السلام عليكم و رحمة الله و باركاته
و هده حصيلة الايام اللي فاتت السفر متاع الايام الماضية مخلطة مع بعض ههههه
طبعا الشربة العربية اما بالحوت او باللحم و البوريك الدحي هدوم الحاجتين رسميات في السفرة اه ياقلبي ليين نكرهم باخر رمضان هههههه مجبرا اخاك لا بطل يمكن باخر اسبوع ماعادش تشوفزا صونيتين شربة وبوركتين تبدوا تشوفوا صونية وحدة و بوريكة وحدة خخخخخخ
سلاطة خيار بالياغورت و النعناع
رز بالخلطة و كباب بالفرن
كروكيت بطاطا محشية بجبنة كيري
بوريك العجينة المنتفخة محشي بالمفروم و فيه محشي بالسباناك
كفتة حسن باشا و اخيرا ياكيتي هههههههههه ان شاء الله توة نزل تطبيقي بالركن
سلاطة مشوية
لازانيـــــــــــــــــــا يم يم يم
وهي ياالاء دكرتيني بالحويتات قلت خلي اندير الكالامار خخخخخخخخخ
كالامار محشي بالرز و قوارب بالجبنة و قوارب بالمفروم
تورتيليني ام ام ام مانحكليكمش حكايته حكاية توحم عليه الغالي مع الساعه 6:30 و خشيت للمطبخ الساعه 7 بديت نعجن و نلف خخخخخخخ و الحمد لله وتي مع الوقت
معجنات القواقع سبق انني نزلتها بس الصور ياخسارة اختفت محشية بالجبنة
و قوارب من نوع تاني بالمفروم حتى هي كنت منزلتها قبل
و يومها اتصلت بيا كيتي الحبوبة تسأل فيا علي بلح الشام فزنت في راسي تاني يوم انني انديره بس اني عادة عيني ميزاني نقدر تقدير و هالمرة تقديري للزبدة جي غلط بس حليت المشكلة سريعا
جتني زيادة زبدة هي تلت ارباع الكوب و اني شكلي زدت المهم جتني سايلة فبدل لا نديرها اصابع درتها فيونكات ههههههه
بس مانحكيلكمش رووووووووعة الطعم
و درت منها الكلير جاني مش عادي منتفخ و فارغ من الداخل و حشيته كسترد و رشيت عليه سكر ناعم
و ان شاء الله عجبتكم سفري
و
بالنسبة للكريم كراميل و لا يهمك هدي مقادير مية مية و طريقة علي ضمانتي اندير فيه و يجيني روعه
3 كوب حليب حكة مركز مش مكثف و مش محلى حليب الحكة متاع الزهرات او اي نوع بس يكون حكة ههههه
3 بيضات
كوب الا ربع سكر
فانيليا
و طبعا سكر باش اديريه كراميل
خودي صوينياتك اللي بديري فيهم الكريم كراميل و صبي فيهم السكر المحروق خخخ
و اضربي البيض و الحليب و السكر و الفانيليا و صبيهم عليه و حطيهم في حمام مائي بالفرن تقريبا نص ساعه لو الصوينيات صغيرات و اتفقديهم و بعدين حطيهم بالتلاجة ليين يبردوا و بعدين اقلبيهم و صحتين وماتنسيش تدعيلي
و بالنسبة للكليلا كيف ثقبتيه من الجناب مافهمتش عليك ؟؟؟
و بالنسبة للعجينة لالالالالا بلح الشام نفس مقادير الكلير لكن القزلامة مقاديرها غيررررر ماتخلطيش الامور ببعض حبيبة خخخخخخخخخخخخ
التائبة لله سامحيني حبيبة و الله هالرد خدي مني كل امكانياتي باش كملته خخخخخخ
و لايهمك سلالالالالالالالالالالام خص نص للتائبة لله امواااااه حبوبة
بالنسبة للقوارب حبيبة حطي الزبدة و الزيت نفس المقدار و دقيق و بعدين حطي عليهم ماء زهر او ماء عطر يصبح عجينة لا مش زي متاع الغريبة لالالالا عجينة رطبة زي متاع القرطلة لو تعرفيها
و القزلامة مافيهاش بيكنج بودر لالالالالا زيت و مية و دقيق بس بس
السنفورة ماشاء الله بجديات قبل المغرب شكلنا فجعانين و بعده مش خاطرنا ناكلوا نقعدوا نتفرجوا ههههه
صحتين القزلامة ههههههههههه صار اعتمدتيها
اريناس سلمها ياربي وين قزلامتك ياريت يابنات اللي اديروا اي تطبيق نزلوه بالركن المخصص دعااااااية لباقي البنات متاع المنتدى باش يستفيدوا و صاحبة الوصفة تفرح بوصفتها ههههههه
و بالنسبة للتورتيليني هدي مقاديره و ان شاء الله حنزله قريبا:
لكل كوب دقيق بيضة و رشة ملح و شوية مية للعجن باش تنسبك معك العجينة
خليها ترتاح ليين اطيبي الحشو كيما او اي شيء تفضليه
افتحي العجينة بالعصا اني غالبا مانحبش نفتح المعجنات بالدقيق و انتي حاولي انك نفس الشيء لو استحقيتي لدقيق شوية مش هلبة لانه كترته تصعب عليك انك تسكري الحواشي الا بان تدهنها بشوية مية و قصة خخخخخخ
قصي مربعات و حطي الحشوة بكل مربع و سكريه متلت تقدري اتخليه متلت او تسكري اللفات علي شكل قواقع زي مااني مدايرتهم
و خليه علي فوطة ليين يجف و لو مستعجلة سخني الفرن و حطيه علي صهد الفرن باش يجف شوية و لو مستعجلة بكل بلاش منه مرحلة التجفيف ههههه
بعدين غلي مية و زيت و ملح و غليه كأنك بتغلي مكرونة و صفيه و حطي عليه صلصتك اللي مجهزتيها ماتنسيش تطفي عليه شوية سمن او زيت او زبدة
يم يم يم
الروابط المفضلة