[يوميات] يوميات امينة السمينة ...تتحدى السمنة اللعينة

[lolafola]

السلام عليكم ورحمة الله وبركاته

ازيكم يا احلى بنات فى الدنيا

والله يا جماعة انا مكنتش متوقعة انى حلاقى الترحيب والتشجيع ده منكم

بس الترحيب الجميل ده حط مسئوليه عليا جامد جدا وده حيحفزنى اكتر واكتر انى اكون عند حسن ظنكم ووقتكم اللى بتدخلوا تقروا فيه يومياتى

النهاردة بقى اضحكوا على الفرسة اللى كنت فيها

قال جوزى قايم من النوم يقولى مش انا بقيت 77 كيلو انا عمالة ابصله وكلى حقد وغيرة

وقال ايه كمان مش عاجبة بيقولى فاضلى كمان 3 او 4 كيلو

عايز يبقى 73 او 74

ينهار ابيض ...................

تعرفوا اتحرق دمى والله ......

انا طبعا فرحانه انه نزل من وزنة لأن ده كما حيحسن من صحته وصحته طبعا تهمنى

بس اللى زعلنى انى كان لازم ابدا معاه الدايت اول ما هو بدا بس هو بدا واحنا فى المصيف

حد يعمل رجيم فى المصيف يا ناس ؟؟؟؟؟؟؟؟؟؟؟؟

ياله عموما ملحوقة ......

حقولكم بقى على اول يوم فى يومياتى للتجهيز للتحدى الأول

امبارح 14\9 \2010

قضيت اليوم كله باكل فى جوافة

مش رجيم كميائى ولا حاجة بس كان عندى شوية مشاكل كدة مع اهل جوزى وانا بقى لما ازعل قدامى حلين يا اما اطلع همى فى الأكل يا اما تنسد نفسى عن الأكل خالص

امبارح بقى كانت حالة سدادان النفس وياله اهى جت بفايده هههههههههه

النهاردة بقى 15\9\2010

الفطار كان ربع رغيف مع جبنة شيدر

وللحديث بقية مع امينة السمينة

[~lulu~]

امينه

اصعب شي تشوفين زوجك يخس ويتحلى على نفسه واحنا تيتي تيتي زي مارحتي جيتي
ومكانك سر
لازم ننزل انا بس بديت اضعف والله احس زوجي شي بده ينتبه علي
اكثر من اول

[~lulu~]

انا باديه تخفيف من بعد ماولدت والحمدلله نزلت بس لاني قصيره
احتاج اكثر نزول يوم الي ولدت فيه وزني 90 تخيلي وطولي مابين 155 الى 150 مش
متأكده وشوي شوي لين صرت 76 بس الحين بده الجد ودي اخس والتزم اكثر
انا ادري نزولي بطيئ بس لاني وايد اخربط

[زهر الريحان]

ربنا يوفقكم جميعا
أختي امينة استمتعت و انا أقرا موضوعك و دمك خفيف و عسل
و ان شا ءالله بعد فترة قصيرة نصير نقول لك يا امينة الرشيقة
و لا حتغيري كمان اسمك? هههههههه


موفقات

[ام محمد على]

ما شاء الله .....اسلوبك فى الكلام جميل ويدعو للتفاؤل
ان شاء الله تخسى وتبقى اموره ورشيقه كمان
وبعدين هما الازواج كلهم كده ....ولا تزعلى نفسك
بس احلى حاجه انك مهتمه بصحة زوجك
ربنا يكرمك ويسعدك ان شاء الله
تحياتى وتشجيعى لك

[- بنت الأحرار -]

متبعاكِ يا جميل
يلا الحمد الله السدادن النفس ولا فتحه
هههههههههههه

ربنا يوفقك ويزيدك همه ونشااااااااااااااااط

[☺أم إبراهيم☺]

هههههههههههههه أنت فضيعة ....غير شكل

ربنا يحميك و يحققلك مرادك يارب

ذاخل أشججع و أشوف إذا التزمتي و لا

و كلام النساء .........كلام و لا كل الكلام

يلا خلينا نشوف أول يوم بالميزان ماذا يقول ...


ربنا يقويكم

[رورو شيكو]

انا بقا لاسف وزنى اكتر منك بكتير وانا كمان مشكلتى اكتر انا وزنى 94 وبقالى سنة متجوزة وقبل الجواز كان وزنى 70 والدكتور قالى سبب تاخر الحمل زيادة الوزن ومش عارفة اعمل اية
مش قادرة عمل رجيم طفاسة مع انى عندى هدف جامد جدا انى ابقا ام بس بردة مش عارفة اعمل رجيم اعمل يوم وشهر لا فانا محتاجة حد يشجعنى فعلالالالالالا

[جانستا]

السلام عليكم ورحمة الله وبركاته

عزيزتى جانستا

شكرا حبيبتى على المجاملة الرقيقة انتى اللى عسل والله

بس مقولتيش نزلتى من وزنك كام كيلو خلال السنتين دول ؟

وبرافو عليكى انك مزهقتيش والله ....

فعلا الموضوع محتاج ارادة وعزيمة جامدة جدا جدا

وجزاكى الله خير على المتابعة والتشجيع وان شاء الله مش حخزلكم ابدا

ازيك يا نونا عامله ايه

ما شاء الله على زوجك ربنا يحرسكو ويخليكو لبعض
يا بنتى ما يحسد المال الا صحابه امسكى الخشب على جوزك وقولى ما شاء الله

انتى قدها وقدود والوقت لسه ما فات
حوالى 20ك
وكنت مبسوطه الحمد لله وكانت ارادتى قويه واتعودت على التخفيف و التمارين

كنت فى اى وقت تلاقينى بتحرك حتى وانا فى المطبخ افضل امشى فى المكان
وكمان تلاقينى بتنطط مره واحده زى العبيطه بقى نظام حياتى الحمد لله

بس من بدايه شهر مايو الى الان وخصوصا لما بطلت اتحرك زدت الى 75 والله ونفسيتى بقت زفت

بس خلاص ابتديت من جديد
من اليوم اه لخبطت شويه بس دى البدايه وبعد 10 ايام بشوف نزلت اد ايه

معلش طولت عليكى

بس دلوقتى بتحدى نفسى وناويه انى اخس تانى عشان انزل الزوائد اللى بقت من كل حته فيااااااا

مع بعض ان شاء الله وبالتشجيع راح نحقق هدفناااااااااااااا

ربنا يحقق لك كل ما تتمنى وتنزلى وزنك وانتى بصحه

[lolafola]

السلام عليكم ورحمة الله وبركاته

امينه

اصعب شي تشوفين زوجك يخس ويتحلى على نفسه واحنا تيتي تيتي زي مارحتي جيتي
ومكانك سر
لازم ننزل انا بس بديت اضعف والله احس زوجي شي بده ينتبه علي
اكثر من اول

انا باديه تخفيف من بعد ماولدت والحمدلله نزلت بس لاني قصيره
احتاج اكثر نزول يوم الي ولدت فيه وزني 90 تخيلي وطولي مابين 155 الى 150 مش
متأكده وشوي شوي لين صرت 76 بس الحين بده الجد ودي اخس والتزم اكثر
انا ادري نزولي بطيئ بس لاني وايد اخربط

عزيزتى لولو

كيفك حبيبتى الأول يارب تكونى بخير ان شاء الله

واحنا مش تيتى تيتى وبس دا احنا تيتى وميتى فيتى وكيتى كمان

بس ملحوقة ان شاء الله يعنى نزول الوزن مش محتاج عصا سحرية ولا حاجة ومع الأرادة والعزيمة وقبلهم التوكل على الله نوصل لهدفنا بأذن الله

وعلى رأى المثل ( اللى فيه عين وراس يعمل عمايل الناس )

وانا بأذن الرحمن ناوية اعمل عمايل الناس ههههههههههه

بلاش تخربطى بقى يا لولو وخلى التحدى ما بينك وبين نفسك علشان تنزلى وزنك وتفرحى وتفرحى جوزك كمان

عايزة الصراحة انا ببقى مكسوفة قوى وانا ماشية جنب جوزى وانا عاملة زى الدبة وهو عامل زى العصايا جنبى

حاجة مش من مستوايا خالص هههههههههههههه

والناس اكيد بتبص وتقول ايه الراجل ده .... ايه اللى رماه على الفيل الهندى اللى جنبة ده

بس انا والله ناوية والنية لله انى ازبط نفسى واكون مانيكان ولا جنيفر لوبيز فى زمانها

وهى ديتها ايه غير ان الواحد يقفل بقه

ياله نشجع بعضينا يا لولو وان شاء الله ربنا معانا

ربنا يوفقكم جميعا
أختي امينة استمتعت و انا أقرا موضوعك و دمك خفيف و عسل
و ان شا ءالله بعد فترة قصيرة نصير نقول لك يا امينة الرشيقة
و لا حتغيري كمان اسمك? هههههههه

موفقات

عزيزتى هالة

اولا شكرا على مرورك الكريم ومجاملتك الرقيقة

طبعا ناوية اغير اسمى ان شاء الله لما اوصل لهدفى وحسمى نفسى

اميــــــــــــنة المتيــــــــــــنة ههههههههههههه

ما شاء الله .....اسلوبك فى الكلام جميل ويدعو للتفاؤل
ان شاء الله تخسى وتبقى اموره ورشيقه كمان
وبعدين هما الازواج كلهم كده ....ولا تزعلى نفسك
بس احلى حاجه انك مهتمه بصحة زوجك
ربنا يكرمك ويسعدك ان شاء الله
تحياتى وتشجيعى لك

عزيزتى ام محمد على

شكرا حبيبتى على مرورك وكلامك الجميل

ويارب كلنا نخس ونهزم بقى السمنة والدهون اللى شيلنها على قلبنا وركبنا دى

وانا عارفة ان الرجالة كلهم عنيهم زايغة وبيقعدوا قدام التليفزيون تحسى انهم خلاص عايزين ينطوا جواه ويبص للى جوه التليفزيون ويبص للى قاعدة جنبة يبقى بينعى حظه المهبب ههههههههه

شكرا حبيبتى على تشجعيك ويارب اكون عند حسن ظنكم جميعا يارب

متبعاكِ يا جميل
يلا الحمد الله السدادن النفس ولا فتحه
هههههههههههه

ربنا يوفقك ويزيدك همه ونشااااااااااااااااط

عزيزتى بنت الأحرار

جزاك الله خير على المتابعة

وطبعا سدادان النفس ولا فتحها ههههههههههه

ربنا يقوينا على هموم الدنيا وهموم السمنة

هههههههههههههه أنت فضيعة ....غير شكل

ربنا يحميك و يحققلك مرادك يارب

ذاخل أشججع و أشوف إذا التزمتي و لا

و كلام النساء .........كلام و لا كل الكلام

يلا خلينا نشوف أول يوم بالميزان ماذا يقول ...

ربنا يقويكم

عزيزتى ام ابراهيم

جزاك الله خير يا حبيبتى على مرورك وعلى مجاملتك الرقيقة

ومتخافيش دا الموضوع اتقلب وبقى موضوع يخص المرأة خلاص وانا اجدع واحدة تدافع عن حقوق المرأة

وكلام النساء فعلا كلام مينزلش الأرض ابدا

وان شاء الله ربنا يقوينا ويفرحنا يوم الميزان

انا بقا لاسف وزنى اكتر منك بكتير وانا كمان مشكلتى اكتر انا وزنى 94 وبقالى سنة متجوزة وقبل الجواز كان وزنى 70 والدكتور قالى سبب تاخر الحمل زيادة الوزن ومش عارفة اعمل اية
مش قادرة عمل رجيم طفاسة مع انى عندى هدف جامد جدا انى ابقا ام بس بردة مش عارفة اعمل رجيم اعمل يوم وشهر لا فانا محتاجة حد يشجعنى فعلالالالالالا

ياله يا رورو انا معاكى وحشجعك لأن عندى نفس هدفك تقريبا

والدكتور بتاعى قالى اوعى تفكرى تحملى الا لما تخسى

قوى نفسك وبلاش طفاسة الستات اللى انا عارفاها كويس قوى دى

واعرفى ان الأكل متعته قلية قوى وبينزل ويجرى فى مجراه الطبيعى واحنا مش بينوبنا غير السعرات والدهون والبلاوى الزرقة

ياله انا معاكى ونشجع بعضينا وان شاء الله ربنا يكرمنا سوا

ازيك يا نونا عامله ايه

ما شاء الله على زوجك ربنا يحرسكو ويخليكو لبعض
يا بنتى ما يحسد المال الا صحابه امسكى الخشب على جوزك وقولى ما شاء الله

انتى قدها وقدود والوقت لسه ما فات
حوالى 20ك
وكنت مبسوطه الحمد لله وكانت ارادتى قويه واتعودت على التخفيف و التمارين

كنت فى اى وقت تلاقينى بتحرك حتى وانا فى المطبخ افضل امشى فى المكان
وكمان تلاقينى بتنطط مره واحده زى العبيطه بقى نظام حياتى الحمد لله

بس من بدايه شهر مايو الى الان وخصوصا لما بطلت اتحرك زدت الى 75 والله ونفسيتى بقت زفت

بس خلاص ابتديت من جديد
من اليوم اه لخبطت شويه بس دى البدايه وبعد 10 ايام بشوف نزلت اد ايه

معلش طولت عليكى

بس دلوقتى بتحدى نفسى وناويه انى اخس تانى عشان انزل الزوائد اللى بقت من كل حته فيااااااا

مع بعض ان شاء الله وبالتشجيع راح نحقق هدفناااااااااااااا

ربنا يحقق لك كل ما تتمنى وتنزلى وزنك وانتى بصحه

عزيزتى جانستا

اولا احب ان ادعى لوالدتك بالشفاء واسأل الله العظيم رب العرش العظيم ان يشفيها ويعافيها برحمته ان شاء الله

وبعدين يا بنتى انا نفسى حد يحسده شوية خليه يطخن حبه والروس تتساوى هههههههههه

هو ما شاء الله ولا حول ولا قوة الا بالله علية ربنا يوفقه والله انا فخورة جدا بيه لأنى لما كنت انا رفيعة كنت ببقى عمالة اتريق عليه واقوله خبى الكرش وكلام من ده واقوله انا مش عارفة انا ماشية جنبك ازاى

قام ربنا انتقم منى وخلانى ادوق من نفس الكاس ههههههههه

لكن ملحوقه وهو والله بيشجعنى وان شاء الله مع تشجعيكم ليا حنتظم وحيكون عندى ارادة فولاذية بأذن الله

وبسم الله ما شاء الله 20 كيلو حبيبتى حلوين قوى

ربنا يقويكى وتقدرى تنزلى الكيلوات الباقيه بأذن الله مافيش حاجة بعيدة مدام عندنا امل وهدف عايزين نحققه

وفعلا المعدة بتتعود بعد شوية على كمية الأكل القليلة والجسم بيتعود على الحركة مع كثرة التمارين

مع بعض ان شاء الله نفرح كلنا بنزول وزننا بأذن الله

[lolafola]

السلام عليكم ورحمة الله وبركاته

يومياتى لليوم 15\9\2010

طبعا نا قلت ان الفطار كان ربع رغيف وجبنة شيدر

اما الغدا بقى

كان شريحتين بيتزا من بيتزا هت

بيتزا ؟؟؟؟ بيتزا ؟؟؟؟

طبعا جالكم زهووووووووووووول

اقولكم عادى يا جماعة انا لسه فى ايام التخفيف

وشريحتين بيتزا بالنسبة لى تخفيف جدا لأنى كنت بقوم لوحدى بالبيتزا كلها

ومكنتش بسيب فتفوته فيها فلما اكل شريحتين بس يبقى كدة كتر خيرى قوى ههههههههههههههه

المهم بصراحة ضميرى انبنى وقلت يا بت انت مش ناوية تلمى نفسك بقى يخرب بيت الطفاسة اللى انتى فيها دى

خلاص اتنيلتى اكلتى بيتزا وهى دقيق وجبنة يبقى بلاش عشا وفعلا قررت متعشاش

نزلت بقى انا وجوزى رحنا سيتى ستارز علشان نشترى شوية حاجات

واه واه واه لو احكيلكم

رحت البس ... ويا ريتنى ما رحت البس

والله العظيم يا جماعة رحت البس البنطلون الجينز طلعت عينى علشان اقفله بس الحمد لله انتصرت عليه فى الأخر وقفلته

بس بصراحة الكرش كان مدلدل من فوقه

وجوزى عمال يتفرج عليا وانا بتخانق مع البنطلون واجيبه يمين وشمال علشان يقفل.... وهو ملتزم الصمت

المهم رحنا المول والبنات هناك ايه .... عملين فى نفسهم عمايل مقلكوش

وهو ماشى جنب الدب القطبى الجنوبى ههههههههه( هم يضحك وهم يبكى)

ياريت الواحد كان ايام زمااااااااااااااااااااان لما كان طخن الست من علامات جمالها وتغذيتها وانها متأسسة على اسس سليمة ومتينة ههههههههههههه

مش دلوقتى يقولك قال ايه اريد عروسة ملفوفة القوام ......... وهى تتجوز ملفوفة القوام وقوام تنسى القوام والقوعاد وكل حاجة

ومتفكرش بقى غير فى الخلفة اللى اتـاخرت والعيال اللى عايزة بامبرز والرضاعة اللى عايزة تغذية ودوائر عجيبة وغريبة

نرجع تانى لسيتى ستارز ... قعدت ابص على البنات هناك واقول ايه دول يا ختى مابيكولوش دول ولا ايه .... البنت وركها.... ورك الفرخة اطخن منه

ياله دع الخلق للخالق يا امينة وخليكى فى خبتك التقيلة زى وزنك

رحت المول اتمشيت مع جوزى وعازمنى على موكا مثلجة قمت محطيتش فيها سكر .... ( شوفتوا انا شطورة ازاى هههههههههه)

ياله فاضل يومين على التخفيف وان شاء الله نبدا بالجد من اول يوم السبت بأذن الله تعالى

وللحديث بقية مع اميـــــــــــنة السميـــــــــــــــنة

[bero333]

أمينة يا عسل
انتي سكرة بجد اول ما بدأت اقرا قلت بس البت دي مصرية
خفة الدم الشقاوة مصرية اصيلة
هههههههههههههههههههههههههههه
اسكتي ياختي ما اقولكيش علي سيتي ستارز هههههههههههههههههههههههههه
رحت مع جوزي و اخوه انا اصل مش من القاهرة من بورسعيد
المهم دخلنا ياختي و علي رأيك البنات ايه
يالهوووووووووووووووووووووووووووي
و ادور اني الاقي واحدة تنصفني كده و تبقي زيي
استني نسيت اقولك انا فوق ال 110 و طولي 170 يعني بردو بالعب في بتاع 35 كيلو ههههههههههههههههههههههه
و جوزي قال ايه لو عايزة حاجة اشتري
طبعا قلت له لالالالالالالالالالالالالالالا الحاجات غالية اوي ة كمان مش استايلي هههههههههههههههههههههههه اجيب من بورسعيد احسن
بس هو مافتحش بقه لأني عملت له مشروع تسمين و طلع كرش هههههههههههههههههه عشان يبطل يتريق عليا و هو عايز يخس بردو و بعدين انا بقي شيلته ابنه ههههههههههههههههههههههههههههه
بس بصراحة كنت حاسة اني ام محمد بتاعة الجرجير او مرات البواب هههههههههههههههههه
بصي بقي ربنا معاكي انا كمان هأبدأ السبت في مجموعة التحدي الصعب ابقي تعالي زوريني هناك
انا هابقي ادخل اشأر عليكي ولو عملتي غلط هأعضك اصل انا عضاضة المنتدي
ههههههههههههههههههههههههههههه
بالتوفيق يا قلبي

[ام محمد على]

ما شاء الله بيرو هنا كمااااااااااااااان
يعنى اجتمعت خفة الدم والشقاوه
الواحد لو عايز يبتسم يدخل عند امينه
او بيرو بصراحه انتو الاتنين دمكم خفيف
ربنا يعينكم ويقدركم ....
وبعدين يا امينه انا زعلت منك ......ليه؟
علشان قلت انك بتلبسى بنطلونات ....
وكمان جينز.........ده كلام برضو..
فين لبسنا وزينا الاسلامى الفضفاض
عموما ...ان شاء الله تخسى وتلبسيه
وتبقى احلى فيه بكتيييييييييييييييير
خلى للمرأه زيها وللرجل زيه...ولا ايه؟
تحياتى لك يا عسل وربنا يقويك.

[ام حباب]

بالتوفيق اختي انت والاخت بنت الاحرار
ان شاء الله توصلو للوزن المثالي
يلي بتتمنوه
ودعولي انا كمان اوصل ل60
الارادة اهم شي
بس تكون ارادتك قوية ان شاء الله بتنزلي الوزن الزايد بسرعة
الله يوفقك ويسر امرك

[فتاة مغربية]

ا لله دمك خفيف فعلا يا امينة
انا كمان من اصحاب فوق 30 . الله يعينا على الرجيم