يانواعم النووووووووووووووجه اخيرا وصلت
ده من الحلوى المميزه عندى جدا حدا
ولفيت عليها كتير علشان اعرف اعملها
وبعد ما لفيت برده رجعت واتلأقيتها فى منتدايا الغنى بالناس الحبوبه اللى قلبهم ابيض زى الفل
اخدت طريقتها من ام مريم العراقى
اللى غايبه بقالها فتره
ربنا يرجعها بالسلامه
واستمتعت وانا اخيرا بعمل حاجه جديده من زلال البيض
مكوناتى
2 كوب لوز محمص وقطع قطع كبيره
2 1/4 كوب سكر
3/4 كوب عسل جلوكوز
9 م ك ماء
1 3/4 كوب عسل
1/3 كوب زلال بيض
وممكن نزود فانيليا
طبعا انتوا حتشوفوا المقادير وتفتكروا انى اخطأت فى معيار زلال البيض
لأ هو مظبوط لانى قلت كده برده
الطريقه
اضع السكر مع العسل الجلوكوز مع المايه على النار لغايت لما يدوب مع بعض ويغلى جامد اضفت عليه العسل العادى واديته غلوتين حلوين
وفى اثناء غلى البكوات على النار بقوم بخفق الزلال الى ان يعمل فوووووووووم كويس
واجيب المكونات اللى غلت على النار وانزل عليها خيط رفيع وانا لسه بخفق
الزلال
طول ما انا بخفق ونزله على الزلال بالخليط زى الخيط الرفيع من الجنب والخليط بيجمد معايا واصبح ماده لزجه تقيله المهم بعد الخفق جيدا بضيف عليه اللوز المحمص المجروش
واقلبه جيدا
واحضر صينيه مفروده
زى بتاعت البيتزا
واضع عليها قليل من الزيت وبعد كده ورق زبده
وارشها دقيق الذره (نشا)
واضع العجينه عليها وافردها بيدى او بالنشابه زى ما يعجبكوا طبعا بعد ما ارشها قليل من النشا
واسيبها ترتاح يوم كامل
وبعد كده دخلتها الفريزر ساعه علشان اعرف اقطعها
لازم ارش عليها دقيق الذره او النشا علشان اعرف امسكها
لازم احتفظ بها فى الثلاجه وبالهنا
وده صورتين للتعذيب ومشحدى واحده لماما الاء
الروابط المفضلة