الي اخواتي ليبيات

شكرا ياسمحة بس البيكنج باودر قداش الكمية خايفتها تفسد منى وياسرنى فساد في هاليومين والله العظيم بصدق تعقدت كانى اول مرة نخش للمطبخ ولا قاعدة نتعلم
وكل سنة وانت طيبة

اهوا غاطسين علفاضي بالنسبة لحوايج العيد هنيت عليهم من الاسبوع الاول قلت خلى نفتك من الزحمة والحلاوات اخخخخخخخخخخخخخخخخخخخخخخخخخخخخخ سببولي عقدة لكن شكلها انحلت درت قرينات اليوم جوا يهبلوا
بالحق بالحق الايام اللي فاتوا مامانوش ليا بكل اللي نمسه يفسد وياسبحان الله
وراهوا استاحشتكم هلبة غر ماكانش عندى نت تم الاشتراك ولين سلامته شري كروت الاشتراك غر البارح بس حتى هوا مش فاضي ومنين يروح ينسى مايشريش
ةتاكلي المقروض بالهنى انشاء الله انى ماعنديش فيه نصيب السنى
والله غششتينى انت في اما بلاد قاعدة اللي تشكى منها كل هذا ربي يعاونك ويهنيك انشاء الله
كل عام وانت بالف خير

روني
اما هو البيكينج بودر التونسي ؟
وما عندكش حل غير تستعملي ربع الكمية الي تستعمليها قبل
والغريبة نعرفها من غير ه ومن غير زيت اندير فيها
عليك وعلي الدعك كل ما تدعكيها اكثر كل ما تجيك باهية
وتسخني الكوشة قبلها بوقت باش تفتح لك كيف الوردة

ماما الاء القرينات طلعوا يهبلوا صحيتى على الطريقة كان خاطري اندير كلعك حلقوم لكن ماسخرش ربي المهم جربت طريقتك وطلعت ميه ميه غر اني درت نص طاسة عطر ونص طاسة حليب وطلع يهبل
كل سنة وانت طيبة ياحبوبة

السلام عليكم يابنات كيف حالكم شنى اخباركم ان شاء الله كويسيين
عيادى عاد مكسدين مهناش علي النت حتى انى اليوم روحت قبل المغرب بشوي شوبينق للعيد
وتوا تفرجنا علي باب الحارة وقهيوتى نشرب فيها وقلت لازم مانطل علي الغوالي نشوفوهم شنى مدايرات

لقيت عمتك نانا جت وتبي تعرف شنى صاير صار كل خير غير خليك معانا وقوليلنا بالك حصلتي حويجه جديدة

ورونى الحلوة حتى هي غابت وجت ومقالب الحلويات صار البكنج باودر قوي (( مسكين البيكنج باودر )) هههههه امبصر والله انى قريت ردودك في الصفحات اللي فاتو وشكلك وحدة فالحه وتنفعي للموضوع هادا باش نستفيدو منك


ايه ايه نعطيك ياغاليه ولاش لا
طبعا اسمها العشيش
المقادير
كوب زبدة - 4\3 كوب زيت - نصف كوب ماء زهر - فانيليا - ملعقة صغيرة بيكنج باودر - كوب شاي خفيف جوز هند - دقيق حسب العجينة

اعجني المقادير مع بعض لين تطلعلك عجينة متماسكة
دخلي في الماكينة هديكا واللي يطلع واسيه وقصى بطاسة او فورمة دائريه بحدر ماتخليهاش غليظة هلبه هلبه يعنى نص نص وحطي فيها اللوز المهروش والمعجون بالعسل في الوسط ودخلي الكوشة
ولما تطيب عسليها ورشي فوقها فستق مرحي وكولو بصحيحة


مش عارف مني سالت علي الغريبه مقدار صغير
6 طواسي دقيق - طاسة سكر - ملعقه صغيرة بيكنج باودر وتعجن بسمن وشوي زيت
واعجني اعجني وكركبي ورشقي اللوز المزلط من فوق (( نحب اللوز احسن من الحلوة الفضيه))
ولما بطيبيها طيبيها علي النار الفوقيه قبل باش تشقق من فوق لان منظرها وهي مشققه وبعدين علي النار التحتانيه

صحتين صحتين صوريه امالا وخلينا نشوفوه

السلام عليكم يا عويله
ما شـــــــــــــــــــــــــــــــــاء الله... هيا اللمه اهنى..وانى راقده على ودانى
يا غافلين ليكم الله.
شن اخباركم ياسمحات ...كلكم بدون استثناء ماشاء الله عليكم..ربى يحفظكم.

لايت دريمز هادى لمة طبخ ونفخ هههههه
كان عندك اكلات جديده هاتى وكان حتى قدم هاتيهم
وكان تبي تسالي علي حويجه هنايا البنات ماشاء الله اللي تنساه هادى تتفكره هادى
تبارك الله عليهم

يابنات درت القرينات في موضوع
خشو شجعونى

يلا لقيتها عيب نخش وايدى فاضيه..جبتلكم صويبعات البسكوت بالكنافه
كوب زبده ,كوب زيت,3 بيضات, لوز مهروش, كوب سكر, باكنج باودر, فانيليا انى نفضل السايله
كنافه , وشكلاطه بيضا للتلبيس.و ما يعجن دقيق.
فى الفود بروسيسر حطى الكنافه باش تتفتت وبعدين حمصيها فى الفرن.
وبعدين جهزى العجينه..اخلطى البيض والفانيليا والسكر وبعدين الزبده والزيت والدقيق و الباكنج باودر لين نحصلوا عجينه لينه سهلة التشكيل.ونشكلوها صويبعات واضغطى علي كل صبع بصبعك بالطول باش تحطى الحشوه اللى هيا شويه لوز وكنافه وبعدين كببى الصبع وعدلى فى شكله ولما تكملي المقدار حطيه فى فرن مسخن مسبقا علي 180 درجه
وبعدين غلفيه بالشكلاطه بعد ما يبرد و لبسيه بالكنافه المحمصه وحطيه فى الفريز ربع ساعه
وحطيه فى ورق البيلسيه.
و صحتين

ورونى الحلوة حتى هي غابت وجت ومقالب الحلويات صار البكنج باودر قوي (( مسكين البيكنج باودر )) هههههه امبصر والله انى قريت ردودك في الصفحات اللي فاتو وشكلك وحدة فالحه وتنفعي للموضوع هادا باش نستفيدو منك

تبينا نحلفوا ولا كيف ، اني هكى توقعت لان العجينة زى اللي فشفشت تحت ايدي، وعاد وخيتك مدايرة روحها فالحة وعندها ثقة في روحها ويداياتها وطاحت فيها عجن وانصدمت بالعجينة ومشتها اول يوم عادى وقالت الحمدلله ماعجنتش مقادار كبير وفوتت هذاكا النهار وجت للمطبخ تانى يوم وعجنت وصار اللي صار مشي حلفته ايمين اليوم وغدوة مانيش مدايرة فيها حاجة حلوة وفوتهالهم يومين بدون حلو وبعدين رجعت لساحة المعركة مرة تانية مع القرينات والحمدلله انتصرت وربي يستر غدوة عندى معركة تانية ويانى ياهما هالحلاوات السنى شورنى مضيعة ايدياتى

ايه ايه نعطيك ياغاليه ولاش لا
طبعا اسمها العشيش
المقادير
كوب زبدة - 4\3 كوب زيت - نصف كوب ماء زهر - فانيليا - ملعقة صغيرة بيكنج باودر - كوب شاي خفيف جوز هند - دقيق حسب العجينة

اعجني المقادير مع بعض لين تطلعلك عجينة متماسكة
دخلي في الماكينة هديكا واللي يطلع واسيه وقصى بطاسة او فورمة دائريه بحدر ماتخليهاش غليظة هلبه هلبه يعنى نص نص وحطي فيها اللوز المهروش والمعجون بالعسل في الوسط ودخلي الكوشة
ولما تطيب عسليها ورشي فوقها فستق مرحي وكولو بصحيحة


مش عارف مني سالت علي الغريبه مقدار صغير
6 طواسي دقيق - طاسة سكر - ملعقه صغيرة بيكنج باودر وتعجن بسمن وشوي زيت
واعجني اعجني وكركبي ورشقي اللوز المزلط من فوق (( نحب اللوز احسن من الحلوة الفضيه))
ولما بطيبيها طيبيها علي النار الفوقيه قبل باش تشقق من فوق لان منظرها وهي مشققه وبعدين علي النار التحتانيه[/QUOTE]
هذي اني اللي سالت ماهو وخيتك خايفة وقلت نسال خبراء الحلاوت ونستعين بدعم خارجي ماهو ولت حرب ويلا ساعدونى وماتخلونيش ونبي نسالك مقدار الزيت والسمن قداش

عاسلامتك يا سمحة ويلا لحقي علينا واعطينا ماعندك

يصح قليبك يا حبيبة وبالنسبة للتصوير ياريت ياعسولة لكن رويجلي ربي يحفظه محرض عليا نصور ونحط في النت وزي ماقلت قبل زوجى حزار وعنده هلبا ممنوعات هذي واحده منهم لكن بالحق بالحق جوني روعة

شكله نوزيك وحلو وكان سدنى الوقت مفكرة بنجربه خصوصا ان عندى شوية كنافة فاضلة ماتجي لشي بالك خدوة كان سخر ربي نجربه لكن انت مش كاتبة مقدار البيكنج باودر قداش مقدارة نحس فيه كاشيك ونص صغار وله سامحينى غر البيكنج باودر مسببلي رعب هالايام