تويت
ماشاء الله عليكن مبدعات وفننات حقا ربي يحفظكن
كل عام وانتم بخير
كل عام وانتم بخير
-
-
سلمك واكيد البنة حلوة لاكن مافهمتش اللي باللون الاخضر
وصحيتي علي الاكلة وديما جيبيلنا معاك حويجات
هذي اني اللي سالت ماهو وخيتك خايفة وقلت نسال خبراء الحلاوت ونستعين بدعم خارجي ماهو ولت حرب ويلا ساعدونى وماتخلونيش ونبي نسالك مقدار الزيت والسمن قداش [/QUOTE]ورونى الحلوة حتى هي غابت وجت ومقالب الحلويات صار البكنج باودر قوي (( مسكين البيكنج باودر )) هههههه امبصر والله انى قريت ردودك في الصفحات اللي فاتو وشكلك وحدة فالحه وتنفعي للموضوع هادا باش نستفيدو منك
تبينا نحلفوا ولا كيف ، اني هكى توقعت لان العجينة زى اللي فشفشت تحت ايدي، وعاد وخيتك مدايرة روحها فالحة وعندها ثقة في روحها ويداياتها وطاحت فيها عجن وانصدمت بالعجينة ومشتها اول يوم عادى وقالت الحمدلله ماعجنتش مقادار كبير وفوتت هذاكا النهار وجت للمطبخ تانى يوم وعجنت وصار اللي صار مشي حلفته ايمين اليوم وغدوة مانيش مدايرة فيها حاجة حلوة وفوتهالهم يومين بدون حلو وبعدين رجعت لساحة المعركة مرة تانية مع القرينات والحمدلله انتصرت وربي يستر غدوة عندى معركة تانية ويانى ياهما هالحلاوات السنى شورنى مضيعة ايدياتى 
ايه ايه نعطيك ياغاليه ولاش لا
طبعا اسمها العشيش
المقادير
كوب زبدة - 4\3 كوب زيت - نصف كوب ماء زهر - فانيليا - ملعقة صغيرة بيكنج باودر - كوب شاي خفيف جوز هند - دقيق حسب العجينة
اعجني المقادير مع بعض لين تطلعلك عجينة متماسكة
دخلي في الماكينة هديكا واللي يطلع واسيه وقصى بطاسة او فورمة دائريه بحدر ماتخليهاش غليظة هلبه هلبه يعنى نص نص وحطي فيها اللوز المهروش والمعجون بالعسل في الوسط ودخلي الكوشة
ولما تطيب عسليها ورشي فوقها فستق مرحي وكولو بصحيحة
مش عارف مني سالت علي الغريبه مقدار صغير
6 طواسي دقيق - طاسة سكر - ملعقه صغيرة بيكنج باودر وتعجن بسمن وشوي زيت
واعجني اعجني وكركبي ورشقي اللوز المزلط من فوق (( نحب اللوز احسن من الحلوة الفضيه))
ولما بطيبيها طيبيها علي النار الفوقيه قبل باش تشقق من فوق لان منظرها وهي مشققه وبعدين علي النار التحتانيه
بنسبه لمقالب الحلويات ديري زي ماقالتلك ماما الاء
راهو العين حق وارقي روحك
بنسبه للغريبه اعجنى بيها يعنى في بدل ماتخلي الدقيق على حسب العجينة هادى السمن على حسب العجينة
يعنى تخلطى مقاديرك هدوكا الاولات ويكون السمن دايب وشويه زيت اكتره سمن باهي وصبي السمن واعجنى لين تكون عندك عجينة الغريبه
معليشي ياحنة حتى الوصف بكليماتك علكييييييف
ويحفظك وخليك معانا بالك تستفيدي وتفيدينا اكيد تطلع عندك حويجه مانعرفوهاش ونفرحو كان تعطيهولنا
ماما الاء شنى الجو هادى الخشة اليوم شنى صار درتى عش الكنافه؟اللهم اغفر لوالدى وارحمه وعافه واعف عنه واكرم نزله ووسع مدخله واغسله بالماء والثلج والبرد ونقه من الذنوب والخطايا كما ينقى الثوب الابيض من الدنس اللهم جازه بالحسنات احساناً وبالسيئات عفوا وغفراً يارب العالمين
تعليق
-
يا همي يا همي غبت ساعتين معاش قادرة نلحق عليكم
شن بندير بس
والله لين ايديا تشنجو واني نطبع وخلاص مش قادرة نلحق على شئ
عيوني يرقصو على الشاشة وبدو يدمعو ومعاش قدرت نلحق على الوصفات الجديد
وشنو بسكويت الكنافة هذا راه جننتوووووني
وخلي قرينات الشكولاته قصتهم بروحهم يبو تقعميزة سلم ايديات السنفورة اللي مدايرتهم وبدعة فيهم
واين اليوم بنزل عشيشات الكنافة
غر الصورة مظلمة شوية بس زي العسل والله ... نشكر في روحي رسمي
وبنزلهم توة غر اعطوني فرصة ومعاش تكتبو شئ هني مش نلهى بيهم وانزلهم هههههههههه الله وحد عليكم عيني ما اضركم.. { إِنَّ رَبَّكَ لَبِالْمِرْصَادِ }..
تعليق
-
تعرفي كان نشد ايديا عن الكتيبة تسمعى صوتى من الرواشن نهدرز هههههه
يسلمو يسلمو علي العشيشات تي هادو كان نلقاهم نعشش فيهم انى بدل العصافير
الحق منظرهم تحفة وبنتهم تبننتها خلاص مافيش داعي نطلب منهم على قولت بنة وصنة
وعندك حق تشكر روحك اللهم صلي علي النبي وتبارك الرحمن عليك
وحدووووووووه
والقرينات احنى من بعدك يا ماما الاء ان شاء الله عجبوك
خلاص معاش تردى لين تحطيلنا الموضوع
انى مقعمزة في باب الموضوع ومش حنخليك تخشي تفرجى بعيونك لااكن الرد لالالا لين تنزلي الموضوع باهي
وسلامة ايديك من الطباعهاللهم اغفر لوالدى وارحمه وعافه واعف عنه واكرم نزله ووسع مدخله واغسله بالماء والثلج والبرد ونقه من الذنوب والخطايا كما ينقى الثوب الابيض من الدنس اللهم جازه بالحسنات احساناً وبالسيئات عفوا وغفراً يارب العالمين
تعليق
-
ام السنفور يا حبيبه:
اسهل حاجه انك تشكلى العجينه زي معصم المقروض بس يكون ارق وحطى الحشوه كانك تديرى فى المقروض وبعدين قصيها شكل صويبعات وساويهم.
ان شاء الله تكون الصوره وضحت...وسامحونى الرد بحسابه الكي بورد ما فيهاش الحروف العربيه..تعليق
-
ايه ايه فهمتك توا
تعرفي والله الكي بورد متاعى مافيه حرف عربي كله انجليزي لاكن سريييييييييعه ماشاء الله عليا
وللعلم انى نطبع عربي في المنتدى وفي الماسنجر وانجلش للقرايه يعنى الزوز لاكن تعودت عادىاللهم اغفر لوالدى وارحمه وعافه واعف عنه واكرم نزله ووسع مدخله واغسله بالماء والثلج والبرد ونقه من الذنوب والخطايا كما ينقى الثوب الابيض من الدنس اللهم جازه بالحسنات احساناً وبالسيئات عفوا وغفراً يارب العالمين
تعليق
-
حطيته المووع يا روحي حطيته
http://www.lakii.com/vb/showthread.php?p=6793593#post6793593
والحق يا ربي صوابعي مش من الطباعة وبس
هذا امس يا حنة خديت موكيت بنو وليد لداري ودرت روحي فالحة اني بنقيمه وبنفرشه والدار فيها السرير والحاجات الثانية
وحاشاك خديت خبطات من خيشة البساط تقولي صوابعي انحرقو حتى تسكير مش قادرة نسكرهم
فوق هكي اليوم نضت نحلم بامبطن العيد عاد معاش عندي وقت غدوة وبعد غدوة خدمة فقعمزت قليته كله وفوق هكي الفطيرة يعني جاية ليكم زي البسيسة يا دوب نلحق نرد ردين عليكم والله ما شاء الله تبارك الرحمن عيني ما اضركم كل وحدة جايبة لينا طريقة وقصة لين دخت
ربي يخليكم لينا.. { إِنَّ رَبَّكَ لَبِالْمِرْصَادِ }..
تعليق
-
تعليق
-
ايه ايه فرش بن وليد رزين بكل واللقطة اللي قلتى عليها مرة صارتلي في يدي مابين اليد والمرفق حاااااااارة وزي الحرق بزبط
امبطن وفطيرة العيد والحلاوات واتيين غير كل عام وانتم بخير انتى وعويلتك وربي يخليلك احمد ان شاء الله وتفرحى بيهاللهم اغفر لوالدى وارحمه وعافه واعف عنه واكرم نزله ووسع مدخله واغسله بالماء والثلج والبرد ونقه من الذنوب والخطايا كما ينقى الثوب الابيض من الدنس اللهم جازه بالحسنات احساناً وبالسيئات عفوا وغفراً يارب العالمين
تعليق
-
هي عويلة توة بنقول تصبحو على خير
وان شاء الله نجيكم غدوة مع الفطيرة لو قدرت انزلها
والوصفة المية مية جربتها اليوم
اصابع الكنافة
اما شنو صوابع جوني بنة وصنة والكنافة تهبل
يسلم صاحب الفكرة يا رب
وباذن الله حنزلها في اقرب فرصة
تصبحو على خير عويلة
.. { إِنَّ رَبَّكَ لَبِالْمِرْصَادِ }..
تعليق
-
.. { إِنَّ رَبَّكَ لَبِالْمِرْصَادِ }..
تعليق
تعليق