مجموعة البنات السمبتيك و الجسم الرشيق مع د.بهاء ناجي (2)

[ريم اسلام]

بيرو ازيك وحشتيني ان شاء الله هعوض الايس كريم انهارده ويارب تكوني بقيتي كويسه والف سلامه عليكي
ايمو ازيك اخبارك ايه
سلمي يا جميله الرجيم عامل ايه
شوشو حلو انك عندك اراده وكملتي الساعه خليكي ع كده
ام حازم
برافو
مروه
توتي
انتو فيين يا بنات يلا حماس
انا مش شوال فريك انا بنت حلوه وسمبتيك

[ريم اسلام]

بنات انا فطرت انهارده ماايه دافيه بنصف ليمون وبعدين نمت ساعتين وقمت فطرت
جبنه فيتا بنصف رغيف اسمر وشربت شاي
وبعد شويه هشرب شاي اخضر تعويض للي حصل امبارح وهلعب شويه رياضه
الغدا هيكون شريحتين بيتزا مع سلطه
والعشا زباااادي بس يلا اوعي تنسو البرنامج هدخل بعد ما يخلص اقولكو لو في معلومه ولا حاجه
باااي يا قمرات

[ريم اسلام]

هروح اقراه دلوقت يا بيرو ةاكيد هيبقي حلو كل كلامك وحاجاتك اللي بتنزليها حلوه يا عسل

[bero333]

ريم
صباح الفل
شكرا علي ردك يا قمر
ممكن اسألك سؤال
هل الميه الدافية و الليمون علي الريق افادتك؟
انا سمعت عنها كتير وكل يوم بأشوفك بأتي يومك بيها
اي الموضوع؟
اقري الكتاب و قولي رأيك
و انا كمان و نشوف ازاي نقدر نستفيد منه

[ريم اسلام]

بيرو بصي انا زماان من تلات سنين كنت بروح لدكتور دلع انا مكنتش مليانه بس كنت 70 او 69 كيلو بس كنت عايزه انزل اقل من وزني لان طولي 165 وقبل الفرح بقه بصي الدكتور نصحني بيها وقالي علشان الامساك لان الامساك هو ممكن يبوظ الرجيم بس جابت معايا نتيجه حلوه ونزلت عشلره كيلو ف شهر لدرجه ان شكلي اتغير اوي لاني انا وزني من قبل الجواز وانا مليانه من الجزء السفلي للجسم
ياااااااااه نفسي ارجع زي الاول بقه
جربيها وكمان بتسد نفسي اوي ان شاء الله نرجع كلنا زي الاول

[ريم اسلام]

بيرو جملت الكتاب قبل ما يقفلو الموضوع
هههههههههههههههه

[ايمو]

ريم و بيرو صباح الفل عليكم يا سمبتيكات

بيرو انا اللى اعرفه ان الكركديه يا قمر بيوطى الضغط مش يعليه اتاكدى و النبى

ريم و الله مش عارفه ممكن اجرب موضوع الميه و الليمون ده جايز يجيب فايده خصوصا انى اصلا ممسكه .

الغدا كان شيش طاووق + سلطه + رغيف سن

[ريم اسلام]

ايمو انا زيك برده عندي الرجيم يعني امساك المايه الدافيه الصبح لمده عشر ايام وجربي وهتدعيلي


بيرو الكتاب مش عايز يفتح بيطلب مني باص وورد

بنات اللي قاعد ف مصر وعنده جهاز مشايه كهربائيه ف البيت او اوربت تراك يقولي جايبه منين لاني اول ما انزل مصر اخر مارس عايزه اشتري واحد يكون كويس بس سعره معقول وياريت يقولي اسعاره
وشكرااا ليكو يا سمتيكات

[برافو]

اذيكوا ياحلى بنات فى الدنيا انتوا فين

الفطار كوبيتين مياة وكوبية شاى اخضر على الريق وبعد نص ساعة كوبية شاى بلبن
مع واحدة كرواسون

انشاء اللة الغداء 8 ملاعق كشرى مصرى بلدقة على كيف كيفك يجنن مع طبق سلطة

بالنسبة للرياضة لسسسسسسسسسسسة التلج بينزل مش عارفة اخرج بس فى البيت بعمل الواجب

ماى لايف انا بشوى السمك على البوتاجاز من فوق على صنية هو طبعا مش زى المشوى بتعنا فى مصر بس اهو بيمشى الحال

اشوفكوا بعد حلقة الدكتور بهاء بس يسهل واعرف اشوف الحلقة اصل التلج مخلى الارسال بيقطع

هنخس يعنى هنخس

انا مش شوال فريك انا بنت حلوة وسمبتيك

حماس نشاط حيوية

[mmm=my life]

سلام عليكم يا قمرات
هنخس يعني هنخس
شكرا ليكم ربنا يخليكو
بيرو انشالله صحتك احسن انهارده
ريم انتي منين في مصر لاني لما اشتريت بتاعي كان من المنصوره اااااااااااااه وحشاااااااااااااااااااااااااااااااني
بقولك ايه يا قمر انتي كنتي ماشيه علي نظام جامد لما خسيتي عالميه والمون وكنتي بتعملي رياضه ولا لا
ايمو ايوه يا عسل الكركديه المغلي الساخن بيرفع الضغط
لكن المنقوع عالبارد بيوطي الضغط دا اللي سمعته والله اعلي واعلم
برافو ماشاء الله عليكي شكللك شطوووووووووووره في المطبخ بس مش الشوايه احسن من الصينيه ولا الصينيه عشان البوتاجاز ميقعش عليه حاجه
معلش كمان انتي بتحطي عليه ايه دقيق ولا بريد كراست ولا رده بتجيبيها من مصر
افففففففففف دا انا ممله بشكل؟؟ سامحيني علي اسءلتي الكتير
وانا لسه بشرب ميه
وف:موزه و3 تمر وشاي بلبن
يتبع...

[ريم اسلام]

شوشو انا لما نزلت عشره كيلو قبل الفرح كان وزني كويس بس كنت بدلع بس كنت ماشيه ع8 نظام فيه اكل عادي بس طبعا ممنوع الارز والمكرونه والنشويات عامه يعني كان نظامي زي الدكتور بهاء بس الدكتور كان شايل الارز والمكرونه وبيديني ربع رغيف اسمر او رغيف سن بس نزلت بسرعه مش عارفه بعد الجواز والحمل والولاده ايه اللي حصل
يارب وزني يرجع 70 بس زي الاول وارجع البس لبسي تاني يااااارب
ع فكره انا روحت المنصوره كتير جميله كنت جايبه منها فستان خطوبيتي لانها مشهوره بالسواريه
انا من طنطا قريبين من بعض يعني

[mmm=my life]

والله الله دا احنا بلديات بقه
طب سلامات سلامات سلامات ههههههههههه
ربنا يوفقك يا عسل انا كانت كليتي في طنطا برده
هيييييييييييييييييه زمن خمس سنين عدو عليه كانهم اربع سنين ونص كده هههههههههه

[برافو]

ماى لايف ياجميلة اولا هو انتى من المنصورة

اصل انا من المنصورة فعلا وحشتنى

انا يا ستى بشوى السمك بردة بجبها من مصر انا عندى شواية فحم ببقى اشوى عليها بس طبعا نظرا للجو التلج اللى احنا فية ما بشغلهاش حاليا

بس لما بشوى على البوتاجاز بشوى فى صنية علشان لسة هنعود نغسل بقى مش كفاية هدت العيال ياختى ههههههههههة

مفبش اسالة كتير ولا حاجة يا جميل انتى تامرى

وبالهنا والشفاء الفطار

[برافو]

ريم اذبك الظاهر ان احنا بلديات وشكلنا هنطلع اخوات فى الاخر

ههههههههههههههة

[mmm=my life]

هههههههههههههههه انتي عسسسسسسسسسسسسل
يا برافو شكرا ليكي يا قمر