[يوميات] يوميات امينة السمينة ...تتحدى السمنة اللعينة

[~lulu~]

سلامو عليكم ياقماعه <<< تحاول تتكلم مصري
ترى انا احب المصرين وقضيت طفولتي بالاسكندريه لانه بابا كان يدرس هناك
وعلى قولة ماما كنت العب مع ولاد العماره ولمه رجعت عالكويت كنت بتكلم مصري ههههه
بس الحين نسيت المصري تماما

بالنسبه ليمومياتك زين سويتي ماكلتي الا شويه وكبدايه ممتازه برافوا عليكي
وعاوزين رجيم بجد وانا معاكي وراح اتابعك لين نوصل للوزن المثالي

اي رايكم نحدد يوم للميزان الكل يقيس فيييييييييييييه
عشان تشجع من الي نزل اكتر ويصير تحدي بينه

انا بفضل يوم الخميس لانه بعدوا ويك اند عشان ناخد الفري بالوك اند وجبه وحده فقط لاغير
ويكون بائي الاسبوع دااااااااااايت

[☺أم إبراهيم☺]

طيب راح نشوف يا غالية ...و ربنا يوفقكم

أيام تخفيف هذه عجبتني كثيرا، و لو طولوا المدة يكون أحسن و أفضل ....

لأن هذه أهم مراحل الحميات حتى تتوفقوا فيها .....و لا يكون اخباص فيها و لخبطة

و الآن أنتم لستم بعد مهيئين ....

بما أن وزنك زائد كثير...... يأسفني أن أقول هذا ....


يعني خليها كمان أسبوع في التخفيف و كل يوم يكون أخف من الأول

و قصة العشاء لا تقعي فيها، أن تلغيه بل سلطة خفيفة على الأقل

و اليوم الذي يلي خليه أشد


هذه بعض ملاحظات لتشجيع و إن شاء الله تقبلوها مني


و سعيدة أن كل الحبايب هنا تجمعوا

و القضية كما قلتي أصبحت قضية المرأة ككل


سلامي لكم كلكم

[lolafola]

أمينة يا عسل
انتي سكرة بجد اول ما بدأت اقرا قلت بس البت دي مصرية
خفة الدم الشقاوة مصرية اصيلة
هههههههههههههههههههههههههههه
اسكتي ياختي ما اقولكيش علي سيتي ستارز هههههههههههههههههههههههههه
رحت مع جوزي و اخوه انا اصل مش من القاهرة من بورسعيد
المهم دخلنا ياختي و علي رأيك البنات ايه
يالهوووووووووووووووووووووووووووي
و ادور اني الاقي واحدة تنصفني كده و تبقي زيي
استني نسيت اقولك انا فوق ال 110 و طولي 170 يعني بردو بالعب في بتاع 35 كيلو ههههههههههههههههههههههه
و جوزي قال ايه لو عايزة حاجة اشتري
طبعا قلت له لالالالالالالالالالالالالالالا الحاجات غالية اوي ة كمان مش استايلي هههههههههههههههههههههههه اجيب من بورسعيد احسن
بس هو مافتحش بقه لأني عملت له مشروع تسمين و طلع كرش هههههههههههههههههه عشان يبطل يتريق عليا و هو عايز يخس بردو و بعدين انا بقي شيلته ابنه ههههههههههههههههههههههههههههه
بس بصراحة كنت حاسة اني ام محمد بتاعة الجرجير او مرات البواب هههههههههههههههههه
بصي بقي ربنا معاكي انا كمان هأبدأ السبت في مجموعة التحدي الصعب ابقي تعالي زوريني هناك
انا هابقي ادخل اشأر عليكي ولو عملتي غلط هأعضك اصل انا عضاضة المنتدي
ههههههههههههههههههههههههههههه
بالتوفيق يا قلبي

يا اهلا يا اهلا بعزيزتى ام محمد بتاعة الجرجير .... اقصد بيرو هههههههههههه

نورتينى والله وانت اللى دمك عسل وسكر

اما بقى يا ستى بالنسبة لسيتى ستارز ان شاء الله ربنا يكرمنا كدة ونخس ونمشى فيه وكلنا فخر وكبرياء ولا يهمك من حد يا بيرو

وعلى رأى المثل ( من كال وبان عليه ... اسم الله عليه ) ههههههههههه

بس احنا عايزين نخس علشان صحتنا ولا ايه ؟؟؟؟ ههههههههه

بس حلو مشروع التسمين ده كنت عملاه مع جوزى لما كنت رفيعة بس دلوقتى هو عامل مشروع تجفيف مع نفسه هههههههههه

انا كمان حبدا السبت باذن الله

وطبعا حسمع الكلام علشان انا كله عندى الا العض مش ناقصة علامات فى جسمى كفاية علامات الطخن الله فيه

وطبعا حشأر عليكى وانت تشأرى عليا

ومتنسيش تسلميلى على ابو العربى ههههههههههه

ما شاء الله بيرو هنا كمااااااااااااااان
يعنى اجتمعت خفة الدم والشقاوه
الواحد لو عايز يبتسم يدخل عند امينه
او بيرو بصراحه انتو الاتنين دمكم خفيف
ربنا يعينكم ويقدركم ....
وبعدين يا امينه انا زعلت منك ......ليه؟
علشان قلت انك بتلبسى بنطلونات ....
وكمان جينز.........ده كلام برضو..
فين لبسنا وزينا الاسلامى الفضفاض
عموما ...ان شاء الله تخسى وتلبسيه
وتبقى احلى فيه بكتيييييييييييييييير
خلى للمرأه زيها وللرجل زيه...ولا ايه؟
تحياتى لك يا عسل وربنا يقويك.

عزيزتى ام محمد على

ربنا يكرمك على زوقك والله وفعلا بيرو دمها زى العسل وانا اتبسطت قوى انى اتعرفت عليكم كلكم والله

وجزاك الله خير على النصيحة وطبعا تأخذ فى الأعتبار .....وانا كدة كدة كرهته وهو كمان كارهنى ومش عايز يتلبس ههههههههههه

بالتوفيق اختي انت والاخت بنت الاحرار
ان شاء الله توصلو للوزن المثالي
يلي بتتمنوه
ودعولي انا كمان اوصل ل60
الارادة اهم شي
بس تكون ارادتك قوية ان شاء الله بتنزلي الوزن الزايد بسرعة
الله يوفقك ويسر امرك

عزيزتى ام حباب

شكرا على مرورك وان شاء الله توصلى لل60 كيلو بصحة وعافية ان شاء الله

وفعلا الأرادة القوية هى مفتاح النجاح فى تنزيل الوزن

ا لله دمك خفيف فعلا يا امينة
انا كمان من اصحاب فوق 30 . الله يعينا على الرجيم

عزيزتى فتاة مغربية

شكرا على مرورك يا حبيبتى وشكرا على المجاملة الرقيقة دى

ربنا يعنا جميعا على هزيمة السمنة ويرزقنا قوة الأرادة

سلامو عليكم ياقماعه <<< تحاول تتكلم مصري
ترى انا احب المصرين وقضيت طفولتي بالاسكندريه لانه بابا كان يدرس هناك
وعلى قولة ماما كنت العب مع ولاد العماره ولمه رجعت عالكويت كنت بتكلم مصري ههههه
بس الحين نسيت المصري تماما

بالنسبه ليمومياتك زين سويتي ماكلتي الا شويه وكبدايه ممتازه برافوا عليكي
وعاوزين رجيم بجد وانا معاكي وراح اتابعك لين نوصل للوزن المثالي

اي رايكم نحدد يوم للميزان الكل يقيس فيييييييييييييه
عشان تشجع من الي نزل اكتر ويصير تحدي بينه

انا بفضل يوم الخميس لانه بعدوا ويك اند عشان ناخد الفري بالوك اند وجبه وحده فقط لاغير
ويكون بائي الاسبوع دااااااااااايت

اهلا اهلا بصديقتى العزيزة لولو

يا سلام على المصرى الجميل بس ده مصرى مكسر قوى لأنها جماعة مش قماعة ههههههههههه

بصى حبيبتى انا اصلى نظامى حيبقى مختلف شوية .... بمعنى انى حعمل ان شاء الله دايت من اول يوم السبت الى يوم الجمعة وحوزن السبت اللى بعديه تانى يوم الصبح علشان اكون خلصت اسبوع الدايت بالكامل

وان شاء الله مش ناوية اخد غير يومين فى الشهر بس فرى لأنى عارفة نفسى بنيل الدنيا فى اليوم الفرى ده ...فهو بالنسبة لى كفاية قوى مرتين فى الشهر كل اسبوعين مرة

عموما ان مش بفرض رأيى على اى واحدة يا جماعة ان بس بشرحلكم خطتى الخمسية فى تحدياتى مع السمنة بأذن الله

طيب راح نشوف يا غالية ...و ربنا يوفقكم

أيام تخفيف هذه عجبتني كثيرا، و لو طولوا المدة يكون أحسن و أفضل ....

لأن هذه أهم مراحل الحميات حتى تتوفقوا فيها .....و لا يكون اخباص فيها و لخبطة

و الآن أنتم لستم بعد مهيئين ....

بما أن وزنك زائد كثير...... يأسفني أن أقول هذا ....

يعني خليها كمان أسبوع في التخفيف و كل يوم يكون أخف من الأول

و قصة العشاء لا تقعي فيها، أن تلغيه بل سلطة خفيفة على الأقل

و اليوم الذي يلي خليه أشد

هذه بعض ملاحظات لتشجيع و إن شاء الله تقبلوها مني

و سعيدة أن كل الحبايب هنا تجمعوا

و القضية كما قلتي أصبحت قضية المرأة ككل

سلامي لكم كلكم

عزيزتى ام ابراهيم

شكرا على النصيحة الغالية وان شاء الله نحاول نتبعها بأذن الله

وان شاء الله القضية تنجح على ايدينا بأذن الله ههههههه

[bero333]

امينة يا سكرة
ياللا شدي حيلك بقي عشان اقابلك و نروح سيتي ستارز سوا و كمان تيجي بورسعيد تنوريني
و ان شاء الله ابقي ام علي بتاعة الفجل بدل ام محمد بتاعة الجرجير هههههههههههههههههههههههههههههههه
باقولك ايه

انتي اتكلمتي عن الاكل
فين الرياضة بقي؟
شدي حيلك كده عايزة يوميات تكسر الدنيا
انا عملت مشروع تعليف لنفسي النهاردة و بكرة اسكتي وزن لقيتني
113 كيلو
يعني حيطة ههههههههههههههههههههههههههههههههههههه
ياللا بكرة نقهر الدهووووووووووووووووون و نبقي سمبتيك
سلام يا قمر

[lolafola]

امينة يا سكرة
ياللا شدي حيلك بقي عشان اقابلك و نروح سيتي ستارز سوا و كمان تيجي بورسعيد تنوريني
و ان شاء الله ابقي ام علي بتاعة الفجل بدل ام محمد بتاعة الجرجير هههههههههههههههههههههههههههههههه
باقولك ايه

انتي اتكلمتي عن الاكل
فين الرياضة بقي؟
شدي حيلك كده عايزة يوميات تكسر الدنيا
انا عملت مشروع تعليف لنفسي النهاردة و بكرة اسكتي وزن لقيتني
113 كيلو
يعني حيطة ههههههههههههههههههههههههههههههههههههه
ياللا بكرة نقهر الدهووووووووووووووووون و نبقي سمبتيك
سلام يا قمر

عزيزتى بيرو الجميلة اقصد ام على بتاعة الفجل ههههههههه

ان شاء الله اجيلك بورسعيد بأذن الله وانتى تنورينى هنا فى القاهرة بأذن الرحمن و نروح سيتى ستارز وجنينة مول وكل الأماكن اللى الواحد كان بيتعقد لما يروحها .... ان شاء الله ميبقاش عندنا عقد تانى

بصى بقى بالنسبة للرياضة ان شاء الله حعتمد فى التحدى الأول بتاعى على رياضة المشى صباحا والرقص والحركات الأيقاعية ليلا

ليه بقى لأن الأيروبكس محتاجة ركب سليمة وانا مع البلاوى اللى شيلاها على قلبى وركبى مش حقدر بصراحة

لكن لما انزل العشرة كيلو الأولى ان شاء الله حدخل الأيروبكس علطول بأذن الله

وبعدين حبيبتى احنا متفقين على تخفيف مش تعليف هههههههههه

يعنى بدل ما تنقصى زودتى .... بلاش تخبيص ( على رأى اخواتنا الخليجيات ) ولمى بقك ده شوية بدل ما اجى انا اللى اعضك هههههههههههههه

[lolafola]

السلام عليكم ورحمة الله وبركاته

اولا جمعة مباركة علينا جميعا ولا تنسونى من الدعاء بالذرية الصالحة

بسم الله نبدأ

بسم الله توكلت على الله ... بسم الله ابدأ رحلتى مع تحدياتى للسمنة

توكلت على الحى الذى لا يموت

اللهم ارزقنا قوة الأرادة والعزيمة

بسم الله ابدأ .....

التحـــــــــــــــــــــدى الأــ ول


ان شاء الله بكرة يا جماعة حبدأ تحدى اول عشرة كيلو

وده يا جماعة انا حسمية التحدى السهل لأن رقم 75 فما فوق كل دى ارقام شوفتها كتيييير على شاشة ميزانى

ومتعودة عليها

لأنى عارفة طبيعة جسمى بينزل كويس فى الأول وبعدين يحجر وميرضاش ينزل غير بطلوع الروح

ولذالك

العشرة كيلو دول

علشان مقعدش انزل فيهم العمر كله

قلت يا بنت يا منمن لازم اعمل dead line

فقلت بما انى حاطة 2 كيلو maximum

يبقى العشرة كيلو حيعملوا 5 اسابيع

وكيلو ونصف minimum

يبقى العشرة كيلو حيعملوا 6 اسابيع

فالتقديرات حتبقى كالتالى

لو حققت هدفى فى29\10 يبقى جيـــــــــــــــــــد

لو تم تحقيقة فى 22\10 يبقى جيــــــــــــد جــــــــــــــــــدا

لو تم تحقيقة قبل 22\10 يبقى مــــمـــــــــــــــتـــــــازززززززززززززززز

دعواتـــــــــــكــــــــــــــــــــــــــم

[رورو شيكو]

والله ياامينة انتى زى العسل وبلاش سيتى استارز دة خالص دة بيتعب الاعصاب فى كل حاجات فى الناس الى فية والابس الى فية كل الهناك مقاسات عصافير مفيش تنفعنا غير اسبنس يعنى بردة الاكل وانا عايزكى تقولى رجيمك هيكون اية

[lolafola]

نيجى بقى للرجيم بتاع اول اسبوع ان شاء الله

من السبت 18\9 الى الجمعة 24\9

وزى ما قلت قبل كدة انها كلها رجيمات للدكتورة منى راداميس لأنى مجرباها قبل كدة

وعلشان طبعا الواحد ميمشيش على اى رجيم وخلاص ويخلى الواحد وشه اصفر وباين عليه الأرهاق

ياله بسم الله ابدأ وطبعا لو اى واحدة عايزة تعمله تتفضل طبعا

الأفطار موحد :

فواكه طبيعية

السبت : الغذاء : خضار مسلوق + لحم مشوى

العشاء : 2 ثمرة فاكهة


الأحد : الغذاء : 4 ملاعق مكرونة + طبق خضار سوتيه

العشاء : لبن حليب او زبادى خالى الدسم + ثمرة فاكهة


الأثنين : الغذاء : سلطة خضراء + صدر دجاج مشوى + 2 توست رجيم

العشاء : سلطة تونة بدون زيت + ثمرة تفاح متوسط


الثلاثاء : الغذاء : خضار ( نى × نى ) + 2 توست رجيم

العشاء : سلطة فواكه بدون سكر


الأربعاء : الغذاء : سمك مشوى + سلطة خضراء

العشاء : سلطة فواكه بدون سكر


الخميس: الغذاء : 3 ملاعق أرز + سلاطة خضراء + طبق خضار

العشاء : فواكه طازجة


الجمعة : الغذاء : سمك مشوى + سلطة خضراء

العشاء : فواكه طازجة

[bosbos deeb]

حبيبتى امينه كلنا فى الهم شرق كلامك بييجى عالجرح وخلينى الاول اقدم نفسى انا دبدوبه الطخينه من 4 سنين تقريبا يعنى من بعد الجواز والحمل والولاده طولى 162 ووزنى من 8 شهور 96 ونص وده كان بعد الولاده ب4 شهور
ومش عايزه اقولك يوم ماوزنت نفسى والميزان قال 96ونص برقت عينيا وفتحت بقى وقعدت اطلع وانزل من عالميزان مية مرة يمكن يغير رايه ويراف بحالى وينزلنى 10 او 20 كيلو لكن كانت الضربه القاضيه ومن يومها خدت القرار الخطير والنهائى لازم اخس وخدت صورتى بتاعة الخطوبه الى كان وزنى فيها تخيلى 60 كيلو بس اهئ اهئ اهئ كنت مانيكان مفيهوش غلطه المهم حطيت صورتى عالتلاجه وعالمرايه وفى الشنطه عشان كل اما نفسى الاماره بالسوء تحب تتطافس افتكر الخيبه الى انا فيها واقدر امسك نفسى عايزه افكرك ان ده كان من 8 شهور سعنى انت متوقعه انى دلوقتى بقيت ديانا كرازون بعد ما خست بنت الايه وبقت عصايه لكن اخر مره وزنت فيها نفسى من 10 ايام كنت 82 كيلو طبعا الحمد لله 12 كيلو ونص نعمه نقلنى من مرحلة الدبه الام الى مرحلة سيد قشطه وفرق معايا فى اللبس جامد جدا بعد ماكنت بلبس تلبيسة اللحاف زى ماهى كده ممكن دلوقتى اجسمها شويه واعملها تفصيله عند الوسط هاهاها هم يبكى وهم يضحك بس عايزه اقولك ان انا فى الفتره دى كلها معملتش ريجيم بس كنت عامله تخفيف وعشان كده خدت وقت وكمان مكانش الامر بيسلم من اللخبطه يعنى حتة تورتة شيكولاته من عيد ميلاد يوسف ابنى او كراميل وااااااااااااو او فطير مشلتت وجبنه حادقه جايين هديه من البلد بذمتك تقدرى تقاومى؟؟؟؟؟؟؟؟؟؟؟؟المهم طبعا كالعاده سى السيد قصدى جوزى بعد ماكان مبيشيلش عينه من عليا مبقاش يشيل عينه من عالتليفزيون وكترت خناقاتنا وبقيت اتكسف البس لبسى السمباتيك بتاع البيت عشان اللحم ميبظش من كل حته فيه والخلاصه ان الموضوع كبر وهو زهق وكبرت المشاكل طبعا مش دى بس الاسباب لكن دى كانت مخلياه مش قريب منى زى زمان او انا حاسه كده واحنا دلوقتى بعيد عن بعض لاعادة التفكير فى حياتنا واتخاذ قرار قد يكون صعب جدا !!!!!!!!!!ايه ده الحكايه اغمقت اوى معلش اعذرونى بس انا طبعا مش مضطره اقولكم ان فيه ولاد حلال كتييييييييييييييييييييييركانوا بيتعمدوا يفرسونى ويحرجونى عشان وزنى قدامه وانتم طبعا عارفينهم مش كده ياامينه؟؟؟؟؟ هما الى سدوا نفسك وخلوكى تاكلى الجوافه هاهاهالانهم من اصحاب الوزن التقيل وكنت انا الفراشه الى بتفرسهم وماصدقوا يشمتوا فيا حسبى الله ونعم الوكيل
المهم ان انا قررت ارجع احلى واشيك وارق وارفع من الاول مش بس عشان ارجع لجوزى لان مش دى بس المشكله لكن عشان كمان ارجع ثقتى فى نفسى الى اتهزت بشكل كبير ويمكن ساعتها اقدر اتحكم فى حياتى اكتر من كده انا اسفه انى زهقتك لكن يارفيقة الكفاح امضى فى طريقك وانا معاك باذن الله لانى اكتر واحده حاسه بيك وخطتى الخمسيه زيك بالضبط والله معنا وخلى السلاح صاحى صاحى صاحى

[fofo18]

انتم مجموعه خفاف الدم وتقال الوزن يعني حاجه تسد مكان حاجه بصراحه انا اقرا كتاباتكم واضحك كاني بتفرج على فلم عدوله

[fatibaty]

سلام،
يالولافولاو كل البنات،هل يمكن لي أن أتابع معكن هذا الرجيم بعد ما أنتهي من الرجيم لأنا بديت ،يعني بعد 5أيام.
شكرا على الروح الخفيفة.

[lolafola]

والله ياامينة انتى زى العسل وبلاش سيتى استارز دة خالص دة بيتعب الاعصاب فى كل حاجات فى الناس الى فية والابس الى فية كل الهناك مقاسات عصافير مفيش تنفعنا غير اسبنس يعنى بردة الاكل وانا عايزكى تقولى رجيمك هيكون اية

عزيزتى رورو شيكو

شكرا يا قمر على المجاملة الجميلة دى وانت اللى سكر وعسل كمان هههههههه وبلاش سيرة الحاجات اللى بتطخن دى ههههههه

بصى انا مدمنة سيتى ستارز للأسف هو فسحتى الوحيدة تلاقينى هناك علطول يعنى بروح فى الأسبوع اقل حاجة خالص مرتين

هو يعقد واعصابى بترجع من هناك تعبانة بس اعمل ايه اهو مكان الواحد يتمشى فيه ويتفرج على الناس والناس اكيد بتتفرج عليه

وانا نزلت الرجيم ياريت يكون عجبك

حبيبتى امينه كلنا فى الهم شرق كلامك بييجى عالجرح وخلينى الاول اقدم نفسى انا دبدوبه الطخينه من 4 سنين تقريبا يعنى من بعد الجواز والحمل والولاده طولى 162 ووزنى من 8 شهور 96 ونص وده كان بعد الولاده ب4 شهور
ومش عايزه اقولك يوم ماوزنت نفسى والميزان قال 96ونص برقت عينيا وفتحت بقى وقعدت اطلع وانزل من عالميزان مية مرة يمكن يغير رايه ويراف بحالى وينزلنى 10 او 20 كيلو لكن كانت الضربه القاضيه ومن يومها خدت القرار الخطير والنهائى لازم اخس وخدت صورتى بتاعة الخطوبه الى كان وزنى فيها تخيلى 60 كيلو بس اهئ اهئ اهئ كنت مانيكان مفيهوش غلطه المهم حطيت صورتى عالتلاجه وعالمرايه وفى الشنطه عشان كل اما نفسى الاماره بالسوء تحب تتطافس افتكر الخيبه الى انا فيها واقدر امسك نفسى عايزه افكرك ان ده كان من 8 شهور سعنى انت متوقعه انى دلوقتى بقيت ديانا كرازون بعد ما خست بنت الايه وبقت عصايه لكن اخر مره وزنت فيها نفسى من 10 ايام كنت 82 كيلو طبعا الحمد لله 12 كيلو ونص نعمه نقلنى من مرحلة الدبه الام الى مرحلة سيد قشطه وفرق معايا فى اللبس جامد جدا بعد ماكنت بلبس تلبيسة اللحاف زى ماهى كده ممكن دلوقتى اجسمها شويه واعملها تفصيله عند الوسط هاهاها هم يبكى وهم يضحك بس عايزه اقولك ان انا فى الفتره دى كلها معملتش ريجيم بس كنت عامله تخفيف وعشان كده خدت وقت وكمان مكانش الامر بيسلم من اللخبطه يعنى حتة تورتة شيكولاته من عيد ميلاد يوسف ابنى او كراميل وااااااااااااو او فطير مشلتت وجبنه حادقه جايين هديه من البلد بذمتك تقدرى تقاومى؟؟؟؟؟؟؟؟؟؟؟؟المهم طبعا كالعاده سى السيد قصدى جوزى بعد ماكان مبيشيلش عينه من عليا مبقاش يشيل عينه من عالتليفزيون وكترت خناقاتنا وبقيت اتكسف البس لبسى السمباتيك بتاع البيت عشان اللحم ميبظش من كل حته فيه والخلاصه ان الموضوع كبر وهو زهق وكبرت المشاكل طبعا مش دى بس الاسباب لكن دى كانت مخلياه مش قريب منى زى زمان او انا حاسه كده واحنا دلوقتى بعيد عن بعض لاعادة التفكير فى حياتنا واتخاذ قرار قد يكون صعب جدا !!!!!!!!!!ايه ده الحكايه اغمقت اوى معلش اعذرونى بس انا طبعا مش مضطره اقولكم ان فيه ولاد حلال كتييييييييييييييييييييييركانوا بيتعمدوا يفرسونى ويحرجونى عشان وزنى قدامه وانتم طبعا عارفينهم مش كده ياامينه؟؟؟؟؟ هما الى سدوا نفسك وخلوكى تاكلى الجوافه هاهاهالانهم من اصحاب الوزن التقيل وكنت انا الفراشه الى بتفرسهم وماصدقوا يشمتوا فيا حسبى الله ونعم الوكيل
المهم ان انا قررت ارجع احلى واشيك وارق وارفع من الاول مش بس عشان ارجع لجوزى لان مش دى بس المشكله لكن عشان كمان ارجع ثقتى فى نفسى الى اتهزت بشكل كبير ويمكن ساعتها اقدر اتحكم فى حياتى اكتر من كده انا اسفه انى زهقتك لكن يارفيقة الكفاح امضى فى طريقك وانا معاك باذن الله لانى اكتر واحده حاسه بيك وخطتى الخمسيه زيك بالضبط والله معنا وخلى السلاح صاحى صاحى صاحى

اهلا اهلا اهلا بزميلة ورفيقة الكفاح بوس بوس


اولا نورتى يا قمر يومياتى وعايزة اقولك ان كلنا ضربنا بعد ما اتجوزنا .... يعنى الجواز جه علينا بخسارة من كل النواحى مستفدناش منه بحاجة ههههههههه

وعايزة كمان اقولك الحقيقة المرة ان الموازين مش بترجع فى كلامها ابدا يعنى 96 هما ولو غير رأيه يزودهملك شوية هههههههههه

وكمان يا حبيبتى ديانا كرازون مخسيتش ولا حاجة ولا تعبت نفسها دى راحت عملت عمليه تجميل وشفط دهون عند دكتور خالد جودت اشهر دكتور فى مصر وده اللى عمل لليلى علوى وصابرين ومنة شلبى وحسين الجسمى وكلهم

فطستينى من الضحك لما نطيتى من الدب الأم لسيد قشطة ... شوفى الفرق برده الدب مش زى الحاج سيد ... ههههههههه

ومين يقدر يقاوم الحاجت الجامدة اللى ذكرتيها دى .... يالله بقى اللهم اغذيك يا شيطان ههههه

اما بقى بالنسبة لموضوع الهدوم و اللحم اللى بيبظ منها فده بقى حدث ولا حرج ومتفكرنيش بالأيام السودة دى ... دا انا مرة جيت اخرج مع جوزى ملقيتش ولا حاجة تدخل فيه اضريت البس عباية امى
ومرة تانية لبست التى شيرت بتاعه ههههههههه

ويا بنتى ولا قرارت صعبة ولا حاجة اول ما الواحدة بتخس بترجع تانى ثقتها فى نفسها ومش المفروض ان العلاقة بين الزوجة والزوج تبقى قائمة على الشكل فقط لأن عبد الوهاب الله يرحمه قال ايه ( وعشق الروح مالوش اخر ... لكن عشق الجسد فانى ) ههههههههههه

ان شاء الله حنخس وحنفرح ونمشى زى الغزال

وانتى نورتينى يا حبيبتى بدمك اللى زى العسل ده وياريت تنورينى دايما

وخلاص سكت الكلام ... والبندقيه اتكلمت هههههههههه

انتم مجموعه خفاف الدم وتقال الوزن يعني حاجه تسد مكان حاجه بصراحه انا اقرا كتاباتكم واضحك كاني بتفرج على فلم عدوله

عزيزتى فوفو

شكرا لمرورك الكريم و مجاملتك الرقيقة

وكويس ان ربنا بيقدرنا نرسم البسمة والضحكة على وجهكم

بس عندى سؤال بسيط مين فلم عدوله ؟؟؟؟

سلام،
يالولافولاو كل البنات،هل يمكن لي أن أتابع معكن هذا الرجيم بعد ما أنتهي من الرجيم لأنا بديت ،يعني بعد 5أيام.
شكرا على الروح الخفيفة.

يا اهلا بى fatibaty

طبعا حبيبتى ممكن تعملى الدايت ده وربنا يقوينا جميعا

[lolafola]

السلام عليكم ورحمة الله وبركاته

يومياتى للبارحة واليوم يعنى يوم 16\9 و 17 \9

حدث ولا حرج

تعليف مش تخفيف على رأى بيرو

امبارح طول اليوم كنت بره بخلص مشاوير وحاجات للبيت فأضريت الغ من بره اشى هوهوز على شويبس سفندى

واستهبلت اخر استهبال واخدت ايس كريم وحاجات تانية كتيير

النهاردة بقى كنت مع اصحاب السوء صديقاتى ورحنا كارفور المعادى

اتغديت هناك فى تشيليز و قالولى ودعى بقى ايام الهرتلة علشان من بكرة انضباط
قالى يعنى هما كدة بيشجعونى

بصراحة الواحد مستغرب نفسه يطافس ويقعد ياكل ويلغ وبعد كده ضميره يرجع يوجعه طيب كان فين الضمير ده وانا عماله احشر .... شكله كده بياخد تعسيله وبيصحى لما اخلص اكل هههههههه

المهم انا حوزن بكرة نفسى ان شاء الله علشان لو حصل تعديل فى الوزن ابقى اغير شريط الوزن بتاعى وحبقى احط لكم صورة الميزان بتاعى وعليه وزنى عند اول كل تحدى وفى اخر كل تحدى

والميزان القاد حيكون يوم السبت 25\9 باذن الله

ياله بسم الله نبدأ ... الله ارزقنا قوة الأرادة و العزيمة وقلة الشهية وسدادان النفس

امييييييييييييييييييييين

[noor alhouda]

موفقة ان شاء الله
بس فين الرياضه

[lolafola]

موفقة ان شاء الله
بس فين الرياضه

مشرفتنا العزيزة نور الهدى

نورتى يومياتى وشكرا لمرورك الكريم

ان شاء الله اول اسبوع بالتحدى الأول مشى 10 دقائق صباحا و حركات ايقاعية لمدة 10 دقائق ليلا

فى الأول مدة قليلة بس علشان نلين العضلات والركب ههههههه