ღღوصفات متميزةღღسفرتك الرمضانية لشهر رمضان المبارك "متجدد" ^^ الجزء الثاني ^^

**ابريكه** · 24-08-2010, 12:11 AM

ماشاء الله ماشاء الله
ارنوسة
ان شاء الله ديمة ملتمين عالخير
وصفرتكم روعة
وكسكسوك يجوع ياكبدي
الووووووو
صحيحة فطوركم
وكل حاجة من يدياتك اكيد غير
العجولة
ماشاء الله عليك خويلة
وفروت سلطة روعة طالع منك
كيف رتبتية
ونبي منك خبزة الشاورما خليتلك مسج مارديتي
اكتبيها ليه
وماشاء الله علي بنات بلادي
مبدعات كلكن
وربي يحفظكن
ام السنفور
اي درتة باللحم ومعاد بنخليها طريقتك روووووووووووووووووعة
نوسة يا نوسة
لك وحشة والبوريك الاظرف طالع مرتب ماشاء الله

**ماما الاء** · 24-08-2010, 12:11 AM

تفضلو
صفايح على بيتزا

كنتاكي

عجولة يا روحي
كل يوم تخليني نتحشم من روحي على الروايع اللي تقدمي فيها
صحتين عليكم احلى فطور
ومنظر الكفته حاجة مش عادية
والدجاج خليه بروحي
يمي يمي يمي

**العجولة** · 24-08-2010, 12:17 AM

خويله هذي طريقة خبز الشاورما
4ك دقيق
كوب حليب نيدو جاف
ملعقة خميرة فورية
طرف بيكنج بودر
بيضة-ملح-سكر-قليل من الزيت وتعجن بالماء حتى تكون عجينة متماسكه
أم اللول مشاءالله عليك البيتزا والكنتاكي هبلو صح أيديك ياغاليه

**ميلا** · 24-08-2010, 12:18 AM

السلام عليكم
صحة فطوركم جميعاً

ماما الاء شكراً ليك انتي سباقة بفعل الخير

كيتي حبيبتي انتي ربة بيت ناجحة ماشاءالله تشتغلي ودريري فالفطور السمح
على فكرة اليوم جربت خبزة الكسكاس امتاعتك وجدت روعة زيك
وسبحان الله القلوب عند بعضها تعرفي اليوم قلت في عقلي خاطري في بلح الشام ونبي نسأل الفالحات بلكي وحدة عنده طريقة مضمونة انديرها تعرفي نموت في الحلو واليوم اللي ما فيش طبق حلو نتعقد ..

ام السنفور ماشاءالله على فطوركم بالهناء

اريناس صحة ليك وان شاءالله في ميزان حسناتك وان شاءالله تاكليه في الجنة

العجولة ماشاءالله على الفطور وخاصة الدجاج المشوي قولى كيف دايرتيه حتى اني اندير فيه لكن الباين انتي اطيب وخبزة الشاورما هيا نفسها اللي نزلتيها السنة اللي فاتت ..

يارب ان شاءالله مجتمعين جميعاً في الجنة والله نحبكم وكاين نعرفكم من زمان

**ابريكه** · 24-08-2010, 12:19 AM

ام السنفور
اة عالبكبوكي محلا جوها وصحيحة فطوركم
كيتي يلي لولاك ما التقينا هنا من جديد
واستفدنا من بعض
وروح الحب والتعاون اللي بالملف تخليك كل يوم تفتح عليه وتحس كانك مع اهلك وناسك
الله يفرح قلبك بلي في خاطرك
وصحيحة فطوركم
وبنجرب الصفائح باذن الله زيك

حبيبتنا حبيبة زوجها
يعطيك الصحة وخلاص
والله انك ماشاء الله عليك
وعلي افكارك المتجددة
حنونة
غيدونا نرجوسة ميلا
الطائر الازرق
يارب ما نسيت حد
كلكم ماشاء الله عليكم ويعطيكم الصحة ويبارك فيكم
وياااااااااااارب ما نسيت حد

**lola9670** · 24-08-2010, 12:21 AM

**omarafa** · 24-08-2010, 12:24 AM

السلام عليكم ورحمة الله وبركاته :::

تبارك الرحمن ماشاء الله ,,, سفر حاجه تانيه يعطيكم الصحه,,,

والله لا أني ولا شنبيري ولا صغاري ياكلوا هههههههه بجديات ,,, اول أيامات انتكم في السفره ونرجع بيها للكوجينه ناقصه شويه ,,,الحق بعدها قعدت معادش انكتر يادوب شريبه عربيه ومعاها حاجه حاره وفطيره وسلايط ,,, وحلو ,,, قصيت قصة حياتي ,,,

سلام مربع لكل الأخوات وخاصة لولي ,,, وسنفوره ,,, وملكة بنقابي ,,,وسويتا الحبابه ,,,واسومه الحاضره الغايبه (سمايل دموعه محبوسات ),,, وامون وكمون الحاضرات الغايبات حتى هما ,,,هنوو وحنونه ,,,, وجوري (العودأحمد ) ,,,وكل من يعرفوني منبي ننسى حد ,,,استاحشتكم,,,

**العجولة** · 24-08-2010, 12:36 AM

حبيبتي ميلا الدجاج
شدي عندك الطريق
خلطي ملح وبهار أبيض وفلفل أحمر وفلفل اسود وكمون حوت وثوم مرحي
كان ماعندك عادي مفروم وعصي ليمون وخل وزيت
وضيفيلهن ورق غار وحبهان وأكليل الجبل وخلطيهم باللبن
وتبلي الدجاج بالخلاطه هذي خليه يقعد متنقع فيهم
وبعدها حطيه في الطاجين في الفرن
مانحكيلكش على الطعمه

**التا ئبه لله** · 24-08-2010, 01:11 AM

السلام عليكم مشكورة اختى ام السنفور سفيرتك اتهبل ان شاء الله بصحة اختى ام اسيل الله ايبارك فيك على الرد الله يفتح عليك

**ام السنفور** · 24-08-2010, 01:11 AM

صحة شريبتكم

الطائر الازرق
سالتينى علي طاجين الملسوقه
خودى طاجينك وادهنية بشوي زيت او زبدة وديري فيه ورق الملسوقه من تحت ومن الجناب وبعدين دهنت القاع ( فوق طبقة الملسوقه طبعا ) بهريسة عربية وفوقها بطاطا مكعبات مقلية وفوق منها دجاج قطع صغيرة مسلوق او من غير سلق وتشوحيه في بصل وزيت وزعتر وفلفل اسود وبعدين جبنة مبشورة او شرايح وتضربي دحي وتصبي فوق الحشوة ورشة زعتر وبعدين حطي ورق ملسوقه تانى ونزلي الملسوقه اللي في جناب الطاجين واضربي دحية وصبيها فوق الملسوقه وحطي في الكوشة لين اطيب وخليها تبرد شوي وقصى وصحتين عليكم

=======

اريناااس
يمى يمى امممم وااااو عزومة بتشهى كل شي احلى من بعض لاحظت الكسكسي الحمص مفصص احنى نخلو فيه بقشرته كخخخخ قوية ملاحظة صحتين والله شكله يسفه ويعطيك الصحة

=====
لولو

سالتينى علي كبتى الكدابة
تاخدي توست محولتيله الحاشية وتحطيها في ست البيت وتفرميه لما يتفتت صبي عليه شوي حليب حكة وشغلي الماكينة لين يبدا عجينة وبعدين شكلى واحشي ايي حشوة تبيها واقلي في الزيت

ياعينى علي الكنتاكى والبيتزا نهار اسعد يهبلووووو

========
عجولة
ماشاء الله علي سفيرتك تجنننننن والدجاج شورا عندكم فيه سر انتى وخويلتك يهبل من تحت يديكم
الله يسلمك يارب

======
ابريكه
والله فرحانه انه عجباتك الطريقه قوليلي درتيه بالزبادى؟؟؟؟؟؟؟

=======

ام عرفه
عاش اللي شافك
صار علي الخفيف معليشي هو هكى الواحد يجوع في النهار وبعد المغرب يلقى روحه مش جاعان لله الحمد

**النرجس الغالي** · 24-08-2010, 01:11 AM

مساء الخير صحه فطوركم اخواتى وهنى وعافيه شنو العزومه الحلوة اريناس مشاء الله محلاة جو اللمات صحتين عليكم
العجوله مبدعه فطورك يهبل بالعافيه ام السنفور المبدعه صحتين الفطور طاجين البوريك بالبطاطا كنت نبى طريقته ورحت لملف حنان ليبيالكن ياخسارة مسكرات الصور والشرح
وبلح الشام اللى عندها طريق
ه مضمونه تعطيها لى مجربه وتايبه لكن توة راح انجرب دام انتو تشكروفيه ماما الاء تشهى فينا ياحبيبه الف عافيه وهنا صفيحة البيتزا
والحقينا بكنتاكى مصر دام هو طريقه جديده من سلق
وصحتين فطور باقى اخواتى ويسعدهم

**النرجس الغالي** · 24-08-2010, 01:14 AM

وصلت فكرة الطاجين ام سنفور العسل تسلم ايدك وربى خليلك السيد على وتخاويه من قريب

**العجولة** · 24-08-2010, 01:17 AM

أم السنفوره منوره ياغاليه مشاءالله عليك وعلى وصفاتك كلهم يهبلو

**Haya** · 24-08-2010, 01:18 AM

والله الحق ماشاء الله عليكم
أريناس صحه على قلوبكم
ماما ألاء عجوله
شنو طريقة المحلبيه الحلوه
جزاكم الرحمن ألف خير

**ميلا** · 24-08-2010, 01:18 AM

مرحبا

هذا تطبيقي لخبزة الكسكاس للحبوبة كيتي

بس يابنات كيف تكتبوا في اسماؤكم على الصورة

ღღوصفات متميزةღღسفرتك الرمضانية لشهر رمضان المبارك "متجدد" ^^ الجزء الثاني ^^

تعليق

تعليق

تعليق

تعليق

تعليق

تعليق

تعليق

تعليق

تعليق

تعليق

تعليق

تعليق

تعليق

تعليق

تعليق