من أجل الوقت صعب علي أقرأ أي ردود جانبية لهيك اذا كان عندك تعليق
أو سؤال اكتبيه أثناء كتابة اليوميات ... وأي سؤال تم طرحه من قبل أتمنى إعادته في اليوميات .
5- أتمنى المحافظة على ترتيب اليوميات ، في يوميات ما شاء الله بتفتح النفس وفي يوميات الكلام مرصوص فيها
رص كإنه واجب لازم تعمليه .... زيادة دقيقة حاولي نسقي يومياتك فيها بشكل بسيط .
6- لا تكتبيلي كم نقطة فقط أنواع الغذاء والتوقيت والرياضة .
7 - إن شاء الله كل يوم رح أضعلكم نصيحة يومية أتمنى تقرؤوها لحتى تستفيدوا
وإن شاء الله رح يكون في تحديات مختلفة ، بكون فيها متعة وفائدة وزيادة نقاط .
8- أتمنى ما يكون التوزين إلا يوم واحد فقط في الأسبوع في عضوة قرأت إنها موزنة يوم الجمعة
ومن ثم يوم الإثنين ، هيك ما بسير بالعكس بيعطيك مردود سلبي ، لهيك الميزان في يوم واحد فقط .
9- انقلوا ردي هاد لكل المجموعات ونبهوا العضوات كلهم يقرؤووه .
10-أتمنى من المشرفات يخبروني أسماء العضوات إلي انسحبوا لحتى ألغي أسماؤهم من السجل .
وأعتذر مرة أخرى
وجزاكم الله كل خير
تعليق