مدارس مدارس............الجزء الرابع

[أم جورى]

ازيكم يا احلى امهات طبعا انهاردة مشغولين بالفسيخ والررنج

الحمد لله انا باة مش باكل فى اليوم ده حاجة

المهم جايبالكم شوية موضوعات حلوة اوى كنت منزلاها على الفيس بوك يا رب تعجبكم وقلت نخرج شوية عن جو البحث عن المدارس

تكوين شخصية طفلك

http://www.facebook.com/topic.php?topic=8199&uid=154421605064#/topic.php?uid=154421605064&topic=8199

التبول اللا ارادى

http://www.facebook.com/topic.php?topic=8199&uid=154421605064#/topic.php?uid=154421605064&topic=8198

الكذب عند الأطفال

http://www.facebook.com/topic.php?topic=8199&uid=154421605064#/topic.php?uid=154421605064&topic=8197

انتبهى من هذه الأخطاء

http://www.facebook.com/topic.php?topic=8199&uid=154421605064#/topic.php?uid=154421605064&topic=8196

50 طريقة لزرع الثقة فى طفلك

http://www.facebook.com/topic.php?topic=8199&uid=154421605064#/topic.php?uid=154421605064&topic=7953

تعملى ايه لو طفلك زنان

http://www.facebook.com/topic.php?topic=8199&uid=154421605064#/topic.php?uid=154421605064&topic=7858

[الاميرة طماطم]

السلام عليكم يا أحلى أمهات
وبوجه سؤال لكل أم ابنها أو ابنتها رايح KG2 .
عايزة أعرف المفروض الولد أو البنت بيكون أنجز إيه بالضبط بعد ما يكون خلص KG1 .
معلش أنا بسأل لأن أولادي الإثنين KG1 السنة دي في دبي وهقدم انشاء الله في مصر KG2 بس عايزة أعرف علشان الInterview.

وأسفه لإزعاجكم و ياريت يا بنت مصر تفيديني أو أي أم عندها معلومة عن الموضوع دا
شكرا لكم جميعا و ربنا يكرمنا في أولادنا آمين.

شوفى يا بوسى ..
هى المدارس بتختلف من واحدة للتانية لكن المضمون واحد يعنى انا بنتى هتروح انشاء الله السنه الى جاية kg2 السنه دى اخذت الاتى :

العربى اخذت احروف كلها وعلى كل حرف 3 كلمات والمفروض انها تعرف كويس تكتبهم لوحدها وتتملاهم وتربط بين الحروف والكلمات وهى خلصت الحروف والمدرسة بتاعتها قالت انها هتبتدى تديهم كلمات صغيرة وانهم يعرفوا يكتبوا اسمهم

الماس اخذت الارقام لغاية 20 ودة الى موجود فى الكتاب لكن مدرستها بتزود شكلها كدة هتوصل 30 بالاضافة للجمع والطرح لغاية 10

الانجليش الحروف كلها اورال وريتن و3 كلمات على كل حرف اورال وبرده يربطوا بين الحروف والكلمات

بالنسبة لمنهج اللغات دة بيختلف من مدرسة لتانية لكن بيبقى غالبا جمل بسيطة زى اسمك ايه ,كيف حالك ,عندك كام سنه , الالوان , اسماء الملابس , محتويات الحمام والنظافة الشخصية, مش فاكرة ايه تانى

يارب اكون افدتك واى سؤال انا تحت امرك

[الاميرة طماطم]

زقازيقو.. عود احمد كنت فين

ام جورى.. حلوين قوى المواضيع بتاعتك دى .. على فكرة انا برده ماليش فى الفسيخ والرنجة زيك
كنت عايزة اسألك انت بتقولى ان فى جينيس بيجى محفظ علشان تحفيظ القرأن دة معناة ان الاولاد بيجوا حافظين من المدرسة ولا ايه

عبير ودينا .. انتم فين

[أم جورى]

زقازيقو.. عود احمد كنت فين

ام جورى.. حلوين قوى المواضيع بتاعتك دى .. على فكرة انا برده ماليش فى الفسيخ والرنجة زيك
كنت عايزة اسألك انت بتقولى ان فى جينيس بيجى محفظ علشان تحفيظ القرأن دة معناة ان الاولاد بيجوا حافظين من المدرسة ولا ايه

عبير ودينا .. انتم فين

بصى هما بيبقوا حافظين بس لازم انتى كمان تتابعى معاهم الحفظ

وانا بصراحة جايبلهم محفظة فى البيت علشان كدة هما اصلا حافظين

[ٍPossy]

شوفى يا بوسى ..
هى المدارس بتختلف من واحدة للتانية لكن المضمون واحد يعنى انا بنتى هتروح انشاء الله السنه الى جاية kg2 السنه دى اخذت الاتى :

العربى اخذت احروف كلها وعلى كل حرف 3 كلمات والمفروض انها تعرف كويس تكتبهم لوحدها وتتملاهم وتربط بين الحروف والكلمات وهى خلصت الحروف والمدرسة بتاعتها قالت انها هتبتدى تديهم كلمات صغيرة وانهم يعرفوا يكتبوا اسمهم

الماس اخذت الارقام لغاية 20 ودة الى موجود فى الكتاب لكن مدرستها بتزود شكلها كدة هتوصل 30 بالاضافة للجمع والطرح لغاية 10

الانجليش الحروف كلها اورال وريتن و3 كلمات على كل حرف اورال وبرده يربطوا بين الحروف والكلمات

بالنسبة لمنهج اللغات دة بيختلف من مدرسة لتانية لكن بيبقى غالبا جمل بسيطة زى اسمك ايه ,كيف حالك ,عندك كام سنه , الالوان , اسماء الملابس , محتويات الحمام والنظافة الشخصية, مش فاكرة ايه تانى

يارب اكون افدتك واى سؤال انا تحت امرك

شكرا ليكي يا حبيبتي على سرعة ردك عليا وفعلا إنت نورت المحكمة
والله إنت أفدتيني و خوفتيني في نفس الوقت لأن الولاد في مدرسة أمريكي في دبي وفعلا أخذوا نفس إللي قولتيه في الإنجلش بس

إنما في العربي : مفيش كتابة كلمات لكن طبعا معرفة الحروف وكتابتها والربط بين ا لحرف و الكلمة كل دا تمام

بالنسبة للماث: يعرفوا يعدوا أورال لحد 20و يكتبوا لحد 10 أنما طبعا لحد الآن مفيش لا جمع و لا طرح

بالنسبة للمحادثة يعني هما معقولين يعني الجمل البسيطة دي عارفنها كويس


بس دا معناه إن هما محتاجين تقوية ولا أستنى هما لسة أدامهم شهر بالضبط ويخلصوا


أصلي أنا خايفة يدخلوا KG2 , ومستواهم يكون أقل من زمايلهم بالذات في الكتابة ولا الموضوع مش مستاهل قلق ولا إيه رأيك ؟

[nashwa1]

تحت أمرك يا حبيبتى
اسفة على التأخير
شوفى يا ستى,الانترفيو بيكون فعلا عن حيوانات أو فواكه أو أشكال......
حاجات بسيطة يعنى
بالنسبة للأهل,بيكون انترفيو بالانجليزى,بس بسيط يعنى....بيسألوا الطفل بيحب يلعب ايه؟؟؟ بتشجعيه ازاى؟ و بتعاقبيه ازاى و على ايه؟؟؟ و ايه أسلوب التعامل بين الأهل و بينه؟؟؟ كده يعنى
ربنا يطمنك يا جميلة

الف شكر يا بنت مصر على الرد معلش اسفه على التأخير
عقبالك يا رب كنت فى عمره ولسه راجعه اليوم
وان شاء الله الانتر فيو بعد بكره ادعيلى بقى ربنا يسترها علشان انا قلقانه ونفسى اخلص من الهم ده

[nashwa1]

NASHWA يا ريت تقولى اخناتون وحشه لية انا ابني فيها سنه تانيه ابتداىى

انا اسفه علىالتأخير حبيبتى بس اخناتون سمعتها سبقاها
وحشه جداااااااااااااا ماديين مفيش انضباط ومستوى الدراسه والاداره سيئ للغايه
غاليتى المعلومات دى عن لسان جارتى كان اصدقاءها شغالين هناك وسابوها
فى حاجه كمان انا لما رحت المعرض وشفت شكل البارتيشن بتاعها اتضايقت جدا من اهمالهم

[bent masr]

Bent masr

اخبارك ايه؟ كنت عاوزه اسألك على موضوع الدروس , الناس بتقولى ان كل الطبة بتاخد دروس فى كل المدارس و من primary كمان !!! كنت عاوزه اعرف الوضع فى المصرية ايه ؟ أكيد انتى عندك معلومات عن الموضوع ده.
و كنت عاوزه اعرف كمان معلش بتعبك, هو النظام فى المصرية نظام اليوم الكامل يعنى بيعملوا الواجب فى المدرسة ؟

ازيك يا نوجا
بصى يا جميلة,زى ما قالولك فى المنتدى....فعلا موضوع الدروس ده استسهال أمهات,أو أم مواعيدها مش سامحة تقعد مع أولادها...
فى المصرية فعلا فيه طلبة فى ابتدائى بياخدوا دروس,لكن مششششششششش مع مدرسين المدرسة لأن الادارة بتعمل كنترول جامد على الموضوع ده و المديرة بنفسها بتتابع الحكاية دى. فلو انتى عندك الوقت و طولة البال,طبعا مافيش داعى للدروس و وجع الدماغ.و الله الواحد بيستعجب...........انا أخدت دروس فى ثانوية عامة,عشان ثانوية عامة....انما ابتدائى ايه اللى ياخدوا فيه دروس ده؟؟؟!!!؟؟؟؟ و بعدين ما شاء الله...المصرية مش بيقبلوا حد الا اذا كان كويس جدا فى مادته و بالتالى مدرسين المرسة بيعملوا اللى عليهم و زيادة,الباقى بقى على البيت و التلميذ.

و بالنسبة للباص,مافيش تكييف للأسف, وده فى كل المدارس الناشيونال.
بالنسبة لنزول البيسين,اختيارى.....لو مش عايزة,بتقولى لأ. لكن بيبقى معاهم اشراف كفاية و أصلا بينزلوهم بيسين أفال على أدهم خالص

[bent masr]

السلام عليكم يا حلوين اذيكم
عندى مشكلة وعاوزة رايكم
انا بنتى هتدخل بيبى كلاس وطبعا بيخرجوا بدرى الساعة1
وانا بشتغل وبخلص شغل الساعة 4
احلها اذاى بقى
وجزاكم اللة خيرا

بصى يا بطاطا يا عسل,أدامك حل من اتنين:
1- البنت ترجع من المدرسة على حضانة جنب بيتك after school و ده بيكون باشتراك مثلا 300 جنيه فى الشهر ولا حاجة,لكن ميزته ان البنت هاتتغدى فى الحضانة و تلعب شوية على ما تيجى تاخديها
2-تشتركيلها فى ال waiting فى المدرسة و ده انها تقعد فى أوضة الفيديو مع باقى أطفال الويتينج لغاية ميعاد مرواح الكبار و تركب الباص مع الكبار .ميزة النظام ده انها هاتبقى مع أصحاب من المدرسة و كمان أرخص كتيييييييييييير 30 أو 50 جنيه فى الشهر,لكن طبعا بدون أكل,انتى اللى تديها الأكل

يا اما بقى ترجع على بيت مامتك لو قريبة منك!!!
ربنا يعينك

[dinahahmed]

تسمحيللى ارد عليكى يا بوسى
انا شايفة ان كدة كويس اوى بالنسبة لكى جى ون انا ابنى السنة دى فى كى جى تو ولسة مبيكتبش كلمات لوحده يعنى ممكن ينقل لكن مش بيحفظ ويتملى فمتقلقيش موضوع الكتابة ده حيكون من برايميرى ون لكن المستوى اللى ولادك فيه دلوقت معقول جدا ومش حيبقوا اقل من زميلاهم ولا حاجة

[muslium]

السلام عليكم

أزيكم جميعا و حشتونى بجد
معلش كنت مسافره و لما رجعت ماشاء الله قعدت أقرأ يجى ساعتين
ربنا يبارك فيكم يا رب

- مبرووووووووووك ليكى يا عبير وربنا يوفقك و يوفق بنوتك يا رب لكل خير
و عقبالنا جميعا

- رونى انتى قولتى انك كل اللى شوفتيهم فى اوراسكوم مسيحين أزاى اذا كان المدير بس اللى مسيحى و الباقى كله مسلمين ناظرة المدرسه و المدرسين و حتى الدادات؟
و قلتى كمان انك حسيتى انهم مش هيهتموا بالدين خالص بشكل مقصود ؟ يعنى ايه حتى مش هياخدوا الدين العادى اللى بياخدوه مدارس الحكومه !!
يا ريت توضحيلى أكتر علشان استقر . أنا اكتر حاجه عجبانى فى المدرسه هى النظام الجديد فى التدريس و موضوع اليوم الكامل ده. فى حاجه كمان انتى سألتى عن الأكتيفتيز؟ و أتفرجتى على المدرسه ؟ يا ريت تقوليلى رأيك. فى انتظارك

- فى أخت كانت اتكلمت عن مدرسة دار الهدى و قالت لسه محدش عمل تقرير عنها
أنا روحتها هى و محرم و المنار الحديثه و نزلت تقرير عنهم بس فى منتدى تانى هنقله فى المشاركه القادمه ان شاء الله

- بالنسبه لأخواتى الحلوين اللى ساكنين فى الرمايه و حدائق الأهرام أنا مستعده أشترك معاكم فى نقل الأولاد
مش لازم أحنا اللى نوديهم و نجبهم ممكن نتفق مع تاكسى مثلا متهيألى هيبقى اسرع لأن العدد هيبقى أقل و كلنا جنب بعض. أيه رأيكم؟
أنا لحد دلوقتى مش عارفه مين بالظبط اللى فى الرمايه و حدائق الأهرام متهيألى رونى فى الرمايه و طماطم فى حدائق الأهرام. صح كده؟ هل من مزيد

- بالنسبه لمدرسة محرم الأسلاميه انا كنت روحتها صحيح بس نسيت اسأل على الأكتيفتى خالص (أصل كنت فى اخر جولتى و كانت اعصابى تعبانه من اللف على المدارس) يا ترى حد يعرف حاجه عن الموضوع ده؟
بالنسبه للف فى المدرسه انا طلبت منهم انى اتفرج على المدرسه قالولى يوم السبت و عملت ابلكيشن ب 50 جنيه و ادونى سى دى للمدرسه لو حد عاوزه ممكن انزله على الرابيد شير و ابعتلكم اللينك

- بصراحه يا جماعه انا كنت مبهوره بالمصريه لشكر ناس كتيره فيها بس انا دلوقتى شايفه انها عاديه. و الأهتمام بالدين عادى برده أنا كنت فاكره انهم بيحفظوهم فى المدرسه و يجوا حافظين لو انا اللى هحفظ البنت فى البيت او هجبلها محفظه يبقى موضوع الحفظ فى المدرسه ملوش لازمه
و بعدين موضوع ان فيه كويز و أملاء عربى و انجليش كل اسبوع ده العادى و اللى المفروض يحصل فى كل المدارس و لو مبيعملوش كده يبقى بيهرجوا و كنت فاكره ان فيه اهتمام بالأنشطه لقيتها برده عاديه و انا بتكلم عن الأنشطه العاديه يعنى كمبيوتر - رسم - موسيقى - حصص الألعاب العاديه !!!!! مش مهم السباحه و الكاراتيه و الحاجات ديه انا كده كده هوديها نادى الرمايه ان شاء الله بس يا رب اسعاره تطلع كويسه

بصراحه يا امهات انا شايفه انه بيضحك علينا
لو تفتكروا كده و انتم صغيرين و مقطقطين كانت هى ديه الحاجات اللى بتحصل فى مدارسنا اللى كانت بشلن بالنسبه لأسعار دلوقتى
أنا شخصيا كنت فى محافظه مطروح و كانت مدرستى كبيره و فيها كل الأنشطه ديه و اكتر و كنت مش مخليه صحافه و اذاعه ورحلات و اتحاد طلاب و كان الفصل يا دوب 30 و المدرسين بتشرح و بنمتحن و عيشه هنيه و مفيش بعد كده
هو الدنيا بتتقدم و لا بتتأخر !!
عاوزه اقولكم ان اللى بنطلبه هو العادى جدا المفروض يكون فى اى مدرسه و المفروض ان المدارس اللى هندفع فيها الفلوس ديه يكون عندها حاجات اكتر من كده تديها لأولادنا
وربنا يرحمنا و منه لله اللى كان السبب فى فشل التعليم و انحداره بهذا الشكل

[muslium]

أنا روحت النهارده دار الهدى - المنار الحديثه - محرم الأسلاميه
سألت أولياء أمور و كلمت ادارة المدرسه
بالنسبه لدار الهدى : الأمهات شكروا فى السلوكيات و مستوى التعليم و قالوا انه العادى مش أقل و مش اكتر و فى تعاون من ادارة المدرسه لما يبقى فيه شكوى و لا حاجه. كثافة التلاميذ فى الفصل بالنسبه لكى جى ممكن توصل حاجه و تلاتين و بتقل فى ابتدائى و اعدادى. بيفصلوا بنات عن أولاد
الوحش بقى ان المدرسه كئيبه جدا مبانى وحشه اوى و مضلمه و غير جيدة التهويه و فصول ضيقه. يعنى خنقه بصراحه

- المنار الحديثه مدخلناش لأكتر من الريسيبشن و الهانم المسئوله حتى مكلفتش خاطره تكلمنا فيس تو فيس كلمتنا بالتليفون و مرضوش نتفرج على المدرسه قالوا بعد الدراسه و بصراحه غير مرحبين و كأنهم بيقولوا امشوا احنا مش عاوزين حد. لكن فى المبانى هى انظف من دار الهدى بس انا مشفتهاش من جوه علشان كده مقدرش أحكم أوى و الناس شكروا فى مستواها التعليمى

- محرم الأسلاميه : هى احسن حاجه انا شوفتها النهارده المدرسه مبانيها حلوه و مشمسه و الأطفال شكلهم نضيف و الأمهات اللى سألتهم أولادهم فى مراحل تعليم مختلفه و كلهم شكروا فيها و بأهتمامهم بالدين و تحفيظ القرأن و السلوكيان و الأنشطه العاديه و فصل البنات عن الأولاد و ان الأداره متعاونه و المستوى التعليمى كويسو منهج الأنجليش برايت ستار وده من المناهج القويه

عموما انا عملت ابلكيشن هناك ب 50 جنيه لا ترد و المصاريف العام الماضى كانت 3000 بالكتب + 300 يونيفورم + 1300 باص يعنى 4600 و العام ده هتبقى ازيد تقريبا فى حدود ال 10 فى الميه - على فكره المصاريف ديه لرابعه ابتدائى

و ديه نتيجة جولتى النهارده و عن قريب ان شاء الله اروح حفر الباطن - الوادى - المصريه

[muslium]

معلش يا جماعه تقلت عليكم

- أنا نفسى اعرف لو البنت فى مدرسة محرم يبقى الباص هياخد اد ايه عقبال ما يوديها و يجبها للرمايه؟
و لو فى المصريه او حفر الباطن مثلا هياخد اد ايه؟

- معلش يا دينا حاسه اننا زهقناكى من كتر الأسئله
هو فى المصريه فى اجتماعات دوريه لأولياء الأمور؟ و ايه مقدار تعاون الأداره مع المدرسه و أزاى أطمئن على مستوى البنت هناك؟ و لو عندى شكوى او ملحوظه ايه القنوات الشرعيه لكده؟
حلوه القنوات الشرعيه ديه

- متهيألى كده يا جماعه الفرق بين محرم و المصريه كثافة الفصول فقط. يا ترى رأى صح و لا غلط؟ ايه رأيكم انتم؟

- رونى و طماطم و ام جورى وزقزوقه و دينا رسيتم على ايه اختارتم و لا لسه؟
اسفه اذا كنت نسيت اسم حد

[eyadnasr4u]

معلوماتك بتفدنى فعلا يا دودى بس تفتكرى 40 تلميذ فى الفصل دى مش كتير معنى كدة ان مش هيكون فى اهتمام و كدة ممكن نضطر للدروس الخصوصية و نبقى معملناش حاجة ..... عموما انت فى المعادى وانا فى المقطم فأكيد اختياراتنا ممكن تكون قريبة من بعض فأكيد انشأالله نفيد بعض .. انا قدامى دلوقتى اربع مدارس بالترتيب:-
1- طلائع الكمال مصر الجديدة ( المشكلة الوحيدة انى مش واثقة ان فى باص
للمقطم ولا لأ حتى لو باص خاص )
2- فيكتوريا كوليدج المعادى ( مشكلتى انها مختلطة حتى ثانوى وكثافة الفصول عالية )
3- القنال ( معنديش لسة معلومات كافية بس فى مشكلة الاختلاط برده)
4- مجمع الملك فهد التجريبى مدينة نصر ( ده اخر اختيار بالنسبة لية لأنه متختلط طبعا لحد ثانوى ده غير انه فى الاخر برده رغم انها مدرسة تجريبى ومتميزه الا انه برده تعليم حكومى يعنى اشك فى المتابعه والاهتمام و الاكتيفيتيز والحاجات دى)

اتمنى تشاركونى اراكم يا امهات يا حلوات وشكرا مرة تانية يا دودى

السلام عليكم
اسمحيلى اقولك ان مجمع الملك فهد لم يصبح كالسابق ومفيش باص والمصاريف حوالى 2420+171 تقريبا اما السن كبير شوية و التليفون لو عايزة 22620827

[ٍPossy]

تسمحيللى ارد عليكى يا بوسى
انا شايفة ان كدة كويس اوى بالنسبة لكى جى ون انا ابنى السنة دى فى كى جى تو ولسة مبيكتبش كلمات لوحده يعنى ممكن ينقل لكن مش بيحفظ ويتملى فمتقلقيش موضوع الكتابة ده حيكون من برايميرى ون لكن المستوى اللى ولادك فيه دلوقت معقول جدا ومش حيبقوا اقل من زميلاهم ولا حاجة

ربنا يخليكي يا حبيبتي طمنتيتي والله
لأني فعلا ماكنتش بنام.
يمكن الموضوع يبان إنه تافه وإني مزوداها بس فعلا كنت قلقانه أوي ولما بعرف رأي حد مجرب يعني بستفيد أوي وربنا يخليكوا ليا أستشيركم على طول
وربنا يصلح حال أولادنا جميعا

معلش أنا كتبت لك تعليق تاني في الصفحة التالية يا ريت تقرأيه و تفيديني برأيك يا دينا