الي اخواتي ليبيات

**روني الحلوة** · 13-09-2008, 02:46 AM

بعيد السو على بنيتي اني
ربي يطمنك عليها
والله يانسك يا حلوة
ويونسك بعويلتك وبنوتك وبوها وخوتها
لنا عودة
سلام يا عسل

والله انت اللي عسل ياماما الاء شنوا هالذوق كله ياحبيبة لسانك يقطر عسل
هما راس بنيتين ربي يحفظهملى هما ووبيهم
وانشاء الله ربي يونسك انت وكل هالغاليات بعويلتهم قولوا امين ويللا ياأمورة ماتعطليش عليا بابدعاتك

**ماما الاء** · 13-09-2008, 02:50 AM

المشاركة الأصلية بواسطة روني الحلوة

بعيد السو على بنيتي اني
ربي يطمنك عليها
والله يانسك يا حلوة
ويونسك بعويلتك وبنوتك وبوها وخوتها
لنا عودة
سلام يا عسل

والله انت اللي عسل ياماما الاء شنوا هالذوق كله ياحبيبة لسانك يقطر عسل
هما راس بنيتين ربي يحفظهملى هما ووبيهم
وانشاء الله ربي يونسك انت وكل هالغاليات بعويلتهم قولوا امين ويللا ياأمورة ماتعطليش عليا بابدعاتك

العسل يقطر من ام الذوق
اني ما جبتاش من برة
نجيها يا رب ونجي بناويتها
قداش ما انحب البنات الولاد لا
بس كلهم خير وبركة والحمد لله
وجاية في الطريق مش حتراجي هلبة
سلام يا عسل

**ماما الاء** · 13-09-2008, 02:52 AM

المشاركة الأصلية بواسطة جميلة الكون

السلام عليكم كيف حالكم يابنات والله هي منورين المنتدي مرحبتين بيك اختي ماما الاء انستينا والله الباين عليك فالحة ونويشطة شنوا تعطينا في رمضان من اكلات حارة وحلويات اسمع ماما الاء اكتبينا مقاديرالسنيورةو الدوبلاو مذكرتي واهرامات ونستنوا في حاجاتك ره باهي
مشكورة اختي موف علي الوصفة الحلوة نويزكة والله هي

الله يانسك يا قمر
وكله كله جاي في الطريق
خلي نشم نفسي ونرد على السمحات بس
سلام يا عسل

**ماما الاء** · 13-09-2008, 02:58 AM

نجيلي بنياتي النويشطات
سلمكم فالحات
والله خاطري انزل حويجة بس متعودة نرقد بكري على خاطر الخدمة
غدوة باذن الله انزل حويجات لعيون السمحات
لكن منقدرش نخلي بنياتي هكي
وهذا احلى فنجان قهوة بن عميد قد قد
مع دبلة ومقروض
صحتين على قلوبكم

واكيد المقادير في الطريق مع انها معروفة
سلام يا عسل

**روني الحلوة** · 13-09-2008, 03:05 AM

المشاركة الأصلية بواسطة ماما الاء

نجيلي بنياتي النويشطات
سلمكم فالحات
والله خاطري انزل حويجة بس متعودة نرقد بكري على خاطر الخدمة
غدوة باذن الله انزل حويجات لعيون السمحات
لكن منقدرش نخلي بنياتي هكي
وهذا احلى فنجان قهوة بن عميد قد قد
مع دبلة ومقروض
صحتين على قلوبكم

واكيد المقادير في الطريق مع انها معروفة
سلام يا عسل

ايه بالله عليك على خاطر ناوية نبي اندير الدبلة وطريقتها ضاعت منى وخايفة نعجنها من راسي تجى مش حلوة متعطليش عليا ياحبيبة بسم الله ولا قوة الابالله عليك وربي يحفظك انت وكل الحبيبات التانيات

**ماما الاء** · 13-09-2008, 03:46 AM

المشاركة الأصلية بواسطة 79nana

اييييه يا ماما الاء فكرتيني في الوقت الحلو والناس الباهية مش توا اتقولي صباح الخير اترد عليك وتقولك هااااااااااي هههههه
والله فكرتيني في اميمتي لما تقليلنا في المرجان الاحمر في العيد والفطيرة بالعسل اه ما اتفكرينيش والله الغربة وااااعرة ربي يصبرنا عليها ياارب
وعمك عنده الحق مسكين كان اتشوفي الناس هني اتقولي ماناقص غير يسلمو بس وهو قريب عليا اني في اوريقون وسياتل جيراننا ..

انحس فيك في الخير نطلعو نعرفو بعض ...

ربي يحفظك ويسعدك يارب

مرجان وفطيرة وعسل اخخخخخخ جعتتتتتتت
ومثرد هكي كبره بكلاوة بالسمن وعايمة في العسل الحقاني
اخخخخخخخخ يا سلام امتى بيجي العيد بس
بس هههههههههههههههه حلوة منك هاي
تصدقي نكرهها هههههههههه هاي وباي
والله مفكرة نبي نسافر لعمي
يعني هو قاعد غادي وقاعد قلت خلي نقرا غادي دكتوراة
زعما تقبلوني معاكم بما انكم جيران جيران
نشوفوك بخير حبيبة
سلام يا عسل

**ماما الاء** · 13-09-2008, 03:52 AM

المشاركة الأصلية بواسطة روني الحلوة

ايه بالله عليك على خاطر ناوية نبي اندير الدبلة وطريقتها ضاعت منى وخايفة نعجنها من راسي تجى مش حلوة متعطليش عليا ياحبيبة بسم الله ولا قوة الابالله عليك وربي يحفظك انت وكل الحبيبات التانيات

من عيوني يا عيوني
غدوة تكون عندك يا حلوة
ومتنسيش تعزمينا عليها
لنا عودة
سلام يا عسل

**بنت_بلادي** · 13-09-2008, 03:56 AM

المشاركة الأصلية بواسطة ماما الاء

نجيلي بنياتي النويشطات
سلمكم فالحات
والله خاطري انزل حويجة بس متعودة نرقد بكري على خاطر الخدمة
غدوة باذن الله انزل حويجات لعيون السمحات
لكن منقدرش نخلي بنياتي هكي
وهذا احلى فنجان قهوة بن عميد قد قد
مع دبلة ومقروض
صحتين على قلوبكم

واكيد المقادير في الطريق مع انها معروفة
سلام يا عسل

يسلمو ايدياتك يا حبيبا
وصحتين القهيوة والدبلة ماشاء الله
المقروض الله يعطيك الف صحة
وخيتى قوليلي كيف الله يفتح عليك

**ماما الاء** · 13-09-2008, 04:29 AM

المشاركة الأصلية بواسطة بنت_بلادي

يسلمو ايدياتك يا حبيبا
وصحتين القهيوة والدبلة ماشاء الله
المقروض الله يعطيك الف صحة
وخيتى قوليلي كيف الله يفتح عليك

الله يسلم عمري وخيتي
مقروضي ملكية مقدسة منبيش نقول عليه لحد
بس اكيد بنت بلادي مش اي حد
بس والله توة بنرقد خلاص وخدمة غدوة زي ما تعرفي
بس هيا راه نفس طريقة المقروض العادي بس مدي العجينة على نايلو ولفيها زي السويسرول
تبي شوية وقت ومتعبة لان التمر يبي حلان بروحه في سفرة فيها زيت بس شكله حلو على الاخر ويستاهل التعب
وان شاء الله نجيب ليك المقادير بالزبط غدوة
وكان درته في العيد حنصوره بالخطوات
لنا عودة
سلام يا عسل

**سودلهداب7** · 13-09-2008, 04:57 AM

[quote=ماما الاء;6718498][center]نجيلي بنياتي النويشطات
سلمكم فالحات
والله خاطري انزل حويجة بس متعودة نرقد بكري على خاطر الخدمة
غدوة باذن الله انزل حويجات لعيون السمحات
لكن منقدرش نخلي بنياتي هكي
وهذا احلى فنجان قهوة بن عميد قد قد
مع دبلة ومقروض
صحتين على قلوبكم

ماشاء الله روووووووووووعة والله
المقروض الملفوف تحفة
الله يخليك نزلي الطريقة بالتفصيل الممل
تبارك الله نااااااااااااازك
وتسلم الايادي ويعطيك العافية

**الورده الدهبيه** · 13-09-2008, 06:19 AM

ما شاء الله عليك ماما الاء
دبلة ومقروض تجي في الخاطر المقروض ليا سنينين سمع به لكن لاسف ماجربتة المقروض العادي طريقتك نعمل به في معمول التمر نفس طريقة الاخت ام منير
هاتي ماعندك المدكرة كلها وحدة طماعة
نستنوا في جديدك

**الورده الدهبيه** · 13-09-2008, 06:25 AM

المشاركة الأصلية بواسطة omarafa

السلام عليكم مره تانيه .. عندي ليكم حلويه نزيكه جدا

المقادير: 1.كميةمن جوز هند مخلوط بحليب نسله بحيث يكون زي العجينه سهلة التشكيل ومتنسوش حكة النسله نحطوها في الميه قبل مانفتحوها بيش نكونوا التوفي .
2. اي نوع من انواع عجينة الحلويات اللي تقدري تطرحيها وتشكليها بس ياريت تكون فيها مقدار من الكاكاو تكون اجمل.
3. الخطوه هادي هي اللي مهمه: تجيبي غلق صندوق الذهب الصغير اللي هو متاع الحلق ولا الخواتم غير يكون صغير شوي وحجمه مناسب وميكونش سميك يعني تقريبا سمكه ثلاث ارباع سانتي ,تحطي في وسطه نايلوم وتشكلي بيه عجينه جوز الهند والنسله وتبرديهم وتخليهم على جنب.
4.بنفس الغطا متاع الصندوق نقطع العجينه المفروده اللي هي رقم 2.ونخبز العجين.

5. اخر خطوة:بعد ماتطيب الحلويه نجيبها ونمسحها بشوي مربى بيش نلصقوها مع تشكيلة جوز الهند والنسله, بعدين نغطسوها في الشوكولاته السودا وكان تبي خططيها..جربوهااااااااااا والله مفيش حد داقها الا وطلب مقاديرها وطريقتها وطعمتها مش عاديه بكل وشكلها زاكي . في انتظاركم

تسلم ايديك omarafa ان شاء الله نجربه شكلها نازكة نتظر جديدك
مششششششششكورة زنوبة عالاكلات الحلوة ونستنوا في المزيد

علي فكرة جربت السندريلا ان شاء الله نزلها في المقبلات اعتقد لروني الحلوة تسلم ايديك عالوصفة الحلوة

**79nana** · 13-09-2008, 09:44 AM

مساااااء الخير يا البنااات جميعاااااااااا
[quote=سودلهداب7;6718003]

المشاركة الأصلية بواسطة 79nana

اليوم جايبتلكم اللويمة :

كوب زبدة + كوب زيت + 2بيض + ظرف فانيليا +كوب مبشور ليم كيني + كوب سكر مرحي اني مرات انقص شوي لي نصف كوب +ملعقة صغير بيكن باودر
مايعجن دقيق
تعجن وتشكل هلالالالات وتنقششيها من فوق وترش عليها سكر احرش تم توضع في الفرن تم ناخد كل اتنين فوق بعض ومابينهم مربى برتقال او شربات ويرش من الجنب اما لوز مرحي او جوز هند ...

جربوها لدييييدة وخفيفة .

ماشاء الله يانانا
حلوياتك مميزة وااااااااااااااااو صنة الليم ما عنديش روح معاها
بعد ادنك زدت صفار بيضة في مقادير المقروض اليوناني
وجي رووووووووووووعة
الله يكرمك ويفرح قليبك بالقريب ااامين
سلمك يا سواد الاهداب والله انت الي ايدياتك الباين عليهم يلتفو في الحرير
ماشاء الله اعليك وعليك الادن الي تبي تغيريه غيري بالك منك نستفيد
وفرحتيني هللللللللبة انك جربتي حلوياتي ربي يحفظك

المشاركة الأصلية بواسطة روني الحلوة

السلام عليكم كيف حالكم
سود الهداب سامحينى طلت عليك اليوم حبيت نعطيك طريقة العشيشة
المقادير: كيلو دقبق، بيضة، نصف كوب عطر، ظرف فانيليا، مايعجن ماء
الطريقة : تعجن المقادير مع بعض وبعدين تحليها في ماكينة الرشته لرقم 5 وتفرميها باماكينة رشته الكسكاس كان تحبيها رقيقة وكان تحبيها غليضة بماكينة رشته البرمة انى عن نفسي اندير فيها في جيهة رشتة الكسكاس وبعدين تقليها في الزيت وتحطيها على ورق او كلينكس باش يشرب الزيت وتخليها تبرد وبعدين تكونى موتية عقدة عسل تكون جامدة ومحمسة كاكاوية ومهروشتيها تخلطى الكاكاوية مع العجينة المقلية وبعدين تصبى عليها عقدة العسل وعاد كان تبى ادلعى روحك زيدى العسل عسل طبيعى وحطى فيه شوية زبدة وتفرديهم في سفرة طارحة عليها نايلوا وتفرديه كويس بسمك صبع ونصف وخليها تبرد وتجمد وبعدين قصيها وحطيها في ورق الحلويات وقدميها وبالهنى

روني يسلم الايادي وبعيد السوعلي بنياتك انشاء الله اتشوفيهم عرايس

المشاركة الأصلية بواسطة ماما الاء

مرجان وفطيرة وعسل اخخخخخخ جعتتتتتتت

center]ومثرد هكي كبره بكلاوة بالسمن وعايمة في العسل الحقاني
اخخخخخخخخ يا سلام امتى بيجي العيد بس[/center]
ايه والله صحة ليدك انك قاعدة في البلاد اتدوقي الماكلة بنة وصنة في العيد اه ما احلالالالاها جو العيد ليها وحشة

بس هههههههههههههههه حلوة منك هاي
تصدقي نكرهها هههههههههه هاي وباي

ايه والله هاي وباي ووووو لين تكرهي نفسك البعيدة

والله مفكرة نبي نسافر لعمي
يعني هو قاعد غادي وقاعد قلت خلي نقرا غادي دكتوراة
زعما تقبلوني معاكم بما انكم جيران جيران

ياريت اتجي واتانسينا واتزوريني
مرررررررررحبتين بيك

نشوفوك بخير حبيبة
سلام يا عسل

ربي يحفظك

تحياتي للجميع

**ماما الاء** · 13-09-2008, 01:10 PM

[quote=سودلهداب7;6719027]

المشاركة الأصلية بواسطة ماما الاء

[center]
ماشاء الله روووووووووووعة والله
المقروض الملفوف تحفة
الله يخليك نزلي الطريقة بالتفصيل الممل
تبارك الله نااااااااااااازك
وتسلم الايادي ويعطيك العافية

حشمتوني والله بذوقكم وكلامكم الحلو
ومن عيوني حنزل بالتفصيل
بس لو تراجو للعيد انزله بالصور يكون احسن
يعني مش عيد عيد قبل بشوي
وان شاء الله بالصحة عليكم

**ماما الاء** · 13-09-2008, 01:17 PM

المشاركة الأصلية بواسطة الورده الدهبيه

ما شاء الله عليك ماما الاء
دبلة ومقروض تجي في الخاطر المقروض ليا سنينين سمع به لكن لاسف ماجربتة المقروض العادي طريقتك نعمل به في معمول التمر نفس طريقة الاخت ام منير
هاتي ماعندك المدكرة كلها وحدة طماعة
نستنوا في جديدك

ربي يسلم خاطرك يا حنة
اخ على المقروض وايام المقروض
احلى شئ عندي
وديما حاطة راسي في الطنجرة وهاتك يا ماكلة
والمذكرة كلها هني لعيونكم
لنا عودة يا عسل

الي اخواتي ليبيات

تعليق

تعليق

تعليق

تعليق

تعليق

تعليق

تعليق

تعليق

تعليق

تعليق

تعليق

تعليق

تعليق

تعليق

تعليق