مدارس مدارس............الجزء الرابع

[أم جورى]

مبرووووك يا ام فريده و يا سندس
و ربنا يباركلك فى بنتك يا ام فريده يا رب و يحفظهالك انتى و كل الأمهات
و ما شاء الله على بنتك يا ام جورى ربنا يخليهالك و يفرحك بيها دايما

مبرووووووووووك لكل اللى استقروا و عقبال الباقى

ميرسى يا مسلم

يا ترى انتى استقريتى على ايه

[أم جورى]

السلام عليكم ورحمة الله
لو سمحتوا انا عايزة حد يقولى على حضانة فى جسر السويس بتدى فرنساوى تكون فى حدود 400 شهريا تقريبا لو مسمحتوا

اهلا بيكى معانا منورة المنتدى
للأسف كان نفسى أساعدك بس انا معرفش حاجة خالص عن جسر السويس

استنى يمكن حد يفيدك

[زقزوقة و زقزوق]

ألف مبروك

شوفي يا ستي التقديم لسه فاتح لدلوقتي
هي طريقة مصريفها غريبة شوية
هي 9000 = كل حاجة حتى الاقلام الكرسات الكتب رسوم الرحلات والحفلات
يعني بتتدفعيهم وتنسي للسنة اللي بعدها
بس اليونيفورم هو اللي عليكي
بس مافيش اقساط بتدفعي كله مرة واحدة مع انترفيو الاب والام والابلكيشن 200

أنا متشكرة أوي يا أم فريدة
و ألف مبروك على التقديم و انك استقريتي خلاص و لاقيتي المدرسة اللي انت بتتمنيها ، و ألف مبروك كمان لأم سندس ، و كويس انكو بقيتوا حزب
و ادعيلنا بقى ربنا يوفقنا احنا كمان

[abeerbebo]

اعذرينى لجهلى ايه هو معمل الفوناتيكس

معمل الفوناتكس دا بيتعلمو فيه النطق بتاع اللغات وبيكون عبارة عن حواجز وكل طفل بيكون له المكان المخصص له وهيدفون عشان يسمع النطق السليم لكل حرف

[kouky5]

السلام عليكم ورحمة الله
لو سمحتوا انا عايزة حد يقولى على حضانة فى جسر السويس بتدى فرنساوى تكون فى حدود 400 شهريا تقريبا لو مسمحتوا

انا اسفة برضه معرفش حاجة هناك بس ممكن تضعي سؤالك في موضوع
ملف شامل عن الحضانات في مصر

http://www.lakii.com/vb/showthread.php?t=552748

وممكن حد هناك يعرف ويقولك

[زقزوقة و زقزوق]

عدم الخبرة

ازيكم يا امهات...
زقزوقه ... عود احمد
ام جورى .. مرسى على التليفونات هى معايا فعلا انا اخدتهم من الامن لما روحت المرة الى فاتت لكن فعلا بقالهم يومين محدش سائل فيه
رونى .. انا كنت عايزة اسأل على الانترفيو بتاع البنت علشان لقيتك قولتى ان فى امتحان تحديد مستوى فكنت عايزة اعرف دة سارى على KG2 كمان ولا ايه

المهم لما محدش سأل شديت الرحال وروحت قلت اروح على الساعة 1.30 علشان اشوف الاطفال وهم مروحين واسأل اولياء الامور

فعلا لما وصلت قالولى ان الانترفيو بيخلص الساعة 1
ولما سألتهم على التليفونات قالولى ان التيفونات هناك هوائى ودة بيخليها تعطل كتير يعنى تضرب فى السنترال مش عندهم وعلشان كدة الناس كلهم بيتكلموا على الموبايل بالتالى مشغول... مع ان لو ده السبب مايجيبوا عشرين خط الواحد منهم بسبعه جنيه

المهم اتكلمت مع مدرسة الكى جى ولما علقت على ان الاهتمام اكتر بـ كى جى قالت لى علشان يتأسسوا ... فقلت لها يعنى يتأسسوا فى كى جى و بع\ين يحصلهم دروب فى برايمرى ماعرفتش تجاوب وقالت انها مش بتطلع برايمرى واخرها كى جى

بس ماعرفتش اكمل فى البرايمرى لانهم كانو بيخروجوا

وبعدين سألت كذا ام وانا خارجة ...
اول وحدة كانت لهجتها تقريبا لبنانى او سورى قالت لى ان المدرسة فوضى جدا وكل هم المدرسين يجروا فى المنهج وانها بتتعب مع اولادها علشان يلاحقوا وان ليها طفلين فى كىجى وبرايمرى وانها نواية تنقلهم السنه الجاية وقالت لى ان صاحبتها نقلت ولادها السنه الى فاتت ودتهم الواحة وهم مبسوطين جدا هناك وهى كمان هتعمل كدة


وبعدين سألت اتنين تانين قالولى ان المدرسة كويسة والمدرسين كويسن وانها احسن حاجة فى المنطقة يعنى احسن من وايزنس و من الاورمان اكاديمى على حد قولهم
ولما سألتهم ان فى ناس بتقول ان الادارة فوضى قالولى ان اه يعنى شوية س يمكن علشان جديدة زى ماقالت ام جورى

بس هو دة التقرير بتاع النهاردة

ملاحظاتى ...
- الناس عاجباهم او مش عجباهم اكدوا على حكاية ضعف الادارة
انا حسيت ده فعلا لما لقيت ان كل الناس قاعدة فى الريسبشن اولياء امور وطلبه
- وانا مروحة لقيت فى الباص اطفال تقريبا كدة فى كى جى قاعدين جنب السواق قدام مع ان فى اماكن ورا وطبعا دة خطر ولقيت المشرفة قاعدة ورا
- حكاية الاهتمام بالكى جى مضيقانى لانى بنتى داخلة كى جى 2 يعنى كلها سنه والاقيها فى برايمرى وحاسة بالفرق
- الادارة هناك قالولى انى مش محتاجة اى ورق علشان احول بنتى لانها لسة كى جى على العكس من المصرية ومش عارفة مين فيهم الى نايم فى العسل

يعنى غالبا كدة انا نويت اصلى استخارة الاول لانى لسه قدامى وقت وبعدين واقرر بقى

ازيك يا طماطم وحشتيني

واضح من كل الكلام اللي فات عن جينيس في كل المشاركات
ان المشكلة الأساسية في جينيس هي ان الآدارة جديدة ، و مش عندهم خبرة كافية في كيفية ادارة المدرسة
عشان كدة حصلت كل السلبيات اللي احنا ذكرناها في كل المشاركات السابقة

طيب يا جماعة فيه سؤال :
هي ادارة المدرسة كلها جديدة ، و لا ادارة ابتدائي بس لأن الKG واضح انهم كويسين ؟
و هل أول سنة ليها كانت السنة اللي فاتت بس و لا قبل كدة ؟

[abeerbebo]

على فكرة يا ام فريدة انتى وام سندس فعلا الناس بتشكر جدااا فى مدرسة امجاد لسة واحدة قريبتنا قافلة معاية التليفون صحبتها بناتها هناك فى ثانوى وبتشكر فى علمهم وتربيتهم الدينية
فخير ليكو ان شاء الله
حبيت بس انقلكم اللى سمعته

[أم جورى]

مافيش غيرها بيحقق كل الي انا بتمناه انا زي ماقلت قبل كدة للبنات انا بنتي كانت في حضانة حلوة جدا تعليميا واخلاقيا بس الدين مش قوي كان كل حياتها رقص وغنى وما شابه وبعدين لما حسيت ان الموضوع ده بقى مش عاجبنا نقلتها حضانة جنى دان الاسلامية واذا بها تتحول لشخص اخر حفظت النبأ والنازعات ومعظم صغائر الصور وتقريبا كل الاذكار الخاصة بالاكل والنوم واللبس والمراية و الخروج والدخول والخلاء وغيرها واصبحت طول الوقت تتمتم بذكر الله وتذكرنا كمان وتعلمت الصلاة والوضوء والتشهد والتسبيح في الصلاه وكمان بتغني بس اناشيد اسلامية وكل دة في 5 شهور بس فطبعا اصريت من داخلي ان المدرسة تكون كدة برضوا مع الاهتمام ايضا بمستوى التعليم واللغة ولم يتحقق هذا الا في امجاد فهم يخيروكي في بداية العام كى جي 1 عاوزة تحفظي بنتك القران في 3 ولا 5 ولا 10 سنين ولا على مدار اعوام الدراسة على فكرة مهما كان البيت ملتزم وبنروح مساجد وبنصلي قدمها طول الوقت المدرسة ليها تاثير السحر على الاطفال بالذات في السن الصغير الطفل بيكون زي اسفنجة واللي هتحطيه عليها هواللي حتشربو و اهي فرصة انقذ فيها بنتي من حالة التناقض السائدة ودة لما يكون بيتها زى مدرستها زي كل معارفها

ماش اء الله ياأم فريدة ربنا يحفظهالك واسمحيلى اذكر تجربتى فى موضوع الدين

بنتى لما كانت فى كى جى 1 فى مدرسة الأورمان كانت تيتشر الدين ممتازة ما شاء الله كانت محفظهام اذكار كتيرة جدا وتقريبا نص جزء عم وانا فاكرة وقتها ان حلا اشتركت فى المسابقة لأنها كانت حافظة كويس أوى وفازت وادوها هدية عبارة عن مكعبات وهى عندها لغاية دلوقتى
لما نقلتها طبعا مش كل المدارس بتهتم بالدين أوى وخصوصا فى البرى
فأنا قلت حرام الحاجات اللى البنت حفظاها تضيع منها
فجبت ليها ولأخوها محفظة فى البيت من السنة اللى فاتت
وهما دلوقتى ما شاء الله
حلا حفظت جزء عم وتبارك وفى المدرسة أخدت قد سمع
و ابنى 5 سنوات أخد لحد سورة الليل وده طبعا مع المحفظة بالاضافة للمدرسة
يعنى احان يا جماعة مش لازم نعتمد على المدرسة بس
احنا اللى لازم نسعى لان بجد حلو أوى ان ابنك أو بنتك تكون حاملة لكتاب الله وتلبسك تاج الحلة والكرامة يوم القيامة
وعلى فكرة انا كنت بدرس فى معهد المشارى للقرأن والقراءات وأخدت للجزء العاشر بس ظروف الحمل منعتنى من انى اكمل للأسف
وفى كمان حاجة حلوة أوى للى ولادهم كبار شوية
وهى فكرة لتعويدهم وتشجيعهم على الصلاه
اسمها شجرة الصلاه وهى يا اما اسبوعية أو شهرية
فيها ورق بعدد فروض الصلاة يعنى لو مثلا اسبوعيه يبقى فيها 35 ورقة شجر
الزقيها على دولاب ابنك أو بنتك وكل ما يصلى فرض يلون ورقة شجرة بالأخضر
ولما ما يصليش يلونها بالأصفر وتيجى اخر الاسبوع وتشوفى الشجرة اخضر اكتر ولا أصفر وطبعا لازم يكون فى مكافأة أو هدية أو خروجة بيحبها مثلا لو الشجرة كلها خضرا
بجد فكرة هايلة جدا
وفى كمان مواقع اسلامية حلوة اوى للأطفال لقصص الأنبياء وحفظ القران
ما تركزوش على اللغات والاتيكيت وتنسوا اهم حاجة

[kouky5]

ام جوري

حلوة اوووي حكاية الشجرة دي ...جزاكي الله خيرا

[أم جورى]

ازيك يا طماطم وحشتيني

واضح من كل الكلام اللي فات عن جينيس في كل المشاركات
ان المشكلة الأساسية في جينيس هي ان الآدارة جديدة ، و مش عندهم خبرة كافية في كيفية ادارة المدرسة
عشان كدة حصلت كل السلبيات اللي احنا ذكرناها في كل المشاركات السابقة

طيب يا جماعة فيه سؤال :
هي ادارة المدرسة كلها جديدة ، و لا ادارة ابتدائي بس لأن الKG واضح انهم كويسين ؟
و هل أول سنة ليها كانت السنة اللي فاتت بس و لا قبل كدة ؟

ادارة الكى جى ما اتغيرتش من سنتين

هى كانت ميس غادة فى الأول اللى ماسكة دياموند دلوقتى وبعدها ميس مارى

[أم جورى]

معمل الفوناتكس دا بيتعلمو فيه النطق بتاع اللغات وبيكون عبارة عن حواجز وكل طفل بيكون له المكان المخصص له وهيدفون عشان يسمع النطق السليم لكل حرف

ممممممممممممم عرفت فعلا هما بيدخلوا اللب ويسمعوا الدروس
وكمان المدرسة بعتت شرايط فى أول السنة علشان الولاد يسمعوها فى البيت

[أم جورى]

ام جوري

حلوة اوووي حكاية الشجرة دي ...جزاكي الله خيرا

جزانا واياكى كوكى

[زقزوقة و زقزوق]

اعذرينى لجهلى ايه هو معمل الفوناتيكس

هو معمل اللغات ، و الفوناتيكس يعني علم الصوتيات

[abeerbebo]

جزاكى الله خيرا يا ام جورى بجد فكرة رائعة

[miama]

جزاك الله خير يا ام جوري