** ملف متميز ** السفرة الرمضانية لشهر رمضان يوميا و لجميع الأطباق

مش تاكلو في دار حنين؟؟؟؟؟؟؟؟؟؟؟؟؟؟

شينو قصدك حبيبتى

اهلين بكل الزينات الفالحات
وسلمهم نشادين عليه
شانتيل ماشاء الله عليك وعلي اميمتك ووخياتك
واراجو في الطاجين التونسي اممممممممممممممم من توه سفهنا
ليله حنه كيف حالك
ام ياسمين ليبيا منوره يا حبيبه
ريحان سلمها ياربي
ماما الاء وينك مغطسه
وان شاء الله ما نسيت حد كلكم غاليات وربي يعلك
كيتي ان شاء الله ما تقعد في خاطرك ديريها وان شاء الله تنجح معاك
وشكرا عالكفته والرابط
اختي زينب وفيك بارك الله

اني توه خاشه للمطبخ
وكان ربي سخر بندير شاورما دجاج
وكباب وشوربه طبعا وسلاطه
واليوم هافه عليه الرز سفهوني ماما الاء وكيتي وشانتيل
وصحه شريبتكم كلكم

السلام عليكم كيف حالكم ربي يزيد ويبارك الله الله على لصفر اللي تهبل وتسههههههههههههف
والله كل يوم نقول بنصور وسبحان الله كل يوم يا نعطل يا تصير حاجه ان شاء الله بادن الله كان سخر ربي نصور قولو امين ههههههههههههههههههه
بالله نبي نس زوبه الاعجوبه على قولت الو والله اعجوبه حق بماكلتها اللي تهبل
انا طبقت الكنافه متاعك وجتني منظرها تهبل ومتحمره حلو ولاصقه وكل شي تمام بس حاسيتها
يابسه تقرمش هلبا قصدي هي شعيريه نفسها مش طايبه عرفتبي كيف
مع اني راهو قبل مانحطها في طاجين درت زبده هلبا لين غطيتها
مانعرفش نشرح لكن حطيت زبده كويس ههههههههه
ومع هدا قلت شي بناكلها بناكلها هههههههههههههه

شوفى ياحبيبة انى عندى حشوة للبف تهبل تهبل انى ناخذ فى جينة مبشورة ونضيف عليها زعتر يابس واكليل يابس ونفرم بصل اخضر ناعم وزيتون مفروم وناخذ فى القوراب بنفس طريقة شانتال ربي يحفظها ونعبيهم بالحشوة وفى الكوشة رهيبااااااااات راهم
ومرات نطرح فى العجينة ونقصهما مربع ونبدا موتية حشوة دجاج مسلوق مع الدباير اللى تناسب الدجاج ومفترش ونخلطه مع شويا معدنوس وزيتون وجبنه ونحشيهم بيه ونسكرهم مثلث وندهنهم بالحليب ولا البيض ونرش جلجلان وعلى الكوشه طوالى
وكان تبيها حلوة شوفى الطريقة هذى خوذى تفاح وقشريه وقرشيه مكعبات وتكونى مدايرة كراميل وزيدى عليه التفاح وخليه على النار يطلق اميته على الكراميل وخليه عليه لين يذبل ماطوليش راهو فيسع يذبل التفاح وزيدى عليه قرفه وتقدرى تزيدى شويا نشا ذايب فى امية وخليه يخثر واحشي بيه المثلثات وصكريهم وبعد ماتدهنيهم رشيهم بشويا سكر مخلط بشويا قرفة بنه وصنة الحق
والا تاخذى شريحة عجينة مستطيله وتحطى عليها الحشوة ووتدهنى الجناب بالبيض وتحطى شريحة مستطيله ثانية تكونى مدايرة فيها فتحات وتغطى بيها الحشوة وتلصقيها على الاولى كويس وتدهنى الوجه وطيبيها فى الكوشه تهبل وحلوة وعلى فكرة ديمة ادهنى بالبيض ولا الحليب من بتسكريها باش تضمنى انها ماتنفتحش
والا تقطعى العجينة بقطاعه دائرية ولا قلب ولا الشكل اللى تبيه ويكون الحجم صغير وتكونى موتية نفس العدد من نفس الشكل لكن تفتحيه من الوسط يعنى تخرمية وتلصقى الشريحة الكاملة بالمخرمة بالبيض ولا الحليب وتطيبيهم فى الكوشه وبعدين الفتحى اما تعبيها شكلاته وترشى لوز او تعبيها ريكوته وتصبى شويا عسل حقانى ولا تعبيها جبنة عليها شويا زعتر
وفى طريقة ثانية انى الحق نحبها وتعجب فيا واخذتها من منال العالم نقصها مربع ونكون موتية شرائح تفاح نحط التفاح بعد مانعصر عليه عصرة ليم باش مايسودش ونرش عليه قرفة ونحطه فى وسط المربع ونطيبة فى الكوشه وبعدين نسقيها بشووووووووويا عسل حقانى ونرش شويا لوز حلوة وخفيفة
وكان تبى حاجات ثانية نعطيك ياحبيبة وان شاء الله كنت نقدر انفيدك حتى بشويا
وعلى فكرة كل اللى عاطيتهملك مجربتهم وعلى ضمانتى

السلام عليكم
ما شاء الله على صفراتكم كل وحدة احلى من التانية
كيتي مبروك على تميز الملف ومنها للاحسن ان شاء الله
اني ديما متابعتكم لكن للاسف ما نعرفش ننزل صور
واليوم درت فطوري رشدة وشربة وبوريك و الحلو قطائف
لان زوجي العزيز ما يستغناش عليهم قريب يوميا اندير فيهم
وصحة شريبتكم كلكم...

السلام عليكم

كيف حالكم يا حبوبات الف مبروك التميز ماشاء الله الموضوع يستاهل التميز
الليبيات منورات

شانتال الله الله عليك سفهتينى والله يسلمو ايدياتك عجبونى قوالب الطباهج خاطري فيهم كيف درتيهم؟

لولو يا عسل صفيرتك تجنن حتى هى ماشاء الله كان تعطينى طرف بوريك بدحى ومعاه السلاطة والباقي مسامحة فيه

ميمى يسلمو ايديك على الحركات الحلوة

حرة عجبتنى الكنافة ابعتيلي تلاته طروف ليا ومعاهم طاسة حليب والباقي مسامحة فيه


كانى شفت صونية بامية قدامكم ابعتولى منها صونية

رونى يسلمو ايديك على الوصفات

كيتى صحة صحة صفرة دايمة خبزة الكسكاس بعون الله غدوة بنديرها انتى شنى حشيتيها؟ انى نحشي فيها زي الشاورمة

نزلى نزلى خلى نشوفوك قصدى نشوفو الاكل اللى بتاكليه ( وحدة تعاكس)