تويت
بنات معلش مشغولة شوية
حاخلص بس اللى ورايا ... واجى احكلكم على يومياتى امبارح والنهاردة ان شاء الله
حاخلص بس اللى ورايا ... واجى احكلكم على يومياتى امبارح والنهاردة ان شاء الله
-
-
السلام عليكم ورحمة الله وبركاته
وحشتونى قوى وقوى يا بنات
انا عارفة انى بقالى يومين مقصرة بس والله كانوا يومين طحن فعلا
وانتوا كمان ولا حد فيكم دخل وقالى انتى كسلانة ليه ولا انتى وفين ... مكنش العشم
المهم احكيلكم بقى على اللى حصل اليومين اللى فاتوا
بسم الله
يوم الثلاثاء 21\9\2010
دا بقى كان سبوع بنت واحدة صحبتى وطبعا اختكم صاحبة واجب قلت اروحلها من الصبح علشان لو محتاجه حاجة اعملهالها خصوصا انها ملهاش اخوات بنات زى حالاتى
المهم روحت الست مامتها ( الله يعمر بيتها ) قابلتنى بالترحاب والقبلات الحارة ام صوت دى امأ امأ
المهم ... قعدت ارغى معاها شوية فى الصالون.....بس وسابتنى ودخلت المطبخ وانا كنت متوجسة خيفة من الداخلة دى
المهم عندنا الناس فى مصر يا جماعة كرام لدرجة تزهق ومعندهمش حاجة اسمها ضيف يجى عامل دايت ....
اللى عامل دايت يقعد فى بيته وميروحش يزور حد احسنله
المهم جت وجيبالى على الصنية واحدة ميراندا كركدية ولا على رأيها ( كركاريه ) مشبره
فأنا اعتذرت بزوق وقلتلها انا اسفة يا طنط مش حقدر اصلى عاملة دايت
ودى بقى كانت غلطتى .... خده عندكوا بقى
دايت ايه يا ختى اللى انتى عملاه ده هو انتى فيكى حاجة ... اصل بالنسبة لطنط يا جماعة انا اعتبر مانيكان
المهم لا لازم تشربى.... دول شوية مايه حيعملولك ايه يعنى ونظام بقى تعدمينى لو مشربتيش والكلام اللى انتوا عارفينه ده ...
المهم قربعت الميراندا الكركاريه واحقاقا للحق كانت تحفة وساقعة وجميييييييييييلة
جت صحبتى ومعاها البيبى ...عقبالى يارب انا وكل مشتاقة
وقعدنا نرغى وقمنا بقى نحضر علب السبوع علشان الضيوف
وجم شوية اصحابنا كمان
وتانى جت الحاجة طنط معاها بقى ما لذ وطاب من مكسرات وبلح باللوز ونفس الزن والدعاوى والكلام بقى ده
لأ ولو طنشتيها وما مددتيش ايدك تديكى هى فى ايدك وتقولك خدى وقاعدة مراقبة مين اخد ومين ما اخدش
فلانة مأكلتش حاجة ...اكيد بقى الحاجة مش عجباها
بصراحة حاجة تزهق
المهم يعنى طلعت من اليوم ده بشوية مكسرات على شوية بلح باللوز وطبعا غير الميرندا كاركاريه ههههههههههههه
المهم روحت طبعا وضميرى طلع السيف بتاع الأشكيف هههههههه وقعد ينغز فيها ويقولى ..... هو انتى عمرك ما حتخسى طول ما انتى طفسه كدة ... يعنى ما كنتى اديتى الست دول كلمتين جامدين وكتمتيها وخلاص علشان صحتك
المهم روحت طبعا متغديتش بس جيت على بالليل واكلت تفاحة للعشا
ونمت وانا بقول ( حسبى الله ونعم الوكيل فيكى يالى فى بالى )
يوم الأربعاء 22\9\2010
امبارح كان يوم مثالى بصراحة
الفطار كان فاكهة
الغداء كان سمكة ونصف مشوية مع قطمتين بالظبط عيش بلدى
العشاء فاكهة
اما بقى بالنسبة لليوم
والله وشى منكم فى الأرض
النهاردة عيد ميلادى يا جماعة
وجوزى مصمم يعزمنى على العشا بره ( انا قلتله متكلفش نفسك بس هو صمم الصراحة وانا مصدقت)
كويس اصلا انه افتكر ودى كانت بالصدفه لما ماما كلمتنى تقولى كل سنة وانت طيبة وهو رد عليها فغالبا هى فكرته لأن جوزى بيعانى من زهايمر مبكر هههههههههه خصوصا فى الحاجات اللى فيها تكلفة تلاقيه ععلطول ناسيها
ياله المهم يعنى النهاردة فرى
وربنا يستر بقى على الميزان
اسيبكم بقى دلوقتى واروح انفخ البلالين يا زناتى ههههههههتعليق
-
الف مبروك و عقبال مليون سنة يا رب بصحة و عافية و ان شاء الله عيد ميلادك الچاي تكوني رشيقة باذن اللهتعليق
-
أمونة العسولة ,,, سنة حلوة يا جمييييييييييييل
وإن شاء الله السنة الجاي بنبارك إلك بالبيبي وبالوزن المانيكان
تعليق
-
سلام،آسفة البارح ما قدرت أكتب يومياتي لأن جدتي زاد عليها الحال فكنا معها طوال اليوم والنهار.
بنسبت للخلطة المنحفة ،هي خلطة تباع عند العشابين تسمى ببنت السلطان و هي مصنوعة في سورية؛ فإنا تعطي إسهال.
يومياتي ليوم الأربعاء:
الفطور:فاكهة.
الغذاء:سلطة فلفل+شوربة خضار+قطعة خبز+1كمثرى.
العشاء:سلطة+قطعة خبز+قطعة دجاج.
الماء:لترين.
تمشيت:ساعة ونصف.
آن يومياتي ليوم الخميس:
كنت صائمة.
الفطور:2تمرات+شوربة خضار+قطعة خبز+سلطة.
بعد صلاة العشاء:
فاكهة+قطعة جبن+قطعةصغيرة من الدجاج.
الماء:لترونصف.
تمشيت ساعة.
تصبحون على خير.
تعليق
-
احلى واقوى تحيه من نعيمه الى الذ امينه الحبيبه ساممحيني على الغيباب اللي طول شيء ما بس كنت عند اهلي نايمه لمدة ثلاث ايام طبعا مافيني الخص لك يومياتي كلهم بس كنت جدا ملتزمه وفعلا شفت نفسي قووويه لان كان عندهم اطيب الاكلات والذها وقاومت قاومت بكل شجاعه وما كنت ااكل الا اشياء الدايت ووجبات معدوده بكميات معدوده جدا وحافظت على الزياضه عندهم كمان بس كل شي كان نص ساعه فقط والله انعجبت من نفسي هههههههههههه ان قدزت اقاوم حتى اخواتي كانهم تشجعوا معاااي لللدايت فتحت شهيتهم على الدايت ومش اخواتي وبس كمان الماما قامت تاكل من اكلي الدايت بس طبعا زائد اكلاتها الدسمه هههههههههههه ماعليش عجوز خلوها تنبسط وكنت خااااااايفه قوي قوي ان اجي والاقيكم انسحبتم او قل عددكم بس الحمدلله امونه مازالت مع نعومه يتنافسون بسلم الزشااقه وبالنسبه لليوم الخميس جلست طول يومي بدون اكل مالي نفس مااكلت الاعلى الفجز الجمعه ثلاث بيضات مسلووقه بدون خبز او توست لحالهم بس وكوب عصيز الاناناس اتمنى تكونين كذالك قوويه ولاتصدقين كلامي ان لماانحف مابتكلم معاكم بالعكس بضل متواصله مع اغلى الناس المكافحين علشان نثبت اوزاننا مع بعضنا وبوس على الخدين لاحلى البنااات ........باااااااي..تعليق
-
امينة
تعالي هنا انتي عايزة عضة محترمة يعني كده مشيتي كام يوم صح طول الاسبوع؟
كل سنة و انتي طيبة ياقلبي
علي فكرة اناعيد ميلادي النهاردة ههههههههههههههههه
بس قلت لجوزي بقي انا هأحتفل بيه معاك انت و مؤمن ابني في شهر 11 بس الهدية دلوقتي ههههههههههههههههههههههههههههههه
الهدية دلوقتي و التورتة في شهر 11
كل سنة و انتي طيبة وعقبال 100 سنة
وكفاية احتفالات بقي سبوع و عيد ميلاد
ايه؟
هتقضي الريجيم عزومات؟
هههههههههههههههههههههههههههههههه
علي فكرة احسن حاجة انك ما تقوليش لحد انك عاملة ريجيم
هههههههههههههههههههههههههههههتعليق
-
سلام،
يومياتي ليوم الجمعة:
كنت صائمة.
الفطور:1تمرة+سلطة فلفل+شربة خضار+3ح كفة+قطعة خبز.
السحور:فاكهة+جبن.
الماء:لتر.
تمشيت نصف ساعة لأنى جد تعبانت.
تصبحون على خير.تعليق
-
انتي ماشاءالله عليك عاجبتني احسك شاده على نفسك احب القويه مثلك والله كلنا بدينا نتعب بس قاومي وانا لازم اقاوم لان الوزن المثالي حلم والله حلم وبالنسبه لليومياتي الجمعه طوال يومي على حبتين توست دايت مع جطبنه دايت وزبادي خالي الدسم ......لكن وزني ينزل ببطء معصبني نفسي اغممض وافتح والاقي نفسي مانيكااااااان بس متى متى متى ؟؟؟؟؟؟؟؟؟؟؟؟؟ باقي لي 12كيلوا بطلع عيوني وبالنسبه للمشي اللي تمشينه كويس جدا جدا مدتهتعليق
-
يووووه نسيت اهنيك بيوم ميلادك كل سنه وانتي طيبه وعقبااال مليووون سنه وبيدك 12بيبي اما بالنسبه لي ضامنه نفسي انا ما بلخبط بعيد ميلادي مش قووه مني بس لان السي سيد حقي مايفتكر يوم ميلادي اساسا ودايم هالشي يزعلني بس هالمره مبسوووطه من نسيانه وبالنسبه لكي ترانك لخبطتي بزياااااده وزودتيها بالطفااسه والله ياامينه نعيمه زعلانه عليك وتقول لك خلاص بلاشي الطفاسه ياالدبدووبه لازم كذاا اهزئك علشان تشدين حيلك لانك مره راخيه الحبل ومتساهله مع نفسك يابنت متى بتصيرين مانيكان متى خلاص بقى يوه...........التعديل الأخير تم بواسطة اام مى; 25-09-2010, 02:22 AM.تعليق
-
كل سنه وانتى طيبه يا نونا
وعقبال مليوووووووووووون سنه وان شاء الله عيد ميلادك الجاى يكون معاكى البيبى
وتكونى احلى ام ان شاء الله
حبيبتى كنتى قولى لمامت صحبتك انك صايمه
بلاش دايت وريجيم اديكى خدتى مالذ وطاب من الكلام
وانا كمان بعانى مش الكلام دا
لسه واحده زميله ماما جت عندنا وشافتنى وقاللى خسيتى خالص
رديت طبعا وقولت لها انى تخنت عن اخر مره شوفتينى
قالتلى لاء كفايه كدا وثبتى
انا عارفه ايه الموضه دى اللى البنات طالعه فيهاااااااا
التخن حلووووووووووووو حلوه اهم شئ انو يكون الجسم ملفوف
يا طنط فاضل شويه وهى وراسها والف سيف انو لاء لازم اتخن شويه
معرفش انا ايه الناس دى يا خواتى
ريت كتير معلش
المهم يا نونا يا قمرايه
ننسى الى فات ونبتدى اسبوع جديد بهمه ونشاط اوك ويا ريت تتمشى شويه
وانا حنزلك تمارين يا رب تفيدك
اوك يا جميل
تعليق
-
صباح الخير ع الحلوات
انا جايبه لكو شويه تمارين انما ايه يلا نشوفهاااااا
من اجل إنحناءات طبيعية تماما
هذه الصفة الأنثوية تم إقتباسها من الفنانين العظماء على مر التاريخ فإنحناءات أسفل الظهر و الأرداف تستحق بعض المعاملة الخاصة. ولكى تشدى هذه المنطقة المغرية فى جسمك : قفى و ظهرك مستقيم ثم إثنى ساقك اليسرى أمامك و مدى ساقك اليمنى خلفك. بعد ذلك إحنى صدرك للأمام ناحية ساقك اليسرى و أريحى يديك على الأرض مع أخذ نفس عميق.إرتكزى بساقك اليسرى خلفك و مديها لأعلى لأبعد ما يمكن مع إخراج الهواء ببطء قبل العودة للوضع الأصلى و التنفس مرة أخرى. قومى بنفس التمرين حوالى 10 مرات ثم بدلى الساقين و كرريه.
*******************
إنحت جسمك !
الجسم الجميل يعتمد فقط على عدة أشياء : عضلات مشدودة قوية، أرجل قوية وبطن مشدودة. هذه الصفات سهل تحقيقها مع القليل من التصميم و هذا التمرين البسيط.
إستلق على الأرض مع رفع رأسك بجعل ذقنك تضغط على صدرك و ذراعيك ممدودين بجانب جسمك، قم برفع رجلك بحيث يكونوا زاوية 90 درجة مع صدرك. إرفع ذراعيك سنتيمترات قليلة عن الأرض و إخفض قدمك اليسرى لأقرب مايمكن للأرض بينما اترك قدمك اليمنى مشدودة بقدر المستطاع أعلى جسمك. عد إلى وضعك الأصلى و إخفض قدمك اليمنى تجاه الأرض بينما تقوم برفع القدم اليسرى أعلى جسمك. كرر الحركة بالتبادل حوالى 20 مرة.
************************
ليونة و أرجل تتمناها...
تمارين الرشاقة مفيدة جدا لمفاصلنا و تسمح لنا أيضا بإطالة عضلاتنا لتحقيق الصورة التى فى خيالنا. و ما سنعرضه اليوم سيضمن لك شكل السيقان التى تحلمين بها كما سيعطيك مرونة هائلة. إبدإي بالوقوف مع مد السيقان بعيدة عن بعضها و إنحنى للأمام بحيث تلمسين الأرض براحة يديك. خذي نفساً عميقاً و إرفعي نفسك على أصابع قدميك و فى نفس الوقت خذي نفساً عميقاً مع الحفاظ على اصابع يديك ملامسة للأرض.
حافظي على وضعك هذا لعدة ثوان قبل الرجوع إلى وضعك الأصلى و خذي نفسك مرة أخرى. كرري التمرين من خمس إلى ست مرات على التوالى ولا تترددي فى زيادة المسافة بين ساقيك إذا كان التمرين صعب جدا عليك. مع الوقت ستتمكنين من تقريب المسافة بين ساقيك.
********************
يا رب تكون عجبتكوووووووووووووتعليق
-
الله يجزااك خير ياجناستا بس الصور شي والشرح شي ثاني ماتلاحظين؟؟ وعجبتني التمارين نشكرك على الجهد بس اليوم السبت الميزان لاتنسين ترجعين لنا تكتبين فيه كم صار وزنك الله ينحفنا بشكل سريع ودخولك الحمدلله ريحني لان اشوف البنا غايبات عن الصفحه بس ان شاء الله يكون المانع خير....وينك ياامينه والله اشتقنا لك طولتي الغيبه مررررهتعليق
-
صباح الخير على عيون احلى رشيقات
بدايه جديده لاسبوع جديد وان شاء الله نكون خاسين
حبيبتى ام مى
التمارين جايبين صوره الحركه اللى المفروض نعملها لكن الشرح شرح وافى للحركه من بدايتهااااااااا دا اللى فهماه
نبتدى بقى فى المهم
بدايه الميزان كان ((75ك وكان عندى البيريود))فى العيد
وامـــــــــس وزنت لانى مشتركه فى جروبات تانيه لاقييييييييييييييييت
71ك الحمد لله
يا رب الجميع يكون نازل فى وزنو وهو بصحه يا ربتعليق
-
يابناااات انا كذا استويت من الجوووع تعبت من المقاومه كل ماله اشوف المغريات بشكل اكثر من اول بكثيييير يااااارب يساعدني عطوني كلمات محمسه تخلين ابطل الطفاسه بس الى الان وانا ماسكه يدي يعني ماهاجمت لسه جالسه اتعوذ من الابليس ههههههههههههه بس شسوي قولوا لي وزني نقص كيلوين وثبت على كذا لييش معقوله ان علشان جالسه افكر فيه؟؟؟تعليق
تعليق