lι.ιlιlمتميزة*.. بـــدائـــل لمنتجات الألبــان المتنوعة .... من معمل بطوطة ..lι.ιlιlι

[صاحبة الـ@ـسك]

صــنع فى معمل بطـــوطة هههه

على رأى أم نور

الموضوع ده لملف مقدار وبديل
بقالى بأعمل فيه أكتر من أسبوع
علشان خاطر عيونكم
يا رب يعجبكم

كام مرة جيتى تعملى كيكة
أو طبخة ولما تقرى المقادير
بتلاقى مقدار من منتجات الألبان ناقص عندك؟
أو مثلا مش موجود أصلا
فى دولاب المطبخ؟

لبن رايب- زبادى - كريمة الطبخ
لبن مكثف- لبن مبخر وهكذا

لو ده حالك زيي والسوبر ماركت
لازم له نزوله وتآخدى العيال وشغلانة
هتكسلى وتقولى بلاها طبيخ

لأ المرة دى تعالى وأنا أقول لك تتصرفى إزاى
بس على شرط.....<< لسه ما شفناش منك حاجة وبتتشرطى
تدعى لى بالخير كله

[صاحبة الـ@ـسك]

بسم الله توكلنا على الله


أولا : اللبن المبخر
Evaporated Milk

أعتقد ده بتسموه فى دول الخليج لبن أبو قوس أو لبن الشاى بيدخل فى عمل أنواع كتييير من الحلويات وإن شاء الله أبقى أعمل لكم منها
اللبن ده عبارة عن لبن عادى لكن مبخر يعنى متشال منه نسبة كبييييرة من المية اللى فيه

علشان تعملى كوب من اللبن المبخر
هتحتاجى 2 كوب وربع لبن عادى
نجيب الحلة ونرشها زيت خفيف قوى قوى
وتحطى فيها مقدار اللبن على نار متوسطة
وخللى عينك عليها مهم قوى وتقلبى على طول
علشان اللبن ما يلزقش
وأول ما تشوفى اللبن إبتدا يطلع منه بخااار
خلووووو باااالكم بخاااار مش بيغلى ولا بيبقلل
يا دوب بخااار توطى النار على طول
هااااادى خالص على أوطى درجة
وتقلبيه كل شوية





تفضلى تقلبيه كل شوية وتآخدى بالك منه هيآخد حوالى ساعتين أو ساعة ونص حسب بوتاجازك المهم
عايرى اللى طلع من الحلة لو كوب تبقى كده مظبوط
لو أكتر رجعيه تانى فى الحلة وخليه على نار هادية
ممكن يطلع عندك وش كده أنا بأصفيه فى الآخر
وأهه بعد ما طلع كوب عيارى بالتمام والكمال



طبعا هتيجى واحدة كسلانة زيي وتقول لى
حرام عليكى يا أم حسن ساعتيييييييين علشان
أعمل كباية لبن ومش هأطبخ كده
هأقول لك فيه طريقة متآخدش ثوانى
لكن طبعا مش بتدى نفس الطعم لكن ممكن لو مستعجلة
فعلا ومش قادرة تستنى

لو عندك لبن بودرة حطى 2/3 كوب لبن بودرة
مع كوب إلا شوية ميه فى برطمان
وهزيها جامد لغاية لما يدوب
وبس فيه أسهل من كده؟



نسيت أقول لكم طبعا اللبن يحفظ فى علبة محكمة الغلق
لمدة من 3 إلى 5 أيام بالتلاجة

[صاحبة الـ@ـسك]

الـزبـــادى

طــريقته سهلة جدا جدا

5 أكواب لبن حليب
5 معالق كبيرة زبادى جاهز فريش جدا
علبة نضيفة تحطى فيها الزبادى

وبس

أكتر حاجة كانت بتضايقنى هى غلى اللبن
داااايما يشيط منى ويلزق فى الحلة
وخصوصا إن البوتاجاز هنا كهربا مش غاز
ولغاية دلوقتى مش متعودة عليه بيشعوط لى الأكل
حلوة بيشعوط دى
المهم لتفادى الموضوع ده إبتكرت طريقتين
أولا ممكن تحطى اللبن فى مثلا برطمان أو حلة وتعملى لها
حمام مائى يعنى تحطيها فى حلة تانية أكبر فيها ميه ونغلى الميه
لغاية لما اللبن يغلى
الطريقة الثانية
تسخنى اللبن فى المايكروويف دقيقتين دقيقتين لغاية
أما يغلى بس خلى بالك لا يفور

بس خلاص خلصت أغلس حته
سيبى اللبن يبرد يكون فااااتر مش باااارد
ونخلط الزبادى فى كوب خارجى مع شوية لبن من
اللى سخناهم لضمان الذوبان
ثم نضيف الزبادى إلى باقى اللبن ونحركه
تحطيه فى العلبة وتقفلى كويس
ثم يوضع فى مكان دافئ زى البوتاجاز مثلا

وللحلوين اللى فى بلاد متجمدة زيي فيه طريقة ظريفة
هاتى الكولمان بتاع الأكل اللى بتطلعى بيه الرحلات البوكس ده
وحطى فيه الزبادى ومعاهم 2 أو 3 زجاجة مثلا بيبسى وإمليها
مية سااااااااااااخنة وإقفلى عليهم وسيبيهم لحد الصبح
مش كل شوية تفتحى علشان الكولمان ما يفقدش الحرارة
وتمتعى بأحلى زبادى بيتى

لو مش بيجمد الزبادى معاكى بسهولة
ممكن تضيفى 1/4 كوب لبن مجفف زى النيدو

بس إن شاء المولى يجمد

وده رابط الحبوبة أم هيا وحارث فيه الطريقة
بالتفصيل الممل

جزاها الله عنا خيرا

http://www.lakii.com/vb/showthread.php?t=521686







طبعا الزبادى غنى عن التعريف
على الأقل تعملوا بيه سلطة زبادى بالخيار والثوم يم يم
وكمان روووعة فى تتبيل المشاوى

طيب هتقولوا لى يا أم حسن الله يهديكى نسيب الزبادى
8 ساعات تكون الطبخة شاطط على النار

أقول لك ممكن تستبدلى 1 كوب زبادى فى أى طبخة
بالآتى
1 كوب لبن رايب
1 كوب ساور كريم ( الكريمة الحامضة) أو يقال عنها الفريش كريم
1 كوب جبنة ماعز طبعا قلبيها كويس

ومن التجارب احسن بديل هو الساور كريم

[صاحبة الـ@ـسك]

اللبن المكثـف ( المركز)
Condensed Milk

اللبن المكثف ده بقى حكايته حكاية أمووووت فيه
من وأنا صغيرة كان ممكن آكله بالمعلقة كده
ومع ذلك كنت رفيعة وسمباتيك
إنما دلوقتى ... إحم العرض عرضين هههه

فيه طرق كتييير لعمل اللبن المكثف
لكن أسهلها وأسرعها اللى من غير طبخ
بصراحة أنا مجربتش باقى الطرق
هى بس الطريقة دى

المقــــادير
1 كوب لبن بودرة
1 ملعقة زبدة
1 كوب سكر
1/2 كوب ماء مغلى ساااخن

الطـــــريقة

كله فى الخلاط الكأس
حتى يمتزجوا تمااااام
( حاولى تخلطى اللبن والمية الأول
بره فى وعاء علشان اللبن ما يكلكعش )





يوضع بالتلاجة ثم يستخدم


الطريقة دى بتدى لبن هااايل فى عمل الحلويات
وإستخدامه فى الوصفات
كمان بيكون جميل جدا مع النسكافية
لكن لى ملحوظة طعمه معجبنيش مع الشاى
لييييييييييييييه ما أعرفش؟؟؟؟؟!!!!

[صاحبة الـ@ـسك]

اللبن الرايب
Buttermilk OR Cultured Milk


1 كوب لبن رايب فريش جدا يعنى تكونى فاتحة العلبة
مش كتير

3 كوب لبن حليب

الطريقة
نخلط المكونين مع بعض كويس جدا
ويوضع فى مكان دافئ مدة
لا تقل عن 24 ساعة

هتلاقيه فصل شوية لبن وعليهم مية
ما تقلقيش خاااااالص هو بيكون كده
رجيهم على بعض وإستخدميه
بديل لللبن الرايب فى أى وصفة

ملحوظة : اللبن ده بيدى نتيجة هااايلة فى الطبخ
لكن ما ينفعش يتشرب كده زى اللى بنجيبه من السوبر ماركت
مش بيكون فيه الطعم اللاذع والحامض بتاع الجاهز فيه ناس بتضيف عليه
نقطتين ليمون لكن تجربتى بتقول برضه طعمه مش زى الجاهز
يعنى أنا أستخدمه بديل فى الطبيخ والمعجنات وكده
لكن أما أحب أشرب وأتمزج من اللبن الرايب
بصراااااحة شديدة أجيب الجاهز

الصورة دى بعد يوم الدنيا عندنا هنا ساقعة جدا
فمعملش التخمر المناسب
بالتالى سيبته حوالى يومين




هنا بعد يومين تلاقيه بيعمل طبقه على الكوباية كده



أتمنى يكون مفهوم قصدى إيه

طريقـــة أخرى صعبة

الطريقة دى ما جربتهاش مشكلتها معايا دلوقتى
إنها محتاجة جو حااار يعنى هنا
ممكن أقعد جنبها إسبوعين وما تتعملش كويس

ممكن أبقى أجربها فى الصيف

الطريقة دى من الأول خااالص يعنى مش محتاجة بادئ
starter

كل الحكاية تجيبى كباية لبن وتغطيها كويس وتسيبيها كام يوم
لحاااااد ما تتخثر كويس قوى ولازم اللبن يكون فريش

ضيفى على الخليط السابق 4 أكواب لبن فريش تانى
وإخلطى كويس وسيبيهم كام يوم

وهكذا لغااااية لما اللبن يوصل التخمر بتاعه للمستوى المطلوب
من حيث الكثافة والطعم

طــريقة سهلــة خااااالص

طريقة كمان فى 5 دقايق بس وبتدى نتيجة هااايلة
بالذات فى المخبوزات

1 معلقة عصير ليمون أو خل أبيض
1 كوب لبن

يمتزجوا مع بعض وسيبيهم 5 دقايق فقط
وإستخدميه بديل سريع للبن الرايب

[صاحبة الـ@ـسك]

كريـــــمة الطبـــخ
Heavy Cream

كريمة الطبخ هى عبارة عن لبن لكن الدهون فيه كتير حبتين

البديل ده أحسن صحيا من اللى فى السوبر ماركت
وسريع لو ما عندكيش

كل اللى تحتاجيه
3/4 كوب لبن
1/3 كوب زبدة سايحة

سيحى الزبدة فى المايكروويف
وبعدين سيبيها تبرد شوية
وأضيفى لها كوب اللبن حبة حبة مع التقليب المستمر
بس خلاص إستخدميها بقى زى ما إنت عايزة
فى وصفات الطبيخ

ملحوظة: يفضل تستخدمى حليب كامل الدسم
طيب لو معندكيش غير قليل الدسم
ضيفى معلقة واحدة دقيق أو نشا
بس لزيادة الكثافة بتاعته

[صاحبة الـ@ـسك]

الكــريــمة الحــامضــة
Sour Cream

ودى ليها كذا طريقة حسب الإستخدام
ممكن تستخدمى الآتى بدل كوب واحد من الكريمة الحامضة

لعمل الصوصات : 1 كوب زبادى + 1 معلقة صغيرة دقيق + 2 معلقة صغيرة ماء

أو

1 كوب لبن مبخر + ا معلقة صغيرة عصير ليمون أو خل أبيض

للمعجنات : 1 كوب زبادى + 1 معلقة صغيرة باكينج صودا
أو
3/4 كوب لبن رايب + 1/3 كوب زبدة

لصوص التغميس : 1 كوب زبادى إتركيه فى شاش أو قطعة قماش
على الأقل 30 دقيقة حتى يكون بالسمك المطلوب
ممكن تتركيه طول الليل بالتلاجة

[صاحبة الـ@ـسك]

ملاحظـــاتى الهـــااااامة جدا جدا

أولا: أغلب هذه البدائل تحتاج إلى مكونات فريش سواء
لبن أو البادئ ( زبادى أو لبن رايب ) لضمان
نجاح عملية التخمر

ثانيا: أيضا يجب أن تكون الأوعية المستخدمة نظيفة جدا
ويا ريت لو يتم تعقيم الأوعية بالماء المغلى
بالذات فى الزبادى واللبن الرايب

ثالثا: مثلا اللبن المبخر واللبن الرايب والمكثف
مش بيكونوا بالكثافة بتاعة المنتجات الجاهزة
ليييييييييييييييه؟
لأنهم بيضيفوا عليها مواد لزيادة الكثافة تسمى
Thickeners
زى الجيلاتين والبكتين ومواد أخرى صناعية
ما تخافيش ده ما يخليناش ما نعملهاش فى البيت
أبدا ممكن إنت تضيفى عليها الجيلاتين
ولو إنى أفضلها كده كويسة برضه
وبتقوم بواجبها فى الطبخات

أخيرا : أرجو أن تكونوا إستفدتم من البدائل دى
وإنتظرونى وأنتظركم فى تطبيقات بإستخدام البدائل

وما تنسونيش وأهل بيتى فى الدعوات

[أحلى بيرو]

عمالة امسك نفسى علشان ما اردش قبل الموضوع ما يخلص


تابعتك وانتى بتعملى الموضوع .. وصفة وصفة



ايه الجمال ده يا بطوطة



بجد موضوع جميل وكل الوصفات فيه تحفة


حاجات كتير ماكنتش اعرفها عرفتها دوقتى وان شاء الله اجربها


الله يبارك لك فى صحتك وفى اهل بيتك


وترجعى لنا بألف سلامة يارب



شكرا ليكى من قلبى


خالص ودى وتحيتى

[صاحبة الـ@ـسك]

عمالة امسك نفسى علشان ما اردش قبل الموضوع ما يخلص


تابعتك وانتى بتعملى الموضوع .. وصفة وصفة



ايه الجمال ده يا بطوطة



بجد موضوع جميل وكل الوصفات فيه تحفة


حاجات كتير ماكنتش اعرفها عرفتها دوقتى وان شاء الله اجربها


الله يبارك لك فى صحتك وفى اهل بيتك


وترجعى لنا بألف سلامة يارب



شكرا ليكى من قلبى


خالص ودى وتحيتى

ههههه أهلا أهلا بيرو الحلوة

يشرفنى إن فنانة طبيخ زيك تتابع

موضوعى تسلمى لى يا قمر

وربنا يبارك فيكى ويتقبل دعواتك

آآآآآآآآآآآميييييييييييين

[noorelhoda]

ونا كمان منتظراكى تخلصى علشان ادخل فى الموضوع
ايه الحلااااااااااوه دى ماشاء الله ايوه كده خرجى المواهب الدفينه
وخلينا نستفيد بصراحه مجهود رااااااائع يا بطوط يا قطقوط يا عكروت يا كتكوت
دى الاغنيه اللى بتضحك رحمه بنتى جدااااااااااااااااااااااااااااااااا تاليف اختها نور الهدى
تسلمى يا حبيبتى ربنا يبارك فى اولادك ويهونها عالجميع

[صاحبة الـ@ـسك]

ونا كمان منتظراكى تخلصى علشان ادخل فى الموضوع
ايه الحلااااااااااوه دى ماشاء الله ايوه كده خرجى المواهب الدفينه
وخلينا نستفيد بصراحه مجهود رااااااائع يا بطوط يا قطقوط يا عكروت يا كتكوت
دى الاغنيه اللى بتضحك رحمه بنتى جدااااااااااااااااااااااااااااااااا
تسلمى يا حبيبتى ربنا يبارك فى اولادك ويهونها عالجميع

هههه ربنا يبارك لك فيهم آميييين
تعرفى الموضوع ده فى بالى بقالى سنة
و إتشجعت أعمله بسبب ملف مقدار وبديل
وإتشجعت أكتر لما شفت موضوعك الهاااايل عن الطحينة

شرفتينى حبوبة والله يهون علينا غربتنا

[lone~ly]

بطوطتى رااااااااااااااائعه بمعنى الكلمه


(موضوع جامد جدا )


موضوع رائع ومفيد

بارك الله فيك وبأهل بيتك

وما تحرمينا من طلتك الرائعه

[ام مرمر و ليلو]

راااااااااااااااااااائعة يابطوطة
موضوع رائع حبيبتي
تعرفي اني امبارح قمت بكتابة وتحميل صور عن الزبادي
وزبادي الفاكهة
والقيمر
وقب عملي الارسال انقطع النت؟
والله وانجنيت لاني تعبت فيه
ربي يجزيك الجنة
ويبارك فيك
بس عندي معلومات لكِ
السور كريم انا عملت بديله بركن الحلويات
السور كريم ا ووووو الكريمة الحامضة
هو عبارة عن كريمة او قشطة يوضع لها زبادي
وتتعمل مثل الزبادي بالضبط
والبديل لها
قشطة مع زبادي بكميات متساوية
بارك الله فيك

[د.سوسن]

ما شاء الله
ابدااااااااااااااااااااااااااااااااااااااااااااااا ااااااع
الله يجزيكي كل الخير

الى المفضله طيران