مجموعة البنات السمبتيك و الجسم الرشيق مع د.بهاء ناجي (2)

[سلمى حبيبتى]

السلام عليكم

انا جيت طبعا نورت والا ايه

ايه النشاط والحيويه دى كلها
مبروك لكل اللى نزلو وعقبالنا جميعا يارب
يلا الى الامام
بيرو الف سلامه عليكى يا قمر ويلا شدى حيلك حبيبتى واوعى تعكى او تكسلى والا اوريكى العين الحمره

انا الحمد لله ماشيه تمام بس حاسه انى عندى ثبات فى الوزن

الفطار النهارده ربع رغيف وبيضه مسلوقه وخياره
وكوب نسكافيه بالبن خالى الدسم
الغدا قطعه مكرونه بشميل بس دايت والله على الاخر
والعشاء ان شاء الله هيكون 1 زبادى و1 فاكهه
وشربت شاى اخضر ومايه كتير

[mmm=my life]

هههههههههههه طبعا يا سلمي يا مرحبا نورك غطي عالكهربا
الحمد لله مشيت 30 دقيقه

[سلمى حبيبتى]

بنات انا البريوت على وصول وهو عندى بتشحورنى على الاخر بتخلينى ضغطى زيرو تقريبا ومش بزيبط غير بحاجات مسكره مش عارفه اعمل ايه الشهر اللى فات كنت ضايعه خالص
اه افتكرت
اللى نفسه ياكل حاجه مسكره ومش قادر خلاص يشرب عرقسوس
هتحد من شهوته فى الحلويات بس اللى ضغضه عالى مش يشربه

[سلمى حبيبتى]

برافو عليكى يا ماى لايف عقبال لما تكملى ساااااااااااااعه

[mmm=my life]

يارب يا سوسو بس عرقسووووووووووووووووووووووووووس
انا لما بشربه بحس انه روحي بتتسحب ومش عارفه اتنفس معرفش بيعمل كده ليه يمكن عشان فيه تاني اكسيد الكربون ذي ما بيقولو؟؟

[سلمى حبيبتى]

يارب يا سوسو بس عرقسووووووووووووووووووووووووووس
انا لما بشربه بحس انه روحي بتتسحب ومش عارفه اتنفس معرفش بيعمل كده ليه يمكن عشان فيه تاني اكسيد الكربون ذي ما بيقولو؟؟

والله انا كمان بحس انه بينزل الضغط مش بيعله
تصدقى ممكن يكون الدكتور حمار
ههههههههههه

[mmm=my life]

ههههههههه اخخخخخخخخخخخخخ

[marwa81]

مروه:ماشاء الله لاقوة الا بالله
انتي اي نظام ماشيه عليه
وبتعملي رياضه ولا ايه
معلش اصل انا مبهوره بيكي ربنا يوصلك لهدفك وانتي بصحه وعافيه يا قمر

حبيبت قلبى ازيك انا قللت من اكلى فقط هو ده اللى بعمله

[mmm=my life]

ماشاء الله عليكي استمري يا قمر ربنا يكرمك

[ريم اسلام]

ازيكو يا بنات كده مفيش حد سال عليا انا كنت بره طول النهار ولسه راجعه
فطاري كان معلقتين فول مع ربع رغيف وشربت نسكافيه وشاي اخضر كتتير
الغدا كان اتنين هامبورجر مشوي مع نصف رغيف وسلطه العشا بقه بما اني كنت بره







اكلت






ايس كريمم والله واحده صغيره ومتعشيتش
انا كنت سامعه الدكتور بهاء بيقول ممكن تاكلي ايس كريم لو نفسك ف حاجه حلوه بس تشيلي وجبه وهو بيرفع من حرق الجسم وسعراته قليله
بس واللله هلتزم خلاص انا ضميري مانبني خالص علشان كده قولت هنام من غير عشاء
يلا تصبحو ع خيييير
اشوفكو بكره مع يوم جديد وحماس بيزيد
انا مش وشوال فريك انا بنت حلوه وسمبتيك

[mmm=my life]

هههههههههه انتي عسل يا ريم وعالله تعيديها تاني هه
وانا الحمد لله كملت ساعه مشي
يلا سلام

[ايمو]

صباح الخير يا حلوين

ريم معلش عوضيها انهارده

شو شو صباح الفل الف مبروك على الساعه عقبالنا انا انهارده ملحتش امشى الصبح قبل الشغل استاذ احمد ابنى بيصحى بدرى و حاتك يا طلبات انشاء الله احاول اعوضها لما ارجع
امبارح تمام العشا كان 2 توست + جبنه و معرفش ليه امبارح كنت حموت من الجوع كلت واحده جوافه صغيره و قلت انام بدرى لحسن ما اضمنش نفسى و قال ايه عايزه اغير الاسبوع ده علشان كتير حكمل و انا ساكته

[bero333]

صباح الخير يا بنات
ايه النشاط ده كله
مروة مبروك النزول
ريم معلش عوضي لأيس كريم النهاردة
شوشو شاطرة علي الساعة
سلمي
لا الدكتور مش حمار العرقسوس فعلا بيعلي الضغط
اصل اختك مريضة بانخفاض ضغط الدم من ايام اعدادية و باخد له دوا منشط للدورة الدموية
بس صحيح ايام البريود باموت و بيوصل 60/40 ما تتخضيش
كل ما اروح اقيسه الدكتور يقولي انت ماشية ازاي
امكانيات بقي هههههههههههههههههههه
المهم الدكتور لما يأس من حالتي قرر يديني دوا لرفع الضغط فعلا مش منشط
لقيته فيه كورتيزون و كمانمكتوب من اعراضه الجانبية يزيد الوزن و يورم الجسم
و طبعا علي الباسكت عدل ( هو انا ناقصة)
و دلوقتي باخد المنشط ده كل لما احس بدوخة
و علي فكرة دكتور صيدلي قالي الكركديه المغلي و هو ساخن يرفع الضغط
و انا اصلا بحبه عشان كده تلاقوني باشربه كتير

انا طولت عليكم اوي

ايمو ايوه كده ارجعي للنظام و خلينا ساكتين احسن
هههههههههههههههههههههههههههه
توتي
انت فين

[bero333]

يا بنات
الفطار النهاردة هيكون شاي أخضر بالنعناع + 1/2 رغيف بجبنة
الغدا هيكون سمك فيليه مشوي في الفرن + عيش سن + سلطة
العشا لسة مش عارفة

اوعوا تنسوا
البرنامج النهاردة الساعة 4
نتقابل بالليل عشان نتناقش فيه
و عندي لكم شوية أسئلة
ماشي

ياللا قولوا

هنخس يعني هنخس
انا مش شوال فريك انا بنت حلوة و سمبتيك

[bero333]

يا بنات
النهاردة لقيت كتاب you on a diet
للدكتور اوز الل بيجي مع اوبرا
فجبته و نزلته في موضوع جديد عشان كل الناس تستفيد

بس الرابط هنا للبنات السمبتك مخصوص
مستنية رأيكم

حمل