✿*تطبيق متميز*✿ قدرة قادر ( حلى بالشكولاته ) مع الصور من مطبخي

[{أم شجون}...]

السلام عليكم

حلى قدرة قادر معروف انا اعمله كثير
بس المرة هذي الطريقه غير
شفتها في منتدى و خذيتها وطبقتها بصراحه يجنن
اتمنى يعجبكم
يالله نبدا

المقادير

2 كيس دريم ويب ..

2 كريم كرامل ..

2 علبة حليب بوني ..

2 علبة قشطة ..

نص كاس ماء ..

علبة خليط ( كيكية بالشوكولاته السوداء ) << بيتي كروكر أو اي ماركة ثانية ..

للتزيين :

شراب الشوكولاته ( هيرشي شيره )

شراب الكرامل ( فرشلي ) او أي نوعيه ثانية ..

الطريقة :

1/ نضع السكر الأسود ( اللي يجي في علب الكريم كرامل ) في قاعدة صينية مستديره أو مجوفه من الوسط ( براحتك).. او انتِ تحرقين سكر اذا مافي جاهز...

2/ نضع { الدريم ويب والكريم كرامل والحليب والماء والقشطة } على النار حتى تطبخ ..
ثم نصبها في الصينية على السكر ..

3/ نقوم بعمل الكيك كما هو مدون على العلبة ..
ثم يصب فوق الخليط السابق بحذر ...

4/ نغطي الصينية بورق قصدير جيداً ونضعها في الفرن في حمام مائي
( يعني تحطين تحتها صينية فيها مويه ساخنه) عشان البخار يتصاعد وما تحترق الكيكة ..

5/ تتركينها لمدة ساعة كاملة في درجة حرارة ( 380) فهرنهايت << يعني حرارة متوسطة ,,

6/ بعدها تطلعينها من الفرن وتشربينها بشراب الشوكولاته ( هيرشي شيره ) وتحطينها في الثلاجة على الاقل مدة 3 ساعات ..

7/ بعدها تقلبينها في صحن وتسوين خطوط بشراب الكرامل وشراب الكاكاو << اختياري مو غصب ..

8/ قطعيها وزينيها براحتك ..

وهذي صورتها في النهايه ..

ان شاءالله تكون عجبتكم