مدارس مدارس............الجزء الرابع

[ٍPossy]

معلش سامحيني على كتر أسئلتي

تسمحيللى ارد عليكى يا بوسى
انا شايفة ان كدة كويس اوى بالنسبة لكى جى ون انا ابنى السنة دى فى كى جى تو ولسة مبيكتبش كلمات لوحده يعنى ممكن ينقل لكن مش بيحفظ ويتملى فمتقلقيش موضوع الكتابة ده حيكون من برايميرى ون لكن المستوى اللى ولادك فيه دلوقت معقول جدا ومش حيبقوا اقل من زميلاهم ولا حاجة

يعني أفهم من كدا أنه مش ضروري يعرفوا شكل الكلمة أقصد :

لما مثلا أكتب لهم كلمة أرنب مش بيعرفوا يقروها ممكن يعرفوا كل حرف من حروف الكلمة على حدا أو مثلا لما أكتب Ball - Boy مش بيعرفوا يميزوا بين الكلمتين بس يعرفوا أن أول letter هو B

باختصار هو دا مستواهم فهل كدا يعتبر كويس أو حتى معقول ولا ضعيف بالنسبة للمدارس في مصر.

وعلى فكرة دا مستوى المنهج في مدرستهم في دبي يعني هم بياخدوا في ال Monthly Report Excellent , very good

معلش بتقل عليكي يا ريت تفيديني برأيك و تجربتك يا دينا و أسفة على الإطالة

[michelsadek]

رد على الافتراءات على مدرسة بى كرنك للغات

مدارس بي كرنك للغات
إدارة مصر الجديدة التعليمية .
- رداً على ما كُتب على ( النت ) من افتراءات :-






- إن المدرسة تحرص على:-
· تهيئة الجو الأُسرى للطفل بحيث لا يشعر أنه بعيد عن بيته وأهله وذلك بما توفّره له المدرسة من رعاية مثالية تتلاءم مع نفسية الطفل .
· نشاط مدرسي في كل مناسبة .
· حفلات مدرسية تربوية ...
· مسابقات ومكافآت لتنمية الحافز الابتكار والابداعى لدى الطفل .
· اكتشاف المواهب في شتى مجالات الفنون في سن مبكرة .
· إعطاء جرعة علمية تتناسب مع عمر الطفل .
· تطبيق قانون الثواب والعقاب حتى تستقيم نفسية الطفل تربوياً ويتم مؤاخذة أي مدرس إن تمادى في العقاب بطريقة لا تتفق مع سياسة المدرسة .
· نزع الخوف من نفسية الطفل وذلك للحرص على تنمية شخصيته .
· الحرص على أن يكون الطفل اجتماعياً يحب كل زملائه ومدرسيه وذلك بتوفير المحبة والمودة والإخاء .
· غرس القيم الروحية والدينية لدى الطفل لتكون سلاحه في حياته المستقبلية .
· وسياسة المدرسة منظمة مع أولياء الأمور بوجه عام وبخاصة ( أولياء أمور رياض الأطفال) .

فالمدرسة ترسل مواعيد بمقابلة أولياء الأمور بعد شهر من بدء الدراسة وذلك لنعطى فرصة كافية للمدرسات لمعرفة شخصية الطفل ومستوى تحصيله في الفصل حتى يمكنها الردّ عن أي استفسار من أولياء الأمور .
يتم إرسال بيان بمواعيد مقابلة المدرسات وذلك في أوقات عدم وجودهم في حصص . ونحن نلتزم بالمواعيد بالتمام .. وإذا تأخر ولى أمر عن الميعاد ولم يُقابل مدرسة ابنه فانه يُقابل السيدة المسئولة عن الأبناء في رياض الأطفال لسماع شكواه أو ملاحظاته ...

· كثافة الفصول لدينا في المتوسط ما بين 25 إلى 30 طفلاً ،،،
· نرسل كل خميس شيتات كواجبات فيم تم دراسته في خلال الأسبوع ويتم مناقشة الواجب مع الأبناء في الفصل قبل إرساله للبيت .
· يتم عمل تقييم للطفل كل فترة حتى تكون المدرسة مع البيت على معرفة بمستوى تحصيل الأبناء .. ويتم إرسال ورقة تقييم للعلم بالمستوى ثم يوضع في ملف الطفل في الفصل ،،،
· يتم إرسال شهادات مفصلة بمستوى الطفل العلمي وأيضا مستواه في المشاركة في الأنشطة المختلفة في الفصل .

[rony_83]

- رونى انتى قولتى انك كل اللى شوفتيهم فى اوراسكوم مسيحين أزاى اذا كان المدير بس اللى مسيحى و الباقى كله مسلمين ناظرة المدرسه و المدرسين و حتى الدادات؟
و قلتى كمان انك حسيتى انهم مش هيهتموا بالدين خالص بشكل مقصود ؟ يعنى ايه حتى مش هياخدوا الدين العادى اللى بياخدوه مدارس الحكومه !!
يا ريت توضحيلى أكتر علشان استقر . أنا اكتر حاجه عجبانى فى المدرسه هى النظام الجديد فى التدريس و موضوع اليوم الكامل ده. فى حاجه كمان انتى سألتى عن الأكتيفتيز؟ و أتفرجتى على المدرسه ؟ يا ريت تقوليلى رأيك. فى انتظارك

لا انا مقولتش ان الكل مسيحيين انا قلت ان اغلب الى قابلناهم من الرجال مسيحيين وبعدين انا مالفتش خالص فى المدرسة وكان مفيش حد فى الادارة الا السكرتير تقريبا لانه كان الخميس الى فيه عيد للمسيحيين وهوه مرديش يخلينا نتفرج على المدرسة خالص وبصراحة مساعدناش فى اى حاجة بس المدرسة مش عارفة شكلها مختلف ومفيهاش حتى شجرة الولاد يلعبوا فى ظلها بس برضه ده الى انا شفته من بره ملفيتش انتى فعلا كلامك عنها حلو وده الى خلانى اروحها بس النصيب بقى ان محدش فادنى يومها وبعدين كده المصاريف تعتبر زيادة يعنى 4500 ودى لازم لها الباص يبقى كل ولد هيدفع له متوسط 6000 كده هيبقى كتير عليه علشان كده انا مش بفكر حتى اروح اشوفها تانى

- بالنسبه لأخواتى الحلوين اللى ساكنين فى الرمايه و حدائق الأهرام أنا مستعده أشترك معاكم فى نقل الأولاد
مش لازم أحنا اللى نوديهم و نجبهم ممكن نتفق مع تاكسى مثلا متهيألى هيبقى اسرع لأن العدد هيبقى أقل و كلنا جنب بعض. أيه رأيكم؟
أنا لحد دلوقتى مش عارفه مين بالظبط اللى فى الرمايه و حدائق الأهرام متهيألى رونى فى الرمايه و طماطم فى حدائق الأهرام. صح كده؟ هل من مزيد
ايوه ياقمر انا ساكنة فى الرماية ومعايا عربية وممكن انا اودى او اجيب مع اى حد بالتبادل احسن من تحكم التاكسيات

- بصراحه يا جماعه انا كنت مبهوره بالمصريه لشكر ناس كتيره فيها بس انا دلوقتى شايفه انها عاديه. و الأهتمام بالدين عادى برده أنا كنت فاكره انهم بيحفظوهم فى المدرسه و يجوا حافظين لو انا اللى هحفظ البنت فى البيت او هجبلها محفظه يبقى موضوع الحفظ فى المدرسه ملوش لازمه
فعلا انا رايى كده كمان القران له شيخ يحفظ الولاد يوم الخميس او الجمعة فى الدراسة وانا فعلا عاملة كده واللعب والسباحة فى النادى يعنى كل حاجة المفروض يبقى لها وقتها واغلب المدارس الى بتقول انشطة كله بتمنه ومفيهاش فايدة مرجوة يعنى الافضل اننا نركز على الجانب التعليمى والاخلاقى لمدرسة لان محدش بيتعلم الرياضة من المدرسة لكن من النادى يعنى انا شوية بأومن بالتخصص

و بعدين موضوع ان فيه كويز و أملاء عربى و انجليش كل اسبوع ده العادى و اللى المفروض يحصل فى كل المدارس و لو مبيعملوش كده يبقى بيهرجوا و كنت فاكره ان فيه اهتمام بالأنشطه لقيتها برده عاديه و انا بتكلم عن الأنشطه العاديه يعنى كمبيوتر - رسم - موسيقى - حصص الألعاب العاديه !!!!! مش مهم السباحه و الكاراتيه و الحاجات ديه انا كده كده هوديها نادى الرمايه ان شاء الله بس يا رب اسعاره تطلع كويسه
فعلا كل المدارس كده حتى مدرسة ابنى التجريبى كل اسبوع بيمتحنوه وده مش جديد
نادى الرماية انا شفت السباحة فيه معجبنيش خالص حمام السباحة لانه مفتوح للناس ب 5ج فاى حد بيدخل وينزل وبقية اللعب مش وحشة بس المشكلة العدد ربنا يكرم والولاد كلهم يستفادوا بحاجة فى الصيف

انا ان شاء الله نويت على جينيس بس لسه عاوزة اروح علشان اضمن انهم هيقبلوا الكبير تحويل ادعو لى ربنا يوفقنى للخير

وربنا يرحمنا و منه لله اللى كان السبب فى فشل التعليم و انحداره بهذا الشكل [/QUOTE]
أمين

[noga76]

ازيك يا نوجا
بصى يا جميلة,زى ما قالولك فى المنتدى....فعلا موضوع الدروس ده استسهال أمهات,أو أم مواعيدها مش سامحة تقعد مع أولادها...
فى المصرية فعلا فيه طلبة فى ابتدائى بياخدوا دروس,لكن مششششششششش مع مدرسين المدرسة لأن الادارة بتعمل كنترول جامد على الموضوع ده و المديرة بنفسها بتتابع الحكاية دى. فلو انتى عندك الوقت و طولة البال,طبعا مافيش داعى للدروس و وجع الدماغ.و الله الواحد بيستعجب...........انا أخدت دروس فى ثانوية عامة,عشان ثانوية عامة....انما ابتدائى ايه اللى ياخدوا فيه دروس ده؟؟؟!!!؟؟؟؟ و بعدين ما شاء الله...المصرية مش بيقبلوا حد الا اذا كان كويس جدا فى مادته و بالتالى مدرسين المرسة بيعملوا اللى عليهم و زيادة,الباقى بقى على البيت و التلميذ.

و بالنسبة للباص,مافيش تكييف للأسف, وده فى كل المدارس الناشيونال.
بالنسبة لنزول البيسين,اختيارى.....لو مش عايزة,بتقولى لأ. لكن بيبقى معاهم اشراف كفاية و أصلا بينزلوهم بيسين أفال على أدهم خالص

شكرا ليكى على اهتمامك و الحمد لله ان المصرية فيها الكنترول ده.
انا معاكى طبعا دروس ايه دى الى من ابتدائى!!!!!!!!!! الواحد فعلا مخدش الا فى ثانوية عامه.

[noga76]

nour5700
اخبارك ايه ؟ انا عارفه ان نتيجة الانترفيو النهاردة ايه الاخبار ؟ ان شاء الله تطمنى على بنتك.

[ياسمين10]

[quote=زقزوقة و زقزوق;7982972]

ربنا معاكي يا ياسمين

بس اللي أعرفه من خلال تجربة قريبتي ، ان هي السنة اللي فاتت كانت لسة أول سنة قسم E ، و كان مستواها قليل جدا ، لأن البنت كانت بتاخد حاجات بسيطة قوي ، و عامل الخبرة في E ما كانش موجود ، و مكانش في لغة تانية في KG ، و السنة دي نقلتها بايونير فحست بفرق رهيب في المستوى في كل شيء ، و الكلام ده على لسانها

أنا قولتلك كل اللي أعرفه ، و حاولي تسألي أولياء أمور في المدرسة عشان تتأكدي اذا كان في تحسن فعلا في المستوى ولا لأ

و ربنا معاكي و يوفقك للأصلح ان شاء الله

لا يازقزوقة هما فاتحين من خمس سنين وانا بصراحة رحت وشفت بنفسى كانو عاملين اوبن داى وحضرت داخل الكلاس يعنى مش سمعت بس وشفت طريقة الشرح للمدرسات وبصراحة الحق يقال هما بازلين مجهود حلو مع الولاد ومستوى الأطفال مش وحش ويكفى ان العدد 20 طفل...وانا عن نفسى مش حابه لغة تانيه من كى جى والا تلاقى الدنيا ساحت عند الطفل.... وربنا يسهل واكون احسنت الأختيار
بس هو دايما عمر الناس مابتتفق على حاجة وممكن اللى يعجبنى مايعجب غيرى وربنا يوفقنا جميعا للخير

[ياسمين10]

السلام عليكم يا حلوين اذيكم
عندى مشكلة وعاوزة رايكم
انا بنتى هتدخل بيبى كلاس وطبعا بيخرجوا بدرى الساعة1
وانا بشتغل وبخلص شغل الساعة 4
احلها اذاى بقى
وجزاكم اللة خيرا

ممكن تشوفى اقرب حضانه للمدرسة وتشركيها فيها وحد من الحضانة بيروح ياخدها وانت ترجعى على الحضانة تاخديها والحضاته افضل من شغالة بكتير ومن انها تكون فى المدرسة ...لانك حترجعى تلاقيها اتغدت وممكن تنام فى الحضانة دة غير فى ايام الشتا الحضانة بيتكون افضل لانى ان عن نفسى فكرت فى كل البدائل ولقيت الحضانة افضل حاجة... وتاكدى ان شغالة بدون رقابه منك استحالة

[nour5700]

باركولى الحمد لله نور بنتى فى المصريه للغات بأذن الله
ومن هنا لقد بدأت رحله العذااااااااااااب
الحمد لله المدرسه لسه قايله انها اتقبلت

[ياسمين10]

باركولى الحمد لله نور بنتى فى المصريه للغات بأذن الله
ومن هنا لقد بدأت رحله العذااااااااااااب
الحمد لله المدرسه لسه قايله انها اتقبلت

الف الف مبروك وربنا يوفق يارب

[الاميرة طماطم]

أنا روحت النهارده دار الهدى - المنار الحديثه - محرم الأسلاميه
سألت أولياء أمور و كلمت ادارة المدرسه
بالنسبه لدار الهدى : الأمهات شكروا فى السلوكيات و مستوى التعليم و قالوا انه العادى مش أقل و مش اكتر و فى تعاون من ادارة المدرسه لما يبقى فيه شكوى و لا حاجه. كثافة التلاميذ فى الفصل بالنسبه لكى جى ممكن توصل حاجه و تلاتين و بتقل فى ابتدائى و اعدادى. بيفصلوا بنات عن أولاد
الوحش بقى ان المدرسه كئيبه جدا مبانى وحشه اوى و مضلمه و غير جيدة التهويه و فصول ضيقه. يعنى خنقه بصراحه

- المنار الحديثه مدخلناش لأكتر من الريسيبشن و الهانم المسئوله حتى مكلفتش خاطره تكلمنا فيس تو فيس كلمتنا بالتليفون و مرضوش نتفرج على المدرسه قالوا بعد الدراسه و بصراحه غير مرحبين و كأنهم بيقولوا امشوا احنا مش عاوزين حد. لكن فى المبانى هى انظف من دار الهدى بس انا مشفتهاش من جوه علشان كده مقدرش أحكم أوى و الناس شكروا فى مستواها التعليمى

- محرم الأسلاميه : هى احسن حاجه انا شوفتها النهارده المدرسه مبانيها حلوه و مشمسه و الأطفال شكلهم نضيف و الأمهات اللى سألتهم أولادهم فى مراحل تعليم مختلفه و كلهم شكروا فيها و بأهتمامهم بالدين و تحفيظ القرأن و السلوكيان و الأنشطه العاديه و فصل البنات عن الأولاد و ان الأداره متعاونه و المستوى التعليمى كويسو منهج الأنجليش برايت ستار وده من المناهج القويه

عموما انا عملت ابلكيشن هناك ب 50 جنيه لا ترد و المصاريف العام الماضى كانت 3000 بالكتب + 300 يونيفورم + 1300 باص يعنى 4600 و العام ده هتبقى ازيد تقريبا فى حدود ال 10 فى الميه - على فكره المصاريف ديه لرابعه ابتدائى

و ديه نتيجة جولتى النهارده و عن قريب ان شاء الله اروح حفر الباطن - الوادى - المصريه

بالنسبة لدار الهدى انا اسقطها تماما من حساباتى لانى عرفت انهم بيدو فرنش من رابعة ابتدائى

بالنسبة لمحرم والله انا شايفة ان عيبها الوحيد هو الكثافة
لكن ليها مميزات تانية كتير
اولا مستواها علميا زى المصرية وجينيس
ثانيا قريبة وليها مواصلات معروفة يعنى ممكن تكونى مش محتاجة الباص وتودى ابنك وتجيبية بنفسك
ثالثا فيها حفظ وتجويد القرأن فى المدرسة
يبقى كدة مش فاضل عير الانشطة

بس انا الى لفت نظرى فى كلامك حكاية ال50 جنيه دى مش كدة دة دليل استغلال ولا ايه

ياريت يا مسلم تشوفى السى دى وتكلمينا تانى عنها ولو قدرتى ترفعيها يكون شئ عظيم

شكرا ليكي يا حبيبتي على سرعة ردك عليا وفعلا إنت نورت المحكمة
والله إنت أفدتيني و خوفتيني في نفس الوقت لأن الولاد في مدرسة أمريكي في دبي وفعلا أخذوا نفس إللي قولتيه في الإنجلش بس

إنما في العربي : مفيش كتابة كلمات لكن طبعا معرفة الحروف وكتابتها والربط بين ا لحرف و الكلمة كل دا تمام

بالنسبة للماث: يعرفوا يعدوا أورال لحد 20و يكتبوا لحد 10 أنما طبعا لحد الآن مفيش لا جمع و لا طرح

بالنسبة للمحادثة يعني هما معقولين يعني الجمل البسيطة دي عارفنها كويس


بس دا معناه إن هما محتاجين تقوية ولا أستنى هما لسة أدامهم شهر بالضبط ويخلصوا


أصلي أنا خايفة يدخلوا KG2 , ومستواهم يكون أقل من زمايلهم بالذات في الكتابة ولا الموضوع مش مستاهل قلق ولا إيه رأيك ؟

بصى هو بالنسبة للعربى المفروض رسمى ان الاولاد يكونو عارفين الحروف بس مش بيكتبوا كلمات لكن دى بتبقى زيادات المدرسة بتعملها

بالنسبة للماس الرسمى بردة لغاية 20 اورال وريتن (دة الى فى الكتاب) لكن الكتاب بتاع بنتى برده فى جمع وطرح لغاية 10

وانا شايفة ان اولادك مستواهم كويس ومفيش مشكلة لو حاولتى تزودى معلوماتهم برده

[الاميرة طماطم]

ام جورى

النقل الكتير بين المدارس زى ما عملت دة مش بيأثر على الاولاد نفسيا ..من حيث ارتباطهم بالمدرسة والمدرسين واصحابهم ولا ايه

[muslium]

- شكرا يا رونى على ردك . أنتى رسيتى على اى مدرسه؟

- طماطم مش مهم ال 50 جنيه فى مدارس تانيه سمعت انهم بياخدوا ب 300 جنيه و برده لا ترد. يعنى انا شايفه انها مش نقطه مهمه اوى. كلامك عن الباص و سهولة المواصلات صحيح جدا و انا معاكى فيه. أنتى ساكنه فين فى الرمايه زى حالاتنا و لا ايه؟
و بالنسبه للسى دى هرفعها و احطولكم اللينك

- ياسمين 10 و زقزوقه معلش دخلت فى كلامكم هو انتم بتتكلموا على اى مدرسه بالظبط؟

[muslium]

يا جماعه انا لسه محتاره

أزور حفر الباطن و الوادى و المصريه ؟
مفيش مدارس تانيه نسأل عليها؟

- فى مدرسه فى الرمايه اسمها Giza language school حاولت اعرف عنوانها او رقم تليفونها مأمكنش حد سمع عنها؟

- هل فى مدارس تانيه مثلا فى طريق الواحات او اسكندرسه الصحراوى و مصاريفها معقوله و مستواها كويس ؟

** حصر لمدارس فيصل و الهرم:
- المصريه
- حفر الباطن
- الوادى
- جينيس
- محرم الأسلاميه
- دار الهدى
- المنار الحديثه
- أوراسكوم
- مجمع القوميات 6 أكتوبر

هل من مزيد ؟

بفكر يا جماعه أن كل واحده فينا تاخد مدرسه او اتنين و تجمع كل المشاركات اللى اكتبت عنها و تحطها فى مشاركه واحده او نحطها فى جروب أمهات فيصل و الهرم على الفيس بوك علشان تكون مرجع لكل الأمهات و حسنه جاريه ان شاء الله
ايه رأيكم مين معايا؟

[الاميرة طماطم]

- شكرا يا رونى على ردك . أنتى رسيتى على اى مدرسه؟

- طماطم مش مهم ال 50 جنيه فى مدارس تانيه سمعت انهم بياخدوا ب 300 جنيه و برده لا ترد. يعنى انا شايفه انها مش نقطه مهمه اوى. كلامك عن الباص و سهولة المواصلات صحيح جدا و انا معاكى فيه. أنتى ساكنه فين فى الرمايه زى حالاتنا و لا ايه؟
و بالنسبه للسى دى هرفعها و احطولكم اللينك

- ياسمين 10 و زقزوقه معلش دخلت فى كلامكم هو انتم بتتكلموا على اى مدرسه بالظبط؟

والله يا مسلم هى مش فكرة المبلغ كام هى مسألة مبدأ يعنى بس علشان اشوف المدرسة ومش املى ابليكشن ادفع فلوس هل معنى كدة ان كل خطوة فى المدرسة بعد كدة بتمنها ولا ايه

وعلى فكرة انا ساكنة فى اخر شارع الهرم عند نادى قصر الاهرام

وشكرا على السى دى مقدما جزاك الله خيرا

[بطرس كرم]

مدارس بى كرنك للغات افضل مدارس مصر الجديدة كلها
علميا وادبيا وكيفية التعامل مع الطلبة انها تتعامل معهم باسلوب علمى تربوى ولعل السبب فى ذلك هو ان ادارة المدرسة تعمل فى المجال التربوى اكثر من ثلاثون عام وانا عن تجربة فى هذة المدارس فلى ابنتان فى هذة المدرسة وان هذة المدرسةلها كثير من الامتيازات التى جعلت منها دائما الاولى على مدارس مصر الجديدة التعليمية فى جميع المسابقات وعلى راسها مسابقات اوئل الطلبة وهى التى توضح تفوق المدرسة علميا التى دائما مداس بى كرنك تحقق فيها نتائج مبهرة فى جميع مراحلها من المرحلة الابتدائية حتى الثانوية العامة ومن خلال تعاملى مع المدرسة لاحظت ان سبب تقدم وازدهار المدرسة عدة عوامل وهى :
اولا :مديرة مدرسة :فهى استاذة تربوية لها خبرة عظيمة فى المجال التربوى فهى تهتم بكل كبيرة وصغيرة فى المدرسة ومنها على سبيل المثال لا على سبيل الحصر
حضورها قبل الطابور الصباحى و اهتمامها منذ البداية بالاذاعة المدرسية لعلمها التربوى ان اهمية الاذاعة المدرسية كتنشيط لمعلومات الطلبة فى جميع اللغات (عربى _انجليزى _ فرنسى) وتنشيطهم رياضيا حتى يكون العقل السليم فى الجسم السليم
واشراف مديرة المدرسة على كل شى فى المدرسة فى فهى تعامل الطلبة كانهم اولاد واحفادا لها وان كان لك ان تتاكدمن حب الطلبة فاحضر حفل خريجى مداس الكرنك وشاهد مدى الحب بين الطلبة القدامى ومديرة المدرسة وكيفية معاملتهم لها
ثانيا : وكيل مدرسة :على درجة عالية من الخبرة فى مجال الادرة على مستوى محافظة القاهرة وهذا مما مكنة من التعامل مع موسسة تعليمية بهذا الحجم على درجة عالية من الدقة
ثالثا _ رؤساء اقسام:نادرا وتحدى ان يتجمع كل هؤلاء روساء الاقسام فىمدرسة واحدة فكلهم على درجة عالية من الخبرة العلمية كل منهما فى مادتة فخبرة كل منهما اكثر من ثلاثين عاما مما تمكنة من التعامل مع المدرسين وكيفية تدريبهم واعطائهم الارشادات التعليمية السليمة
رابعا : هيئة تدريس:وهى معجزة ان تتجمع هيئة تدرسةعلى مستوى عالى علميا وتربويا فى جميع المواد ودرجة عالية من الثقافة العامة والسبب فى ذلك هو عند اختيار المدرس الذى يعمل فى المدرسة يخضع لعدة اختبارات فى غاية الصعوبة حتى يتهيا للعمل فى هذة المدرسة العريقة

خامسا:انها اول مدرسة اجدها تتعامل فى مجال الشيتات الاسبوعية وهى عبارة عن مراجعة اسبوعية مع الطلبة لتمكنهم من مراجعة ما درسوة خلال اسبوع فى جميع المواد حتى تعودهم فى كيفية التعامل مع اسئلة الامتحانات
سادسا:اداءات اسبوعية وامتحنات شهرية فاصبح الطالب لايهاب من امتحان اخر العام
سابعا : حب الطلبة للمدرسة فى المدرسة الوحيدة التى يذهب اليها الطلبة لاخر يوم فى الدراسة وحتى فى ايام الاجازات تفتح المدرسة ابوابها للطلبة لممارسة الانشطة المختلفة
ثامنا : مناهج بى كرنك للغات خاصة اللغات مختارة بعناية فائقة وتلاحظ هذا فى ابنائك فهم يتحدثون اللغة بطلاقة سواء الانجليزية او الفرنسية او المواد التى تدرس باللغة الانجليزية
تاسعا : المدرسة الوحيدة التى توزع الكتب والكشاكيل على الطلبة قبل بدا العام الدراسى حتى يتسنى للطالب الدراسة من اول يوم


شكر من القلب لمدارس بى كرنك
بطرس كرم والى امر طالبتان المدرسة