مشاركتي في موضوع رنوش ( اكنس بيتك وكشه ما بتعرف ايمته حماتك تخشه ) تفضلووووووووووا

[تغريد2007]

السلام عليكم
كانت الاخت رنا عملتلنا موضوع عن تنظيف البيت
وكانت البدايه هنا
http://www.lakii.com/vb/a-124/a-766112/

اشكر الاخت رنوش على الموضوع القيم والمفيد ويلي استمتعنا فيه بشده وتعرفنا على بعض اكتر عن قرب
عندي نصيحه للصبايا يلي مثل توحه يجب ان يكون بيتك نظيف لشخصك وليس لاحد كان لراحتك النفسيه اولاً وراحة عائلتك النفسيه والصحيه
كل بيت يدل على صاحبه
مع اعتقادي انه لا يوجد احد يشبه توحه هههههههههه

اولى الحلقات
كان ترتيب غرفة النوم هي
http://www.lakii.com/vb/a-124/1-766170/


السلام عليكم

اليوم جينا نحكي الحق
لما شفت الصور امس وقلت راح يصيبني اغماء كان بحق لانه تذكرت دار اخوي لما دخلو عليهم اليهود يعتقلو ابنهم قبل 3 سنوات كان بيتهم اكتر من هيك بكتير الكنب كان مقصقص بالمقص
ولما الاخت رموز حكت شو بعمل الشبشب والمعالق في الخزانه هي مش عارفه انهم اليهود عنا بعملو اكتر من هيك بكتير 3 ايام من الصبح لليل وزوجة اخوي ترتب
حزنتكم اسفه
المهم انا قررت اساعد توحه بدون ما اخليها تشتري شي انا شايفه موجود عندها خزانه وعلاقه وجوارير وسلة غسيل المهم الترتيب
ونبدأ بغرفة ابنها هههههههههه

عندها علاقات على الارض ما عليها الا تضع الملابس على العلاقات وتعلق بالخزانه
وعلى الرف الفاضي تضع العطور وما شابه






يعني لو وضعت البجامه والبشكير على الرف السفلي فش مشكله

و

وجبتلك سلاة غسيل اختاري منهم








عند هون مبين لزاق ومفك يعني كانه عده جبتلك صندوق عده في منه احجام حسب ما تحبي بضب كل العده




والاحذيه بنرتبهم




وقنينة الماء في الها وسع بالثلاجه بتروح على الثلاجه


الاشياء الزياده الي ما بتستعمليها الا نادراً ممكن وضعها بصندوق ورفعه في محل



ممكن ان نضع العاب الاطفال هون



نيجي للملاعق انا رتبتلك اياهم بالجوارير بالمطبخ







واخذت فوط المطبخ من هون ووديتهم على المطبخ



اكيد عنك في المطبخ زاويه خاصه بهالشي




هي الخزانه فيها مكان للقشاطه والمكنسيه اليدويه واضحه على الجنب رفيعه
بتخبيهم وبتسكري عليهم هههههههههههه

شفت شوية خواتم وساعات جبتلك صندوقين صغار وهالصناديق موجود منه في محلات الاكسسوارات احجام

ورتبتلك العطور كمان








وغرفة ابنك طلعت بهالشكل بعد ما رتبناها وضعنا الطابه والسياره وكم شغله على الرف















صدقاً كل شيء تصويري ما عدا صندوق العده من النت واذا شكيتو بخزانة الاحذيه كمان تصويري بس عن كاتالوجات عنا
وغرفة النوم كمان عنا بس تصوير وشغل ابني مش شغلي
بالنسبه لادوات البلاستك كلها من الملعقه للخزانه اذا كنت من فلسطين تجديها في مركز العجولي للبلاستك -شارع نابلس -البيره
غرفة الاولاد اذا بتحبي تغيري -محلات سندس للاطفال -شارع نابلس -البيره
ان شاء الله موضوعنا عجبكم
ان شاء الله ما ضايقتو من كلامي

لالالالالالالالالالالالالا تنسي يا توحه تعملي الكيكه الي تفقنا عليها

ولالالالالالالالالالا تنسي كمان اكنس بيتك وكشه ما بتعرف مين يخشه

سلالالالالالالالالالالام

[تغريد2007]

الحلقه الثانيه
كانت ترتيب الاحذيه والحقائب عون

http://www.lakii.com/vb/a-124/2-766381/

السلام عليكم
وينك يا اختي يا توحه تعالي انا جيت هههههههههههه

نبدأ بالاحذيه

انا من الناس الي ما بحبو يشوفو الاحذيه مكشوفه بحب سكر عليها
رتبتلك اياهم في خزانه وسكرنا عليهم



وعلى شان ما قدرت اجيب كل الرفوف هي صوره تانيه




وهي بدنا نسكرها




وخلص وخلصنا وما حد عارف شو فيها ههههههههه


واذا شفت انك بحاجه لرفوف اكتر في هي الخزانه ممكن تطلبي من المحل الي باعك اياها كمان رفوف لانها مهيئه ان تضعي بها زياده في مكان يعني للرفوف الاضافيه
وانا قلت المره السابقه هلاشياء تجديها عند مركز العجولي للبلاستك -البيره -شارع نابلس
نيجي للشنط
انا عندي خزنه كبيره ومثل ما حكيت اي شي بقدر اسكر عليه وما يكون ظاهر بسكر عليه
حطيتهم على رف طويل



كمان ما قدرت اجيب كل الرف هي كمان تكمله للرف



هسا عنا شوية اكسسوارات ممكن تشتري هالعلبه مقطع وعلى قد جرار التوليت الصغير وسعرها كتير قليل لا يزيد عن 2 دولار وبتريحك









تعالي احكيلك سر عندك علاقة معالق خشب في المطبخ وخلص خربو المعالق ؟ لا ترميها علقي عليها العقود وهيك بتكوني وفرت فلوس وريحت نفسك في اختيار العقد ورتبت وبعدين ستي انت مش رح تحطيها في الصالون الناس يحكو عليكي هههههههههه انت حاطاها في غرفة النوم وما حد رح يشوفها غيرك
شوفي ما احلاها




ان شاء الله نكون ساعدناك في شي يا اخت توحه

واليوم الكيكه رح تكون سهله عليك لا تنسي تعمليها


وصفات متميزة حلويات من عجينة الباف باستري في منتهى الجمال والروعه تفضلوووو







سلالالالالالالالالالالالالالام
ان شاء الله يكون الموضوع مفيد للجميع يا رب

[تغريد2007]

الحلقه الثالثه

عن تنظيف غرفة الجلوس

كانت هنا

http://www.lakii.com/vb/a-124/3-766570/




السلام عليكم

اليوم عنا تنظيف القعده للست توحه

اول شي افتحي النوافذ على شان ما تنزعجو من روائح المنظفات
تاني شي على شان تشمسي القعده وتججددي الهوا



اذا وجدت سجاده على الارض اكنسيها بالكهرباء ثم اقلبيها وتكيها جيداً


نوعية هذا السجاد الصوف الطويل لا انصح به لمن عندهم اطفال لانه يدخل الغبره داخل الصوف والمكنسه ما بتنظفه كما يجب لذلك عليك قلب السجاده وكتها
ثم ارجعي افرديها ونظفيها







الماده التي احب تنظيف السجاد والكنب بها هي
الصابون النابلسي المبروش اغليه مع ماء على النار ثم اضيف لكل 3 لتر ماء 1 ملعقه كبيره كاز وهذا الذي يعطي اللمعان للسجاد

ماده الصابون المبروش يوجد في كل السوبرماركتات وحتى يوجد في الدوله الاخرى كما علمت وهو من اروع مواد التنظيف وكمان يضاف منه القليل على الغسيل الابيض في الغساله




ما كان عندي مبروش برشت بنفسي








وهيك بعد ما نظفنا السجاده بنشفها في فوطه او ممسحه نظيفه كويس



انا بنصح اذا كان عندك مجال بلكونه تطلعي السجاده تنشريها تنشف في الشمس


نيجي للكنب قبل ما تبلشي تكنسي الكنب كتتي الثريا على شان الغبره تنزل قبل التنظيف









كنسي الكنب على الكهربا








في حالة كنب الاخت توحه لازم تفك الاغطيه اذا بنفكو ةتغسلهم بالغساله
اليوم اغلب الكنب بنفك وبنغسل


وهي مكنسه شحن صغيره انصح بها يعني اذا الاولاد فتفتو البسكوت بتكنسي فيها اسهل واسرع من مكنسة الكهربا الكبيره

واذا الكنب ما بنفك مثل ما قلت انضفه بالاسفنجه بمسحوق الصابون


ونشفي بفوطه ناشفه كويس وافتجي الشباك

وهيك خلصنا من الكنب



التلفزيون والكمبيوتر لا انصحك بوضع الماء عليه انما في ماده خاصه تباع مع الفوطه الخاصه لهذا الغرض



الطاوله والشبابيك لمعيهم بملمع الزجاج



انصحك نصيحه افضل شي لتلميع الزجاج والشبابيك شلحات الاولاد القطن لا تضحكو انا ما برمي ولا شلحة ولد خربت بخبيها بتعطي احسن نتيجه واذا ما وجدت الجرايد بتعطيكي نتيجه كويسه لمعي فيها


الغبره امسحي بفوطه مبلوله مع قليل من الصابون



ونشفي بفوطه ناشف

الحيطان
اليوم اغلب الدهان ( الطراشه ) ما بتحب الماء والكلور لازم كل ست تعرف دهان بيتها بتحمل كلور ام لا
اذا بتحمل افضل شي في حالة توحه الكلور والصابون والماء ليفي وشطفي بماء نظيف





ولكني افضل ان تعيد الطراشه والدهان من جديد وتمنع الخربشه على الحيطان والابواب
الابواب لا يمكن ان تضع كلور على الخشب ابدا انصحها بدهانها من جديد
ويمكن هيك بنكون خلصنا التنظيف






ولا تنسي تعملي طبق الحلو اسمعي مني الختيارات بحبو حلو القرع كتير اعمليلها هالطبق سهل كتير













ان شاء الله يكون موضوعنا اليوم عجبكم وافدنا الاخت توحه بما يرضي الله
سلالالالالالالالالالالالالام

[تغريد2007]

الحلقه الرابعه كانت تنظيف الحمام

كانت هنا

http://www.lakii.com/vb/a-124/4-766898/

يا اخت توحه بدي اذكرك في شي
اكبر بؤرة بكتيريا توجد عنا في الحمامات --في اسفنجة الجلي--في سلة مهملات المطبخ --في المجلى
يعني لازم هالاشياء هي كل يوم تستعمليله كلور او ديتول لازم تطهير يومي

هيك حمام من وين بدنا نبلش هههههههههه

خلينا اول شي نحظر مواد التنظيف




رح نحتاج كلور+صابون عام للارض وللحماما -قشاطه+ممسجه+فرشاة الحمام+ملمع الزجاج+جرايد+ديتول +كفوف
ديري بالك الكفوف يلي بنستعملها في الحمام غيررررررررررر الي بنستعملها في المطبخ ضروري
افركي الحمام بالصابون والفرشاه
ثم ضعي كلور وفركي



مواد التنظيف كتيره في السوبرمارت اختاري ما يعجبك هذا المنتج سعره رخيص وبعطي نتيجه حلوه




بعد ما تخلصي تنظيف الحمام ضعي به ديتول واتركيه بدون ما تفتحي الماء



اشطفي الارضيه ونشفيها



لا تنسي تليفي سلة المهملات وتلمعي الزجاج والمرايه بالملمع
بامكانك وضع زريعه خفيفه من الصبار




ضعي مناشف وبشاكير مناسبه



ضعي فرش مناسب على الارض بعد ما تجف الماء ولا تنسي ان تعرضيها للهواء كل يوم



بامكانك وضع عطور ومناظر مناسبه بلون مناسب في الحمام للراحه النفسيه هههههههههه



شوفي في حالة حمامك انت بحاجه لمنظف من المدهش وهذه ماده حارقه انا شخصياً ما بستعملها الا مره وحده في السنه اضع نصف العلبه في الحمام واتركه ساعتين وهذا لكي لا تتكلس المواسير الداخليه ليس الا
استعمليها وفي نفس اليوم تخلصي منها لانها ضاره وابعديها عن ايدي الاطفال ضروري جدا ً



وهي الحمام صار يلمع




واليوم بعد تنظيف هالحمامات حماتك ما بدها توكل يخلف عليك صايمه هههههههههههههه




ان شاء الله موضوعنا يعجبكم اليوم
سلالالالالالالالالالالالالالام

[تغريد2007]

الحلقه الخامسه والله اعلم اذا كانت الاخيره


تنظيف المطبخ وترتيبه

وكان هون
http://www.lakii.com/vb/a-124/5-767121/

السلام عليكم
انا قلتلك يا توحه انه المطبخ بؤرة بكتيريا ولازم تحافظي على نظافته كتيرررررررررر

من وين بدنا نبلش يا ربي ههههههههههه

استعنا بالله على الشقاء
طلعي مواد التنظيف من هون الكلور والفيري للجلي


خلينا نبلش بالغاز

نصيحه كل بعد طبيخ نظفي الغاز تنظيف كامل هيك بتحافظي على نظافته وبتريحي نفسك ما يكون عليه دهون كتير وتقعد 10 ساعات وانت تحتي فيه هههههه
ولاز كل يوم الصبح تمري على الغاز وتنظفيه قبل ما تبلش تعملي شي مري عليه مرور الكرام على شان بدك تطبخي وبعدين تنبلشي فيه
شيلي الشبك ورشيه بماده مزيل الدهون البارده واتركيه 10 دقائق وبعديف ليفيه بالصابون والماء




نيجي لعيون الغاز



العيون السود على شان يوحد لونهم صدقوني جربت كتير طرق لا تقولو عني مجنونه هههههههههه وجدت انك تدهنيهم زيت وتخليهم 5 دقائق




بعدها ليفيهم بالصابون والماء
وكمان العيون التانيه ليفيهم بالسلكه والصابون وشطفيهم



اذا عندك العيون النحاس اللون الاصفر ولا احلى من هيك بس ادعكيهم بالليمون بصيرو جداد طخ هههههههههه
الفرن تاع الغاز كمان رشيه مادة مزيل الدهون البارده



امسحي بالليفه وبفوطه مبلوله ماء وصابون وبعدين فوطه ناشفه
وكمان الشبك رشيه وشطفيه



وليفي سطح الغاز ونشفيه



وهيك بصير عند انظف غاز




ولا تنسي تلفي وتلمعي البلاط الي ورا الغاز مباشره في ماء وصابون واذا احتاج كلور



لاحظتو عيون الغاز كيف وحد لونهم

الخضار مثل البصل والثوم والليمون رتبيه في سلة المطبخ

انا اخترت دفه في المطبخ وعملت باب الدفه شبك على شان الخضار تتنفس



افرشي جرايد تحت الخضار اسهلك بتبدلي الجريده بدل ما تليفي الشبك




سكريها ما كانه في شي

[IMG][/IMG]

ضبي الارز والطحين والسكر في اوعيه مغلقه ومريحه لك وتكون موافق عليها من الصحه يعني اذا كانت بلاستك




وكمان بتقدري تحطي فيها الشعيريه والمعكرونه والمعلبات
خصصي خزانه لشغل الحلويات والكيك اريحلك





والملاعق رتبناهم من اول حلقه هون



خصصي خزانه للاشياء يلي فيها زيوت وطعام

وتكون بعيده عن المواعين النظيفه




استنوووووووووووووو ما خلصنا

[تغريد2007]

تابع المطبخ
افرشي هالرفين جرايد على فوق الفرش وضعي كل ما يتعلق بالزيوت عليهما وكل اسبوع غيري الجرايد





نصيحه خلي معك فوطه مبلله ماء وصابون كل ما استعملت مرطبان فيه زيت او علبة الطحينه او الكاتشب امسحيها قبل اعادتها للخزانه هيك بتسهلي على حالك

لراحتك رتبي كاسات شرب الماء فوق ثلاجة الماء مباشره
واذا ما عندك في الدفه يلي جنب الثلاجه للتسهيل على الجميع



رتبي كاسات الشاي فوق في الدفه يلي فوق الغاز مباشره




نظفي المايكرويف يومي بالماء والصابون والكلور يعني ماء التنظيف ضعي به ملعقة كلور



وعلى شان يضل عندك نظيف انصحك بشراء هذا الغطاء الخاص بالمايكرويف كل ما سخنت شي غطيه بهذا الغطاء وهيك بتحافظي كتيرررررررررر على نظافته



وانا قلت كل هالاشياء تجديها عند عجولي سنتر البيره شارع نابلس
كمان عنا بؤرة بكتيريا هوووووووووووووووووووون



مكان سلة المهملات لذلك عليك مسحها بالكلور يومي
واستبدال الكيس



رتبي الصحون في مكان في المطبخ




نيجي للبهارات رتبيها في مكان قريب على الغز

نيجي للثلاجه والفريزر والجلايه
الصراحه انا كنت عامله موضوع زمان وبدي اجيب نفس الصور لانه مساحتي التحميل رح تشطب من ورا توحه


ثلاجتك



حافظي على نظافة ثلاجتك دائما وإليك بعض الإرشادات
خصصي يوما في نهاية الأسبوع لتنظيف ثلاجتك وترتيبها لأنها تكون قد خففت بما في داخلها نهاية الأسبوع

أولا --افصلي الكهرباء عن الثلاجة

أفرغي كل ما بداخل الثلاجة





ضعي ماء +صابون + ملعقة واحدة من الكلور

ليفي الثلاجة بالليفة وامسحيها بفوطة أو بشكير جاف

لا تسكبي الماء داخلها

إذا أردت إسحبي الرف من مكانه بحذر وليفيه بالماء والصابون واشطفيه بالماء النظيف تحت صنبور المياه










الآن رتبي أغراضك داخل الثلاجة
حافظي على لف كل ما هو مكشوف بالنايلون
رتبي الرف العلوي ضعي به الأشياء التي تحتاج إلى أكثر برودة للحفاظ عليها مثل
اللبنة --الجبنة --الحمص---الزبدة









حاولي أن تضعي الخضار في صندوق له غطاء محكم وكذلك الفاكهة
ولا تجعليها منثوره بالاكياس هنا وهناك لراحتك عزيزتي
إذا وجدت لديك فاكهة الشمام راعي ما يلي
يجب لف الشمام جيدا ثم وضعه في صندوق مغلق لوحده لأن رائحته قوية ونفاثه جدا
يعني لو وضعتيه مكشوفا سيخترق اللبنة وعند أكلك اللبنة كأنك تأكلين الشمام





احرصي على وضع حبة ليمون مكشوفة في الثلاجة لإعطائها الرائحة الزكية



في أسفل الثلاجة في الجارور ضعي كل شيء جاف له مدة صلاحية كبيرة مثل اللوز ---الجوز---البندق---الفريكة على سبيل المثال

[تغريد2007]

تابع المطبخ



انتهينا من الثلاجة والان نذهب الى باب الثلاجة



حاولي وضع كل ما هو خفيف الوزن في باب الثلاجة مثل العلب الصغيرة
عزيزتي ضعي ماء الشرب في أواني زجاجية مغلقة في باب الثلاجة
وأيضا العصير في إناء مغلق






عزيزتي الرف الخاص بالبيض يوجد في أسفله فتحات افرشي هذا الرف بالنايلون كما ترين قبل وضعك البيض لتضمني عدم نزول أي غبار على الرف الذي يليه
لالالالالالا تغسلي البيض أبدا
بامكانك مسح البيض مسحا بقطنة مبللة بقليل من السبيرتو فقط








وهكذا إنتهينا من الثلاجة بالكامل


عزيزتي لننتقل إلى فريزر الثلاجة



عند تنظيفك الفريزر راعي الخطوات التي اتبعت في تنظيف الثلاجة
عند تفريز الدجاج اغسليه جيدا وضعيه في مصفاة لكي يتصفى من الماء
قسمي الدجاج على قدر طبختك اليومية ولا تضعيه كله معا
ضعيه في أكياس التفريز أو العلب المخصصة له مع التغليف الجيد
قسمي اللحوم أيضا إلى طبخات قدر الحاجة وضعيها في أكياس التفريز
اذا لم تتواجد لديك الأكياس الخاصة لا بأس ضعيها في أكياس بيضاء شفافة واربطي باب الكيس
اذا تواجد لديك سمك ولكي لا تنبعث رائحته إلى الفريزر ضعيه في علبه محكمة الإغلاق وليس بكيس
في الرف العلوي ضعي الخبز لكي تضمني ان لا ينزل عليه أي قطرة من ماء الدجاج أو اللحوم

عزيزتي الفريزر المنفصلة عن الثلاجة لا تحتاج إلى التنظيف كل أسبوع
أنا شخصيا أنظفها مرة واحدة في السنة وهذا يكفي
لأننا لا نضع الأكل العادي بها بل كل شيء في أكياس التفريز المحكمة
ولاننا لا نريدها ان تفقد برودتها كثيرا
اجعلي لكل رف نوع من الخضار اذا أمكن
إستغلي الفرص عند نزول الخضراوات في موسمها وفرزيها للحاجة
مثلا البامية أو الملوخية أو الفول له موسم معين في السنة إشتري حاجتك وفرزيها
هناك عدة ملفات خاصة بتفريز الخضار في منتدانا الغالي سوف تساعدك كثيرا إن شاء الله
أيضا إستغلي الفرص عند نزولك الأسواق ووجدت خضار طازجة بسعر زهيد إشتري وفرزي
إحرصي على كتابة ما يلي على كيس التفريز الخاص بالخضار
1---إسم الخضار
2---وزن الخضار
3---تاريخ تفريزك للخضار
لكي تستعملي وتطبخي الأقدم تاريخا

جلايتك في المطبخ
كل يوم تقريبا نحتاج إلى الليمون ونعصره
هاك نصيحة بسيطة لإعطاء صحونك رائحة زكية برائحة الليمون ولا تكلفك شيء
عند عصرك الليمون ضعي حبة الليمون بعد عصرها في سلة الملاعق خاصة الجلايه وعندها تمتعي بأحلى الروائح




ملالالالالالالالالالالالاحظه --مثل ما ذكرت الصور الاخيره كنت منزله موضوع زمان في صيفنا ابداع وقلت بدل ما نظل نعيد بالصور واخلص مساحة التحميل اضع نفس الصور واذا بدكم صور جديده على راسي على شرط اعطوني من مساحتكم التحميل هههههههههههه

[تغريد2007]

تابع المطبخ

اخر شي في المطبخ نظفي الطاوله ليفي في ماء وصابون فيري ونشفي بشكير ناشف










والكراسي امسحيهم بعد كل اكل بفوطه مبلله ماء وصابون



اخر شي ليفي المجلى بكلووووووووووووووور وماء وصابون وكمان الشباك اذا كان على المجلى موقعه



وهيك مطبخك نظيف

خليني احكيلك بالنسبه للمفارم
يجب ان يكون عندك 3 مفارم
وحده تخص اللحوم
وحده تخص الخضار
وحده تخص الاسماك
ودائماً بعد الاستعمال نظفيها بالماء والصابون والكلور

ان شاء استمتعتو اليوم ومطبخ توحه نظف يا رب

اليوم خذي العيله وحماتك وروحي تغدو في الكنتاكي يا اختي
سلالالالالالالالالالالالالالام

اخر شي في المطبخ نظفي الطاوله ليفي في ماء وصابون فيري ونشفي بشكير ناشف










والكراسي امسحيهم بعد كل اكل بفوطه مبلله ماء وصابون



اخر شي ليفي المجلى بكلووووووووووووووور وماء وصابون وكمان الشباك اذا كان على المجلى موقعه



وهيك مطبخك نظيف

خليني احكيلك بالنسبه للمفارم
يجب ان يكون عندك 3 مفارم
وحده تخص اللحوم
وحده تخص الخضار
وحده تخص الاسماك
ودائماً بعد الاستعمال نظفيها بالماء والصابون والكلور

ان شاء استمتعتو اليوم ومطبخ توحه نظف يا رب

اليوم خذي العيله وحماتك وروحي تغدو في الكنتاكي يا اختي
سلالالالالالالالالالالالالالام

[تغريد2007]

اتمنى انا نكون كلنا استفدنا من مواضيع بعض

وشكرا لكل من تابع الموضوع

[بــــــــدويهـــ ممــــــيزهـّ]

مشاءالله تبارك الرحمن نظافه تفتح النفس و تنعش البال
ربي يعطيك الصحه و العافيه علي النظافه الحلوه
استمتعت جدااا و انا بقري و بشاهد الصور و فتحتي نفسي
في ترتيب بعض الاشياء اللي اجلتهاا بسبب البرد هههههههههه
اكيد الست توحه راح تتعلم منك و من الاخوات هذه النظافه الرائعه
بارك الله فيك و بااوالاادك حبيبتي