سندس اهلا بيكى حببتى
تى لو طريقتك فى الوقت مختلفه عننا الا اننا بنستفيد برده
موضوع البقدونس والكزبره ده
لما بتقطعيه وتحتفظى بييه فى الفريزر لو جيت اخرجه
بيطلع ازاى
دبلان وكله ميه خضره؟؟؟؟؟؟؟؟؟؟؟؟؟؟؟؟؟؟؟؟
ولا اييه
لانى للاسف للاسف بييبوظ منى كتير اوى اوى
الرز انا بجيب شييكاره كبيره وانقيها كلها واقسم الرز على اكياس صغيره كل كيس
على قد الوجبه
هندام الفينو شييليه فى الفريزر وهو لسه طازه ودافئ ولو قعد اسبوعين بيخرج من التلاجه يفك
وحتلاقيه على نفس حالته اللى وضعتيه بيها

السلام عليكم
حبيبتي ام نور وباقي الاخوات
احنا بالعراق مانستخدم الرز الصغير (المصري)
نستخدم رز العنبر وهو من اطيب والذ انواع الرز بس للاسف موجود فقط في العراق
فنستخدمه في المحاشي
وطبعا الرز مابيصيرله اي شي
لان الرز مابنقعه كثير في المي قبل اللف وبعد اللف على طول في الفريزر
وطبعاً اغلب العوائل العراقية بتعمل نفس الشي
وخصوصاً اذا في عزومة عندك بتحضريها قبل كم يوم وترتاحو

ام نور
انا برضو بجيب الرز بالشكارة بيجيلي من البلد بس بخاف يسوس بحط عليه كيس ملح وبقلبه كويس ممكن يعد سنة من غير ما يحصله حاجة
انا كمان عمل اسمبوسك وبحشيها واحطها في اكياس في الرفريزر واطلعها قبلها بربع ساعة بس تفك واقليها
والبيتزا والمعجنات بنتي بتحبها فبعمل كمية واسويها واحطها في الفريزر واطلعها اسخنها، بس البيتزا من غير الجبنة، اما اطلعها تفك واحط الجبنة وعلى الفرن
وكمان البطاطس بجيب كمية واقليها نص قلي واصفيها واحطها في اكياس على قد المرة وفيالفريزر ولما بتتقلي بتبقى زي الجاهزة تمام، وبعمل كدة بالذات في الشتا لموسم الصيف عشان البطاطس الصيفي زي ما انتم عارفين
والسينابون كمان
بعد اما اقطعه احطه وحايد في الفريزر، واطلع منه لما احتاج اسيبه يفك ويخمر واسوويه

ماشى يا نور انا هديكى كام جنيه كده فى الخباثه ههههههههه بس اوعى تقولى لحد هههههههههههههه ربنا يخليكى لينا انا فهمتك يا جميل متخفيش انتى موضحه حلو اوى انا فهمت قصدك ومعاكى طبعا ...

hiاه والله حبيباتي الغاليات انا بحط الخبز بالفريزر وكمان بواقي الاكل احيانا زي الملوخيه الباقيه بحطها في علبه وافرزها وكمان احيانا بحط بواقي اللبن المطبوخ والفاصولياء مرات بكونش جاي عبالي اطبخ بس بشيل الحاجه وبخليها يادوب تسيح واسخنها وعادي اختصار للوقت وتوفير كمان

فعلا ياخالتو ام موسى معاكي حق
انا كمان بعمل كدة حتى لوطبق صغير بفرزه والشوربة طبعا وخصوصا اما تكون شوربة حلوة زي شوربة البط مثلا اشيلها لصينية رقاق معتبرة، او حلة محشي من السنة للسنة
وطبق على طبق من بواقي الخضار دي باطلعها مع شويةرزطازةوسلطة بتبقى وجبة كاملة ماشاء الله

مختفية

انا ماجربتش طريقةالجلاش كدة هيا فعلا شكلها خفيف وسهل باذن الله اجربها
بس حكاية انك تحطي البيض واللبن من قبل السوا مش بيعجنها؟ لاني بحطهم بس قرب ما تحمر احطهم وادخل الصينية تاني الفرن حوالي 5 دقايق كدة وبس
بتبقى جميل

نايس

فكرة برضو رائعة انك مش بتحطي سمنة خالص للجلاش، بيبقى حلو ومورق وللا بيبقى حتة واحدة؟

فرح
لا يا حبيبتي الجلاش بيبقي عادي خالص مورق طبعا ومش ممكن حد يعرف ان مفيهوش سمن وعلي فكره البسبوسه بعجنها بزبادي ومن غير سمن نهائي وبتطلع زي بتاعت المحلات بالضبط وبشهادة الناس

ازيكم يابنات
اخبار التوفير ايه
ام نور وصلنا لكام
مرسي ياجميله لسؤالك وربنا يديك الصحه والعافيه يارب

نايس
والله كويس جدا لان انا من انصار الاكل الصحي ومش بحب احط دسم في الاكل خااااااااالص، اولا لاني دبدوبة وربنا يسهل واخس
ثانيا ودة الاهم انه بيبقى تقيل على الفاضي، طبعا بيبقى حلو، بس ليه نعمل في نفسنا وفي ولادنا وعيلتنا كدة
انا كل الخضار تقريبا بعمله ني في ني،
التورلي ، صينية البطاطس والكوسة بالفراخ من غير ولا نقطة دسم كفاية اللي في الفراخ، واوقات بشيل الجلد، وبتوفر وقت كمان جامد جدا تقعي وتتبلي وفي الصينة كله مع بعضه وخلاص
حتى البشاميل مش بعمله بزبدة غير في المكرونة بالبشاميل وبيبقى نصه لبن ونصه شوربة
اما اللزانيا على البارد

ام الحلوين بيبي
ازيك ياقمراية؟
وازي الولاد؟
ربنا يطمنك عليهم يارب

سندس جميل اوى كل اللى قولتية جزاكى الله كل خير
فرح عندك حق بس قوليلى نى فى نى تقصدى بيه انك بتحطى اللحمة والطماطم والخضار مروة واحدة
ولا اية ؟

ام فرح
وانا زيك بالضبط في كل الي ذكرتيه وعلي فكره انا مكنتش قاصده اني محطتش سمن انا نسيت بس وفودئت بالنتيجه واعتمدتها
حتي البيتزا العجينه مره نسيت احطلها زيت وطلعت رهيبه جدا

ممتاز يا نايس

لولو
بصي ياستي
ني في ني لو بلحمة يعني مثلا بامية ، بسلق اللحمة نص او تلاتة ارباع سليق
واجيب طاجن واقطع فيه بصلة وتومة وملح وفلفل اسود واهرسهم بايدي كويس لحد ما البصلة تطلع ميتها ، بعد كدة بحط البامية اللي هي طبعا متوضبة وجاهزة عندي، واللحمة وشوية شوربة من اللي اللحمة اتسلقت فيهم، وكوباية طماطم معصورة في الخلاط، وعلى الفرن عدل
وممكن تعملي طاجن تورلي باللحمة المفرومة بيبقى يجنننن، كله ني حتى اللحمة المفرومة وبنفس الطريقة، وعلى الفرن
وممكن بقى اكلة بموت فيها هيا تعتبر تورلي بس من غير عصير طماطم بتبقى ببصل وفلف اخضر وطماطماية كبيرة واحدة متقطعة صغير والخضار مع بعض وملح وفلفل اسود وبهارات فراخ لو هستخدم فراخ وورقة لورا، وكله مع بعضه اتبله ممكن من بالليل، وطبعا الفراخ معاهم واادخل في قلبها التتبيلة ومن براها والملح وكله، وفي فويل احط كله مع بعضه، واغطيييه كويس ، يتكمر بعد ساعة تقريبا او ساعة وربع افتح الفويل عشان الفراخ تاخد وش دهبي جمييييل
وممكن بدل الفراخ لحمةمفرومة بس بتتبل زي الكفتة بمية بصل وملح وفلفل وتعمليها كور وفوق الخضار وبرضو في فويل تغطيها، وفي الاخر تفتحي عليها بس تاخد وش
والبطاطس والكوسة نفس الطريقة ني في ني بقطعهم وبتبلهم بالبصل والفلفل اللاخضر والتوم وملح وفلف وادعكهم كوييييييييس مع بعض والفراخ كمان واسيبهم مش اقل من ساعتين عشان التتبيلة تدخل جوة الفراخ كويس، بس اهم حاجة تقطعي سوا الكوسة او البطاطس شرايح مش رفيعة عريضة شوية عشان ما تتهريش قبل ما الفراخ تستوي

نايس
انا ام حبيبة
وطبعا شكرا ليكي على الاقتراحات الحلوة دي ربنا يكرمك باذن الله اجربها واقولك