الفول المصري المدمس في الحلة من مطبخي بالصووووووووووووووووووور

[bero333]

السلام عليكم و رحمة الله و بركاته


ازيكم يا بنات
بصوا بقي انا لقيت بنات بتسأل عن امكانية تدميس الفول في الحلة
عشان كده قررت ادمس شوية فول عشان رمضان في الحلة و جبت الصور و جيت جررررررررررررررررري

ياللا نبدأ بسم الله

دول 2 كوباية فول تدميس
من 1-2 كوب عدس اصفر
بصلة متوسطة
انا بحط كمية متساوية يعني كوبايتين فول و كوبايتين عدس


انا بحب انقع الفول في مية سخنة شوية يا اما 4 ساعات مثلا او من بالليل


هنا بعد 4 ساعات من النقع


هنا غسلت العدس كويس و حطيته علي الفول بعد ما صفيته و معاهم البصلة متقشرة و متشققة 4


سخنت المية في الحلة و ضفت الفول و العدس و البصلة


و غطيتها طبعا و سبتها لغاية لما غلت غلوتين و بعد كده نقلتها علي عين اصغر و حطيت تحتها الشياطة ووطيت البوتاجاز خالص و قلبت الفول تقليبتين و غطيت عليه




و سبته لغاية ما استوي انا معايا اخد حوالي 3 ساعات
بس لازم تتأكدي


و هنا بعد ما استوي
احلي طبق فول مدمس و خلوا بالكم ده من غير طحينة او اي حاجة زيت زيتون و ليمون و بس
شايفين اللون اللي يهبل؟


اول رد تاخد الطبق ده


كل سنة و انتم طيبين يا بنات

[amani1]

الطبق لي والبقرب يا ويله
يسلموا ايديكي يا ام مؤمن ونورتي القسم والف صحه علي قلبكم
كل عام وانت بالف خير يارب وينعاد عليكم رمضان وانت واهل بيتك بالف خير

[صاحبة الـ@ـسك]

ما شاء الله تسلم الأيادى بيرو .. ربنا يصلح لك الأحوال يا رب

وكل عام وأنتم بخير .... رمضان كريم

[بنت الفيوم]

أمممممممممممممممممممم
وفول بلدي كمان
لذيذ تسلم أديك

[ghaniaanis]

تسلم ايدك
بيرو على وصفة الفول المدمس
كنت اظن
الفول المدمس هو الفول الاخضر
راح اجربها ان شاء الله تضبط معي
كل سنة وانت واهل بيتك طيبين بحلول الشهر الكريم

[علا النجار]

تسلم ايديك بس اول مرة بشوف يوضع عليه عدس بس فكرة جارية التطبيق

[asmaabhr]

ما شاء الله رووووعة
تسلم ايديك

[ذكريات الماضى]

اخخخخخخخخخخخخخخخخخخخخ روعة روعة اموت على الفول المصرى وخاصة المدمس فى الحلة
لانه امى الله يرحمها برحمته الواسعة كانت على طول اديرلنا فى الفول لانه مصرية من قلب الاسكندرية
فتحتى على مواجعى
تسلم ايدك والف صحة وعافية
رمضان كريم

[ام حسومى]

يا سلااااااااااام شكله يفتح النفس تسلم ايدك ام مؤمن
وكل عام وانتى بخير

[sana5783]

ما شاء الله
روعة
تسلم ايديك