تويت
مدارس مدارس............الجزء الرابع
بسم الله الرحمن الرحيم
مدارس مدارس..........الجزء الثالث(ما شاء الله)
اغلق الجزء الثالث ومبروك الجزء الرابع
-
بسم الله الرحمن الرحيم
مدارس مدارس..........الجزء الثالث(ما شاء الله)
اغلق الجزء الثالث ومبروك الجزء الرابع -
ميرسى يا possy انا بنتى هتكون فى اول 10 4 سنوات ونصبصى يا حبيبتى انا واللةمعرفش عنها تفاصيل كتير لكن العنوان اللى كتبتة روكا صحيح لكن اللى انا متاكدة منة حسب ما سمعت يعنى ان المدرسة ممتازة وخدى بالك ان المدارس الفرنساوى بتاخد سن اقل من الانجليزى انت بنتك عندها كام سنة
لو بياخدو فعلا سن اقل يبقى كويس جدا -
أنا عرفت من ولاد عمة زوجى هما فيها انهم بيأخدوا من اربع سنين وأربعة وربع وأنى كل مرحلة فصل واحد على العموم انا هروح إن شاء الله على يوم الأربعاءتعليق
-
اهلا يا بنات مبروك الجزء الرابعتعليق
-
نهند
اعتقد ان مفيش حد هنا بيعمل دعاية لمدرسة عن الاخري لاننا كلنا في الهوا سوا وكلنا بندور علي الافضل لاولادنا ...ولو راجعتي الاجزاء من الاول هتلاقي في مدارس كثيرة بنفس اسعار مدرسة المصرية وهي حلوة كل واحد هنا بيكتب عن تجربته
مش معقول كل البنات اللي كتبوا هنا عن مدرسة المصرية بيعملوا دعاية للمدرسة او كل واحدة شكرت في مدرسة يكون فيها ابنها او بنتها تبقي بتعمل دعاية للمدرسة
وبعدين عمرنا ما هنلاقي مدرسة الاحلام اللي كل حاجة فيها 100% اكيد كل مدرسة لها ايجابيات ولما سلبيات مفيش كمال الا لله وحده سبحانه وتعاليتعليق
-
معلشى يا roca يا ريت لما تروحى تجيبيلى رقمهم كمانأنا عرفت من ولاد عمة زوجى هما فيها انهم بيأخدوا من اربع سنين وأربعة وربع وأنى كل مرحلة فصل واحد على العموم انا هروح إن شاء الله على يوم الأربعاء
و لو ممكن تعرفيلنا هما عندهم باصات اصل المكان اللى انتى وصفتية دة هيبقى بعيد عنى شوية معلشى انا هتقل عليكىتعليق
-
لا يابيرى أنتى تأمرى
أنا أكيد إن شاء الله هجيب التليفون وأنا اللى أعرفه انى فى باصات بس تبع الأهالى لأنى المدارس التجربية مش بيكون فى تباعها باصاتتعليق
-
ياسلام جيتولى في الوقت الصح ياحلوين
عاوزة اعرف بقى فين لينكات باقي الاجزاء عشان اشوف المدارس كله
عاوزة مدارس لغات في الجيزة يعنى المريوطيه او الدقي كده يعنى
والاسعار طبعا واهم حاجه السن
لان ملوكه بنتى يوم 1 اكتوبر هيكون عندها 4 سنين الا 24 يوم وكل المدارس اللى سالت فيها لحد دلوقتى رافضييين سنهااا
اللهم احفظ زوجي وبناتي واحفظني من كل مكروه ومن عين كل حاسد ووسع رزقنا
تعليق
-
ياريت كمان لو حد يعرف المصريه للغات في المريوطيه بتاخد من سن كام وسعرها كام يقوللى ابقى شاكره ليها اووووووووووى
اللهم احفظ زوجي وبناتي واحفظني من كل مكروه ومن عين كل حاسد ووسع رزقنا
تعليق
-
اهلا بيكي yomizo نورتي صفحتنا
في مدرسة بالمريوطية اسمها بلوم وده الموقع بتاعها الكل بيشكروا فيها وده موقعها
http://www.bloomschool.com/
بياخدوا النظام السيمي ناشونال علشان لوحبيتي بعد كدة التحويل للانترناشونال
وربنا يوفقك ويبراك لك في ملوكة يارب
التفاصيل موجودة في الجزء الثالثتعليق
-
مبرووووووك الجزء الجديد يا احلي امهات
وربنا يوفقنا كل وحده في المدرسه اللي تناسب طموحها وامكانيتها يارب
فيه ظاهره لما بدخل الملف ده بحس بيها وانا نفسي نصححها
مش معقول مفيش مدرسه كويسه اقل من 10 و 15 الف جنيه
طيب واللي عندهم اتنين وتلاته بيعملوا ايه ؟؟؟؟
وكل الاطباء والمهندسين وغيرها من الكليات الممتازة
كانوا خارجين من مدارس حكومه وبالكتير اوي اوي تجريبي وفي غايه الادب والاخلاق والتربيه
اللي انا موافقه عليه
ان المدارس من الفئه دي بيكون فيها اهتمام بالانشطه ومعامله لطيييييفه للطفل وشويه تظافه واهتمام باللغات
بس ده مش معناه ان باقي المدارس العكس
ومش عاوزين نرمي كل حاجه علي المدرسه وننس دور الاهل وهوه مهم جداااااااا
عاوزين نعمل في الجزء ده حاجه جديده بحيث اننا نخدم كل الناس
عاوزين نقسم الملف لمناطق
ونمسك كل منطقه
ونشوف افضل مدرسه تجريبي وافضل مدرسه خاصه
والمدارس بمختلف المستويات
وطبعا نتكلم عن الايجابيات قبل السلبيات
لان السلبيات احنا اللي بنخلقها او بمعني اصح
اطفالنا لو مش عليهم رقابه واهتمام منننا هيبقي المدرسه فيها سلبيات كتير حتي لو بندفعله 30 الف كل سنه
ياريت يا امهات نبدا الملف ده بوجهة نظر جديده
علشان الكل يستفيد
وفي الاخر كل وحده بتختار حسب الطريق الي هيا راسماه لابنها او بنتها
وياريت بردوه بلاش نتناقش في موضوع راهبات او رهبان هنا
عاوزين نناقشه يبقي في الملتقي الديني
لكن هنا عاوزين نجمع اكبر قدر من المعلومات عن المدارس اللي موجوده في كل منطقهتعليق
-
yomizo
بالدقي في مدرسة اسمها Dar El Tarbiah School
رقم 30 ش أمين الرافعي- الدقي
لو في حد في البنات يعرفها ياريت يقولنا عليهاتعليق
-
drmero معاكي حق في كلامك وانا اؤيدك
في حاجة كمان الموضوع عايز يتنظم يعني كل منطقة يوضع تحتها المدارس الخاصة بها والردود الخاصة بها لان الموضوع بقي سايح علي بعضه مش معقول كل ما حد عايز يدور علي مدرسة معينة في منطقة محددة يقرا كل الكلام ده
انا بتوه لما باجي ادور علي رد بخصوص مدرسة او اجيب عنوان ...كله دخل في بعضهتعليق
-
انا عاوزة مدارس لغات بس عشن الاسعار دى كده في الشااااطح اوى
اللهم احفظ زوجي وبناتي واحفظني من كل مكروه ومن عين كل حاسد ووسع رزقنا
تعليق
-
لو سمحتم انا جديدة فى الموقع وانا فى السعودية ونازلة شهر5 وساكنة فى مدينة نصر وجنب البيت فى مدرسة الرواد والقاهرة حد يعرف مستواهم ومصاريفهم كام انا اولادى حيكونوا فى الصف الخامس والصف الثانى الاعدادى ارجو الرد سريعا واشكركمتعليق
تعليق