-
-
هيااااااااااااااااااااا رانى نستنى ومعى الورقه وقلم ههههههههههههه
على فكره اليوم درت الكروكيت بالدجاج بس مازال شكله يهبل غير امتى يادن المغرب بيش ننتقم من السفره ههههههه
تعليق
-
يا عيني يا عيني شنو هالسفر الصقع هذو بسم الله ما شاء الله
تصدقو اهو يومين ما نقدرش نصور سفرة كاملة حاشاكم يصير عدوان ثلاثي وما يفظل شئ ينحط في السفرة ههههههههههههههه صحيحتين عليهم
ما شاء الله عليك يا سنفورة تهبل والله السفيرة والشربة تجي في الخاطر
اختي العجولة اهلا وسهلا بيك ما شاء الله سفيرتك تجي في الخاطر
وشكله في محشي بس ما قلتيش عليه وين وين بدسيه بس وراه وراه وين ما يمشي
كيتي يا حبيبية عندك علم المضووع تحول لليبي مية في المية مصلي على النبي علينا
درنا غزوووووووووووووو على المنتدى ما شاء الله علينا
على قولة نانا حبيبة قلبي
الحوت علينا ما ننعدو كيف جذور النجم نمدووووووووووووووووووو
قوليلي وين سفرتك اليوم
معليشي الصلاة تقبل منك حتى لو في وسط حوشك وحاولي تقري من المصحف وان شاء الله حتصلي تراويح وتختمي جزء جزء وربنا يتقبل منكم صالح القول والعمل.. { إِنَّ رَبَّكَ لَبِالْمِرْصَادِ }..
تعليق
-
صحة شريبتكم ماشاء الله يا العجولة صفرة دايمة وصحتين
وهادى صفرتى المتواضعه جدا
فيها الشربة عريس الصفرة ومعجنات مدورة وعلى شكل قوارب بحشوة كيتى قالتها في ملف اخواتى الليبيات ومعاها بيتزا وسلة الكنافه بطريقه الاء ( هههههههههههه غير هادو سوابيت )
هادو المعجنات
ان شاء الله يعجبوكم
سنفورة سوااااااابيت نمووووووووووووت فيهم
مية مية يا عسل.. { إِنَّ رَبَّكَ لَبِالْمِرْصَادِ }..
تعليق
-
صفرة اليوم الثاني وصلت
اليوم عملت شوربة عدس + كالوني بحشوة جديدة + كروسان بالجبنة + بوريك بطاطا بورق الملصوقة + سلطة خضرة
و هذه من زوايا أخرى
و هذه الصور منفردة
شربة العدس
و هذه طريقتها على هذا الرابط
شوربة العدس و فوائدها للصائم
الكالوني
و هذه طرريقتها على هذا الرابط
كالوني بحشوة حلوة هلبة
كروسان بحشوة الجبنة
درتها بنفس عجينة البوريك متاع أمس و حشيتها بالجبنة مدهنتها بصفار بيض و رشيتها بالسمسم و دخلتها بالفرن
و البوريك بحشوة البطاطا ( الملصوقة )
البطاطا طبختها و هرستها و حطيت عليها معدنوس مفروم ناعم و ملح و فلفل أسود و اعجنيهم كويس و احشي بيهم الملصوقة و اني حطيتها في الفرن لأنها أفيد من القلي
و ان شاء الله تعجبكم الصفيرة يا ربي
و أي سؤال اني حاضرة
و رمضانكم مبروك
تعليق
-
حبيباتي مهلبية ثاني يوم رمضان وصلت
مهلبية الشوكلاطة
و مقاديرها كالآتي :
3 أكواب حليب ( على حسب العائلة ... أني عائلتي 3 أفراد ) + 2 و نص ملعقة كبار نشا + 4 و نص ملعقة كبار سكر + ملعقة كبيرة و مش مليانة كاكاو + ملعقتين كبار قشطة بدون نكهة + شوية ماء زهر
نخلط الحليب و النشا و السكر و الكاكاو و ندوبهم قبل ما نحطهم على النار و بعدها نحطهم على النار و نقعد نحرك لين نحسها بدت تمسك نحط ملعقتين القشطة و ندوبها بسرعة و نحس انه الخليط بدي يتماسك و نسكر النار و نكمل في التحريك لين ادوب كتل القشطة و نصب شوية ماء زهر و نخلطها و نصبها في صواني و في الثلاجة طول و اول ما تبي تاكليها رشي عليها اي حاجة تحبيها و قدميها
و قدمت معاها فروتة صنع بيتي و من تحت ايديات عزوزتي الله يحفظها ... و رغم انها دارتها لكن رقدت و ما بتش تاكل منها قالتلي المية عبت بطني و ما خلتش ولا مطراح ليها...خخخخخخخ
و أي استفسار اني حاضرة يا بنات
و توا نقوللكم تصبحو على خير بنرقد وراي خدمة
سلام
تعليق
-
تبارك الرحمن عليكم ماشاء لله
ام سنفور سفيرتك تهبل وتسهف ماشاء الله
العجوله يسلمو يديات تهبل وصحتين
كيتي ماشاء الل عليك وتعرفي ماشاء الله الكروسان يسهف وتشكيلتهم مساويه تعرفي انا مايجونيش مساويات
واحده كبيره واحده صغيره هههههههههههههههه
ومهلبيه الله تهبل تعرفي جديده عليا متاع القشطه نشاء الله نجربها
وبمناسبه الفكره متاع الروابط لو مالقيتيش قولي للمشرفه تحطهم ولا تعطيك الخاصيه هاديتعليق
-
يسلمو ياكيتى على الحاجات النزكه والله
تعليق
-
مصلى عالنبى عليكم صفيرات يهبلو ويجو فى الخاطر وكل صفرة احلى من الثانية
ربي يسلم ايدياتكم ويحطهم فى الجنة
سنفورة جت فى خاطرى البيتسا والمعجنات اللى زى القارب والسوابيت ابعتيلى منهم على الدى اتش ال يهبلوا يهبلو الحق
العجوله الله الله ياعليك سفيرة تهبل بالصحة والهنى عليكم
كيتى ماشاء الله عليك الحق صفيرة مرتبة ونزيكة ومنظر اللى فيها يسهف وفعلا البوريك فى الكوشة اخف واحلى من القلى والمحلبية تهبل الحق
وربي يحفظلك عزوزتك ويونسك بيها صار وتت الفروته ومكلتش منها ههههههههههههههه
ربي يسلم ايداتك وايدياتها ويحهم فى الجنة
وبالنسبة لحشوة البوريك انى نزيد عليها فى جبنة مبشورة وزيتون وشويا دحى مضرب وشويا بيكنج باودر باش تخف الحشوةتعليق
-
صباح الخير
ان شاء الله رمضانكم مبروك ....وكل عام وانتم بالف خير
كلكم ماشاء الله منورات الموضوعالتعديل الأخير تم بواسطة اسيرة السهر; 23-08-2009, 06:24 AM.تعليق
-
كيتي يسلمو ايديك ياغالية عالصفرة الحلوة هادي ...منظر وطعم اكيد
وياعينى عل المهلبية وسلطة الفوكه انموت فيهم يسلموا ايديك وايدين عزوزتك
ربي يحفظكم لبعض
وما شاء الله عليك ما تقصري في الاجابة علي حدالتعديل الأخير تم بواسطة اسيرة السهر; 23-08-2009, 06:27 AM.تعليق
-
العجولة ...ماشاء الله عليك ...عيني عليك باردة
صفرة تجي في الخاطر ياحبيبة
ممكن لو سمحتي طريقة خبز الشاورما ..... والكباب وطاجين البيتزا ..ما يأمر عليك عدو ياغالية
التعديل الأخير تم بواسطة اسيرة السهر; 23-08-2009, 07:04 AM.تعليق
-
سويت الباين عليها عجينتك حلووووووووووووة هلبة
ان شاء الله نجربها في اقرب فرصة ياغالية
يسلمو ايديك على هالشغل الحلو ماشاء الله طالعين يهبلوا وبذات الخلية والمراوح ولفائف الن ...قوليلي انتي شن خليتي هههههههههه فعلا بدون مبالغة كلهم يهبلوا
ماما الاء ...روني...نانا ....جميلة الكون ليكم وحشة ...ياغوالي وينكم
ماما الاء ...وين ابداعك اللي معودتنا عليه ...مازلنا نستنوا
تعليق
-
انا عندي مشكلة مع تنزيل الصور
لما نحط تصفح يفتح معاى عادي بس لما نحدد الصورة اللي نبيها واندرلها فتح يعلق الجهاز وماعادش يستجيب يعني بالاصح يودر
وما يشتغلش لين نسكر المتصفح مرة وحدة ويطلعلي هذا البرنامج لايستجيب ...
في وحدة صار معاها هكي ...ياريت تردوا عليا زعما شن الدوة
على فكرة البارح فطورنا شربة وحساء وطاجين البطاطا بالمفروم وخبيزة محشية بالتن والجبنة والزيتون والهريسة وطعمية وبيتزا وبراك بالاضافة الى السلطة...عاد البارح اول يوم وكنا ملتمين
وعملت للحلو اسليلة ماما الاء حشيتها الواز صحيحة وبسبوسة
واليوم ...كان شربة وحساء دائما وابدا ومبطن البطاطا وخبز التوست محشي ..واسياخ الدجاج
بس الصور الله غالب ماصارش منهم
التعديل الأخير تم بواسطة اسيرة السهر; 23-08-2009, 06:59 AM.تعليق
-
الباين عليا نهدرز بروحي
هي سلامات ....وانشوفكم في اقرب وقت
تعليق
تويت
تعليق