تويت
الله يسلمك أختي ام السنفور
لكن سفرتك ماشاء الله تفتح النفس والله
واني قاعدة نتعلم منكم والله
وصحتين على قلبك
لكن سفرتك ماشاء الله تفتح النفس والله
واني قاعدة نتعلم منكم والله
وصحتين على قلبك
-
-
السلام عليكم ورحمة الله وبركاته
ام سومة سلم ايدياتك وجزاك الله خيرا على الحاجات الحلوة واليو م جربت الدبلة حلوة هلبة
ام السنفور رحم الله والدك وغفر له واسكنه فسيح جناته اللهم آمين
غيدونا بسم الله ماشاء الله عليك
سويت عشي امبدع عطيك الصحة
هندة تبارك الرحمن
اريناس خبيزاتك شكلهم روعة تسلمى
ميلا والله حاجاتك تفتح النفس يسلمو
الاء يعطيك الصحة وان شاء الله فى ميزان حسناتك وعطينى طريقة القوارب ضرورى
ويارب منسيتش حد
ام سارة فطور يحل العين المغمضة سلم ايديك
وتوا بنوريكم سفرة فطورى واللى كانت متكونة من رز بالخلطة وبورديم دجاج (ياودى هى ماهى دجاجة شكلها ديناصور من الكبر فى الحجم هههههه) لكن طعمها مانحكيلكمش صنة وبنة وامهبزة ادوب فى الفم
وبوريك بالدحى وشربة وثلاث سلطات
وهذه صورة من جهة ثانية
وهذا بورديم الدجاج
والحلو كان كنافة بطريقة ميمي 28 الله يذكرها بالخير وين ماكانت
وسلامى للكلتعليق
-
ماشاء الله علي الفطور يا طائر ازرق والدجاجة تهبل شكلها ضحكتينى في الديناصورة
والحلو ماشاء الله عليه اي والله ميمي كان حضورها مش عادي بفنها واكلاتها ربي يعطيها الصحة ان شاء اللهاللهم اغفر لوالدى وارحمه وعافه واعف عنه واكرم نزله ووسع مدخله واغسله بالماء والثلج والبرد ونقه من الذنوب والخطايا كما ينقى الثوب الابيض من الدنس اللهم جازه بالحسنات احساناً وبالسيئات عفوا وغفراً يارب العالمين
تعليق
-
مرحبا بالجميع مرة اخرى
الطائر الازرق تبي الحق وله
هذا ديك رومي مش دجاجة
شنو هالتحفة هذي بسم الله ما شاء الله شكلها واضح انها بدعة ومبهرة واذوب ذوبان يمي يمي
عطيك الصحة والهني
وربي يرجع ميمي بالسلامة لينا والله مستااااااااااحشتهااااااااااا
النرجس الغالي اهي جت سنفورة وعطاتك الطريقة
بس بجد راه الخبزة تحفة والبصل عاطيها نكهة غير عااااااااادية
ميلا يا حبيبة اني ما عمري درت الشباكية لو تقصدي متاع العسلة والزلابية
الحق الحوش ما يحبوهمش بكل بس زينب محمد تقريبا منزلهتم قبل وعارفة انتي زوبة مافيش احلى من وصفاتها ومضمونة مية مية وشكلها غيدونة مدايرة شباكية اهي خبيرة فيها عليك وعليها ما تخليهاش في حالها ههههههه
بالنسبة للقوارب اني زمان كنت ندير في عجينة بعدين بديت ندير في عجينة الباف احلى واريح
ناخذ نطرحها بعدين نحطها على القالب ونحي حواشيها وننخصها بالشوكة ونطيبها لين تحمر
نوتي الحشو ونحشيها ونرشها بجبنة ونسيحها في الكوشة خمسة دقايق وتتاكل بالهني ان شاء الله
اليوم حشوتي كانت غير حبيت نغير شوية
خذيت صدور الدجاج درتهم شرايح شرايح بعدين قصيتهم خطوط خطوط وخذيت بصلة قرضتها مكعبات صغيرة وحطيتها على الدجاج
زدت عليهم شوية طماطم حكة وشوية كاتشب وعصرة ليم قارص وشوية طحينة وملح وفلفل اسود
خليتهم يتبلو كووووويس بعدين صبيت زيت في الطاوة وحطيت عليه الدجاج وقلبت كويس كويس لين طابو الدجيجات وطبعا ما ياخذش وقت اني مقرضة الدجاج خطيوط خيوط رقيقة
بعدين طفيت النار وخليتهم يبردو وزدت عليهم جبنة شيدر وفلفل حلو شرايح وزيتون وفقاع وحطيتهم في القوارب وبعدين زينتهم بجبنة وعلى الكوشة عدل وتاكلي بالهني يا سمحة
حسيت الشرح طويل وركيك ان شاء الله تفهمي كلامي بس
هندااااااااا يا هندااااااااا
تي شنو هالحركات هذي ما شا ءالله
وتصميمات وبهارات يا عيني يا عيني عطيك الصحة
سنفورة والله قداش ما خاطري في طاجين البرغر بكل احني ما يحبوشي يقولو هلبة دسم وما ياكله حد يلا صحتين عليكم انتو مع انه جي في عيني رسمي
وسلامي لكل الحبوبات
.. { إِنَّ رَبَّكَ لَبِالْمِرْصَادِ }..
تعليق
-
الله يسلم أختيالطائر الأزرق
بس فطورك روووعه ماشاء الله
وخاصة بورديم الدجاج زوجي يحبه هلبة وديمة يدير فيه
سفرة عامرة ان شاء الله
أختي ام السنفور معليشي لو تعرفي طريقة خبز الكساس ياريت تلحقيني بيها
درتها زمان مرة لكن نسيت الطريقة
ومشكورة مسبقاً
تعليق
-
ماشاء الله غيدونا
وميلا
والاء عطك السلامه الكالونى خطرتيه علياااااااااااا ومشاء الله الخبيزه وكباب الله الله -
وام ساره سفيره حلوه فى الجنه ان شاء الله بس تعالى قوليلى الحلو شنو هو ؟؟
وام سنفور -- صحه فطورك -- وخيرك مع الحلو يااامراه ردى بالك من السمنه !!!
وشكلك مدمنه حلو كيفى
طائر المساء ---------سفيره يااا سلام -- وخصوصاا الدجاجه متربعه فيهااا يااعينى
وحلو يهبل صحه فطورك
عجوله وهنواا ---------- وكيتى وهناء خالد وابريكه وينكم -- وين السفيرات السمحاتتعليق
-
اهلين وخيتي ام ريناس
عيونك الحلوة
وبالنسبة للحلو هو كريم كراميل
ورديت على اختي هند لما سألتني على الرد شفيه في الصفحة السابقة تقريباً
تصبحي على خير انتي وكل الاخوات
نتلاقوا غدوة باذن الله
تعليق
-
مساء الورد عليكم ياغالياتتعليق
-
ميلا يا حبيبة اني ما عمري درت الشباكية لو تقصدي متاع العسلة والزلابية
مما الاء اني اللي نقصدها الشباكية المغربية ..
سامحيني نحس في روحي تهشتكتعليق
-
اختي غيدونا
اسعفيني بطريقة الشباكية المغربية جت عليها الحالة
اني جربت اكثر من طريقة بس تجيني غليظو او معجنة من الداخل
كوب زبدة
ملعقة كبيرة سكر عادي
ملعقة صغيرووووووون خميرة بيرة ما تكتريش
كوب ماء دافي + ملعقة كبيرة ماء زهر (امس مش متوفر الزهر فتم استبدالهم بكوب عطر ومشى الحال)
بيضتين
رشة ملح
ملعقة كبيرة خل
وللتزيين جلجلان او لوز حسب الرغبة بس الوصفة الاصلية جلجلان
والطريقة
بعد ما تعجني العجينة وترتاح ربع ساعة تفتحيها رقيقة ( كل ما كانت ارق تجي تتقرمش اكثر)
وتقصيها زي ما في الصورة
ولكي مني كل الودتعليق
-
اهلا بيكم مرة ثانية
ميلا اني الحق ما نعرفهاش الشباكية المغربية
بس درت دورة في المنتدى ولقيت هالوصفات
على الرابط هذا تلقي الصور كاملات وبعد الصور في الرد الثاني تلقي المقادير والطريقة
http://www.lakii.com/vb/showthread.php?t=131873
وهني شباكية مغربية بطريقة ثانية
http://www.lakii.com/vb/showthread.php?t=587133
ومدام تجيك معجنة معناها زيتك سخون هلبة فانتي وطي النار وخليها تقلي براحتها لين اطيب وتحمر
مش عارفة مني سال على بوريك الدحي يبوه دحية رايبة ومقرمش من برة والله نسيت بالزبط بس المهم اهو نجاوب عليك
علي النار شوية وحطي البوريكة والزيت متعدل لاهو سخون لاهو بارد وقلبيه بسرعة لين تحصلي اللون المزبوط وش حتاخذ منك وقت هلبة
وننصحك خلي الطاوة فيها زيت شوية مش غارق هلبة
ام سارة تلقي خبزة الكسكاس في رد لكيتي في اول صفحة من الموضوع هذا
الله يبارك فيها هيا دارتها ونزلتها رمضان اللي فات
اريناس منورة والله
كيتي وينك اظهر وبان عليك الامان.. { إِنَّ رَبَّكَ لَبِالْمِرْصَادِ }..
تعليق
-
شكراشكرا ام السنفور الغاليى فعلا انا وراك وراك سامحينى ياورد ديما مغلبتك وانتى ماتقصرين ياحبيبه يارب يجعلها فى ميزان حسناتك وربى يرحم والدك ويوسع عليه اللهم امينتعليق
-
ام وسومه مساء الورد وبعد صباح العسل
ماما الاء الله يجازيك خييييييييييييير على قد ما تساعديى بكل الاخوات ربى يهنيك ويحقق اللى فى بالك يارب وتصبحو على خير يا احلى ناس رزقنياهم رب العالمين فلك الحمد ياالهى على هذه النعمهتعليق
-
يسلمو على الموضوع الجميلتعليق
-
الســـلام عليكم ورحمة اللـــه وبركاته
كيف حالكم وخياتي مبارك عليكم الشهر الفضيل
وان شالله ديما عالخير مجتمعين
والله استاحشتكم وبارك الله فطر مع العويلهي اللى فتحت الموضوع اللى لقيته لم الحبيبات كلهم
ويللا خلي نشارك معاكم
طبعا بما اني نفطر مع العويله فندير كل يوم في حاجه وحده بس
اليوم كان عليا طبق الشربه والحلو
فدرت شربة عربيه باللحم
شربة عدس
كيكة التمر بالقرفةتعليق
تعليق