مجموعة البنات السمبتيك و الجسم الرشيق مع د.بهاء ناجي (2)

[bero333]

صباح الخير يا بنات
سلمي وحشتينا جدا
سلامة زوجك ألف سلامة و شاطرة انك ما عكيتيش

[COLOR="Red"][SIZE="4"]ايمو
يا تجيبلي شكلاتة يا بلاش يا وله
روح رجع البطاطا يا بلاش يا وله
هههههههههههههههههههههههههه
ياللا بقي يا ستي عملتلك أغنية
معلش يا ايمو صح مقاومة الشيكولاتة صعبة جدا
بس مفيش حلاوة من غير نار
يعني مفيش شيكولاتة من غير عقاب
ياللا بقي شوفي هتعملي في نفسك ايه
انا مع سلمي الغي الفري
ياللا تعيشي و تاكلي غيرها
ههههههههههههههههههههه[/COLOR[/SIZE]]

النهاردة الفطار
زبادي و بس لأن معدتي تعبانة جدا و مش عارفة ليه

من حق يا بنات
احنا هنفتح الموضوع الجديد قريب جدا و االي معاها الأسبوع السادس تنزله لأن الأجندة بتاعتي اللي فيها الأسابيع
مع واحدة صاحبتي
انا هأفتحه بالشعارات المقدسة و يا ريت ما حدش يكتب رد الا لما الأسبوع السادس يتكتب
علي فكرة انا نسيت اقولكم ان الموضوع بيتقفل بعد حوالي 200 رد
انا سألت الأخت المشرفة الراجية عفو ربها و هي اللي قالت لي
ياللا في انتظار اللي هتكتب الاسبوع السادس
و طبعا ما تنساش الروابط و لو معندهاش صبر ياريت تكتبه في الموضوع ده و انا هأنقله في الموضوع الجديد و أضيف الروابط

[ليدي من مصر]

صباح الفل علي كل البنوتات الحلوين

معلش انا مش موجوده شويه علشان عندي كورس تدريبي في الشغل ..أنا بأحاول امشي علي الريجيم علشان اكسر الاحباط اللي عندي.. و رنبا معانا كلنا
طموني عليكم كللكم

[ريم اسلام]

سلمي صباج الخير وحشتيني انا متشكره اوي يا قمر انا دخلت ع الموقع وفي حاجات حلوه ان شاء الله لما انزل اشتري واحده
انت عندك حق انا استعملتها فتره ف الجيم وحسيت انها غيرت جسمي وبعدين انا شايفه انه الجهاز اللي مش هتزهقي منه لانه يشغل الجسم كله
الف سلامه ع جوزك اعملي ليه حاجات ساخنه كتير ربنا يشفيه يا رب





ايمو شيكولاته
ابعتي حته بقه ههههههههههههه
يلا قرر عقابك بنفسك
وانا مع سلمي وبيرو انك يا دوب تلغي اليوم الفري احسن مش عايزه اقولك لمده اسبوعين
ههههههههههههههههههههههه


بيرو صباح العسل والفل
اخبارك ايه؟
انا معايا اسابيع تانيه للدكتور بهاء بس مش عارغه السادس اي واحد فيهم يارب يكون مع احد من البنات


حماااااااااااااااااااااااااس
هنخس يعني هنخس
انا مش شوال فريك انا بنت حلوه وسمبتيك

[ريم اسلام]

برافووووووووووووووو
بوسي كات فين الوزن ويلا ابداي
مروه
توتي
شوشو
انتو فين يا بنات لسه نايمين؟

[ايمو]

سلمى حبيبتى صباح الخير الود ودى اعزم عليكم كلكم بس عيب عليا الخيبه بقه و اللى مضايقنى انى مش من هواه الشيكولاته يعنى فعلا بقدر اقاومها بس تقولى ايه بقى هى طفاسه.

الغى اليوم الفرى ده انا مخليه المناسبات كلها الجمعه عندى عقيقه عقبال كده اللى نفسه يخلف ربنا يرزقه .

بقى كده يا ريم الغى يومين فرى !!!

انا حزود المشى يعنى انا مشيت الصبح ساعه و حمشى تانى باليل و انا الفطار خدت نسكافيه فقط و الغدا 4 اصابع كفته و سلطه

[ايمو]

ام حازم ليه الاحباط حبيبتى لا شيدى حيلك بقولك ايه بس محدش يسمع اجيبلك واحده شيكولاته صغيره تضيع الاحباط هههههههههههههه

[ريم اسلام]

ايمو اللي ياكل لوحده يزور انا بس زعلانه علشان مش هعرف اخد منك حته
ع فكره الشيكولاته بتضيع الزهق والاكتئاب تبقي مفيده صح؟؟ههههههههههههههههههه
لا انا بهزر معاكي لا طبعا متلغيش يومين فري
انا لو عاقبت نفسي مش هاخد ولا يوم فري؟هههههههههههههههههه
امشي كتير وقللي ف الاكل شويه

[برافو]

صباح الفل والياسمين على الناس الحلوين

ايمو كدا برضوا ياقمر تاكلى الشكولاتة لوحدك طب اعزم ياجميل ولا اذا حضرت الشكولاتة ذهب الرجيم هو فى حد مش من هواة الشكولاتة عموما بالهنا والشفاء انا معاكى انك تزودى المشى حرام يابنات ماتحرموهاش من اليوم الفيرى يا اسييييييييييين

بيرو اذيك انا عندى الرجيمات بتاع الدكتور بس مش عارفة انتى تقصدى انهى واحد
يعنى بتاع الاسبوع اللى فات ولا اللى قابلة مش عارفة يعنى قولى انتى وانا هقول على طول

سلمى وحشتينا الف سلامة على جوزك

ريم اذيك بتفكرينا لية بالبس يا ريم حرام هتخلينى اعيط كدا فعلا حاجة غلسة اوى لما حد يقولك انتى تخينتى شوية وتلقية خبيس هو بالشوية دول كتير بس مش بيقولها لعدم قال يعنى انتى تخينتى مفيهاش احراج عموما انشاء قبل ما ميعاد نزولك مصر يجى هتكونى نزلتى 10 كيلو بس التزامى بالرجيم على اد ما تقدرى وامشى كتير وربنا معانا بقى

ماى لايف برافو عليكى دلوقتى بتكملى ساعة مشى انا بقى لى 3 ايام ما مشيتش انتى بتمشى امتى الصبح ولا قبل الاكل ولابعد الاكل لان سمعت الدكتور بيقول ان المشى قبل الاكل افضل من المشى بعد الاكل

الفطار النهاردة كالعادة طبعا كوبيتين مياة وكوب شاى اخضر وبعد نص ساعة كوب قهوة بلبن مع 2توست ملعقة عسل وقطعة جبنة اريش

الغداء 2 توست مع طبق سلطة وعلبة تونة

معلش النهاردة مش هقدر ادخل تانى لان ابنى تعبان شوية سخونية وبرد ربنا يستر ويشفية
اصل البيت ما لوش معنى وهو تعبان

[ريم اسلام]

الف سلامه ع ابنك يا برافو خدي بالك منه وكتري له عصير البرتقال والليمون واوعي تسبي حرارته عاليه اهم حاجه كمادات الاطفال حلوه


بنات انا لعبت تمارين 20 دقيقه وهنزل امشي ساعه ان شاء الله بليل
يلا هوب هوب هوب
انا بنت سمبتيك ومش شوال قريك

[mmm=my life]

سلام عليكم يا قمرات
"برافو" الففففففف سلامه علي ابنك شافاه الله وعافاه
انا يا عسل معرفش امشي قبل الاكل خاااااااااالص بيجيلي دوووووووووووخه وهبوووووووووووط
لازم اكل وبعدين امشي
ايمو: اخخخخخخ شيكولاته نفسي فيها اوييييييييييي
يلا امشي سبع ساعات انهارده عشان تعوضي "مفتريه مش كده"
بنات هنخس يعني هنخس
سلمي :الف سلامه علي زوجك طهؤر انشاء الله
انا مش شوال فريك انا بنت قمر وسمبتيك




امممممممممم انا بدلت الغدا بالفطار
صاحيه مفجوووووووووووووووووعه جدا حاسه اني ممكن اكل الاخضر واليابس
يمكن الهانم علي وشك المجئ
اكلت شاورمه فراخ ورغيف صغير اسمر و3 بطاطس صغيرين مدورين
اخخخخخخخخخخخ كتير اوي
انشالله مفيش عشا ومشي كتيييييييييييير

[bero333]

ازيكم يا بنات
برافو سلامة ابنك الف سلامة
ام حازم ليه الأحباط ده ياللا قولي بسرعة
هنخس يعني هنخس
ريم
شاطرة ياللا كمان هوب هوب
شوشو
ربنا يستر و ما يبقاش اليوم كله غدا
هههههههههههههههههههههههههه

بوسي انتي فين يا قطة
توتي هربتي و الا ايه؟
مروة
ندي
انتم فين لسة بدري علي الفري


يا بنات عندي سؤال
مين تعرف حاجة عن بذرة الكتان او جربتها او تعرف حد جربها
انا قريت عنها في المنتدي هنا و لما دورت لقيت فيه ناس بتقول ان لها اثار جانبية
مستنية ردودكم

وكمان شكلي كده هأفتح الموضوع الجديد بريجيم الأسبوع ده
أعتقد ان مش مشكلة التبديل بين الأسابيع
و الا ايه رأيكم؟

اه نسيت
الفطار كان زبادي
و الغدا مسقعة دايت + 1/2 رغيف + سلطة
و العشا لسة مش عارفة
و نزلت مشيت شوية
و شربت 2 كوب شاي أخضر بالنعناع حتي الأن

[ريم اسلام]

بيرو بصي انا قريت عنها كتير وفي ناس تقولك نزلت عليها 17 كيلو كله كلاااااااااام ع الفاضي
جربتها لمده شهر ونصف ولا جابت اي نتيجه ولا نقصت كيلو مع اني كنت منظمه اكلي
احسن حاجه يا بنات الرياضه والرجيم واسالو مجرب ولو عايزه تساعدي بحاجه ممكن دواء يكون اامن بس الحاجات بلاش لانها مش مصرحه من وزاره الصحه زي الادويه


بنات انتو فين
حمااااس يلا هنخس يعني هنخس
انا فطاري كان معلقتين لبنه مع شريحتين توست
وشربت شاي بس بمعلقه سكر علشان سكر كاندريل كان خلص وهنزل اجيب انهارده
الغدا كان قطعه ستيك مع شوربه خضار ومعلقتين ارز اسمر
العشا هيكون زبادي
ان شاء الله هنزل امشي ساعه دلوقت
اشوفكو لما ارجع يا سمبتيكات

[ايمو]

برافو الف سلامه على ابنك حبيبتى شفاه الله باذنه
مرسى يا برافو شفتى القاسين عايزين يعملوا فيا ايه

شو شو امشى 7 ساعات بقى كده ا كانش العشم

انا مشيت تانى يعنى مرتين و لعلمكم جميعا و مع انى عكيت بس ايه

حنخس يعنى حنخس

[سلمى حبيبتى]

انا جيت يا بنانيت هاااااااااااااى
برافو حبيبتى الف سلامه على ابنك
وان شاء الله يكون احسن
ابقى طمنينا

ها يا بنات يا سمباتيك ايه اخبار الشيكولاته اقصد الريجيم
هههههههههههه بمزح
بيرو الدكتور قال مفهاش حاجه والا كل شويه هنفكرك وبعدين معاكى انا اقصد عن تبديل الاسابيع لكن موضوع بذره الكتان دا بصراحه قريت كتير عنه بس فى ناس بتخوف منه وناس لا
فا يا اختى هى الحكايه مش ناقصه خلينا كده احسن
نظام صحى +حركه= متعه

[سلمى حبيبتى]

بنات ها هنخس يعنى هنخس
الفطار كان بيضه مسلوقه وبابا غنوج ونص رغيف وسلطه

الغدا كان قطعه مكرونه دايت وسلطه

العشاء زبادى و1 فاكهه