الي اخواتي ليبيات

**اسيرة السهر** · 26-09-2008, 05:50 PM

المشاركة الأصلية بواسطة ماما الاء

انا احترت بجديات
والله معاش عارفة كيف نقول
متقدريش ترسميه ليا
يعني كيف ملفوف على بعضه
بالله ارسمي بالزبط انحي في روحي نعرف
في وحدة ملفوفة بس شكلها زي السويسرول ونفس الشئ عجينة جنجلان ومحشية الواز ومعسلة وملفوفة زي السويسرول بالزبط
والله يا ريت ترسميه مع انه بنتعبوك معانا
نراجي فيك راه
والعبنبر نحاول غدوة نجيبه
لان دنيتي حايسة ومش عارفة وين مذكرتي لان اغلب مقاديري ناخذ فيها من راسي ومندوش فيها
وكل سنة وانتي طيبة

وانتي طيبة يا حبيبا وكل البناويت السمحات
اني امس درت الكعك الحلو وطلع قنين بس اني اندير فيه بطاسة زيت انتي متأكدة بطاسطين زيت يطلع حلو ؟؟؟؟؟؟ المهم كنتي في بالي باش نطبقلك الدائرة بعجينة الكعك لكن للاسف انسيت وما اذكرت نين كملت العجينة وطيبتها لكن طبقتها ليك بورقة كراسة عادية وان شاء الله تكون واضحة
هادي الورقة لما قصيتها دايرة ولو انها مش دايرة

وهادي لما لفيتها

المشاركة الأصلية بواسطة ام السنفور

يعطيك الصحه خطرتى عليا رمضان اللي فات يعليك جو والله خليتينى نتخيل فيه
نحكى فيه لطلبه صينيين قلتلهم في شهر رمضان الساعه تلاته في الليل traffic jam يعنى الطريق مسكرة من الزحمة مش زي هنايا الساعه ستة ماتلقي الا محلات معدوده اللي مفتوحه والباقي مسكرات والجو كساد وممل يالله كلها كم سنة ونروحو لي بلادنا الحبيبه ونحضرو الاعياد مع الاحباب والغوالي

هي تصبحو علي خير اليوم وان شاء الله نحلمو نهيجو في البلاد غادى

وعاد حلمتي بيا ليا الشرف

المشاركة الأصلية بواسطة سودلهداب7

الله
محلااها العيد ببلادك وسط اهلك وناسك
والله مافي زيها ولا في مكان في الدنيا هادي كلها زيها
يا سعدودك وان شاء الله كل سنة وانت طيبة
والله توحشتها موووووووووووت
وخاطري فيها العيد مع امالييا

الله يعينك يام السنفور وياسود الهداب علي الغربة نلقانها الغربة مرة وما فيش كيف بلادك والله اني غير نطلع شوي من ليبيا نحس روحي مقبوضة ومانيش متريحة نين نولي وكأنه الواحد كين تايه ولقي ناسه.....الله يكون في عونكم

المشاركة الأصلية بواسطة sevenseas

ما شاء الله

الله يبارك
مقروض قنين وسليلات احلي

صحيتي يا ماما الاء و الحبوبة جوري

وحتى انى من لما ريت طريقة جوري لتسخين الزيت بديت نسخن فيه وجي قنين الحق

ام جنى انتى وين قاعدة نبعتلك منقشة عندي منقشة زايدة ابعتي عنوانك وتوصلك ادللي

يا بنات ادعولي ربي يسهل حملي وولادتى وينوضنى بالسلامة

الله ينوضك بالسلامة يا sevenseas وتفرحي بمولودك والله وين نعرف ان وحدة حامل الا نقعد نفكر فيها وفي معاناتها من كثر ما عانيت

المشاركة الأصلية بواسطة ام السنفور

اسيرة السهر والله من غير مبالغه امس حلمت بيكم وانتى بدات لانك تبي الاكلة هاديكا
تعرفي في الحلم حلمت بان الاكلة اللي تبيها هي الباقه وعاد ام السنفور عجنت عجينة معبيه جلجلان هههه ونفرد ونقص دوائر وبعدين نشدها بالنقاشة (( شورا متاع بنت بلادى هههه )) ونحشي فيها في مكسرات
ياعليك حلم
لاكن كويس الواحد يحلم بناس الحلوة اللي زيكم

انتي اللي حلوة يا سمحة ان شاء نكون فال خير عليك في الحلم
غير قوليلي كيف طالعة في الحلم
المهم بالك هادي هي اللي نبيها الباقة لان فعلا شكلها بشبه الباقة وين نلاقيها في اي موضوع
وكل سنة وانتو طيبين وحلوين ومنورين

**سودلهداب7** · 26-09-2008, 06:27 PM

المشاركة الأصلية بواسطة ام السنفور

اسيرة السهر والله من غير مبالغه امس حلمت بيكم وانتى بدات لانك تبي الاكلة هاديكا
تعرفي في الحلم حلمت بان الاكلة اللي تبيها هي الباقه وعاد ام السنفور عجنت عجينة معبيه جلجلان هههه ونفرد ونقص دوائر وبعدين نشدها بالنقاشة (( شورا متاع بنت بلادى هههه )) ونحشي فيها في مكسرات
ياعليك حلم
لاكن كويس الواحد يحلم بناس الحلوة اللي زيكم

تعرفي يا ام السنفور الباين جبتيها
امس قعدت ندور في الاسم لكن راااح مني بكل
مزبوط شكلها هي الي ادور فيها اسيرة السهر
ههههههههه
طلعتي خطيررررة يا سنفورررة

**سودلهداب7** · 26-09-2008, 06:30 PM

المشاركة الأصلية بواسطة sevenseas

يا بنات ادعولي ربي يسهل حملي وولادتى وينوضنى بالسلامة

ربي يسهل عليك وتنفضيه من عظامك لاسو ولاسوييا
وتنوضي سالمة انت والبيبي ويكمل عليك فرحتك يارب امين

**ام السنفور** · 26-09-2008, 06:42 PM

هههههههههههههههههه هادا الحلم ومايجي منه

اسمعى الباقه اللى نعرفها انها عجينة ونقصوها دويرة بفورمه
وبعدين زي قطايف عصافيري نشدو نصها ونعبوها مكسرات انى نعرفها مكسرات مهروشة ومعاها جلجلان لاكن انتى قلتى مكسرات صحيحه على ما اعتقد وبعدين انقشو بالنقاشة الجزء الفوقى وبعد اطيب تتعسل
بس ممكن انتى قلتى العجينة فيها جلجلان هلبه يعنى ممكن انتى كليليها بطريقه تانيه والله اعلم

بنات وصلتنى عدوة حلاوات العيد
عمتكم ام السنفور اليوم نايضه توصي علي السمن هو عندى لاكن قلت بالك مايسدش ونرحى في السكر وبنحمر اللوز بندير حويجه نحبها قرينات الشكلاته اللي تبدا زي الغريبه ومعجونة باللوز المرحى وبعد اطيب تدهن من فوق بشوكلاته والشوكلاته نوتيلا والا ايي نوع متاع فازو وتغمس في الفستق المرحى وتطلع مقرمشة "وبنة وصنة ومنظر "
كان تبو المقادير بزبط توا نكتبها في الردود الجايه وكانا تعرفوها مش لازم

**سودلهداب7** · 26-09-2008, 06:52 PM

المشاركة الأصلية بواسطة ام السنفور

هههههههههههههههههه هادا الحلم ومايجي منه

اسمعى الباقه اللى نعرفها انها عجينة ونقصوها دويرة بفورمه
وبعدين زي قطايف عصافيري نشدو نصها ونعبوها مكسرات انى نعرفها مكسرات مهروشة ومعاها جلجلان لاكن انتى قلتى مكسرات صحيحه على ما اعتقد وبعدين انقشو بالنقاشة الجزء الفوقى وبعد اطيب تتعسل
بس ممكن انتى قلتى العجينة فيها جلجلان هلبه يعنى ممكن انتى كليليها بطريقه تانيه والله اعلم

بنات وصلتنى عدوة حلاوات العيد
عمتكم ام السنفور اليوم نايضه توصي علي السمن هو عندى لاكن قلت بالك مايسدش ونرحى في السكر وبنحمر اللوز بندير حويجه نحبها قرينات الشكلاته اللي تبدا زي الغريبه ومعجونة باللوز المرحى وبعد اطيب تدهن من فوق بشوكلاته والشوكلاته نوتيلا والا ايي نوع متاع فازو وتغمس في الفستق المرحى وتطلع مقرمشة "وبنة وصنة ومنظر "
كان تبو المقادير بزبط توا نكتبها في الردود الجايه وكانا تعرفوها مش لازم

سبحان الله حتي نبدا نفرفش وتبدا الحاجة عندي لكن نقول الزيادة ع الاحتياط خير
ما تنقص ونلهلق بعدين ندور يا سويدي من يجيب لي
درت شوية معمول
وخليت مقروض السمحة الاء يرتاح
وبندير مشيمشة عندي غواااال يحبو المعسل وبنشوف طرق تانية من الملف وهلالات الي تقصديها بالنسكافية ؟

**ام السنفور** · 26-09-2008, 07:16 PM

لالالا هي قريبه من الغريبة لاكن هلالات توا نصورها كان مانسيتش
وبالك ندير كعك مالح بتمر حتى انى عندى غوالى يحبوه ويمشي مع الشاهى بعد العيد وحتى السنفور يحبه يحساب الوسطى شكلاته ههههه
والملف معبي معبي غير يبي يدين فالحات
المعمول كيف درتيه نقصد الطريقه والتشكيل والمقروض كم درتى الكمية ؟؟
انتى في ليبيا والا لا

**سودلهداب7** · 26-09-2008, 07:28 PM

المعمول يا ستي طريقة قديمة وساهلة
تاخدي3 طواسي ونص دقيق عليهم شوية ملح وتفركي بيهم زبدةقالب صغير لين يتفتت الدقيق
تاخدي حكة قشطة تعجنيهم بيها او ما يعجنه بالقشطة ومعاهم فانيلييا
تتكون عندك العجينة رطبة ومتماسكة تكوني موتية التمر بالزبدة وشوي لوز مهروش
وتشكليه صويبعات وتنقرشيه
راهو مافيش بكينج باودر لكن كان بتحطي ديري شوية بين الصوابع المقروض درت 4 طواسي سميدينا
وللاسف انا في بلاد قد ما نقولك كمدة شوية فيها

**mof** · 26-09-2008, 08:08 PM

السلام عليكم يا بنات ان شاء الله عيدكم مبارك .... و ينعاد عليكم بالخير و السعاده

اسيرة السهر ... قوليليى درتى الكعك باطاسه واحده زيت ؟؟؟؟ بالله شنى مقاديرك؟؟؟

**ام السنفور** · 26-09-2008, 08:26 PM

المشاركة الأصلية بواسطة سودلهداب7

المعمول يا ستي طريقة قديمة وساهلة
تاخدي3 طواسي ونص دقيق عليهم شوية ملح وتفركي بيهم زبدةقالب صغير لين يتفتت الدقيق
تاخدي حكة قشطة تعجنيهم بيها او ما يعجنه بالقشطة ومعاهم فانيلييا
تتكون عندك العجينة رطبة ومتماسكة تكوني موتية التمر بالزبدة وشوي لوز مهروش
وتشكليه صويبعات وتنقرشيه
راهو مافيش بكينج باودر لكن كان بتحطي ديري شوية بين الصوابع المقروض درت 4 طواسي سميدينا
وللاسف انا في بلاد قد ما نقولك كمدة شوية فيها

يعنى حاشياته بالتمر
انى نحسابه معمول هداكا اللي مدور تدوير
صحتين عليك المعمول والمقروض والبلاد حلوة بناسها

**جميلة الكون** · 26-09-2008, 08:27 PM

كيف حالكم ياينات شنوا اخباركم
شنوا توا توتو في حلويات العيد وله شنوا مافيش حاجات جديدية تعطوهالنا
ام سنفور اعطينا طريقة هلالات الشكلاتة باهي ؟
و ان شاء الله كل عام و كلكم بخير

**سودلهداب7** · 26-09-2008, 08:34 PM

ياام السنفور قصدك ادوري في معمول الحلقوم ؟
عندي طريقته كان تبي نكتبه وعندي طريقة شيكبارة تجنن

وانا عندي خوتي الزوز ببريطانيا واحد طبيب والتاني دراسات عليا اقتصاد وعلوم سياسية
بس الاطباء تصعبت عليهم مش كيف قبل
وربي يسخر الحال لكل من بيقرا وبيكمل قرايته وياريتني كنت معاهم ع الاقل بريطانيا ينعاش فيها
وعندي صاحباتي واجدين غادي
البلاد الي انا فيها بالعربي الفصيح ادره الكبد وربي ييسر الحال

**اسيرة السهر** · 26-09-2008, 09:53 PM

صحة فطوركم ياحلوين

اني داخلة علي الله ثم عليكم ..فرح حماتي بعد العيد واليوم طلبت مني نديرلها نوعين حلويات علي اساس اني شاطرة في الحلويات لكن مش اشطر منكم ياعسل.... نبي منكم نوعين حلوين منظر وطعم مانبيش نتحشم معاها وهي تبي نوعين يكونوا جديدات والا حتى قديمات المهم حلوات منظر وطعم....اسعفوني اني قلت في خاطري يابنت ماليك الا حبيباتك في الملف الليبي الله يخليهم وبسلمهم.........ساعدوني الله يخليكم

**اسيرة السهر** · 26-09-2008, 10:09 PM

المشاركة الأصلية بواسطة mof

السلام عليكم يا بنات ان شاء الله عيدكم مبارك .... و ينعاد عليكم بالخير و السعاده

اسيرة السهر ... قوليليى درتى الكعك باطاسه واحده زيت ؟؟؟؟ بالله شنى مقاديرك؟؟؟

الله يبارك فيك ياغالية
انا طريقتي طاسة زيت وطاسة مية وتلت ارباع الطاسة سكر ودقيق ما يعجن المهم العجينة تكون عجينة رطبة ونص كاشيك صغير منياكا وطرف بيكنج بودر وكاشيك كبير مخلط من السمسم والكمون الحلو محمسين شوي ومدقوقين

المشاركة الأصلية بواسطة سودلهداب7

ياام السنفور قصدك ادوري في معمول الحلقوم ؟
عندي طريقته كان تبي نكتبه وعندي طريقة شيكبارة تجنن

وانا عندي خوتي الزوز ببريطانيا واحد طبيب والتاني دراسات عليا اقتصاد وعلوم سياسية
بس الاطباء تصعبت عليهم مش كيف قبل
وربي يسخر الحال لكل من بيقرا وبيكمل قرايته وياريتني كنت معاهم ع الاقل بريطانيا ينعاش فيها
وعندي صاحباتي واجدين غادي
البلاد الي انا فيها بالعربي الفصيح ادره الكبد وربي ييسر الحال

اللطف ما تقوليلي وين قاعدة الله يعينك بس

**ماما الاء** · 27-09-2008, 12:04 AM

عويلة
كيف حالكم ان شاء الله كويسين ومحببحين
والله استاحشتكم بنياتي اكثر ما تتصورو
اليوم ما خشيتش النهار جيت توة لقيت الدنيا كلها متلقطة الله يبارك
جبت معاي طريقة عبنبر جوز الهند او بسكويت الشكلمة عند المصريين
في بنوتة طالباته مني تقريبا اسيرة السهر اني مشكلتي من زمان منحفظش في الاسماء بكل
المقادير
خمسة بيضات
كوب سكر ناعم
كوب جوز هند
الطريقة
يضرب صفار البيض مع السكر ضربا مبرحا لين بيعيط ويبدا لونه فاتح
يضرب بياض البيض بروحه حتى ينفخ ويولي ابيض زي الكريمة
نحط جوز الهند وبياض البيض بالشوي بالشوي على صفار البيض والسكر ونضيف ليه الفانيليا طبعا التحريك بكاشيك لوح حتى يمتزج الخليط كويس
نحط الخليط في اكياس ونفتح من تحت شوي ونصبه بالشوية بالشوية على طاجين مدهون طبقة زبدة حتى ما يلصقش ولو عندك اكياس الكريم شانتيه اللي فتحتها كبيرة ممكن تستخديمها مش تصبي الخلطة وتحطيه في الكوشة حرارتها 180 درجة مدة 20 دقيقة وبس .... وصحتين

بالنسبة للكعك الحلو لين شككتوني في المقادير وكلمت ماما توة خبيرة الكعك الحلو وقالت ليا زوز طواسي زيت وطاسة امية ونص طاسة سكر او ثلث ارباع زي ما تحبي حلاوته كيف تكون وكاشيك صغير بكمبودر وكاشيك صغير منياكة وكمامين حسب رغبتك وما يعجنهم دقيق
وقالت ليا لو درتي طاسة وحدة بس حيجي يابس والله اعلم

البنوتة الحبيبة سيفن .. يا ريب يقومك بالسلامة وتجيبي بنوته حلوة زيك او تبي وليد شويطين زي وبيه ... ربي يرزقك الدرية الصالحة اللي تفرحي بيها طول عمرك
بالنسبة للقمع متاع الجنجلان عرفته والله اللي تبيه
بس هو يطيب العجينة بقوالب القمع بعدين ينحشى ويتعسل زي ما نعرفه
ولو ما عندكش قوالب قمع ممكن جدا تحلي الدائرة وتحشيه وبعدين تلفيه على بعضه كانه قمع يعني يطيب باللوز متاعه
بالنسبة للطريقة اللي قلت ليك عليها مقاديرها هي:
طاسة سمن او زبدة زي ما تحبي +طاسة زيت+ طاسة عطر لو عطرك قوي هلبة تقدري تناصفيه يعني نص طاسة عطر ونصها الثاني امية+ نص طاسة جنجلان + كاشيك صغير بكمبودر + نص طاسة سكر مرحي + ما يعجنهم دقيق
اول شئ تسخني السمن كويس وتصبيه فوق الجنجلان لين تفوح ريحته وتحيسه تحمس فيه وتزيدي المقادير الثانية شوي شوي عليه وتعجنيه وتخليه يرتاح شوية
بعدين تحلي العجينة وتقصيها دوائر وتلفيها على القمع ويقعد لفة القمع من فوق باينة وتلصقي الاطراف ببعض بالحليب
ادخلي القوالب للكوشة لين يتحمرو
تجهزي حشوك لوز محمس مهروش زي ما تحب اي نوعية مكسرات وتحطي ليها عسل حقاني وتخلطيهم بالشربات ويكون حشوك في عسل زيادة مش يعسل الابواق لما تحشيه .... وصحتين

والله مش مركزة على الردود كلهم بس يا ريت لو حبيبية سالتني على حاجة واني ما جاوبتهاش تقولي لاني والله من كثرة الردود معاش ركزت سامحوني بنياتي العمر ليه دور
ولنا عودة يا حلوين اللي في القلب ساكنين

**سودلهداب7** · 27-09-2008, 12:34 AM

المشاركة الأصلية بواسطة ماما الاء

عويلة
كيف حالكم ان شاء الله كويسين ومحببحين
والله استاحشتكم بنياتي اكثر ما تتصورو
اليوم ما خشيتش النهار جيت توة لقيت الدنيا كلها متلقطة الله يبارك

والله حتي حني مستاحشينك اليوم خشيت كدا مرة
وكل مرة نقول اهو نشوفو رد من الااااااااء السمحة
وبعدين ادكرت اليوم ليلة القدر يارب تدخل علينا وعليكم بالخيرات واليمن والبركات
والبنات مغطسات شادينها طوارئ
القيام والحلويات وحوايج العيد

الي اخواتي ليبيات

تعليق

تعليق

تعليق

تعليق

تعليق

تعليق

تعليق

تعليق

تعليق

تعليق

تعليق

تعليق

تعليق

تعليق

تعليق