بسم الله الرحمن الرحيم
اختي الغاليه يمكن ردي مايعجبك ويعجب الاخوات لكن
كيف نتعامل مع الموقف بذكاء
هنا الكلام
الحرب ماتنفع ولا كان جابت نتيجه في الحروب الي خضناها
مع كبار الدول
والرجل مثل الدوله ومثل الحاكم
يعني طاعته واجبه
نصيحتي قبل تردين على ابوك
تروحين لامك وتجلسين معها
وتفهمينها هالكلمتين كيف نكسب هذه الجوله
اولا تقنعين امك انكم انتم الخسرانين في حال
الابتعاد وعدم الحضور
يعني تقولين لها ممكن ابوك تكون هذي نزوه بحياته
وتمر ويرجع لكم الامور من صالحكم
لكن اذا كلكم رفعتو علامه الحرب
الوالد بيحس انكم كارهين الزوجه بدون سبب وهو الي اختار
فليش تخسرونه تعاملو بذكاء
ابوك هو الي فاتح البيت وهو الي يصرف اكيد
يعني اقنعيها انكم تروحون وبهدوء وعلميها
ان الصبر هو الحل والتماشي مع الامور
اتمنى الله مايحطنا في هالموقف الي فيه امك
لكن ممكن تخسرون اكثر بغضبه
والزواج من اخرى ليست خيانه شرع يا اختي
انا ما اؤيد الزواج بالثانيه بس خلاص
الموضوع بيصير وابوك خلص تخطيط
اعرف لك وحده اعجبني ذكائها
ابوها تزوج على امها والله حتى صار مايجي عند امها
بس كانو عايشين بمستوى لا يصدق
دلع وسنع ولبس
وكل شي متوفر لهم لانها حاولت تكسب ابوها يعني
احسن من انكم تخسرون كل شي الرجال ممكن الزوجه الجديده تقلبه عليكم فلا تعطونها فرصه تصير هي مظلومه
وتقربي لابوك اكثر يمكن تتصلح الامور
خليك انتي بالوسط واكسبي امك بهالكلام واكسبي ابوك بالروحه
والله اكتب لك وقلبي يعورني على امك
الله يعينها ويصبر قلبها
والله يسخر لها الوالد
اما اختك انا اشوف انها تستخير لكن بصراحه انا
ضد السكن مع الاهل مهما كان اسكن بغرفه ومطبخ وحمام بس مستقل افظل..
عن تجربه عشتها مع اختي للاسف تعاني المر الان
مع ان ام زوجها تفرب لنا
دائما تحس بالنقص بحياتها الزوجيه..
الله يسهل امرها ..
ويوفقها ويوفقك..
اختي اتمنى ماتزعلين من كلامي
الي داخل المشكله مايقدر يعرف يتحكم لكن الي خارجها يشوفها
من برى ويفكر بذكاء اكثر من التفكير عن طريق المشاعر
رد مع الاستدلال
كتبت بواسطة دعوه شخصيه
الروابط المفضلة